04/01/2026
මට හිතුන ගොඩක් ගැහැණු ළමයි අහන ප්රශ්නෙකට පොදුවේ උත්තර දෙන්න ඕනේ කියලා සමහර පිරිමි ළමයි ඇයි ගෑනු ළමයි කීපදෙනෙක්ව එකපාර ආශ්රය කරන්නේ කියන ප්රශ්නය ගොඩක් ගැහැණු ළමයි මගෙන් අහලා තිබුණා.. මේක හැම පිරිමි ළමයටම අදාළ වෙන්නේ නැහැ අපි ජීවත් වෙන සමාජය තුළ එක එක මානසික මට්ටම්වල අය ජීවත් වෙනවා. සමාජය තුළ මේ වගේ පිරිස බොහොම සුළු පිරිසක් වෙන්න පුළුවන්.
කාන්තාවන්ගෙන් ආදරය / ලිංගික ආකර්ෂණය ලබාගැනීම තමන්ගේ අභ්යන්තර අවශ්යතාවයක් හෝ හිස්කමක් පිරවීමට භාවිතා කරන පුද්ගලයෙක් මේ විදිහ වෙන්න පුළුවන්.
●කාන්තාවන් බොහෝ දෙනා සමඟ එකවර හෝ අඛණ්ඩව සම්බන්ධතා තබාගන්න උත්සහ කරනවා.
●ආදරයට වඩා ඔහු ඒක බලන්නෙ ජයග්රහණයක් විදිහට.
●ගැඹුරු, ස්ථිර emotional bond එකක් කොයිම මොහොතකවත් පවත්වන්නැහැ.
●ඔහුට කාන්තාවක් මනුෂ්යයෙක් විදිහට දකිනවට වඩා තමන්ගේ ego එකට proof එකක් වශයෙන් දකින්න පුරුද්දක් තියෙනවා.
මේ දේවල් වලට බලපාන හේතු ලෙස
●තමන්ට සම්බන්ධතාවයක් ආරක්ෂිත නෑ කියල දැනෙන විට
●ළමා වියේදී ආදරයක්, ආරක්ෂාවක් ලැබී නැතිවීම.
● emotionally එයාට කිසිම කෙනෙකුගෙන් කිසිම හැඟීමක් නැතිකම වගේ අත්දැකීම් තියෙන්න පුළුවන්.
ඒ නිසා ඔවුන් එක කෙනෙක්ට බැඳෙන එක වේදනාවක් කියන unconscious belief එකක් අල්ලගෙන ජීවත් වෙනවා.
●තමන් ගැන වටිනාකමක් නැතිවීම
තමාගේ සිත තුළ
“මට වටිනාකමක් නැද්ද?”
“මම පිරිමියෙක්ද ඇත්තටම?”
මෙවැනි සැක තියෙන නිසා, කාන්තාවන්ගෙන් ලැබෙන ආකර්ෂණය,අවධානය,ලිංගික ප්රතිචාර
වලින් තමන්ගේ self-worth එක තාවකාලිකව පුරවාගන්න උත්සාහ කරනවා.නමුත් ඒක addiction එකක් වගේ. තෘප්තිය දිගුකාලීන නෑ.
●ඕනවට වඩා තමන් ගැන තියෙන අභිමානය
“මට කවුරුත් ලබාගන්න පුළුවන්”
“කාන්තාවන් මගේ වටේම”
කියන ගොඩක් ලොකු හැඟීම මෙයාලට තියෙන්න පුළුවන්.මෙතන
Empathy අඩු
කාන්තාවගේ හැඟීම් ගැන හිතන්නෙම නැහැ
තමන්ගේ අවශ්යතාවය තමයි මූලිකම දේ
●ගැඹුරු සම්බන්ධතාවයට තියෙන බය
ආදරයට ආසයි.
නමුත් ආදරය ගැඹුරු වුනොත් පාලනය අහිමි වෙයි කියලා බයයි.
ඒ නිසා සම්බන්ධතා කිහිපයක් තබාගන්නවා. ඒවා පරිස්සම් කියලා හිතනවා.වේදනාවක් නෑ කියල හිතනවා.
මේ වගේ අය සාමාන්යයෙන් හැසිරීම් තුලදී
මුලින්ම හරියට ගොඩක් හොඳින් හොයලා බලනවා.හරිම සාමාන්ය සරල විදිහට ඔයාගේ හිත දිනා ගන්නවා.
ඉක්මනින් හැඟීම්වලින් ඔයාව අල්ලගන්නවා.
පොරොන්දු ගොඩයි හැබැයි ඒවා කරන්නේ නැහැ.
ගැඹුරු මොහොතකට ආවම ඒ මොහොත හිමීට වෙනස් කරනවා ඒ මොහොත මගහරිනවා.
සම්පූර්ණයෙන් සමහරවිට ලිංගිකත්වය මතම ඔහුගේ ආශ්රය කිහිපදෙනෙක් අතර සිදු නොවෙන්න පුළුවන්.
ඒ කියන්නේ, ඔහුට s*x වලට වඩා,
“මාව තෝරගත්තා” කියන feeling එක වැදගත්.
මේ වගේ හැසිරීම් තියෙන අයට වෙනස් වෙන්න පුළුවන්.
ඔහු තම හැසිරීම් රටාව තුළ self-awareness එක්ක දකින්න ඕන.
පුංචි කාලේ තමන්ගේ හදවතට උණ තුවාල සනීප කර ගන්න therapy වගේ support ඕන වෙනවා
කාන්තාවන් නෙවෙයි ප්රශ්නය මගේ ඇතුළේ හිස්කමක් තියෙනවා කියලා පිළිගන්න ඕන.
මනෝ උපදේශිකාවක් ලෙස මම කියන වැදගත් කාරණාව තමයි මෙවැනි හැසිරීම් ඇති අය
බොහෝ වෙලාවට නරක කෙනෙක් නෙමෙයි
ජීවිතය තුළ අසුවුණු, සුව නොවුණු කෙනෙක්
නමුත්
ඔහු heal නොවුනොත්
ඔහුට බැඳෙන කාන්තාවන් ගැඹුරු චිත්තවේගීය තුවාල වලට අරගෙන යනවා. ගැහැණියට ඒ වේදනාව දරාගන්න බැරි වෙන්න පුළුවන්.
වත්සලා විජේරත්න
Psychological Counsellor, Psychotherapist
BSc Coun & Psy,
HND Psychotherapy,
Certified NLP Practitioner,
Dip Psy,Dip Coun
Cert Drug Counselling
Member of American Psychological Association. (APA)
Member of Sri Lanka Professional Psychological Counsellors Association (SLPPCA)
Member of NLPEA
