14/01/2026
أثبتت الدراسات إنو الخل، وخاصة خلّ التفاح، بيحتوي على مادة اسمها Acetic Acid،
وهيدي المادة بتساعد على إبطاء هضم النشويات وتكسير الكربوهيدرات،
وبالتالي بتخفّف ارتفاع السكر (Spike) بعد الوجبة،
خصوصًا إذا الوجبة فيها نشويات متل الخبز، المكرونة أو الرز.
أخذ ملعقة خلّ تفاح قبل الوجبة بـ 10–15 دقيقة ممكن يساعد إنو سكر الدم بعد الأكل ما يرتفع كتير،
بس ❗️هيدا الشي مش سحر.
المشكلة إنو في أشخاص عم يعتبروا خلّ التفاح بديل عن الأدوية أو عن الالتزام بالدايت…
وهيدا غلط ❌
خلّ التفاح بيساعد وبدعم،
بس ما بيستبدل لا دواء ولا نظام غذائي.
🚫 مهم جدًا:
الأشخاص اللي عندها
– قرحة معدة
– حرقة أو مشاكل بالمريء
– مشاكل بأسنانها أو بمينا الأسنان
– أو الحوامل
ممنوع ياخدوا خلّ التفاح أبداً.
🔑 الخلاصة:
ما في شي سحري بالدنيا،
خلّ التفاح ممكن يكون أداة مساعدة،
بس الحل الحقيقي هو التغذية الصحيحة والالتزام بالعلاج.
