21/09/2020
ශ්‍රී ලක්ෂ්මී ආකර්ෂණයට විශේෂ පූජාවක්‌
සර්ව ශුභවාදී දෙවඟනක්‌ ලෙස පෙනී සිටිමින් සාමය, සමෘද්ධිය, සශ්‍රීකත්වය, රූපශ්‍රීය, ධනය, සෞභාග්‍යය වැනි ශුභවාදී සම්පත් සකල ලෝකවාසී සත්ත්වයාට දානය කරන්නාවූ ශ්‍රී ලක්ෂ්මී දේවියගේ ඇල්ම බැල්ම යම් නිවසකට ලැබීමෙන් එකී නිවසේ ජීවත්වන්නන්ගේ සියලු දුක්‌ කරදර මඟහරවා සෞභාග්‍යය උදාවන බව සත්‍යයකි.
එකී යහපත උදාකරගැනීම පිණිස අනාදිමත් කාලයක සිට බැතිමතුන් විවිධ පුදපූජා සිදුකරන අතර ශ්‍රී ලක්ෂ්මී දේවියගේ ආකර්ෂණය තම නිවසට ළඟාකර ගනිමින් සහනයෙන් ජීවත්වීමට කැමති ඔබටද ඒ සඳහා මෙම පූජා ක්‍රමය අනුගමනය කළහැකිය.
බදාදා දිනවල හිමිදිරි පාන්දර මල්, පහන්, සුවඳදුම්, පැන්, කිරි ආහාර පූජාකර බුදුන්වැඳ දෙවියන්ට පිං අනුමෝදන් කරන්න. ඉන් අනතුරුව නිවසේ මධ්‍යලක්‍ෂය (හරි මැද) හෙවත් බ්‍රහ්ම පාදයේ උස්‌ ආසනයක්‌ තනා ශ්‍රී ලක්‍ෂ්මියගේ වාසභවන බෙලි වෘක්‍ෂය බැවින් බෙලි කොළ ආසනයේ අතුරා ඒ මත ඇයගේ පිළිරුවක්‌ ඊසාන දිශාවට මුහුණලා තබා නෙලුමක්‌ තම ආසනය කොටගත් බැවින් නිවසේ සාමාජිකයන් සියලුදෙනා වෙනුවෙන් නෙලුම්මල බැගින්ද සඳුන්තෙල් පහන බැගින්ද සුවඳ දුම් සමඟ පූජාකර නිරිත දිශාව බලා වන්aදනා මාන කර පිං අනුමෝදන් කර පහත සඳහන් ශ්‍රී ලක්ෂ්මී ගාථා ගායනා කර තම තමන් බලාපොරොත්තු වන්නා වූ අභිමතාර්ථ ඉටුකර දී නිවසේ සියලු දෙනාගේ සුබසිද්ධියත් සෞභාග්‍යයත් උදාකරදෙන ලෙස ඉල්ලා සිටීමෙන් ඔබගේ බලාපොරොත්තු ඉටුවීම පිණිස ශ්‍රී ලක්‍ෂ්මියගේ ඇල්ම බැල්ම ආකර්ෂණය නිරතුරුවම උදාවනු ඇත.
ශ්‍රී ලක්ෂ්මී නාම ස්‌තෝත්‍රය
ඕං මහා දේවාය නමඃ
ඕං ගරුඬා රූඩ තොලා සුර භයංකරී නමඃ
සර්ව පාපහරේ දේවි නමඃ
මහා මාතා මහා ලක්ෂ්මී නමඃ
සිද්ධි බුද්ධි ඥන දේවි නමඃ
බුක්‌ති මුක්‌ති ප්‍රදායිනී නමඃ
මන්ත්‍ර මූර්තෙ සදා දේවි නමඃ
ස්‌ථුල සූක්‍ෂම මහා රෞද්‍ර නමඃ
ආද්‍ය ශක්‌ති මහා මහෙශ්වරී නමඃ
මහා පාප හරේ දේවි නමඃ
පද්මාසන සථිතෙ දේවි නමඃ
නා නා ලංකාර භූෂිතෙ නමඃ
ජගන් ස්‌ථිතෙ ජගන් මාතා නමඃ
මහා මාතා මහා ලක්ෂ්මී නමඃ
සර්වක්‍ෂ සර්වවරදෙ නමඃ
සර්ව දෘෂ්ටි භයංකරී නමඃ
සර්ව දුක්‌ඛ හරේ දේවි නමඃ
මහා මාතා මහා ලක්ෂ්මී නමඃ
ශීරො මේ විෂ්ණු පන්නීච
ලලාටම මාත්‍රො භවා
චක්‌ෂුශී සුවිලාක්‍ෂී
ශ්‍රවණෝ ගාග රාම් බුජා
පූජාව අවසානයේ භක්‌තිමත් සිතින් මෙසේ කන්නලව් කරන්න.
ශ්‍රීමත් උතුම් වූ ශ්‍රී ලක්ෂ්මී නමෝපලක්‍ෂිත වූ ඔබ දිව්‍යාංගනාවන් වහන්සේ ශ්‍රී ලක්ෂ්මී, මහා ලක්ෂ්මී, ධන ලක්ෂ්මී, රූප ලක්ෂ්මී, නෘත්‍ය ලක්ෂ්මී, ප්‍රතාප ලක්ෂ්මී, සූර්ය ලක්ෂ්මී, වීර්ය ලක්ෂ්මී ප්‍රඥා ලක්ෂ්මී, සුන්දර ලක්ෂ්මී, සර්ව රෝග නිවාරණ ලක්ෂ්මී වශයෙන් දස වාරයක්‌ මෙලොව පහළවී සකල ලෝකවාසීන් වෙත දයාව කරුණාව දානය කරමින් සියලු දුක්‌ඛ දොaමනස්‌සයන් හිරු දුටු පිනි මෙන් විද්වංශනය කොට සර්ව සෞභාග්‍යය උදාකර දුන් බව සැබෑය.
ස්‌වර්ණ කුම්භයක්‌ සුරතින් දරා ස්‌වර්ණ කහවණු අත්ලෙන් වගුරුවමින් සකල ඓශ්චර්යයටත් සෞභාග්‍යයටත් අධිපතිත්වය දරමින් ලෝකවාසී සත්ත්වයා වෙත ධනය, රූපශ්‍රීය, සාමය, සමෘද්ධිය, ප්‍රේමය ප්‍රදානය කරමින් සැමගේ සිත් සතන් පුබුදු කරමින් දේශයෙන් දේශයට රටින් රටට ගමින් ගමට නිවසින් නිවසට හදවතින් හදවතම සපැමිණ සතුට ප්‍රදානය කරන්නා වූ ඔබ වහන්සේගේ පාදමූලයට නමස්කාර කොට පුද පඬුරු ඔප්පුකර මල් පහන් සුවඳදුම් ආදී අනේක විධ පූජෝපහාරයන් පුදකොට සැලකර අයෑද සිටින්නාවූ අපගේ අභිමතාර්ථයන් ඉෂ්ට සිද්ධ කරවා සියලු දුක්‌ඛ දොaමනස්‌සයන් දුරුකරවා සකල ඓශ්චර්යයත් සර්ව සෞභාග්‍යයත් ළඟාකරදී වැඩිදියුණු කරවා සියලු යස ඉසුරින් සපුරවා යහපත්වූ හෙට දවසකට අශිර්වාද කරන සේක්‌වා·
මෙය තවත් කෙනෙක්ට යහපතක් වනු පිනිස Share කරන්න
