What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 13:00

https://www.facebook.com/1411892215495155/

Dr Chantal Saade Khalil

Home
Lebanon
Beirut
Dr Chantal Saade Khalil

PHD in Human Resources, MasterII Degree Accompagnement Psychosomatique, Public Health , Lebanese University. Specialist in Child and Newborn Care.

Founder & Control Manager at Patient Health Care s.a.r.l,
Awareness Program Director (kids and family issues) on TV: OTV channel since 2012 till now, Tele Lumiere, on Radios: Sawt Al Ghad, Voice of Charity.

23/04/2026

هالشخصين المسعف 🧑‍🚒والصحافي👷 أخطر أنواع المجرمين‼️ الأول حامل دمّو ع كفّو تينقذ حياة ما بتعرف تفرّق بين لون ومذهب وإنتماء والتاني سلاحو ميكروفون ينقل وجع الناس صوت وصورة ولو بقلب الأخطار.... جريمتن هالقد كبيرة ⛔ كفى إجرام‼️‼️‼️ كفى إغتيال للإنسانية... إلى متى⁉️⁉️⁉️

21/04/2026

🧑‍💼بيِّ وشو بعد صوتنا قادر يعمل بهالبلد؟ أولك يا بيِّ بعد فيه أمل؟
حاسس حالي ضايع بكل هالفوضى...
موجوع وش عارف شو عم يوجعني...
🧔بفهم شعورك يا إبني! بس سمعني منيح شو بدّي قلّك. مش دايماً يا بيِّ الضجيج والصوت العالي هنِّ الموقف الصحّ، أوقات يا بيِّ إنك تعرف توقف بحكمة بمحلّ بيشبه وعيك ولو ما كان فيه كتير زقفات وتقول لأ ما رح إقبل كون نسخة مبرمجة بتحكي بحسب شو لقّنوها...هيدي بحدّ ذاتا شجاعة يا بيِّ وموقف أعلى من كل الأصوات والضجيج!
إنك ما تخلّي الاصطفافات العميا تحجب بصيرتك ولا موروثات الحقد تحرّك أحشاءك ...هيدي بحد ذاتا شجاعة ومقاومة!
إنك تعيد النظر بكل كلمة قبل ما تقولا حتى لو شفت الكل عم يتسابقوا من حولك ليحشدوا الجموع وتختار الترّوي والحكمة بدل الشعبوية...هيدي شجاعة!
إنك ما تبيع ضميرك ولو كانت الصفقة مربحة وتتذكر شو نفع الإنسان لو ربح العالم وخسر نفسو، وإنك ما تأجّر إنسانيتك ولا إنتماءك لزعيم أو لشعار بيلمع من برّا وبالباطن بخبّي وثيقة بيع وشراء ع حساب الأضعف...هيدي شجاعة!
إنك تعرف بين الأبيض والأسود فيه ألوان تانية وإنو ما حدا منّا بيملك حصرياً كل الحقيقة وهيدا أبداً ما بيعني إنك تسكت عن الحقّ وتكون خاضع بس تعرف بذات الوقت تستعمل الحكمة والوعي بكل كلمة أو عمل...هيدي شجاعة!
إنك تحافظ على هوية إنسان ويبقى فكرك حرّ ومش مرتهن...إنك ترفض تكون وقود جاهز ومبرمج لإشعال نار الفتنة، إنك ما تخاف تغضب بس ما تخلّي غضبك يعميك، إنك ما تخاف تحزن بس ما تخلّي حزنك يمنعك تشوف كمان أحزان الناس لحواليك!
مبلا يا بيِّ إنتَ وكل واحد منّا قادر يعمل فرق. لأ ما رح نخلّي أصوات التيئيس رغم كل الوجع تسكّت ضجيج الحياة لفينا...مبلا يا بيِّ قادرين نكون ثقافة حياة بوجّ الموت، وثقافة وعي ومسؤولية بوجّ اللامسؤولية!
#وطننا #أمانة #يارب #احمي #لبنان #وامنح #العالم #السلام

17/04/2026

🧑 بيِّ قالوا خلصت الحرب بس ما عم فيِّ صدّق! ما بقى عارف شو عم حسّ، مش عارف الحقّ ع مين كان بهالحرب، كل ما إقرا خبر أو إسمع نقد بحسّ كإنو صرنا معسكرين ضدّ بعضنا ظالمين ضد مظلومين! صرت إنأذ من الناس!
🧔حاسس فيك يا إبني! الخوف وفقدان الأمان بعدن عم بحركوا عند كل حدا منّا مشاعر كتيرة وهالشي مش غلط بس الخطر لمّا نبلّش نتعامل مع بعض كفئات وما نشوف التاني كفرد ونبلّش نعلّب الآخر ونصنفو فبصير هيّن علينا نتمنالو الأذية ونلاقي مبرّرات للعنف المعقول يتعرضلو... هيدا يا بيِّ الخطر الحقيقي، هيدا يلّي بٍسَمّو فتنة...
كرمال هيك بدّي منك يا إبني رغم كل الوجع لعم نختبرو ما تخلّي رواسب الحرب تخسرك إنسانيتك، هلأ الوعي يا بيِّ مش خيار هو واجب ومسؤولية علينا كلنا...
إنتو شباب هالوطن، الشباب لمثقفة يلّي هلأ الوقت تبنوا جسور وتكونوا من صنّاع الحياة وترفضوا تكونوا من حفّارين القبور، هلأ الوقت يا إبني نرفض نشوف الآخر فئة وبس أو حتى نختصرو ونصبغو بكلمة أو صفة وحدة، هلأ الوقت نروق ع بعضنا، نحترم خوفنا يلّي بعدو مكبّلنا وما ننسى هويتنا الأساسية "إنسان"...
لبنان بحاجة إلكن يا بيِّ! إنتوا شريانو النابض أوعى تنجرّوا ليلّي عم بخبروكم ياه، شفنا يا بيِّ كيف التاريخ عم بضلّ يعيد حالو والنزف عم يكبر لإن ما عم نتعلّم دروسنا... كونوا أشطر منّا، تعلّموا الدرس الأهم "وطنّا بساعنا كلنا" كلنا إخوة بقلب الوطن لو شو ما كانت إختلافاتنا ومين قال الإختلاف هو تهديد؟ أوعى يا بيِّ تنقسموا نحنا الطيبين وهنِّ الأشرار، كلنا علينا مسؤولية! هيدي القسمة يا بيِّ ما بتوّلد غير شعور وهمي بالسيطرة وبتخليك تقول كلام ما بيشبه هويتك ولا إنسانيتك، إنتَ يلّي الرب وصاك تكون ملح ونور بقلب هالعالم. خلّينا يا بيِّ ننتبه ع آلياتنا الدفاعية وع خوفنا كيف عم بحرّكنا...
انشالله يا بيِّ تكون فعلاً خلصت الحرب بس الوجع يا بيِّ ما رح يخلص، الضحكة ما رح ترجع متل قبل، لراح ما رح يرجع أدّ ما قلنالو "يا إبني رجاع، خلصت الحرب! رجاع صار فيك ترجع!" وأدّ ما صرّخنا "ردّولي إبني شتقت ضمّو وشمّْ ريحتو "... بكفّي قسى يا إبني، بكفّي كره وكسر قلوب... يمكن ما منعرف مين لتاجر وباع الوطن بس كلنا منعرف وشفنا مين لبكي ونكسر قلبو وخسر روحو وإذا يا بيِّ ما وقفنا وبلحظة وعي راجعنا لعم بصير يمكن ما يبقى شي نبكي عليه ونخسر قصة وطن... نخسر كل شي...
أوعى يا بيِّ لبنان متّكل عليكم، إنتو شبابو، إنتو وعيو...أوعى تتعوّدوا ع ريحة الموت... صدقني يا بيِّ إذا إنتوا الشباب انتبهتوا تكونوا مساحة أمان بظلّ هالفوضى وما سمحتوا للحقد يتغلغل ع قلوبكم ويشلّ تفكيركم ويمنعكم من رؤية الآخر كإنسان هيك ومعكم بيرجع عنّا أمل وطنا يروح صوب التوازن وصعابو يواجه ويجتازُن!
تذكروا يا بيِّ حتى التاريخ ما يعيد نفسو لازم نحنا ما نعيد أخطاء الماضي. علّي راسك يا إبني لبنان متّكل عليك وع كل فرد فيه تتكونوا رُسل سلام: «مَا أَجْمَلَ أَقْدَامَ الْمُبَشِّرِينَ بِالسَّلاَمِ، الْمُبَشِّرِينَ بِالْخَيْرَاتِ»." (رو 10: 15).

13/04/2026

علّمونا "الكلام ما عليه جمرك"‼️مش مظبوط ما بعمرا الحرب بتبدا بالصواريخ، بتبدا ب"الكلمات المتفجرة" لمن خلالها بتتحوّل الأحرف والتعليقات القاسية لشظايا بتسبب ألم نفسي بيشبه دمار الانفجارات الحقيقية. بهالأزمنة الصعبة وَعْينا مش مجرّد موقف نبيل، وَعْينا واجب ومسؤولية أمام حجم الوجع الإنساني يلّي كلنا سوا عم نختبرو كبار أو صغار... هيدا يلّي رح ننقلو لولادنا كيف يتعاملوا بوقت الشدّة مع حالن ومع غيرن وكيف ما يخسروا إنسانيتن رغم الوجع... يا هيك هالمرّة رح نبني وطن ونربّي أجيال بتساعد بعضا ما بتخاف من بعضا يا رح نضل ننتج ذات التاريخ: قصة وطن نبنى ع خطابات الخوف والتقسيم ورح يبقى وطنا مخلّع... ما حدا يقول شو وقفت عليي⁉️ إيه وقفت ع كل واحد منا... وطنا مسؤوليتنا ‼️
خلّينا نتكاتف ونوقف حد بعض مش ضد بعض ونحمل سلاح واحد سلاح المحبة لنكون رسل محبة وتلاميذ للرب لقلنا "قَدْ كَلَّمْتُكُمْ بِهَذَا لِيَكُونَ لَكُمْ فِيَّ سَلاَمٌ. فِي الْعَالَمِ سَيَكُونُ لَكُمْ ضِيقٌ، وَلكِنْ ثِقُوا: أَنَا قَدْ غَلَبْتُ الْعَالَمَ»." (يو 16: 33).
الكل بيستحق الأمان من دون أي استثناء. انتبهوا ع خطابكم، انتبهوا ع غضبكم وخلّيه غضب مقدّس مبني على وعي مش كراهية "لِيَكُنْ كَلَامُكُمْ كُلَّ حِينٍ بِنِعْمَةٍ، مُصْلَحًا بِمِلْحٍ، لِتَعْلَمُوا كَيْفَ يَجِبُ أَنْ تُجَاوِبُوا كُلَّ وَاحِدٍ." (كو 4: 6).
الحب بيبني والحقد بدمّر.... ما بدنا حرب.... بدنا السلام... سلامك يا رب 🙏
🙏يا رب بهالأزمنة الصعبة عطينا نكون صورتك الحلوة بقلب هالفوضى وهالدمار 🙏

#من #أجل #لبنان #نصلي
#وطننا #أمانة #يارب #احمي #لبنان #وامنح #العالم #السلام
#كفانا #حروب #كفانا #دمار
#الله #يحمي #الجميع

13/04/2026

✍️لبنان يا بلدي واقف اليوم قدامك وما بعرف شو بدي قلك... بحبك ولّا بكرهك، زعلان عليك ولّا زعلان منك...خايف عليك ولّا خايف منك ما بعرف؟!... حاسس إني غريب بقلبك يا وطني... من وأنا وصغير كبرت وإنتَ حلمي وبقي هالحلم يتكسّر قدام عيوني ويوّجعني مع كل كسرة... بس يمكن إنتَ ما ذنبك يا وطني... إنتَ حلو، إنتَ قلب الله بس نحنا يلي ما عرفنا نهتم فيك، خزقناك ١٠٠ شقفة و ١٠٠ لون ع قيساتنا الضيقة، وحوّلنا ترابك المقدس لساحة معركة بإسم الدين والطوايف وخطابات الخوف لخلّتنا بدل جسور الأخوّة نبني مقابر مزينة بالتوابيت البيضا، إيه بإسم الله قتلناك، فجّرناك وهشمناك... والله بريئ من كل هالإتهامات... حتى الله فصّلناه ع قياسات بترضينا وبتستر غطرستنا ولاإنسانيتنا... ولك شو منعرف عن الله؟؟؟؟ تاجرنا فيك وبعناك ب ٣٠ من الفضة وبعد كل هالألم ما تعلّمنا شي، بعدا خطابات التقسيم وبعدنا كل يوم عم نشتري ونبيع ونألّه الزعيم ونمشي ورا القطيع وعيون القلب مغمضين...وشو بعد فِيَّ قلّك... سلامة قلبك يا وطني... أولك رح نوعى من غفوتنا، أولك بعد كل هالصدمات لإلنا سنين عايشينا نحنا وولادنا رح نمنع التاريخ يعيد نفسو، يحكي ذات الحكاية بقلم الدم والتفرقة ويخلينا دُمى مبرمجة بحركوها كيف ما بدن خلف شعارات سياسية، طائفية، أمنية وغيرها كتير... أولك رح نستعيد فكرنا وعزّتنا ونقبل نشافي وعينا الجمعي من صدمات أنهكت مرونتو وقدرتو ع الوعي والتمييز بحياد؟ كل لبعرفو يا وطني إنك هالقد حلو وما بتستاهل إلّا كل خير! إنك هالقد قلب الله، الله المحبة وبإسمو القدوس هالأزمة هلأ صعبة بس رح تعدّي!
🙏أليس في مدة يسيرة جدا يتحول لبنان بستانا والبستان يحسب وعرا (آشعيا ١٧:٢٩)

🙏الصدّيق كالنخلة يزهو كالارز في لبنان ينمو (مز ١٢:٩٢)

🙏تشبع اشجار الرب ارز لبنان الذي نصبه(مز ١٦:١٠٤)

🙏هلمي معي من لبنان يا عروس معي من لبنان. انظري من راس امانة من راس شنير وحرمون من خدور الأسود من جبال النمور(نشيد الأناشيد ٨:٤)

🙏شفتاك يا عروس تقطران شهدا. تحت لسانك عسل ولبن ورائحة ثيابك كرائحة لبنان (نشيد الأناشيد ١١:٤)

🙏ينبوع جنات بئر مياه حية وسيول من لبنان (نشيد الأناشيد ١٥:٤)

🙏مجد لبنان اليك يأتي السرو والسنديان والشربين معا لزينة مكان مقدسي وامجد موضع رجلي (آشعيا ١٣:٦٠)

🙏هل يخلو صخر حقلي من ثلج لبنان. او هل تنشف المياه المنفجرة الباردة الجارية (إرميا ١٨:١٤)
🙏❤️هيدا لبنان قلب الله❤️🙏
وغير هيك ما بدي أعرفك يا بلدي...

#من #أجل #السلام #نصلي
#من #أجل #الإنسان #نصلي
#كفانا #حروب #كفانا #دمار

13/04/2026

ورح يبقى يا وطني إيماني فيك كبير 🇱🇧❤️🙏

12/04/2026

🙏هيدا لبنان لمنعيش فيه كلنا سوا من دون ما نخاف من بعد... هيدا لبنان لبدنا ياه مش متل ما قسموا زعماء الطوايف ... هيدا لبنان... أهلي وإخواتي وجيراني من كل شبر بهالأرض...جنسيتي وهويتي لبناني🙏 لما نصدق معنى الأخوة بتوقف الحرب، الحرب ما بتبلّش بالصواريخ، الحرب بتبلّش بكلمات الحقد والكراهية‼️
هيدا لبنان يلي ما فينا ننقذو ولا نبنيه إذا ما حطّينا إيدنا بإيد بعض...
🙏 مَا أَجْمَلَ عَلَى الْجِبَالِ قَدَمَيِ الْمُبَشِّرِ، الْمُخْبِرِ بِالسَّلاَمِ، الْمُبَشِّرِ بِالْخَيْرِ، الْمُخْبِرِ بِالْخَلاَصِ، الْقَائِلِ لِصِهْيَوْنَ: «قَدْ مَلَكَ إِلَهُكِ!»" (إش 52: 7).

#يارب #السلام #امنحنا #السلام
#من #أجل #لبنان #نصلي
#من #أجل #الإنسان #نصلي
#كفانا #حروب #كفانا #دمار

11/04/2026

💔 كيفك يا لبنان⁉️❤️‍🩹
#من #أجل #السلام #نصلي
#من #أجلك #يا #لبنان #نصلي
#من #أجل #الإنسان #نصلي
#كفانا #حروب #كفانا #دمار

09/04/2026

متى ⁉️⁉️⁉️.....
#يارب #السلام #أعطنا #السلام
#من #أجل #السلام #نصلي
#من #أجلك #يا #لبنان #ومن #أجل #الإنسان #نصلي
#وطننا #أمانة #يارب #احمي #لبنان #وامنح #العالم #السلام
#كفانا #حروب #كفانا #دمار
#الله #يحمي #الجميع

09/04/2026

يا رب لبنان بين إيديك.... وحدك رجانا🙏💔

08/04/2026

صار الوجع ع وسع المدى...
لبنان بين يديك يا رب🙏🇱🇧💔
#من #أجل #السلام #نصلي
#من #أجلك #يا #لبنان #نصلي

08/04/2026

أطفال لبنان 🙏💔
ليش الطفولة بوطني مكتوب عليا تكبر بالخوف والأنين؟؟؟
وأقصى أحلاما ما يكونوا عليا سلاحن مصوبين
ليش الطفولة صارت إيدين عم ترجف بابا ماما دخلكن خايفين...
شتقت إرجع ع بيتي لكانوا حيطانو دافيين
ليش تركنا وطن ينزف ع فراش الموت دموع الأسى الحزين
وقلوبنا بقيت قاسية ومقسّمة متل الصخر ما بتلين...
بكفّي نشوف الرعب ع وجوهن البريئة
ونسمع الغصّة عم تسرق أحلامن الجريحة
واعيين كل هالصدمات بأدمغتن شو رح بتخزِّن؟؟؟
وأجيال تربى مخطوفة بالخوف ووضعا بحزِّن...
مش هيدا لبنان! الخوف،الدمار وكل معالم الإنهيار
بس ربنا كبير وهو لقلنا ما رح إتركن يتامى مشرّدين
هو ضمانتنا بوقت السّلم والشّدة وع رحمتو نحنا متّكلين
وحياتنا وحياة ولادنا منوضعا بين إيديه المقدّسين
تيرجع يحرّر بلادنا من كل يهوذا ونيرون بجبروتن مكمّشين!
#يارب #السلام #امنحنا #السلام
#من #أجل #لبنان #نصلي
#من #أجل #الإنسان #نصلي

Address

Beirut

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 13:00

Telephone

03538592

Website

facebook.com

Alerts

Be the first to know and let us send you an email when Dr Chantal Saade Khalil posts news and promotions. Your email address will not be used for any other purpose, and you can unsubscribe at any time.