https://www.facebook.com/615459454989808/

Kau’s Diary, Aluthgama (2026)

01/01/2026

කිරියෙන් පැණියෙන් ඉතිරෙන , සියලු බලාපොරොත්තු ඉටු වන සුභම සුභ නව වසරක් වේවා !!

31/12/2025

ඉතින් ලස්සන ලමයෝ,
අද 2025 වසරේ අන්තිම දවස. මතකයන් ගොඩක් අපේ ජීවිතයට එකතු වූ වසරක්. ගොඩක් ආදරණීය චරිත ජීවිතයට මුණ ගැසුනු වගේම, සමහර දෙනා අපෙන් ඈත් වුනු වසරක්. අපේ ජීවිත වලට යාලුකම් , ආදරය බලෙන් ලබා ගන්න බෑ. රංඩු කරලා ලබා ගන්න හදන දේවල් තාවකාලිකයි. හමුවීම මගහැරීම වෙන්නෙත් අපේම හොදට.

ඉතින්, 2025 අවසානයේදි ඉතුරු වු ලස්සන මතකයන්, ආදරනීය හදවත් වලට ස්තුති කරන්න.

අමිහිරි අත්දැකීම් වලින් ජීවිතයට යමක් එකතු කර ගන්න.
ජීවිතයේ අලුත් ඉලක්ක හදා ගන්න. ඉලක්කයට වැඩ කරන්න උනන්දු වෙන්න. කාල රාමුවක් හදා ගෙන එකට වැඩ කරන්න.

මේ විශ්වය අපිට ලබා දෙන හැම දෙයටම ස්තුති කරන්න.
2026 අවුරුද්දට vision board එකක් හදා ගන්න. 2026 අරමුණු, ඉලක්ක ඒකට ඇතුලත් කරන්න.

2026 කියන්නේ ඔයාගේ ජීවිතයේ හීන හැබැ වෙන අවුරුද්ද.🌸
වැරදි අඩුපාඩු හදාගෙන අලුත් විදියට ඉලක්ක වලට වැඩ කරමු. මේ ජීවිතයේ අපිට කරන්න බැරි දෙයක් නෑ. අපි උත්සහ කරන්න උනන්දු නොවෙන එකයි ගැටලුව. මොන දෙයක්වත් කියන තරම් අමාරු නෑ ලමයෝ.

ඉතින්, අලුත් අරමුණු , අලුත් බලාපොරොත්තු එක්කම 2026 නව වසර ඔයාගේ ජීවිතේ හොදම අවුරුද්ද වේවී ❤️!!
✍ Kau's Diary

03/12/2025

‼️මී උණ මාරාන්තිකයි
මේ විශාල ආපදාවෙන් පීඩා විදි ඔබ වෙනුවෙන් ලංකාවාසී හැම දෙනාම එකා මෙන් කැප වෙලා වැඩ කරන්වා. රාජ්‍ය පෞද්ගලික සහන කණ්ඩායම්, උපකාර කරන්නන් ක්‍රියාත්මක වෙලා තියෙනවා. මේ වන විට ජල මට්ටම පහල ගියද අවදානම අඩු වෙලා නෑ. ඉතින්, මෙවැනි කාලයක මී උණ (Leptospirosis) රෝගය යලි හිස ඔස වන්න පටන් ගැනීමේ හැකියාවක් ඇත.
මෙම රෝගය වැලදුන සතුන්ගේ මුත්‍රා හරහා මිනිසුන්ට මෙය බෝවීම සිද්ධ වෙනවා. මේ කාලයේ, ගං වතුරෙන් පීඩා විදින අයද, සහන කණ්ඩායම් වල අයද, ගං වතුර නැරඹීමට යන අයද නැත්නම් උපකාර කල අයද මේ රෝගය වැලදීමේ අවදානමේ පසු වෙනවා. යම් විටක ඔබගේ පාද වල ඇති සියුම් සීරීමක හරහා මෙම රෝගය ඔබට වැලදිය හැක.

⭐️රෝග ලක්ශණ
තද උණ
තද හිසරදය
මස් පිඩු වේදනාව
ඔක්කාරය
ඇස් රතු වීම
අදික තෙහෙට්ටුව
ආරක්ෂාක පියවර
ආරක්ශක පාවහන් පලදින්න.
නිරාවරණය වූ සම සබන් යොදා සෝදන්න.
ගං වතුරට නිරාවරනය වීමෙන් වලකින්න. එසේ අවදානමට ලක් වුවහොත් ප්‍රතිජීවක ඖෂධ (Doxycycline 💊) ලගම ඇති MOH හෝ PHI මහත්මයා හරහා ලබා ගන්න.

ඒ වගේම ඉහත රෝග ලක්ෂණක් තිබේ නම් ඉක්මනින්ම වෛද්‍ය උපදෙස් ලබාගන්න. නිසි කලට ප්‍රතිකාර ලබා ගත නොගතහොත් හොත් ඔබගේ වකුගඩු, මොලය, අක්මාව හරහා පැතිර මාරාන්තික විය හැක.

මෙම අභියෝගාත්මක වේලාව තුළ අපි එකිනෙකා ආරක්ෂා කර ගෙන හැමෝටම උදව් කරමු.
✍ Kau's Diary

01/12/2025

සීතල දෙසැම්බර්ය
වෙනදා වගේම වසරේ අවසාන මාසය උදා වෙලා. ඒත් වෙනදා නොතිබුනු අභියෝගාත්මක කාලයකට හැමෝම මුහුන දෙමින් ඉන්නේ.නැති වූ දේ බොහොමයි. ඒත් අපේ ජනතාව වෙනුවෙන් අපි එක රැස් වෙනවා.
ඔබට ජීවීත කාලය පුරාම එක රැස් කල දේවල් ඊටත් වඩා හොදින් හදා ගන්නට ශක්තිය ලැබේවා 🙏🙏!!!
සුන්දර නත්තල සමගම අපි හැමෝටම අලුත් ජීවයක්, අලුත් බලාපොරොත්තු ලැබේවා🙏🙏 !!!
✍Kau's Diary

30/11/2025

අපේ රටට බලපාපු ඉතාම දරුණු ආපදා සමයක් මේක.මේ අමාරු කාලයේ, අපි හැමෝම හැම දෙනාටම උදව් කර ගන්න ඕනි.
ඉතින්, මේ කාලයේ ඔබට ඇතිවන ඕනම කායික, මානසික ගැටලුවට අපිට කතා කරන්න. මානසික සෞඛ්‍යය විද්‍යාතනයේ අපි ඔයාලා එක්ක ඉන්නවා. පැය 24 පුරාම අප එක්ක සම්බන්ධ වෙන්න පුලුවන්.
ඔයාලා කැමතිනම් ☎️ 1926 අංකය ඔස්සේ අපිට කතා කරන්න. එහෙම නැත්නම් 0755551926 ඔස්සේ SMS, whatsup කරන්න පුලුවන්.
හැමෝම පරිස්සමෙන් ඉන්න. මේ අමාරු කාලයේ ඉක්මනින්ම පහ වෙලා යාවි.
✍Kau's Diary

26/11/2025

ඉතින් ලස්සන ළමයෝ,

කොහොමද ඔයාලට? එක දිගට ඇද වැටෙන වැස්සත් එක්කම අද දවසේ වැඩ ටික ඉවර කරලා ගෙවල් වලට කඩි ගුලක් වගේ හැමෝම දුවනවා. 🌧🌧
වැස්ස තවත් වැඩි කරන්න කලින් ගෙදරට යා ගන්නයි මේ හදන්නේ. ඉතින් අද වගේ සීතල දවසක උනුසුම් කෝපි කෝප්පයක් බොන්න අපි කොහොමත් කැමති. කෝපි වලට ගොඩක්ම ප්‍රිය නොකරන කෙනෙක් වුනත් සීතල වෙලාවට බොන්න කැමති.
කෝපි වල ඉතිහාසය දිහා බැලුවොත් මුල්ම කෝපි පැලය ඉතියෝපියාවෙන් තමයි හොයාගෙන තියෙන්නෙ. එය ඊලගට යුරෝපය හරහා ලෝකයටම ව්‍යාප්ත වෙලා තියෙනවා. ඒ වගේම ලංකාවට කෝපි හදුනවා දීල තියෙන්නේ 17 වෙනි

ශත වර්ශයේ. මේ වෙනකොට බොහෝ දෙනෙක් කැමති කෝපි රස ගැන්වුන් ආහාර වර්ගත් ගොඩක් තියෙන්වා.
ගතේ මහන්සි යන්නත් එක්ක්ම බොමුද උනුසුම් කෝපි කෝප්පයක් ☕?
සුභ රාත්‍රියක් හැමෝටම !

✍ Kau's Diary

01/11/2025

Sweat November
මේ අවුරුද්දෙත් සුන්දර නොවැම්බර් මාසය උදා වෙලා. අදින් පටන් ගන්නා මේ මාසයේ ඔයාලගේ ජීවිතෙත් අලුත් කර ගන්න.
වෙනස් දෙයක් ජීවිතේට එකතු කර ගන්න.
අවුරුද්ද පුරාම කරන්න හිත හිතා හිටපු දෙයක් මේ මාසේවත් පටන් ගන්න. මෙච්චර කල් වෙනස් කර ගන්න බැරි වුන නරක පුරැද්දක් අත් හරින්න. අලුත් හොද දෙයක් පුරුද්දක් එකතු කර ගන්න.
සමහර අයට අලුත් ව්‍යාපාරයක් පටන් ගන්න අඩිතාලම දාන්න පුලුවන්. විදේශ ගත වෙන්න උත්සහ කරන්න පුළුවන්. වෙනස් දෙයක් ඉගෙන ගන්න පුලුවන්. තමන්ගේ ජීවිතේ සාර්ථකත්වය උදෙසා මොනාහරි දෙයක් කරන්න පුළුවන්.සමහරවිට ඒක ඔයාගේ ජීවිතේ හැරවුම් ලක්ශයක් වේවි.
ඉතින් ලස්සන ලමයෝ, මේ නොවැම්බර් මාසය ඔයාලා හැමෝටම සුන්දර සතුටුදායක මතකයන් පිරුණු මාසයක් වේවා !!
✍️Kau's Diary

27/10/2025

ඉතින් ලස්සන ළමයෝ,
අද දවස කොහොමද ඔයාලට?
අපේ ජිවිතෙත් එක දිගට ගලාගෙන යන ගගක් වගේ. තැනිතලා, කදු අතරින් විටෙක හෙමින් විටෙක වේගයෙන් ඉදිරියටම ගලා ගෙන යනවා. කොහොමහරි අන්තිමේදි මහ සාගරය හමු වෙනවා. ඉතින්, අපේ ජීවිතයත් කරදර ගැටලු එක්කම ගලා ගෙන යනවා.
ඉතින්, අපේ ගැටලුවකදි බයක් නැතුව ඔනී දෙයක් කතා කරන්න, උත්තරයක් නැතත් හිතේ තියෙන දේ කියලා නිදහස් කර ගන්න කෙනෙක් ඉන්නම ඕනි. මාත් ආස වුනේම මගේ ආදරණීයන්ට ආදරනීය පුද්ගලයෙක් වෙන්න. බලාපොරොත්තුව නැතිකරගෙන අන්තෙටම ගිලුන කෙනෙක්ගෙ මුහුණට හිනාවක් ගෙන්න. එයාලව දිරිමත් කරන්න. වචනෙකින් හරි උදව් කරන්න. එයාල දිනනකොට ඒ දිහා බලලා සතුටු වෙන්න. සමහර වෙලාවට මටත් මහන්සි. දුක හිතෙන අවස්තා තියෙන්වා. ඒත් ඒ සේරම අමතක වෙනවා තවත් කෙනෙක් ජීවිතේ ලස්සනට දිනලා ඉන්නවා දැක්කම.
ඉතින් ලස්සන ළමයෝ, ඔයත් හැම කෙනෙක්ටම මුණනොගැසෙන, සරල ආදරණීය පුද්ගලයෙක් වෙන්න. හැමෝගේම හිත්වල රැදුනු චරිතයක් වෙන්න
✍️Kau's Diary

26/10/2025

ඉතින් ලස්සන ළමයෝ,
මේ සති අන්තය ඔයාට කොහොමද? එකදිගට කඩාවැටුනු වැස්සත් එක්ක ගෙදරටම වෙල ඉන්න වුනා නේද? එහෙම තමයි කාලෙන් කාලේට වෙනස් වෙන දේශගුනෙත් එක්ක අපේ ජීවන රටාවත් වෙනස් වෙනවා.
වැස්ස කියන්නෙම අමුතුම vibe එකක්. දවස පුරාම එක දිගට ඇද හැලෙන වැස්ස තුරල් කරන්නෙ නැති නිසා ගේ ඇතුලට වෙලා ඉන්න වෙනවා. එහෙම වෙලාවට අම්මත් එක්ක කතාවක් දාගෙන කෝපි එකක් බොන්න මන් හරි ආසයි. අම්මලගේ පොඩි කාලේ වුන රසබර කතාවක් අහන්නත් පුලුවන් මේ වගේ දවසට. උණුසුම් කෝපි කෝප්පයක් එක්ක ආසම පොතක් කියවනවා කියන්නේ මට නම් දිව්‍ය ලෝකයක්. පොඩි කාලේ ඉදන්ම පොත් පිස්සෙක් වුන මට වැහිබර දවස් වලට, පොතක් කියවන්න තිබුනානම් කියන හැගීම හිතට එනවා.
අපේ හැගීම් දේශගුනෙත් එක්ක වෙනස් වෙනවා.
ඉතින්, මාත් උත්සහ කරා ලෝරාගේ මතකය අලුත් කර ගන්න.
✍️kau's Diary

15/10/2025

1926 - ජාතික මානසික සෞඛ්‍යය උපකාරක සේවාව

ඔබ සිත් තැවුලෙන්ද?
විභාග නිසා ආතතියට පත් වෙලාද?
ප්‍රශ්න ගොඩක හිර වෙලා කතා කරන්න්වත් කෙනෙක් නැද්ද?
ඔබට ජීවිතය නැති කර ගන්න හිතෙනවද?

ඉතින් ඔබට පුලුවන් 1926 - ජාතික මානසික උපකාරක සේවයේ අපිට කතා කරන්න. අපි පැය 24 පුරාම ඔබ වෙනුවෙන් ඉන්නවා. මෙහිදි ක්ශේත්‍රයේ පුහුනු කාර්‍ය මණ්ඩලය ලෙස වෛද්‍යවරයකු හෝ හෙද නිලධාරීයෙකු ඔබ හා සම්බන්ධ වෙනවා. ඒ තුලින් ඔබගේ ගැටලු විසදා ගැනීමට සහය වීම, වෙනත් උපකාර අවශ්‍ය නම් ඒ සදහා යොමු කිරීම, සායන සදහා යොමු කිරීම සිදු වෙන්වා.
ඉතින්, මේ සේවයේ යෙදී ඉන්න ක්‍රියාකාරි හෙද නිලදාරිනියක විදියට අද දවස ටිකක් මට විශේෂයි. එනම අද දිනට මෙම සේවය ආරම්භ කරලා සත් වසරක් සපිරෙනවා. එනම් 2018 ඔක්තෝබර් 15 වැනිදා තමයි මෙය ආරම්භ කරලා තියෙන්නෙ. ජාතික මානසික සෞඛ්‍ය විද්‍යාතනයෙන් ආරම්භ වු මෙය මේ වන විට විවිධ දිස්ත්‍රික්ක වල රෝහල් දක්වාම ව්‍යාප්ත වෙලා තියෙනවා.
මේ හරහා සේවය සපයන ප්‍රමාණය අවුරුද්දෙන් අවුරුද්දම ඉහල ගිහින් තියෙන්වා. එ වගේම කතා කරන්න අකමැති අයට අපගේ chatline සේවාව ආරම්භ වෙලා තියෙන්වා. ඒ තුලිනුත් ඔබට 0755551926 යන අංකයට whatsup හෝ කෙටි පනිවිඩ ඔස්සේ අප හා සම්බන්ධ විය හැකිය.
ඉතින්, මේ කාලය තුලදී මේ සේවාව හරහා විශාල ප්‍රමාණයක් සම්බන්ධ වෙලා තියෙනවා.නමුත් අද වන විට ලැබෙන ඇමතුම් ප්‍රමාණය ඉහල ගිහින් සමහර ඇමතුම වලට සම්බන්ධ වෙන්නත් නොහැකි තත්ත්වයක් තියෙන්වා. කෙසේ නමුත් සියලු ඇමතුම් වලට සම්බන්ධ වෙන්නයි අපගේ බලාපොරොත්තුව.
ඉතින්, ඒ වගේම ඉදිරියටත් මේ වටිනා සේවාව තවදුරටත් ව්‍යාප්ත වී දියුණු වී උපකාර අවශ්‍ය සෑම කෙනෙක්ට ලබාගත හැකි වේවා යන්න අද දවසේ ප්‍රාර්ථනයයි.
✍️ kau's Diary

12/10/2025

ඉතින් ලස්සන ලමයෝ☺️,
සති අන්තය කොහොමද ඔයාට? නිවාඩු පාඩුවේ හිටියද? හරියට වැඩ ටික කර ගන්න බැරි වුනාද?
හෙට ඉදන් පටන් ගන්න සතියේ වැඩ මතක් වෙලා අද ඉදන්ම stress එකේද ඉන්නේ?
එහෙම තමයි හැම දවසක්ම, හැම සති අන්තයක්ම එක වගේම ලස්සන සුන්දර දවස් වෙන්නේ නෑ. ගිය සතිය සතුටින් ගෙවිලා ගියාට, මේ සතිය වැඩ නිසා කාර්‍යබහුල වෙන්න පුළුවන්. වැඩ ගොඩ ගැහිලා කන්නවත් වෙලාවක් නැතිව අඩන්න තරම් දුක හිතුන දවසකත් ඔයාට හිතන්න පුලුවන් හැමදාම දුක හිතෙන දවස් තියෙන්නෙ නෑ කියලා.
ඉතින් එහෙම දුක හිතුන දවසක ඔයාට පුලුවන් පොලියානාගේ "සතුටු හිතෙන සෙල්ලම" කරන්න. හැමදාම අමාරු, දුක හිතෙන දවස් නෑ ලස්සන ලමයෝ. හැම දවසකටම තියෙන්නේ පැය 24 යි නේ.
✍️kau's Dairy

Kau’s Diary

01/01/2026

31/12/2025

03/12/2025

01/12/2025

30/11/2025

26/11/2025

01/11/2025

27/10/2025

26/10/2025

15/10/2025

12/10/2025

Address

Website

Alerts

Shortcuts

Share

Category