Lifecare consultation

14/09/2025

පිලිකාව☠️

පිලිකාවක් කියන්නේ අපේ ශරීරයේ ඕනැම තැනක සිදුවිය හැකි අසාමාන්‍ය සෛල වර්ධනයක්. ජානමය විකෘති තාවයන් හේතුවෙන් ඒ සෛලවල අසාමාන්‍ය වර්ධනය සිදුවෙනවා.

අපේ ශරීරයේ සාමාන්‍ය සෛලයක ක්‍රියාවන් සිද්දවෙන්නේ ඒ සෛලය ඇතුලේ තියෙන DNA වල ගබඩා කරලා තියෙන දත්ත වලට අනුව

ඉතිං මේ සෛලයක විභාජනය හා වර්ධනය නියාමනය කරන ජානත් තියෙන්නේ මේ DNA වල. DNA වල සිදුවන විකෘති තාවය නිසා පිලිකාව හටගන්නවා

ප්‍රධාන වශයෙන් සෛලයක වර්ධනය පාලනය කරන ජාන වර්ග දෙකක් තියෙනවා.

🔹oncogene
🔹tumor suppressor gene

මේ oncogene එකෙන් තමයි සෛල වල වර්ධනයට අවශ්‍ය දත්ත සපයන්නේ. Tumor suppressor gene එකෙන් තමයි වර්ධනය නවත්තන්න ඕන දත්ත දෙන්නේ. මේ ජාන වල සාමාන්‍ය සැකසුම වෙනස් උනාම එනම් විකෘති උනාම සාමාන්‍ය ක්‍රියාවලියෙන් බැහැර වෙලා අසාමාන්‍ය ලෙස සෛල වර්ධනය සිදු වෙනවා.. මේ තත්වය පිලිකාවේ ආරම්භය ලෙස ගන්න පුලුවන්.

☠️කොහොමද අපේ සෛලවල තියෙන DNA වල ජාන වෙනස් වෙන්නේ? පිලිකාකාරක ( carcinogens) වලට පහසුවෙන් DNA වෙනස් කරන්න පුලුවන්.

💀 දුම්පානය කිරිම
💀 අදියර කිපයකින් සකස් කරන ලද ආහාර( නූල්ඩස්, සොසේජස්, මීට්බෝල්ස්, ක්ෂනික බීම, etc....)
💀 ඇල්කොහොල්
💀අධික ලෙස සූර්යය විකිරණ වලට නිරාවරනය වීම , Uv කිරණ
💀 රසකාරක( benzophenone, ethyl acrylate , styrene)
💀formaldyhide
💀Asbestos
💀 වෛරස (HPV)

මෙවැනි බෙහොමයක් පිලිකාකාරක ගැන අවබෝධයක්
අනතර්ජාලය හරහා ඔබට දැනගත හැක.

ඉහත සදහන් කරපු දේවල් නිසා ඔබට ඔබේ දරුවාට පිලිකා තත්වයන් වැලදිය හැක... මේ දේවල් වලින් පරිස්සම් වීම ඔබගේ වගකීමකි..

Dr SM සචිත් මධුසංඛ
MBBS Sri Lanka
0763752022
Lifecare Medical Center

06/09/2025

පිං ගොඩක් කරගන්න ඔබත් එන්න

21/08/2025

I've just reached 100 followers! Thank you for continuing support. I could never have made it without each and every one of you. 🙏🤗🎉

16/08/2025

මොකක්ද මේ teania corporis රෝගය කියන්නේ ? (Ringworm infection )

අද සමාජයේ ඉතා සුලබව දකින්න ලැබෙන චර්ම රෝගයක් තමයි මේ teania කියන්නේ. විශ්වවිද්‍යාල ළමුන් , මිලිටරි(හමුදාවේ) අය අතර, factory වල වැඩ කරන අය අතරේ මේ රෝගය බහුලව දකින්න ලැබෙනවා.

🔹කොහොමද මේ රෝගය අපට හැදෙන්නේ?

මේ රෝගය හැදෙන්නේ dermatophyte (චර්ම පරපෝෂිතයා) කියන දිලිරය නිසා.. මේ දිලීරය අපේ සම මතුපිට තියෙනවා.. ඉතින් අවස්තාවක් ලද සැනින් මේ දිලීරය සම තුලට ගියාම ආසාදනය පටන් ගන්නවා..

මේ දිලීරය අපේ සම මතු පිටට එන්න පුලුවන් ආකාර කීපයක්ම තියෙනවා

🦠 ආසාදනය උන මනුස්සයෙක්ගේ සම ආසාදනය නොවුන කෙනෙක්ගේ සම හා ගැටීම මගින්
🦠 ආසාදනය උන සතෙකුගෙන් සම මත ගැටීම
🦠කලාතුරකින් පසේ ඉන්න දිලිර මගින්
🦠ආසාදනය උන රෝගියෙක්ගේ ආසාදිත ස්ථාන යමක ගැටී (toilets, towel, ඇදුම්, පනා) ඒවා නිරෝගි කෙනෙක් පාවිච්චි කිරිම මගින්

ඒ වගේම පහත සාධකත් මේ රෝගය වැඩි වීමට බලපානවා
🔸අධික උෂ්නත්වය
🔸සමේ සීරිම් තුවාල
🔸ප්‍රතිශක්තීකරණ පද්ධතිය දුර්වල වීම
🔸අධිකව දහදිය දැමීම

ලෙඩක් හදාගෙන බෙහෙත් ගන්නවට වඩා ඒක වලක්වගන්න එක තමයි අපි කරන්න ඕන..

🔴ලෙඩේ හැදුන කෙනෙක් මොනාද කරන්න ඕන?

අපේ මිනිස්සු පුරුදු වෙලා ඉන්නේ ෆාමසියේ මුදලාලි හැම දේම දන්නවා කියලා. රෑෂ් එකක් ඉකිලි වල තියෙනවා ගාන්න මුකුත් තියෙනවාද? මුදලාලි ඉතින් කසනවාට hydrocortison, betamethasone, enderm වගේ නානාප්‍රකාර steroids තියෙන cream ජාති දෙනවා.. කසන එක අඩු වෙනවා හැබැයි ලෙඩේ යටින් ජයටම යනවා..

තවත් පිරිසක් miconazole වගේ cream දවසක් දෙකක් පාවිච්චි කරලා ටිකක් ලෙඩේ හොද උනාම නතර කරනවා..

ඉතිං මේ වගේ වැරදි ක්‍රියාකාරකම් නිසා අද වන විට මේ බෙහෙත් මේ වෛරසය විනාශ කරන්න බැරි තැනට පත්වෙලා තියෙනවා..

නමුත් සුදුසුකම් ලද වෛද්‍යවරයෙකු හමුවි නිසි පරිදි ප්‍රතිකාර ගත හොත් මේ රෝගය නිට්ටාවටම සුවකරගන්න පුලුවන්..

Dr SMSM SAMARASINGHE
MBBS Srilanka
0763752022

11/08/2025

දිනක් ආච්චි කෙනෙක් මගේ pvt medical center එකට ආවා.
අමාරුවෙන් ඇවිදගෙන ඇවිල්ලා කතාව කියන්න පටන් ගත්තා.
මීට අවුරුදු 22 කට කලින් වාහනෙක කකුල වැදිලා දකුණු කකුලේ වලලුකර හන්දිය තුවාල උනා කිව්වා..දැං අවුරුදු 22 ක් තිස්සේ හැම තැනකම ගිහිං බෙහෙත් කලා කිව්වා, ඒත් සනීප උනේ නෑ කිව්වා..

ආච්චිට clinic යන අමාරු මුකුත් නෑ.. අනේ දොස්තර මහත්තයෝ කොහොම හරි මේ තුවාලේ සනීප කරලා දෙන්න, මේක නිසා මං අවුරුදු 22 ක් විදවනවා කියලා ඉල්ලීමක් කලා…

ඉතිං තුවාලේ පරීක්ෂා කරලා බලලා බෙහෙත් කරන්න පටන් ගත්තා..

තුවලේ දිනෙන් දින හොද අතට හැරුනා.. ප්ලාස්ටර් , වෙලුම්පටි නැතිව ආච්චි දැං සතුටින් ඉදියි.

Dr SMSM SAMARASINGHE
MBBS Srilanka
0763752022

07/08/2025

සීනි ලෙඩේ ගැන ලියමි෴

දැනට ලංකාවේ 23% ආසන්න වශයෙන් 4 දෙනෙක්ගෙන් එක් අයෙකුට මේ සිනි නැත්නම් diabetes රෝගය වැලදිලා බෙහෙත් ගන්නවා… ඒ වගේම 31% කට pre diabetes නැත්නම් සිනි හැදෙන්න ඔන්න මෙන්න වගේ තියෙනවා.

කොහොමද මේ සීනි ලෙඩේ හැදෙන්නේ?
සීනි ලෙඩේ ආකාර දෙකයි
Type 1 diabetes
Type 2 diabetes

Type 1 diabetes
මේක හැදෙන්නේ කුඩා කාලයේම, අපි දන්නවා අපේ ශරීරේ තියෙන රුධිර සීනි මට්ටම සාමාන්‍ය අගයක තියාගන්නේ ඉන්සියුලින් කියන හෝමෝනය නිසා.. මේක හදන්නේ අග්නියාශයේ තියෙන beta cells කියන සෛල වලින්.. ඉතින් මේ type 1 diabetes ලෙඩේදි අර කිව්ව beta cells අපේ ඇගේම වෙන ස්වයං ප්‍රතිශක්තිකරන රෝගයක් නිසා විනාශ වෙනවා.. එතකොට ඉන්සියුලින් හදන්න බැරි නිසා ශරීරයේ රුධිර සීනි මට්ටම අසාමාන්‍ය ලෙස ඉහල යනවා..
ඉතින් මේ රෝග තත්වයේදි කුඩා වයසෙදි ඔබට
අධික පිපාසය, මහත් වීම, බර වැඩි විම , වැඩිපුර මූත්‍රා පිටවීම , අධික බඩගින්න, කලන්තය, කරකැවිල්ල වගේ රෝග ලක්ෂන පෙන්නුම් කරනවා… මෙවැනි ලක්ෂන තියෙනවනම් FBS, PPBS චෙක් කරලා රෝග නිෂ්චය කරන්න පුලුවන්.. මේ සීනි ලෙඩේට බෙහෙත නම් ඇගේ හැදෙන්නේ නැති ඉන්සියුලින් පිටින් දෙන එක.

Type 2 diabetes
මේක ඉතිං හදාගන්නේ අපේ කට නිසා.. පිටි කෑම, පැණිරස කෑම , ක්ෂනික බීම වර්ග, ව්‍යායාම නැති කම, අධි මානසික පීඩනය, වගේ අපිම දාගන්න ලෙඩ නිසා.. මේකෙදි වෙන්නේ අපේ ශරීරේ තියෙන සෛල ඇතුලට සීනි වලට යන්න බැරි වෙන එක.. සීනි අනු අපේ සෛල ඇතුලට ගන්නේ ඉන්සියුලින් වල දායකත්වයෙන්. අධික ස්ථුලතාවය, ව්‍යායාම අඩු කම, ජානමය ප්‍රශ්න වගේ ප්‍රශ්න නිසා ඉන්සියුලින් අපේ සෛල සමග සම්බන්ධවීම නවතිනවා, ඒ නිසා සීනි වලට සෛල ඇතුලට යන්න බැරි වෙනවා.. ඉතින් අපේ ශරීරයේ රුධිර සීනි මට්ටම වැඩි වෙනවා.. ඔන්න ඔකයි කතන්දරේ..

හරි දැං බලමු කොහොමද මේකෙන් බේරෙන්නේ කියලා෴

ඇත්තටම type 1 diabetes කියන ලෙඩේ වලක්වගන්න අපට බෑ
හැබැයි type 2 diabetes කියන ලෙඩේ හැදෙන එක අපට අඩු කරගන්න පුලුවන්.

💊 ප්‍රමාණවත් ව්‍යායාම
💊 අඩු සීනි ආහාර
💊 ක්ෂනික බීම වර්ගවලින් වැලකීම
💊 මානසික පීඩනය අවම කරගැනීම
💊වයස 25 පැන්නම FBS , PPBS වගේ පරීක්ෂාවක් කරගැනිම

ඉහත කිව්ව උපදෙස් මගින් අපිට මේ ලෙඩේ හැදෙන එක අවම කරගන්න පුලුවන්.

එතකොට දැං සීනි හැදිලා ඉන්න අය කරන්න ඕන මොකක්ද?

ගොඩක් අපේ අම්මලා තාත්තලා , මාමලා නැන්දලා, සීයලා ආච්චිලා
මේ ලෙඩේ බරපතල කම නෙදැන හරියට බෙහෙත් ටික නොගෙන ඉන්නවා, ආහාර පාලනයකුත් නෑ. මේ සීනි ලෙඩේ මනුස්සයෙක් මරන්නේ ටිකෙන් ටික.. ඒ නිසා අපට ඒ ගැන ගානක් නෑ. ඇස් පෙනීම අඩු වෙනවා, ඇග කෙට්ටු වෙනවා, වකුගඩු අක්‍රිය වෙනවා, අත් වල කකුල් වල දැනීම නැති වෙනවා, හෘදයාබාධ ඇති වෙනවා, අංශභාගය ඇති වෙනවා, සුව නොවෙන තුවාල ඇති වෙනවා, නිතර නිතර ලෙඩ වෙනවා෴ ගොඩක් අය සීනි හැදුනම හිතන්නේ ආයි මේක සනිප කරගන්න බෑ වැඩක් නෑ කියලා.. එහෙම දෙයක් නෑ.. හරියට පිලිවෙලට clinic එකට ගිහින් බෙහෙත් ටික පිලිවෙලට ගන්නවනම් , ව්‍යායාම කරනවනම්, සීනි කෑම පාලනය කරගන්නවනම් අපට මේ සිනි ලෙඩේ ජයගන්න පුලුවන්෴

Dr SMSM SAMARASINGHE
MBBS Srilanka
0763752022

03/08/2025

පැල්වත්ත කුකුරම්පොල අවුරුදු 4ක් පුරාවට පැවති වෛද්‍ය මධ්‍යස්ථානය පැල්වත්ත පහළවෙලට(පැල්වත්ත සමුපකාරය අසල) රැගෙන යන ලදී.. එහිදි ඔබට යම්හෙයකින් අපහසුතාවයක් උනි නම් ආයතනය වෙනුවෙන් සමාවඅයදිමි!
0763752022

01/08/2025

Celebrating my 1st year on Facebook. Thank you for your continuing support. I could never have made it without you. 🙏🤗🎉

01/08/2025