Pediatric clinic/dr suzan khalil

15/11/2022

01/09/2022

لجميع المرضى الكرام نعلمكم عن توفر جميع اللقاحات في العيادة لمزيد من المعلومات واخذ موعد الرجاء الاتصال على رقم العيادة ٠٣/٣٨٤٩٠٦

24/09/2021

لجميع المرضى الكرام نود اعلامكم بتوفر اللقاحات التالية في العيادة:
الجدري varicella
الصفيري أ hepatitis A
الحصبة والحصبة الالمانية وابو كعب mmr
الالتهاب الرئوي synflorix
الروتا rotarix
السحايا
اما باقي اللقاحات فهي غير موجودة حاليا على امل ان تتوفر خلال الايام المقبلة لاخذ موعد الاتصال على رقم العيادة

08/01/2021

كوفيد ١٩ لدى الأطفال والرضع
لدى الاهل سؤال يتكرر دائما هل يصاب الاطفال بالكورورنا والجواب هو التالي:

يمكن للأطفال من جميع الأعمار أن يصاب بالفيروس ولكن بأعراض خفيفة اقل حدة من الكبار او لا يعانون من أية عوارض على الاطلاق

20/03/2020

إلى أهلنا وأحبّائنا جميعاً
مواكبة منّا لحماية شعبنا من إنتشار وباء فيروس الكورونا منتمنّى على الجميع التنبّه لهالموضوع :

الاسبوع القادم هو اهم اسبوع رح يمر علينا بأزمة كورونا الحالية
كل الدول اللي سبقتنا .. انتشار الفيروس انتشر فيا بالاسبوع الثالث ..
و خرج عن السيطرة بالاسبوع الرابع ..

منشان هيك الاسبوع الثالث هو الاختبار الحقيقي ...
و اللي رح يصير سيناريو واحد من اتنين ...

السيناريو الاول : الناس رح تضل مستهينة بالموضوع .. و رح يضلو عم يقنعوا حالهن انو الموضوع بعيد و عند الناس التانيين و رح يستمروا بالاهمال و التعامل مع الموضوع على انو حرب اعصاب ..
و انو هنّي افهم من كل اللي حواليهم ...

هيدا السيناريو رح يكون معناتو انو اللي رح ينصاب رح يعدي كل اهل بيتو و جيرانو .. و حتى اللي اخد احتياطاته رح تصير معركتو اصعب و حمايتو شبه مستحيلة .

وهيدا نفس السيناريو اللي صار بايطاليا .. الناس اخدت اجازات .. نزلت عالمولات و عملوا تجمعات ..
وحاليا عم يتم اختيار الناس اللي رح تاخد مكان على اجهزة التنفس الإصطناعي بالقرعة و الباقي هو و حظو...

السيناريو التاني : انو الناس تفهم خطورة الموقف .. و اللي بيعرف يقول للّي مابيعرف .. و اللي فهمان الوضع يقول للانسان البسيط الغير مدرك للوضع ..
و اللي عنده سلطة ينفذها و يجبر الناس اللي بيقدر علين انو يلتزموا..

هيدا السيناريو .. هو سيناريو الوعي .. وهيدا نفس السيناريو اللي اتطبق بالصين .. الدولة المصدّرة للفيروس ... نفس السيناريو اللي خلى مقاطعة ووهان اللي كانت هي المنبع .. تحتفل انها خالية من الفيروس ...

الموضوع حسبتو بسيطة .. الفايروس مدة احتضانو ١٤ يوم .. لو سيطرنا على انفسنا كمجتمع ٣ اسابيع .. الازمة بتخلص .. لانو لو كلوووو التزم .. المصاب مارح يلاقي حدا يعديه .. و باذن الله بيتعافى .. و اللي مهتم ومحافظ على حالو بتصير مهمتو اسهل لانو كل اللي حواليه فهمانين ومتعاونين ...

دورك هلأ انك تختار السيناريو المناسب الك .. لو عندك اي سلطة او صوتك مسموع .. وصل صوتك و خلي اللي حواليك يعرفوا انو هالمعركة محتاجة كل شخص .. بعتها لكل اللي عندك و فهمن انو مافي شي اسمو ناس إي وناس لأ بهالمعركة تحديدا ...
وإذاعندك حدا مش مقتنع إنّو الموضوع مؤامرة او انو بعيد عنّا .. فهمو انو هالكلام منّو حقيقي .. و انو موقفو السلبي ممكن يتسبب بعدوى لولادو واهل بيتو او جيرانو او رفقاتو بالشغل ...

نحنا هلأ بنفس الاختبار اللي انحطت فيه كل الدول اللي قبلنا ... و مع انو هوّي نفس الفيروس ... لكن كل دولة صار فيها قصة مختلفة على حسب رد فعل شعبها .. و هل فهموا بعض و وقفوا مع بعض و قاوموا الجهل و قاوموا الاهمال .. الحكومة عملت كل اللي بتقدر عليه .. بس مارح يقدروا يتابعونا ببيوتنا .. لازم كل واحد يكون مسؤول عن حالو وعن اللي حواليه..

و ضلووو متزكرين ...
في دولة احتفلت بانتهاء الفيروس من مجموعة من مقاطعاتها (محافظاتها)
وفي دول قالت لشعبها .. ودعوا اللي بتحبون .. فالنهاية قادمة.

انشر البوست لكل الي بتعرفهن
ساعدنا و ساعد نفسك و اهلك و كل الناس الي بتحبهم وبتخاف عليهم 🌹

13/03/2020

بيان صادر عن نادي أطباء الأطفال في جبيل في 12-3-2020
على أثر وفاة مريض ثالث وتسجيل 66 إصابة حتى هذه الساعة وإيماناَ منا ، أن سلامة اللبنانيين فوق كل إعتبار،

دعا منسقوا نادي أطباء الأطفال في جبيل والأعضاء الكرام إلى إجتماع طارىء صدر عنه البيان التالي:

1-الطلب من عموم عائلات مدينة جبيل و قضائها وكافة اللبنانيين عدم زيارة الاماكن المزدحمة و الاماكن العامة و عدم المشاركة في المناسبات الاجتماعية على اختلاف انواعها.

2-عدم ارسال اولادهم الى المدارس و الجامعات و حثهم على البقاء في المنزل.

3-المحافظة على النظافة العامة و الخاصة من خلال تهوئة منازلهم و تعريضها للشمس و اجراء الحمام اليومي و غسل ثيابهم بشكل متكرر ، و غسل اليدين جيداً بالمياه الجارية و الصابون لمدة تتروح بين 40 و 60 ثانية و عندما لا يتوفر ذلك ، يجب تنظيف اليدين بفركهما جيداً بمادة يرتكز صنعها على مادة الكحول (62 الى 70%) لمدة تتروح بين 20 و 30 ثانية، يتم تجفيف اليدين بعدها باستخدام المناديل الورقية ذات الاستعمال الواحد ، في حال عدم توافر المناديل الورقية ، يمكن استخدام مناشف القماش النظيفة و يُعمل على استبدالها كلما اصبحت رطبة.

4-تنظيف المراحيض بشكلٍ جيد بمواد مطّهرة بعد كل استعمال و عدم مشاركة الاكواب و الصحون و ادوات الاكل الاخرى او المناشف او مشاركة السرير مع اي شخص من خارج العائلة.

5-عدم تكديس النفايات المنزلية على انواعها و وضعها في كيس بلاستيك مغلقاً باحكام و رميها في مستوعب للنفايات ذات غطاء محكم.

6-التوقف عن تبادل الزيارات المنزلية او غيرها.

7-تجنب السفر و التنقل بين المناطق.

8-عندما يتم زيارة اسواق المنتجات الحية (كاللحوم مثلا)تجنب اللمس المباشر كما تجنب تناولها و هي نيئة او غير مطهوة جيداً.

9-عند السعال و العطس، احرص على تغطية الفم و الانف بمرفقك المثني او بمنديل ورقي و تخلص من المنديل بعد ذلك فوراً و تجنب لمس العينين ، و الانف او الفم قبل غسل اليدين، وضّع كمامة مناسبة.

10-تجنب الاقتراب من الاشخاص المصابين بالحمى و السعال.

11-اذا كنت مصاباً بالحمى و السعال و صعوبة التنفس ، التمس العناية الطبية مبكراً و أطلع الطبيب على اسفارك السابقة و لا تكذب في ما يخص حالتك الصحية.

12-عدم البصق على الارض و الامتناع عن استخدام الارجيلة.

13-تجنب لمس افراد آخرين عبر المصافحة، العناق او التقبيل.

14-الحفاظ على مسافة آمنة تبلغ من متر الى مترين من الآخرين.

15-قبل التوجه الى الطبيب المعالج (في العيادات او في طوارىء المستشفيات) عليك ان تستحم جيداً و تبدل ثيابك و ان تضع الكمامة المناسبة.

16-في حال ظهرت عليك او على احد افراد الاسرة الاعراض التالية:

-سعال

-حرارة مرتفعة او حمى

-ضيق في التنفس

مراجعة طبيب العائلة ،واتباع الارشادات العلاجية، و الارشادات الوقائية.

17-اما اذا اقترنت هذه الاعراض بوجود احد عوامل الخطر التالية:

1-السفر الى بلد سجلت فيه حالات كورونا فيروس

2-أو تمّ الاختلاط مع اصابة مثبتة او محتملة.

3- او العمل في احدى الموؤسسات الصحية التي يشتبه وجود حالات كورونا فيها.

الاتصال مباشرة بوزارة الصحة على الخط الساخن 76592699 او 1214 و التوجه الى طوارىء المستشفى.

د.جورج تارك

منسق نادي أطباء الاطفال في جبيل
وهذا البيان نتبناه كاطباء اطفال

05/02/2020

إلى المرضى الكرام يسرنا اعلامكم ان لقاح الحصبة والحصبة الالمانية وابوكعب(MMR) ولقاح الجدري(varicella)اصبحا متوفرين من جديد بعد انقطاعهما من السوق لفترة جيدة لمن يرغب باعطاء اللقاح الرجاء الاتصال لاخذ موعد مسبق

26/01/2020

Ways to reduce risk of coronavirus infection

11/09/2019

للتّذكير فقط:
ان طعم فيروس الانفلونزا يمكن اعطاؤه لجميع الاطفال فوق الستة اشهر او ذوي الاطفال تحت هذا العمر و هو ضروري للاطفال اللذين يعانون من مشاكل في الرئة او المشاكل الخلقية.
ان هذا الطعم هو عبارة عن جرعتين (بفارق شهر) ان كان الطفل يتلقى الطعم لاول مرة في حياته و يبلغ أقل من ثمان سنوات او جرعة واحدة في حال تلقيه في السنوات السابقة او يبلغ اكثر من ثمان سنوات.
يفضل تلقي الطعم في شهر تشرين الاول و ان نسبة نجاح الطعم تتفاوت بين سنة و اخرى حسب مدى التغيرات اللتي يجريها الفيروس خلال دورانه حول الارض.
و اخيرا يمكن ايضا اعطاؤه للاطفال اللذين يعانون من حساسية البيض.

11/09/2019

حضرة المرضى الكرام نعلمكم بتوفر لقاح الانفلوانزا الموسمي لمن يرغب باعطاء اللقاح الرجاء الاتصال على رقم العيادة للمواعيد