22/09/2025
2025 සැප්තැම්බර් මස 19 දින, සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මැතිතුමා අම්පාර දිස්ත්‍රික් මහ රෝහලේ නිරීක්ෂණ චාරිකාවකට සහභාගිවිය.
මෙම අවස්ථාවේදී, පසුගිය කාලයේ ආරම්භ කර, නතර කර තිබූ හදිසි අනතුරු ඒකකය (A & E) සහ කැතීටකරණ ඒකකයේ ඉදිකිරීම් කටයුතු නිරීක්ෂණය කෙරුණි. එමෙන්ම, රෝහලේ අභ්‍යන්තර මාර්ග පද්ධතිය සංවර්ධනය කිරීම ආරම්භ කරන ලද අතර නවීන පහසුකම් සහිත ගිලන් රථයක් හා ජංගම පරීක්ෂණාගාර රථයක් නිළ වශයෙන් රෝහලට ප්‍රදානය කිරීමද සිදු විය.
මෙම ප්‍රවර්ධන කටයුතු මගින් රෝහලේ සේවා මට්ටම වැඩි දියුණු කිරීම සහ රෝගීන්ට නවීන හා වේගවත් සෞඛ්‍ය සේවාවන් ලබා දීම අරමුණ වේ.
