Alia Sabbagh Psychotherapeute

31/03/2026

أوقات…
أكتر شي الولد بحاجة يسمعو من بيّه
مش نصيحة…
ولا تصحيح…
بس: “أنا معك” 💛
لأنو بين الضغط والدعم…
في خط رفيع كتير.
وفي كتير ولاد
ما بيكبرو تحت التوجيه…
بيكبرو تحت الخوف من خيبة الأمل.
✨ لما الولد يحس إنو مقبول
حتى وهو عم يغلط…
هون بيبلّش يبني حاله عنجد‎
ChildDevelopment EmotionalHealth ParentChildRelationship

23/03/2026

ليش الدقيقة بالحرب… ما بتقطع؟
لأنو جسمك بوضع “خطر” ودماغك عم يبطّئ الوقت ليحميك.
إذا حسّيتها تقيلة… جرّب ترجع لنفَسك وتذكّر:
إنت مش ضعيف… إنت عم تتحمّل شي كتير تقيل. 💛

19/03/2026

بالنزوح… مش بس البيت بيتغيّر،
الأدوار كمان بتتهز.
ولما الأدوار تتلخبط…
المشكلة مش بالناس،
المشكلة إنو النظام القديم ما عاد ينفع…
والجديد بعدو مش واضح.
بهالفترة،
كل واحد عم يحاول يحمي مكانه…
بطريقته.
💛 يمكن أهم شي ننتبه له:
مش مين الصح ومين الغلط…
بل كيف فينا نترك مساحة صغيرة لكل شخص
يحس إنو بعد عندو “مكان”.
✨ إذا عم تعيشوا هالتجربة…
شو أصعب شي عم تواجهوه بهالموضوع

12/03/2026

بالحرب والنزوح، كبار السن ما بيخسروا بس بيت…
أوقات بيخسروا عالم كامل عاشوا فيه سنين.
بهالعمر، الأمان ما بيجي من المكان…
بيجي من العلاقة، من شخص مألوف، ومن إيد حدّهم. 🕊️
لأنّ التعلّق ما بيخصّ الأطفال بس…
بيرافقنا طول العمر.


#الحرب
#التعلّق

07/03/2026

07/03/2026

مش عم نترك بيت…
عم نحمي حياة

03/03/2026

الحرب بتخوّف…
والأهل بشر قبل ما يكونوا سند.
مش مطلوب منكن تكونوا أبطال.
مطلوب تكونوا حقيقيين.
خوفكن مفهوم… ووجودكن هو الأمان.
شو أصعب شعور عم تعيشوه بهالفترة؟ 🤍

25/02/2026

مش كل “قوية” مرتاحة.
أوقات كلمة “إنتِ قوية”
ما بتكون مدح…
بتكون تثبيت لدور.
دور اللي:
• ما بتتعب
• ما بتطلب
• ما بتوقع
بس الحقيقة؟
القوة الزايدة أوقات بتكون وسيلة بقاء.
طريقة تعلّمتيها لتحافظي على التوازن…
حتى لو كان على حسابك.
بس سؤال صغير 👇
مين علّق فيك هالصفة أول مرة؟
ومين سمحلك يومًا تكوني ضعيفة؟
إذا حسّيتي إنو هالريل حكى عنك،
اكتبي “القوية” بالكومنت 💛



#العلاقات

المرأة_القوية

21/02/2026

مش كل صراع بالعيلة سببه سوء نية.
أوقات السبب إنو الحياة تغيّرت…
ونحنا بعدنا عم نتصرّف حسب النسخة القديمة من بعض.
الأم اللي تعوّدت تكون قوية،
ممكن تصعب عليها تطلب دعم.
الإبن اللي تعوّد يكون “الصغير”،
ممكن ما يعرف يتصرّف كرجل مسؤول.
والبنت اللي كبرت،
ما بقى تقبل نفس طريقة التعامل.
التحدّي مش مين بيربح.
التحدّي: كيف منكبّر سوا… من دون ما نخسر بعض.
إذا حاسّين إنو الأدوار عم تتغيّر ببيتك،
شاركوني: أي دور حسّيت إنو تغيّر عندك؟ 👇

16/02/2026

أوقات المشكلة مش إنك “قوي زيادة”…
المشكلة إنك ما تعلّمت كيف تكون ضعيف بأمان.
إذا بتستصعب تطلب،
إذا بتحس بالذنب لما تحطّ حدود،
إذا بتتحمّل أكتر من طاقتك بالعلاقات…
يمكن لأنو زمان، كان مطلوب منك تكون أكبر من عمرك.
اليوم، ما عاد لازم تثبت قيمتك بالخدمة أو بالتضحية.
قيمتك ثابتة… حتى لما تقول “ما بقدر”.
الشفاء مش إنك تبطّل قوي،
الشفاء إنك تصير تختار إمتى تتحمّل… وإمتى ترتاح 🤍