MOH Biyagama

28/06/2025

ලෝක මත්ද්‍රව්‍ය විරෝධී දිනයට සමගාමීව, දුම්වැටි හා මත්ද්‍රව්‍ය භාවිතයෙන් තොර තරුණ ප්‍රජාවක්, උදෙසා සපුගස්කන්ද පොලිසිය හා එක්ව ග්‍රාමීය තරුණ ප්‍රජාව හා වැඩිහිටි ප්‍රජාව දැනුවත් කිරීමේ වැඩසටහනක්, බියගම සෞඛ්‍ය වෛද්‍ය නිලධාරීය කාර්යාලයේ මාකොල මහජන සෞඛ්‍ය පරීක්ශක මහතාගේ සම්පත් දායකත්වය මගින් 2025.06.26 දින බියගම් ප්‍රාදේශීය ලේකම් කාර්යාල පරිශ්‍රයේදී සිදු කරන ලදි.
සහයෝගය ලබා දුන් සැමට ස්තූති.

12/02/2025

බියගම සෞඛ්‍ය වෛද්‍ය නිලධාරී කාර්යාලය විසින් සංචිධානය කරන ලද ඩෙංගු මර්ධන වැඩසටහන 2025/02/12 වන දින බියගම සෞඛ්‍ය වෛද්‍ය නිලධාරී කොට්ඨාසයේ දී පැවැත්විණි. රජයේ Clean Sri Lanka නියමු ව්‍යාපෘතියට සමගාමීව පැවැත්වුණු මෙම වැඩසටහනේදී ආයතන පරීක්ෂාව, නිවාස පරීක්ෂාව හා පොදු ස්ථාන සුද්ධ පවිත්‍ර කිරීම හරහා පවතින ඩෙංගු වසන්ගත තත්වය පාලනය කිරීම සදහා කටයුතු සිදුකරන ලදී .

19/06/2024

දැනට පවතින වැසි කාලගුණය නිසා ඩෙංගු අධි වසංගත තත්ත්වයක ලකුණු පවතින බියගම සෞඛය වෛද්‍ය නිලධාරී කොට්ඨාසය පදනම් කරගෙන ගම්පහ සෞඛ්‍ය සේවා අධ්‍යක්ෂක, උපදෙස් පරිදි, බියගම සෞඛ්‍ය වෛද්‍ය නිලධාරී,පරිපාලන මහජන සෞඛ්‍ය පරීක්ෂකගේ අධීක්ෂණය යටතේ, මහජන සෞඛ්‍ය පරීක්ශක කොට්ඨාස තුනක පවත්වන ලද විශේෂ ඩෙංගු මර්දන වැඩසටහන....

විශේෂ ස්තූතිය.
ගම්පහ සෞඛ්‍ය සේවා අධ්‍යක්ෂක වෛද්‍ය ඉන්ද්‍රානි මල්වැන්න, හා එම කණ්ඩායම දොම්පේ සෞඛ්‍ය වෛද්‍ය නිලධාරී හා එම ඩෙංගු මර්දධ කණ්ඩායම, මහර සෞඛ්‍ය වෛද්‍ය නිලධාරී හා එම ඩෙංගු මර්දන කණ්ඩායම හා නන් අයුරුන් සහය දුන් සැමට

-බියගම සෞඛ්‍ය වෛද්‍ය නිලධාරී සහ මහජන සෞඛය පරීක්ෂකවරු-

27/05/2024

15/05/2024

🔴 2024 වෙසක් මංගල්‍යය වෙනුවෙන් ඔබ විසින් සංවිධානය කරනු ලබන දන්සැල් ඔබ ප්‍රදේශයට අදාළ සෞඛ්‍ය වෛද්‍ය නිලධාරී කාර්යාලයේ අනිවාර්යයෙන්ම ලියාපදිංචි කිරීමට කටයුතු කරන්න.

දන්සැල් පැවැත්වීමට අදාල සෞඛ්‍යමය උපදෙස් මහජන සෞඛ්‍ය පරීක්ෂකවරැන් විසින් ලබා දෙන අතර සියලු දන්සැල් සෞඛ්‍යාරක්ශිත ද යන්න පරීක්ෂා කරනු ලැබේ.

බැති සිතින් ලබා දෙන දන්සල කිසිවකුටවත් හානියක් නොවී පැවැත්වීමට නිවැරදි උපදෙස් ලබාගන්න.

සෞඛ්‍යට නුසුදුසු තත්වයෙන් පවත්වන දන්සල් පවත්වාගෙන යාමට ඉඩ ලබා නොදෙන බව කරුණාවෙන් දන්වා සිටිමු.

වැඩි දුර විස්තර සදහා ඔබ ප්‍රදේශයේ මහජන සෞඛ්‍ය පරීක්ෂක මහතා අමතන්න.

🔴 දැනුවත් වීම සදහා කරුණු කිහිපයක්....

💠 දන්සැල සදහා පිරිසිදු පානීය ජලය භාවිතා කළ යුතුය. සෞඛ්‍ය ආරක්ෂිතව ජලය ගබඩා කර ගැනීම කළ යුතුය. දූෂණය වීම අවම කර ගත යුතුය

💠 අපජලය ක්‍රමානුකූලව බැහැරලීම කළ යුතුය. අපජලය එකතු වන ස්ථාන දන්සැල පවත්වා ගෙන යන කාලය තුල නිරන්තරයෙන් සෝදා පිරිසිදු කිරීම කළ යුතුය. අපවිත්‍ර ජලය මාර්ගය ඔස්සේ ගලා යාමට සැලැස්වී නොකළ යුතුය

💠 දන්සැලින් එකතුවන කසළ වර්ග කිරීමත්,එකතු කිරීමට ප්‍රමාණවත් පියන සහිත කසළ බදුන් හෝ බෑග් භාවිතා කළ යුතුය.

💠 දන්සැල පැවැත්වීමෙන් පසු පෙර තිබූ පරිදි ස්ථානය පිරිසිදු කිරීම කළ යුතුය.

💠 දන්සැල සදහා දායක වන සෑම තැනැත්තෙකුම පුද්ගලික ස්වස්ථාවය ආහාර ස්වස්ථාව සනීපාරක්ෂාව පිළිබද ඉහළ මට්ටමින් ක්‍රියා කළ යුතු අතර ආහාර විෂවීම් ඇති නොවීමට වග බලා ගත යුතුය.

💠 දන්සැල් පරිශ්‍රය තුල බුලත් විට සැපීම, දුම්පානය කිරීම බීමත්ව හැසිරීම සම්පුර්ණයෙන්ම තහනම් වේ.

💠 කිසියම් බෝවන රෝගයකින් පෙළෙන්නෙකු, චර්ම රෝගයකින් පෙළෙන්නෙකු දන්සැල් කාර්ය මණ්ඩලය සදහා සභාභාගි කරවා නොගත යුතු අතර දන්සැල් පරිශ්‍රය තුල රැදි සිටීමද නොකළ යුතුය.

🔴 බත් / කඩල දන්සැල සඳහා කොන්දේසි

1. ආහාර පිසින ස්ථානයේ ප්‍රමාණවත් තරම් ඉඩ පහසුකම් තිබිය යුතුය.

2. වැසිකිළි අසළ හා කාණු උඩ හෝ අසල ආහාර පිසීම නොකළ යුතුය.

3. ආහාර පිළියෙල කිරීමට ගන්නා සියලුම භාණ්ඩ හා උපකරණ සබන් දා හොදින් සෝදා පිරිසිදු කර භාවිතා කළ යුතුය.

4. ආහාර පරිහරණය කරන්නා හොදින් සබන්දා අත් සේදීම කළ යුතු අතර ප්‍රමාණවත් සබන් සපයා තිබිය යුතුය.

5. පිරිසිදු ඇදුම් පැලද සිටිය යුතුය. නිළ ඇදුමක් ලබාදීම වඩාත් උචිතය.

6. සෑම අවස්ථාවකදීම මැස්සන්ගෙන් ආහාර ආරක්ෂා කර ගැනීමට වසා තැබිය යුතුය.

7. කුණු කසළ විවෘතව නොතබා පියන සහිත බදුන් වල බහාලිය යුතුය. අප ජලය ක්‍රමාණුකූලව බැහැරලිය යුතුය.

8. දන්සැල්හි ආහාර පිළිගන්වන්නන් අත්වැසුම්, හිස් වැසුම්, මුඛ ආවරණ පැළද සිටිය යුතුය.

🔴 අයිස් ක්‍රීම් / කෝයි / සිසිල් බීම දන්සැල සදහා කොන්දේසි

1. අයිස් ක්‍රීම් නියමිත උෂ්ණත්වයේ ශිතකරණ වල ගබඩා කර තැබිය යුතුය.

2. ආහාර පිළිගන්වන්නන් අත්වැසුම්, හිස් වැසුම්, මුඛ ආවරණ පැළද සිටිය යුතුය.

3. කෝපි හා සිසිල් බීම සඳහා භාවිතා කරන කෝප්ප හොදින් සෝදා පිරිසිදු කළ යුතුය.

4. ප්‍රමාණවත් කසළ බදුන් තිබිය යුතුය.

(මෙහි ඇතැම් කරුණු කලවාන සෞඛ්‍ය වෛද්‍ය නිලධාරී කාර්යාලයේ පිටුවෙන් උපුටා ගන්නා ලදී.)

#දන්සැල්

30/03/2024

ශ්‍රී ලංකා මහජන සෞඛය පරීක්ශකවරුන්ගේ ගම්පහ දිස්ත්‍රික් සංගමයේ පවත්වන ලද ක්‍රිකට් තරඟාවලිය ප්‍රබල කණ්ඩායම් 12 අභිබවමින් බියගම මහජන සෞඛය පරීක්ශක කණ්ඩායම මෙවර ශූරතාවය ලබා ගන්නා ලදි.
ලකුණු 87 ක ප්‍රභල ඉලක්කයක්, කිසිදු කඩුල්ලක් නොදැවී ජයග්‍රහණය කිරීම හා තරඟාවලියේ වීරයා හා හොඳම පන්දු යවන්නාට හිමි සම්මාන දෙකම හිමි වීම.

බියගම සෞඛ්‍ය වෛද්‍ය නිලධාරී කාර්යාලයේ කීර්තිනාමය ආරක්ශා කරමින් ජයග්‍රහණය කරදුන් මහජන සෞඛය පරීක්ශකවරුන්ට අපගේ උණුසුම් සුභ පැතුම්....

23/11/2023

"යොවුන් සෞඛ්‍ය" වැඩසටහන
2023/11/22
සපුගස්කන්ද විශාඛා බාලිකා විද්‍යාලය
සම්පත් දායකත්වය: බියගම ප ම සෞ (වැ බ) S.A.P.S. පෙරේරා

23/11/2023

"යොවුන් සෞඛ්‍ය" වැඩසටහන
2023/11/23
බියගම මධ්‍ය මහ විද්‍යාලය
සම්පත් දායකත්වය: බියගම ම සෞ ප සුමුදු ලියනාරච්චි මහතා, ගෝනවල මසෞප සුමිත් ප්‍රියදර්ශනමහතා, බියගම ප ම සෞ (වැ බ) S.A.P.S. පෙරේරා

23/11/2023

"යොවුන් සෞඛ්‍ය " වැඩසටහන
2023/11/20
කඳුබොඩ මහ විද්‍යාලය
සංවිධානය: බියගම ප්‍රාදේශීය සභාව
සම්පත් දායක්ත්වය: මල්වාන ම. සෞ.ප. වනසිංහ මහතා, බියගම ප ම සෞ ප (වැබ) S.A.P.S. පෙරේරා

05/07/2023

බියගම ප්‍රාදේශිය සභාවෙන් පවත්වනු ලබන, පෙර පාසලේ පාසල් සෞඛය පූර්ව පරික්ෂණ වැඩසටහන..

08/06/2023

බියගම ගැබිනි මාතාවන්ට පෝෂණ මල්ලක්..