Lighterstyle by Ghena Sandid

18/01/2026

⁨ ابعتو هالفيديو لأكثر شخص بيبعتلكن فيديوهات “هل تعلم !”
و خبروه الحقيقة…

#دايت #تغذية⁩

17/01/2026

13/01/2026

في كتير أشخاص بتكون ماشية ع نظامها الغذائي بحذافيره و عم تعمل رياضة و عم تاكل كفاية بروتين و عم تشرب ماي منيح و تنام كفاية و عم تتبع كل التعليمات و مع هيك بكون وزنها ما عم ينزل أو عم ينزل بصعوبة
او ممكن يكون في أشخاص كمان عم بزيد وزنن بسرعة بدون أي تغيرات كبيرة بنمط حياتهم
و لهيك ممكن يكون في عندهم مشكلة بالحرق - metabolism و لهيك هيدي الفحوصات ممكن تساعدكم ع اكتشاف المشكلة
- TSH
- ⁠T3-T4
- ⁠ANTI-TPO
- ⁠IRON
- ⁠FERRITIN
- ⁠VITAMIN D
- ⁠Fasting insulin
- ⁠Fasting blood sugar
- ⁠Hba1c
- ⁠CRP
- ⁠Prolactine
- ⁠Progesterone
- ⁠Estrogen
- ⁠Testosterone
هل بتعانوا من هيدي المشكلة؟ و هل جربتوا تعملوا هيدي الفحوصات؟

11/01/2026

مصادر حديد نباتية:
- كوب عدس مطبوخ= ٦،٥ مغ حديد
- ⁠كوب فاصوليا بيضا= ٥ مغ حديد
- ⁠كوب حمص مطبوخ= ٤،٧ مغ حديد
- ⁠كوب سلق مطبوخ = ٤ مغ حديد
- ⁠٣٠ غ بزر لقطين= ٤ مغ حديد
- ⁠١/٢ كوب سبانخ مطبوخ= ٣ مغ حديد
- ⁠٢ م ك طحينة= ٢،٥ مغ حديد
- ⁠كوب بازيلا= ٢.٥ مغ حديد
- ⁠تين مجفف ١/٢ كوب= ٢،٥ مغ حديد
- ⁠مشمش مجفف ١/٢ كوب= ٢ مغ حديد

مصادر حديد حيوانية:
- ١٠٠ غ محار= ٢٤ مغ حديد
- ⁠١٠٠ غ كبدة دجاج= ٩ مغ حديد
- ⁠١٠٠ غ كبدة بقر= ٦،٥ مغ حديد
- ⁠١٠٠ غ لحمة= ٣ مغ حديد
- ⁠١٠٠ غ حبش= ٢ مغ حديد
- ⁠١٠٠ غ دجاج= ١،٣ مغ حديد
- ⁠١٠٠ غ قريدس= ١،٣ مغ حديد
- ⁠١٠٠ غ بطّ= ٢،٧ مغ حديد
- ⁠١٠٠ غ كالماري = ٢،٧ مغ حديد

عم تاكلو حديد كفاية؟
#انيميا

08/01/2026

كل ما شوف حدى عنده فقر دم بسمعه عم يقول مركز عالرمان و الشمندر…
و للاسف هاي معلومة خاطئة توارثناها عبر الأجيال…
بدك ٢ كيلو شمندر و ١٠ حبات رمّان لتوصل لحاجة جسمك من الحديد
الحديد اله مصادر حيوانية و نباتية
المصادر النباتية امتصاصها اقلّ من ٢٪؜-٢٠٪؜ يعني بمعدل ١٠٪؜
بينما المصادر النباتية امتصاصها بيوصل من ١٥٪؜ إلى ٣٥٪؜

فيك تاخذ حديدك من مصادر نباتية و لكن بهالحالة لازم تعلي النسب و تضرب حاجتك ب ١.٨
يعني مثلاً الرجل بحاجة ل ٨ مغ حديد إذا مصادرها نباتية بصير بده ١٤-١٥ مغ
و في تفاصيل صغيرة بتعمل فرق كبير…
- اضافة الفيتامين سي للحديد
- ⁠الابتعاد عن مصادر الكالسيوم وقت تناول الحديد
- ⁠الطبخ بمقلاية حديد
- ⁠و الابتعاد عن القوة و الشاي وقت تناول الحديد

و هلق خبروني قديه اكلتو شمندر لتعلّو الحديد؟

07/01/2026

معلومات غذائية انتشرت بسنة ٢٠٢٥ عى مواقع التواصل الاجتماعي و عملت خوف و هلع ما الهن عازة :

١- “القهوة الي عم تشربوها كل يوم معفنة و مليانة سموم”
القهوة مثل كثير حبوب؛ مكسرات، رز، ذرة، بهارات…. بتتعرض للرطوبة و بالتالي بتحمل عفن و لكن طريقة الزرع، الحفظ، التنشيف، التحميص بيختلفو و لهيك التعميم مش مزبوط… نسبة السموم الافلاتوكسينز حسب فحص العينات غير موجودة و ان وجدت فهي بنسب غير ضارة… القوه مفيدة اشربو قهوة…

٢- ال rice cake
“ بيسبب سرطان”
مش احسن نوع غذاء اكيد و لكن لا يصنف على انه مسرطن ال IARC صنفت إلاكريلامايد كمادة مسرطنة محتملة مش مؤكدة و الدراسات هالبشر مش كافية و الي انعملت على حيوانات كانت بكميات عالية جداً جداً و الدراسات البشرية فرجت انعدام صلة ثابتة بين السرطان و الاكريلامايد… و ما بدنا ننسى انه هالمادة موجودة بكثير نشويات بتنطبخ على حرارة عالية مثل البطاطاالمقلية التشيبس الخبز….

٣- “التون سم بطيء و السردين غذاء مفيد”
كمان غلط و مبالغ … الزئبق معدن ثقيل موجود بالتون النسب بتختلف حسب النوعية البلد المنشأ طريقة التعليب … اله مضار و لكن ما فينا نسمي الترم سم بطيء و حسب التوصيات علبة لعلبتين بالاسبوع ما فيهن مشكل

٤- “ السلمون الي مناكله من المزارع بيعيش بماء وسخة ملونين بألوان صناعية و مليانين طفيليات و سموم… بيؤثر على الهرمونات و المناعة و بيزيد خطر السرطان”
كمان غلط… دراسات أكدت انه السلمون البري فيه ملوثّات و طفيليات اكثر من المزارع… طبعاً في مزارع ما فيها معايير نضافة مثل كل المزارع بقر و دجاج و و و بس ٩٥٪؜ من السلمون المستهلك عالمياً هو مزارع و هي بتخضع لقوانين صارمة…
السلمون صحي مليان غذاء و بروتين ما تخافو منه

للتوضيح تصحيح هالمعلومات مش هجوم على صاحب الفيديو معظمهم زملاء بحبهن و بحترمهم و لكن هالمعلومات انتشرت بسرعة و انسألنا عنا كثير و مجبورين نعطي رإينا بالموضوع…

اي معلومة وصلتكن من هول؟
و اي معلومة صدمتكن اكثر؟
و شو رأيكن بهالظاهرة؟

05/01/2026

نقص الحديد بالدم من المشاكل الأكثر شيوعاً…
من عوارضه:

- التعب والإرهاق
- ⁠شحوب الوجه
- ⁠الدوخة
- ⁠ضيق النفس
- ⁠تسارع ضربات القلب
- ⁠ضعف التركيز
- ⁠برودة الأطراف
- ⁠تساقط الشعر وتقصف الأظافر

اول ما نفكر نقص حديد منفكر انه الشخص ما عم ياكل حديد كفاية و لهيك عنده نقص و هالشي صحيح… الاشخاص النباتيين الي ما بيأكلو منيح الي بيشربو كثيررررر قهوة و شاي الي بيعملو رجيمات قاسية ممكن يصير عندهم فقر دم و لكن في اسباب ثانية….

في يكون في مشكلة بالامتصاص لان الحديد امتصاصه بالاثني عشر و الأمعاء الدقيقة و هالشي بده أمعاء سليمة و كمية اسيد مزبوطة بالمعدة و لهيك الي عنده:
- اسيد معدة منخفض
- ⁠التهاب بالمعدة gastritis
- ⁠ جرثومة المعدة
- ⁠استخدام مفرط لأدوية الاسيد
- ⁠Celiac disease
- ⁠IBD
- ⁠عامل قص معدة
- ⁠التهاب مصارين
- ⁠إسهال مزمن
ممكن يكون عنده فقر دم حتى لو اكله منيح و بهالحالة لازم يشخص و يتعالج وإلا لا اكل ولا مكملات بتفيده

و ممكن يكون اكلنا منيح و ما عنّا مشاكل بالمعدة بس عنا نزيف بمكان ما:
- دورة قوية
- ⁠دورة طويلة
- ⁠بواسير
- ⁠بطانة الرحم المهاجرة
- ⁠قرحات بالمعدة
- ⁠تواليل بالقولون
- ⁠نزيف مخبّى
و كمان بهالحالة بدنا نعالج السبب الأساسي …
المشكلة انه كثار الناس الي عندهم كذا سبب و لهيك بيضيعو بالتشخيص و العلاج…
١- إذا بتعانو من هالعوارض اعملو فحوصات دم
٢- حسنو أكلكن و عند استشارة طبيب خذو مكملات
٣- عيدو الفحوصات بعد ٣ أشهر إذا مافي تحسن زورو طبيب مختص مثل طبيب جهاز هضمي او نسائية او صحة عامة و فتشو على السبب او على مصدر النزيف و إذا ما لاقيتو السبب ممكن يكون مؤشر لمشاكل صحية ثانية…

رح احكيلكن كثير عن هالموضوع بس قبل خبروني بتعانو من فقر الدم؟ أكلكن منيح؟ بتاخذو مكملات؟ بتعلقو حديد؟ عرفتو سبب المشكلة؟

-deficiency #انيميا

04/01/2026

صرلي بشتغل هالشغلة ٢٠ سنة
و صرلي عايشة ٤٠ سنة
و ما في شي تغير…
كل سنة نفس القصة، راس السنة، قرارات جديدة عدّو كم يوم و كم اسبوع و بح صارو بخبر كان…

المشكلة انه اولاً الأهداف مش منطقية، بدي انزل ١٠ كيلو بشهر، بدي جمّع x مبلغ مصاري و أنا بكون ما بطلّع ربعه…
ثانياً الالتزام الزايد او الجلقان… يعني بدي انزل عالنادي كل يوم و فوقهن امشي ١٠،٠٠٠ خطوة و كون قاطع نشويات و حالف يمين عالسكر و عم بشرب ٣ ليتر ماء…
بدنا نروق جريندايزر…
و المشكلة الأكبر هي عدم التخطيط و التنظيم… و هاي فعلاً عملت معي فرق خيالي…

- حطو اهداف منطقية … بدي انزل ٢ كيلو بالشهر ما هول ٢٤ كيلو بالسنة
- اطلعو بالالتزامات خطوة خطوة… يعني بدي امشي ١٠،٠٠٠٠ خطوة و ثبتوا عليها اسبوع او حتى ٢ و بس تتعودو زيدو عادة ثانية، بدي اشرب ٢ ليتر ماء… اسبوع زمان و زيدو تمرينتين بالجيم و من بعدها مثلاً بدي وقف سكر و هيك بتكونو قادرين تلتزمو اكثر
- ⁠اشترو حراتيق، اكسيسوارات، ألعاب أنا بسميهن لتلتزمو هول صدقاً بيعملو فرق، لان الدماغ معمول بطريقة إذا شاف التطور على ورقة و قلم على ابليكايشن على لوح بيتحمس و بيصير بده يكمل…

و هلق خبروني شو القرار الي اخذتوه بال ٢٠٢٦ و حابين تلتزمو فيه؟

#2026

02/01/2026

هديتي الكن بالسنة الجديدة
دايت كامل متكامل مجاني

١- اوّل خطوة احسبو معدل الحرق الأساسي بإستخدام المعادلة التالية:

For Women:

BMR = (10 × weight in kg) + (6.25 × height in cm) − (5 × age in years) − 161

For Men:

BMR = (10 × weight in kg) + (6.25 × height in cm) − (5 × age
in years) + 5

٢- ثاني خطوة عدّلو هالرقم على حسب نسبةالحركة يعني اضربو الرقم الي طلع معكن برقم من الأرقام الي هون :

عامل النشاط
- قليل الحركة = 1.2
- نشاط خفيف (تمارين 1–3 أيام أسبوعيًا) = 1.375
- نشاط متوسط (تمارين 3–5 أيام أسبوعيًا) = 1.55
- نشاط عالي (تمارين 6–7 أيام أسبوعيًا) = 1.725
- نشاط شديد جدًا (عمل بدني شاق + رياضة) = 1.9

٣- ثالث خطوة هو انه تنقصو ٥٠٠ وحدة حرارية من الرقم النهائي لتكونو بعجز بالوحدات و تنزلو وزن و دهون بالتحديد. و قسّمو هالوحدات مثل ما بدكن ، ٣ وجبات ٣ سناكات، وجبتين و سناكين انتو حرّين …

٤- المهم توصلو لحاجة جسمكن من البروتين ، و هالشي بينحسب حسب وزنكن و حركتم البدنية يعني :

- قليل الحركة / مكتب
0.8 لكل كيلوغرام من وزن جسمك
- نشاط خفيف (تمارين 1–3 أيام أسبوعيًا)
1.0 - 1.2 لكل كيلوغرام من وزن جسمك
- نشاط متوسط (تمارين 3–5 أيام أسبوعيًا(
1.2 – 1.6 لكل كيلوغرام من وزن جسمك
- نشاط عالي (تمارين 6–7 أيام أسبوعيًا)
1.6 – 2.0 لكل كيلوغرام من وزن جسمك
- نشاط شديد جدًا / رياضي محترف
2.0 – 2.5 لكل كيلوغرام من وزن جسمك

٥- و لتشتغلو صح لازم :
- تنامو ٦-٨ ساعات متواصلين باليل
- ⁠تشربو ماء منيح
- ⁠تحركو قد ما فيكن
- ⁠تتاكدو انه ما عندكن نقص بفيتامينات او معادن جسمكن
- ⁠و توتر اقلّ (بعرف هاي صعبة)

صدقوني كل يوم بيسألوني شو الجديد بعالم الدايت؟ شو بتقول احدث الدراسات؟ شو بيضعف اكثر شي؟ جوابي على طول عجز وحدات، تنظيم اكل، تنوع، و شي تقدرو تستمرو عليه…

كل سنة و انتو بألف خير

29/12/2025

The takes you weren’t supposed to see

25/12/2025

The best time of the year
With the best treats
Here s a quick look at your favorite holidays desserts and drinks …
و ينعاد عليكن بالصحة و العافية
شو اطيب شي عندكن ؟
و شو تعشيتو امبارح؟