Dr.Hansanee Somaweera

04/02/2026

31/01/2026

මීගොඩ පලාත් ආයුර්වේද රෝහල් කැඩුම් බිඳුම් සායනය පිළිබඳ වීඩියෝ පටය සම්බන්ධවයි..
මේ පහත වීඩියෝව ගැන හා එදා සිද්ධිය සැලකිල්ලට ගැනීමක් නොකළත් එය සෑම තැනම share වන බැවින් අදහසක් පලකිරීම සුදුසු යැයි හිතනවා..
මීගොඩ පලාත් ආයුර්වේද රෝහල සෑම විටම රෝගීන්ට ප්‍රමුඛස්ථානය දෙන රෝහලක්.. වෛද්‍ය කාර්‍යමණ්ඩලය ,සේවක කාර්‍යමණ්ඩලය ඉතාමත් කාරුණික රෝගීන් වෙනුවෙන් ඇප කැප වූවන්..
ඒ අතරින් මේ viral වෙන කැඩුම් බිඳුම් සායනය රජයේ වැඩ දින උදේ 8 සිට සවස 6 වෙනකන් හා සියලුම රජයේ නිවාඩු දින වලද ඔබට සේවය උපරිම සේවය සලසන ඒකකයක්.
සායනය භාර වෛද්‍යවරය විදිහට මා හෝ සායනයෙ අනෙක් වෛද්‍යවරුන් වත් අපට උදව් වන අපගේ සේවක කාර්‍යමණ්ඩලයේ කිසි කෙනෙක් රෝගීන් අපහසුතාවයට පත් වන අයුරින් කිසිදු අවස්ථාවක අපගේ රාජකාරියේ යෙදී නොමැති අතර මෙහි අපි රෝගීන්ට සේවය ලබා දෙන්නෙ අපේ අපහසුතා පවා අමතක කරමින්....
අපේ unit එකෙන් ප්‍රතිකාර ලබා ගත් රෝගීන් හා අප සමග රාජකාරි කල වෛද්‍යවරුන් ඒ පිළිබඳ සාක්ෂිදරාවි.. තව දුරටත් මේ ඒකකය සංවර්ධනයට අපි තුළ ඇති කැමැත්ත හා උනන්දුව මත ඔබට තව දුරටත් කාර්‍යක්ෂ්ම සේවයක් ලබා දිම අපේ අරමුණයි.

මීගොඩ කැඩුම් බිඳුම් ඒකකය.
දවසකය 100 කට එහා ප්‍රතිකාර කරන සියලුම ආකාරයේ සන්ධි අවසන්ධි වීම් (Dislocation s) භග්න( Fractures ) වලින් පිරුණු ස්ථානයක්.. වරක් අපි වෙත පැමිණි ගම්පහ වෛද්‍ය ශිෂ්‍යයන් අපි ප්‍රතිකාර කරන්නාවූ රෝගීන් දැක පුදුම වූවා මතකය..
මෙය කැඩුම් බිඳුම් පිළිබඳ ඉගෙන ගන්නා වූ වෛද්‍ය ශිෂ්‍යයන්ට හොඳ තෝතැන්නක් කල හමාරය... භග්නයක් වුනුගමන් අපවෙත එන තරමට මහජන විශ්වාසය අප දිනා හමාරය.ලංකාවේ දසතින් අපවෙත ප්‍රතිකාර ගැනීමට පැමිණෙන රෝගීන්ට අප ප්‍රතිකාර කරනුයේ සතුටීනි.

ප්‍රතිකාර කිරීමේදී අපිශාරීරිකව මෙන්ම මනසද වෙහෙසිය යුතු වේ. උදේ යම් විවේකයක් ලබා ගනුයේ දිවා ආහාරය ගැනීම අනිවාර්යයෙන් පමා වන බැවිනි.කිසි දිනක දවල් 12 ට දිවා ආහාරයගත් දිනක් මගේ මතකයේ වත් නැත.මෙම සටහන තබන අද සෙනසුරාදා දින දවල් 12 ට රාජකාරිය අවසන් විය යුතු වුනත් දැන් වේලාව 2.45 p.m .තවම මා වත් කිසිදු සේවකයෙක් දිවා ආහාරය ගෙන නොමැති වුවත් මේ ගැන සදහන් කිරීමට කිසිවෙක් නොමැති වීම කණගාටුවට කරුනක්.
මේ රාජකාරියට අමතර දිමනා නැත.
ප්‍රශංසා අනවශ්‍යයි. රාජකාරිය හිත සතුටින් කිරීමට මේ වගේ බාල ලද බොලද වැඩ නොකරසිටියා නම් අහිංසකයින් රාශියකට පිටුවහලක් වේවි..
හෙට ඉඳන් අපිඅකුරට වැඩ කලොත් විනාඩි දහය වෙනුවට අපට හිමි දිවා විවේකයේ පැය දෙක ඔබට බලා ඉන්නට සිදු වේවි..

කැපවීම අගයන්න බැරි නම් බොරු විවේචන ප්‍රසිද්ධ නොකරන්න

වෛද්‍ය හංසනී සෝමවීර

21/01/2026

සායන කතා 01
උදේ ඉඳන් සායන වල ප්‍රතිකාර කටයුතු වල නියැලෙනකොට ඉදිරියේ වාඩි වෙන රෝගියාගෙන් සමාජයේ විවිධ පැතිකඩ,වීව්ධ සමාජ තල විවිධ මානසික මට්ටම් දකින්න ලැබෙනවා.. විශේෂයෙන්ම කැඩුම් බිඳුම් සායනයේදී .. විව්ධාකාර කථා..
සමහර දවස් තියෙනවා හුස්මත් බරට දැනෙන....

ඉතින් මේ ඒ වගේ කථාවක්..
නෙතුක (මන:කල්පිතයි) මගෙන් බේත් ගන්න ආවෙ දැනට සති හතරකට කලින්.. කාමරයට ඇතුලු වෙලා ඉදගන්න කොටම තේරුනා නෙතුක වෙනස් කෙනෙක් කියල.
සාමාන්‍යයෙන් රෝගියෙක් ආවාම එයාගෙ ප්‍රධාන රෝගයට අමතරව එයාගෙ mental status ,behavior එක මං විශේෂෙන්ම අවධානය දෙන කරුණක්...

ඉතින් නම මොකද්ද?
නෙ....නෙ.. නෙයි...... නෙයි...
නෙතුක ඒ උත්තර දුන්නෙ අම්ම...
වයස .....?
21යි ඒත් අම්ම.

අවුරුදු 21යි නෙ.ලොකු ලස්සන පුතෙක් නෙ... ඔයා උත්තර දෙන්න..නෙතුක හිමින් කියන්න මට ඇයි මේ පැත්තෙ....?මට හදිසියක් නෑ.
එහෙම කියන කොටම සේවා සහයක මගෙ දිහා බැලුවෙ එලියෙ සෙනග පිරිල ඉන්න නිසාද කොහෙද..
මං නෙතුකට අවධානය යොමු කලා. වමතින් දකුණතෙ දබරගිල්ල අල්ල ගෙන . අත් දෙකම ගැහෙනවා.මූණ පුරා දහඩිය... තොල් පැටලෙන වචන ගොත ගැහෙන ඇස් පියන් වචන බදින්න උත්සහ කරන දරුවෙක්...

ඇයි නෙතුක බයද??
ඔව් ඔලුව වනමින් උත්තර දුන්න.
ඇයි? මං හිනාවෙයි කියලද?ඔව්
හ්ම්ම් .....
එහෙම කිසිම හේතුවක් නෑ මට ඔයාට හිනාවෙන්න.ඔයා මට වඩා විශේෂයි...
ඔයා ඔයාට හිනා වෙන එක නවත්තල ශක්තිමත් වෙන්න උත්සහ කරන්න.මාත් ඔයා වගේ ඉස්සර...
හැබැයි දැන් මං එහෙම නෑ නෙ.ඒ නිසා ඔයා විශ්වාස කරන්න පටන් ගන්න ඔයාව.එදා ඉඳන් ඔයා වෙනස් වෙයි පුතේ...

අම්ම ගෙ ඇස් වල කදුලු. ...
ඇයි අම්ම.??
මෙයා මේ තාක් අත්වින්දේ එයාට හිණා වුන එකයි ,උසුලු විසුළු කරන එකයි නෙ ඩොක්ටර් ඒ නිසා පුතා කොහෙටවත් යන්න අකමැතියි...
හ්ම්ම්ම්

ඉස්සෙල්ල අපි ඔයාගෙ dislocate වුන ඇගිල්ල හදමු .ඒකට බේත් කරල ඊට පස්සෙ ඔයාට excercise ටිකක් කරමු.
නෙතුක ගෙ ඇඟිල්ල relocate කරල bandage කරන්න යවපු වෙලෙ.නෙතුකගෙ අම්ම කියපු විදිහට...
පාසලේදී නෙතුකට නොසෑහෙන්න මානසික අඩත්තේට්ටම් වලට මූණ දෙන්න සිද්ද වෙලා.
1)නෙතුක එනකොට යහලුවන් ඔහුගේ විසුළු මූණ පන්තියේ කලු ලෑල්ලෙ ඇද තැබීම
2) එයා drama වලට ආස නමුත් කිසිදු drama එකකට නොගැනීම.
3)පාසලේ හවස පන්ති ඇති අවස්ථා වන් වල ඔහුගේ ඇදුම් ඉරා ඔහුට විසුළු කර පන්තියේ කොන් කර දැමීම. ඒ අතරින් සමහරක්..
අන්තිමේදී පාසල් නොයා අපොස සාමාන්‍ය පෙල විභාගයට පමණක් පෙනී ඉඳලා නමුත් සියලුම විෂයන් අසමත්..... හැබැයි එයා දක්ෂයෙක් .. මට ඒක දැනුන..

අනේ ඩොක්ටර් මගේ දරුව ගොඩගන්න්න.පිං අත්වෙයි.
❤️❤️❤️❤️❤️❤️❤️❤️❤️❤️❤️❤️❤️❤️❤
ඉතින් අපි මසෙක කාලයක් විව්ධ අභ්‍යාස සිදුකලා.දැන් ඔහු ගෙ මේ වෙනකොට හොද වර්ධනයක් පෙන්නුම් කිරිම සුවිශේෂ යි....

නෙතුක දැන් එයාගෙ බිඳුණු හදවත පියාපත් කරල දුර අහසේ ඉගිල්ලෙන්න සූදානම් වෙන ගමන්.... ඒ මූණෙ හිනාව පිරිල ඉතිරිල...
මේ තමයි අපේ රැකියාවෙ නියම සතුට ජීවයට ජීවයක් දීම...

මේ හැමදෙයක් සමගම අපි හිතන්න ඕන යමක් තියෙනවා.ඒ අපි සමාජයට දායාද කරන දරුවා කවුරුන්ද ? තව ජීවිතයක් සහමුලින් විනාස කරන්නෙක් නම් වෛද්‍ය ,ඉංජිනේරු කියන කවුරු වුනත් ඒ දැනුමෙන් කිසි වැඩක් නෑ.
සහකම්පනයක් නැති ,වැටුණු ලමයෙක් නැගිට්ටවන්න බැරි.. තව තවත් මානසිකව රිද්දන මෙහෙම පරපුරක් නම් රටකට දායාද වෙන්නෙ මොන අධ්‍යාපන ප්‍රතිසංස්කරණ ආවත් රටකට නම් වැඩක් නෑ...

ඇත්තටම සහකම්පිත වෛද්‍යවරයෙක් විදිහට සමාජයට මාව දායාද කලාට මගේ දෙමව්පියන්ට බොහොමත්ම පිං....
❤️❤️❤️🙏🙏

(ඉදිරියේදී නෙතුකගෙ කථාව නෙතුකගෙ හඬින්ම අහමු. එයාට ඕන දැන් එයා වගේ වෙනත් අයට ශක්තියක් වෙන්න..... .))

ඔයාටත් මෙහෙම අත්දැකීමක් ඇත්නම් පහලින් ලියන් යන්න 👇👇👇👇👇👇👇👇

වෛද්‍ය හංසනී සෝමවීර.

16/01/2026

👇👇

716 likes, 7 comments. “ ”

16/01/2026

නිකමට වගේ ආරෝග්‍යා you tube channel එක පැත්තෙ රවුමක් ගියා ❤️❤️❤️

13/01/2026

රෝගියෙක් සුව වෙනවා කියන්නෙම වෛද්‍යවරයෙක්ට පුදුම සතුටක් දනවන දෙයක් ❤️

12/01/2026

දොස්තර රස්සාව ට
හිත බැදෙන්නෙම සුව වෙන රෝගීන්ගෙ ආදරය කරුණාව නිසා...
❤️❤️💃💃

07/01/2026

ඔබගෙත් සන්ධි වේදනාව පවතී නම්...
👇👇👇👇👇👇👇👇👇👇👇👇👇👇

02/01/2026

වෛද්‍ය ශිෂ්‍ය පුහුණුව.
නිකන්ම අපිත් ඒකාලෙට යනවා..

පිස්සු නටපු සුන්දර කාලෙ
❤️❤️💃💃💪💪

23/12/2025

ආබාධයක් වූ වහාම නිවරදිම චිකිත්සාව ට යොමු වීම ඉතා වැදගත් ❤️

ඔබටත් ඇතිවන හෝ ඇතිවූ ඕනෑම ක්‍රීඩා අබාධයකින් කෙටි කාලයක් තුල ඉක්මන් සුවය ලබාගන්න අවශ්‍යයි නම් අදම එන්න Heal U වෙත
ඔබගේ ඕනෑම අස්ථි සහ සන්ධි අබාධ වලට නිවැරදි ප්‍රතිකාර ❤
වෙලාවක් වෙන් කරගන්න සහ වැඩි විස්තර සදහා අදම අපව සම්බන්ධ කරගන්න
0721 362 721💕

21/12/2025

චනිත්මා සිනෙළි ❤️

Award can be taken away but hard work dedication & integrity can never be canceled..
එකම කාන්තා කුලකයේ හැඟීම් ප්‍රකාශන දෙකක්..
එක මූණක භය , වැඩිහිටි ගෞරවය, මෙතනින් එහාට මොනා නම් වෙයිද සැකය...

අනිත් මූණෙහි තමන් වෙනුවෙන් හඩක් නැගීම, තව පරපුරකට වෙන අසාධාරණ ය වැළැක්වීම වෙනුවෙන් වූ ජයග්‍රාහී ලීලාව, තමන්ට තමන් වෙනුවෙන් ඇති ගෞරවය...
ලේසි නෑ දරුවෝ මේ ගත්ත අභියෝගය....
ඉදිරියට මීටත් වඩා කෙනෙහිලිකම්.. අසාධාරණ කම් වලට මුහුණ දෙන්න වෙයි...
ලොකු පුටුවට ගොට්ට අල්ලන බහුතරයක් වැඩිහිටියන්ට ගෞරව කරන්න දන්නෙ නැතිකෙනෙක් විදිහට දූව හංවඩු ගහයි, මූණ බලන්නෙ නැතුව යයි...

ඒ වෙලාවට මොනා උණත් ඔය දහිරියට යටින් තියෙන ගැහැනු හිත රිදෙයි දුවේ..හෙට මට මොනා වෙයිද කියන දේ ගැන දහපාරක් හිතල වෙන්න ඕන ඔයා මේ තීරණෙ ගත්තෙ.. ඒකයි ඔයාගෙ මේ ධෛර්යය වන්ත කටහඬට යටින් හීං වෙව්ලිල්ලක් මට ඇහෙන්නෙ.
දිරි ගන්න..... වැඩිහිටි ගෞරවය කියන්නෙ අසාධාරණ යට හිස නමන එක නෙමේ.තමන් මේ තැනට එන්න වින්ද අසීමිත දුක් කැපකිරීම් පසෙකලා , තමන් ට අගෞරව කරන ව නම් තමන් වෙනුවෙන් පෙනී සිටිය යුතු එකම කෙනා තමන්....
එහෙම නැත්නම් තමන්ටත් තමන් නැතුව යනව.. කලකිරෙනවා..... බිදවැටෙනවා... අතහරිනවා....
ඔයා හොඳ පන්නරය තියෙන පවුලක දරුවෙක්...
මං නම් අත්දැකීමෙන්ම දන්නවා ඔය ගොට්ට අල්ලන් ඉන්න ඕනෑම කෙනෙක්ට වඩා ඔයා වැඩිහිටියන්ට ගෞරව කරන්න දන්න බව...

ඔයා නියමයි.......✊✊💪
පුහුණුවකට නාව පලියට ඔයාගේ ජයග්‍රහණය උදුරගන්න කාට වත් බෑ..ඔයාට ඔයාව විශ්වාස නම් ඒ දේ කරන්න පුලුවන් කියල ,ඔයාගෙ ගුරුවරුන් ඊට දහගුනයකින් ඔයාව විශ්වාස කරන්න ඕන.මොකද ඔයාගෙ මගපෙන්වන්නන් වන්නෙ ගුරුවරුන් නිසා..සැලෙන්න එපා ඔයා මුලු ලෝකයම ජයගෙන ඉවරයි....
අපේ අධ්‍යාපන ක්‍රමයෙන් හැමදාම එළියට දැම්මෙ කොඳු කඩපු දරුවො.. ආයතනයක රැස්වීමක බය නැතුව අදහසක් ඉදිරිපත් කරන්නෙ කීයෙන් කී දෙනාද?තමන්ගෙ ම ගැටලුවත් ඉදිරිපත් කරන්න ඕන තව කෙනෙක් ඇයි?? බොස් ගෙන් කොන් වෙයි බයට...
එහෙව් වැඩිහිටි පරම්පරාවකටයි...
දරු පරම්පරාවකටයි ඔයා දුන්නෙ නියම ටොක්කක්...
මූණ බලන්නෙ නැති අයට නොබල ඉන්න කියන්න..
ඔයා හිනාවෙන්න..
කොන් කරන අයට කොන් කරන්න දෙන්න..
ඔයා දිනන්න..
ඔයා නියමයි ✊✊✊✊✊💪💪

ප.ලි. අපේ රට භාෂණයේ නිදහස තියෙන ප්‍රජාතන්ත්‍රවාදී රටක් බව ඔය පාසලේ සමාජ අධ්‍යයන ගුරුතුමිය, මයික්‍රෝෆෝනය off කරල මේ දරුවා කතා කරන එක බලහත්කාරයෙන් නවත්වපු විදුහල්පති තුමියට කියල දුන්න නම් හොදයි....✊✊

වෛද්‍ය හංසනී සෝමවීර...