Daniel Rizk - المستشار The consultant

12/08/2025

17/07/2025

العيون الكبيرة مش صدفة.
والتشوه المضحك مش صدفة.
والجاذبية الغريبة… مش بريئة.

🧠 الدراسات بتقول إنو العيون المبالغ فيها بتفعّل الـ Amygdala – مركز الخوف والتعلّق بالدماغ البشري

‏Adolphs, R. (2002). Neural systems for recognizing emotion.

وإنو الرسائل المتناقضة بصريًا بتخلي دماغك يفصل التحليل المنطقي ويفتح موجات Theta

‏Oakley & Halligan, 2013. Hypnotic suggestion and cognitive neuroscience

يعني باختصار
هيدا مش مجرّد لعبة، هيدا أداة بصريّة لاختراق جهازك العصبي.

كل خط بالجسم كل تفصيل بالملامح
فيه رسالة مزدوجة:
🔁 من جهة بتخلّي اللاوعي يرتاح ويستسلم
🔁 ومن جهة تانية بتعكس فوضى داخلية غير معالجة

💡 بالوعي بتشوف:
– الوجه = خلل بالهوية
– الإبتسامة = إشارة سُخرية من العاطفة
رمز لتمزّق إدراكي جماعي

❗بس إذا ما كنت فايق…
بتصير إنت هو اللعبة.

🔥

إذا هيدا مش مقصود
كيف قدر يعمل بكل هالناس تأثير تنوبيم مغناطيسي؟
وعمرك سألت: ليش أغلب اللي حبّوه… حاسّين إنو “بيشبهون” لدفعو حق هيك لعبة هلقددددد؟

14/07/2025

في فرق كبير بين الرواق والسلام.
مش غلط ترتّب حياتك، وتحسّ بنوع من السكينة.
بس هيدي ما اسمها “سلام”، لأن هيدي جايي من العقل.
هي فيها تكون استراحة محارب.

السلام الحقيقي مش إنك تهرب من العالم وتختار عزلة مغلفة بكلمات روحية.
السلام مش إنك تلغي الناس من حياتك بحجة إنو “الطاقة مش راكبة”
ولا إنو “هني مش من درجة وعيك!

كل شخص بحياتك هو مراية
وكل علاقة هي أداة كونية جايي توصّلك رسالة
وعلى فكرة اغلب الرسايل فيها وجع.
كتير من “التعاليم الحديثة” يلي لابسة لبس الوعي،
عم تركّز على الراحة
عم تبيعك راحة مزيفة.
بينما المسيح كان عم يعيش السلام على صليب،
وحولو في كذاب، ولص، وخاين.
بس هو كان ساكن.
هو كان واصل.
السلام مش إنك تهرب من الشر
السلام هو إنك تعيش في بلا ما هو يعيش فيك ☯️ سلام

13/07/2025

اليوم خلص كورس Breathe Wealth يلي كان عم يتقدم إلنا من قلب وروح المبدعة رباب ‪‪‪‬‬‬ كورس أقل ما يقال عنه إنو باب تشافي حقيقي بخلي الإنسان يعرف قيمة حاله قبل ما يعرف قيمة أي شي تاني.
❤️🔥الكلمات يلي بالفيديو وصلولي بامتنان و استحقاق و حب كبير، شو في أجمل من إنو الانسان يشوف حاله بعيون الناس و يشوف قلوبن عم تعبّر قبل كلماتن؟حمدلله عكل شي و عالنعمة يلي الكون حملني ياها و رح اسعى دايماً اني كون مساحة أمان و تشافي لنفسي أولاً لأرواحكن الحلوة ثانياً.‪‬my
الأكاديمية كانت حلم ‬ و اليوم بفضلكن صارت حقيقة و بوعدكن تصير عيلة كبيرة بتشفي بالمحبة قبل أي شي تاني. سلام 🤍🤚🏽⁩⁩⁩

11/07/2025

🤭دماغنا عندو آلية اسمها الـ RAS
‏(Reticular Activating System)
هيدي المنطقة بتشتغل متل الحارس الشخصي لأفكارنا.
بتفلتر كل شي حوالينا، وبتخلينا نشوف بس يلي “بيطابق” قناعاتنا الداخلية و كيف منشوف الدني و بشو منصدق.

يعني إذا مقتنع إنك مش محظوظ،
دماغك رح يركّز بس على كل شي بيأكد هالقناعة.
ويكب عجنب كل الاحتمالات الباقية حتى لو كانت حلوة، و حتى لو كانت قدام عيونك.

من هون بيجي الإحباط ومن هون بيخلق وهم “النحس”.

دراسة نشرت بمجلة Nature Reviews Neuroscience (2005) بتأكد كيف النظام الشبكي المُنشّط (RAS) بيحدد شو مننتبهله من بين آلاف المعلومات حوالينا كل لحظة.
وبيشتغل بالتناغم مع المعتقدات الراسخة حتى لو كانت ضد مصلحتنا.

والأبشع إنو الجسم بيتفاعل طاقيًا مع هالإشارات، وبيخلق حقل كهرومغناطيسي بيجذب أحداث على نفس التردد.
(راجع أعمال د. Joe Dispenza، وكتاب The Biology of Belief لِـ Bruce Lipton).

يعني الواقع مش عم يخونك.
واقعك هو مراية لمعتقداتك.

وإذا عبالك تغيّر الواقع… ما بدك حظ.
بدك وعي جديد.

بس مين مستعد يعترف إنو يمكن صار وقت يغير طريقة تفكيرو؟
إذا حسّيت إنو هالكلمات بتحكي عنك أو عن شخص بتعرفو، خليه يسمعها.

لأن عنجد أوقات كلمة وحدة بتفتح باب صرلو عمر كامل مسكّر. سلام 🤍

10/07/2025

بالفيزياء، كل نظام بيشتغل بطاقة… وإذا الطاقة ما عم تتوزّع صح، النظام بيختلّ.وجسم الإنسان مش استثناء هو نظام ذكي مترابط، والدماغ هو المايسترو و الهدف من اي عملية بتصير هو الحفاظ على الحياة حتى لو على حساب بعض الاعطال…إذا استشعر الدماغ إنو الحمل رح يكون خطر على التوازن النفسي أو الجسدي، بيطفي خيار الإنجاب. كيف؟ بيوقف أو بيقلّل إفراز الهورمونات الأساسية متل LH، FSH، وProgesterone.يعني باختصار،الضغط النفسي + شعور داخلي بعدم الأمان = تعطيل غير واعٍلوظيفة الحمل.وهون بيفوت الشق الطاقيالرحم مش بس عضو بيولوجي هو مركز استقبال، مركز حياة. وإذا الطاقة فيه مسدودة، ما في شي رح يزرَع أو ينمو.من هون منسمع القصص يلي بتقول جربت كل شي وما حبلت وفجأة صارت.الجسم بيحكي… بس مش دايمًا بالكلام.إذا حسّيتِ إنو هالكلمات عبّرت عنك، أو لمست شي جواتك، شاركيها مع حدا يمكن يكون ناطر يسمع هالحقيقة. ‏

08/07/2025

شو ما كانت معتقداتك دينية،
علمية، أو طاقية
جرّب هالمرة تقرأ بتجرّد.
مش لتصدّق بس لتفهم.

الكون كلّو عم يعيد برمجة الإعدادات الأساسية تبعو settings يعني
وإنت جوّاتو.
مش برّاتو.
فلو ما وعيت لهالتحوّل
رح تعيشو كفوضى، بدل ما تعيشو كدعوة

٩ و٢٢ تموز، و٥ آب ٢٠٢٥،
الأرض رح تدور أسرع من المعتاد.
اليوم رح يكون أقصر من ٢٤ ساعة، بـ 1.51 ميلي ثانية

الأنظمة العالمية كلها – من الأقمار الصناعية لـ GPS لـ UTC –
مبنيّة على فكرة وحدة
إنو دوران الأرض “ثابت”.

بس الواقع تغيّر.

وما حدا حتى العلماء عندو تفسير نهائي
توازن الكوكب الكهرومغناطيسي عم ينزاح.
بس الأهم،
إنو نحنا قدّام ثغرة فعلية بالشبكة الزمنية.
في شي داخل بنية “الزمن نفسه” عم ينفك.
وهيدا مش ظرف هيدا تحوّل كوني.

هيدا مش مجرد تغيّر بالدوران.
نحنا بنهاية نظام كوكبي مبني على زمن خطّي، منتظم، محدود
وببداية نظام جديد
زمن ديناميكي، بيتحرّك بإيقاع غير ثابت،
ونتايجه يمكن ما نقدر نفسّرها دغري.

عوارض مثل التعب، القلق، الأرق، الضياع، أو حتى لحظات وعي مفاجئ…
مش أعراض مرض.
هيدي إشارات من الجسم إنو الإيقاع عم يتغيّر
التغيّر مش جايي ضدّك اذا عرفت تركب الموجة
بس إذا ما كنت واعي، رح تعاني.

ما فيك توقف حركة الكون،
بس فيك تتعلّم ترقص معها
تبطّئ جوّاتك، مش لتقاوم،
بل لتفهم،
لتوسّع وعْيك،
وتسمح لنفسك تعيش التحوّل بدل ما تخاف منه.
يمكن كتار يستسخفو الموضوع لان العقل البشري مل شي بحسو معقد على مبدأ (هيدا شي أكبر مني و منك) ما بيعطي اهمية بس نصيحة هل مرة اعطي اهمية.
و بدي إسألك سؤال برأيك هل أحداث الجيوسياسية على كوكبنا يلي عم بتصير من دمار و حروب و فوضى بكل بقعة من الكوكب هي صدفة او هي انعكاس لنهاية زمن و بداية زمن كتير قلال على هل كوكب يلي قادرين يشوفو معالمه؟⁩

07/07/2025

نوبة الهلع عندا إم أحياناً.الحشيشة مش مادة “خفيفة” متل ما الناس بتحب تصدّق.هي بتأثر مباشرة على دوائر الدماغ المسؤولة عن الذاكرة، الانتباه، الانفعالات، وتنظيم القلق.دراسات علمية ربطت الاستخدام المتكرر للقنّب بارتفاع معدل نوبات الهلع، القلق المزمن، واضطرابات الإدراك مثل derealization و depersonalization.المصدر: Psychological Medicine, 2020المصدر: JAMA Psychiatry, 2016لما تبلّش الحشيشة تصير وسيلتك الوحيدة “لترويق راسك”انت فعلياً عم تعلّم دماغك إنو ما يعرف يرتاح إلا بمادة خارجية.وهون بتبدأ الحلقة المفرغة.نفسك مش مرتاح، وعيك مغبش، وردّات فعلك باردة أو زائدة.وكل ما تفكّر أكتر، بتحس حالك “أغبى” أو “مفصول” أو "مفخوت"هيدا مش وعي.هيدا تضليل عصبي وانفصال عن الذات عم يكبر بصمت. تهرب من الحياة بهيدا الشكل نتيجته وخيمة لأن أحياناً تصليح الضرر بصير شبه مستحيل. انك توقفها يهيدي اللحظة أفضل بمية مرة ما توقفا بعد خمس دقايق.انت مش هادي ولا رايق انت هربان من حالك.⁩

05/07/2025

انا و عم اكتب النص، حبيت اكتبه بهيدي الطريقة. بس انتبه مش المقصود انو الدلال شي مش منيح و لكن احياناً منقارن حالنا بمحيطنا و منصدق انو يلي عم نعمله مش مهم او اقل من غيرنا و انو نحنا منستاهل اكتر، بينما بلعبة الكون نحنا منكون مش بس صرنا جزء منو انما حلقة اساسية بمنظومة الحياة الكاملة.
التعب و الوجع مش دايماً شي سلبي متل ما الشمس بتحرق حالها لتكون جزء اساسي من لعبة الحياة كل واحد فينا رح يمرق بمرحلة يكون هو الشمس بس الفرق بين ناس وناس انو في ناس بتركز على الحرق و الناس بتركز عالضو.
هيدي الخشبة هي نحنا.
وأنت يمكن ساند شي بحياتك،
عم تحافظ فيه ع توازن الكون،
بس ما كنت بتعرف قديش وجودك لحالو،
هو معجزة

01/07/2025

بتعرف إنو في عالم ما بيصدقو إنو النفس فيو يشفي؟
وبنفس الوقت، ما عم يقدر يفسّر ليش عم ينهار
لتعرف قيمة النفس حاول تقطع نفس 😅🤝
ليش عم يتعب ما بيعرف!
ليش موجوع ما بيعرف!

ما بدّي أقنعك.
ولا رح قلّك “تعَالج”.
بس رح حط شغلة ببالك
ما حدا بيغيّر زيت السيارة بعد ما تحترق السيارة.

وانت؟
أي متى آخر مرة حسيت انو في شي؟
أي متى آخر مرة سمعت حالك من جوا؟

اللي جرّبوا التنفّس معي بيعرفوا عن شو عم إحكي 😎🤍

خبرني بصراحة،
إذا نفسك فيو يحكي هلق شو أول شي كان رح يقلنا ياه؟