05/01/2023
දික්කසාද යුවතියක් විවාහ කරගන්න පුතෙක් මවගෙන් අවසර ඉල්ලනවා ..ඉතින් මව මෙන්න මෙහෙම කතාවක් කියනවා..👇👇👇👇
අහනකොට උබ ඇවිත් ලඟටම
කසාදයකට හිත යොමා
දික්කසාදය උන කෙනෙක් ලූ
හිතත් ගැස්සුන එය අසා
හිතත් මනසත් එක්ක සටනක
තීරණය මේකයි කියා
හොඳට අහගන් අම්මා කියනා
දේම වැදගත් කම් නිසා.........................
පෝරුවට නග්ගන්න හිතුනොත්
දහසකුත් දේ මිනිසුන් කියාවි
නෑයෝ අහුමුලු අස්සෙ ඉදගෙන
කට කතා උබ හට කියාවි
පිළිකුලෙන් වගෙ බලයි ඇය දෙස
අසරණ ව ඇය කදුළු බෝවී
කෙලින් උබ තීරණයෙ හිටියොත්
ඇයට එය ශක්තියක් වේවි...................
කසාඳ කර ගත්ත පසුවත්
ඉද හිටලා ගෙයි ප්‍රශ්න ඒවී
අතීතය උබ ඇදලා ගත්තොත්
කසාදය ඇය එපා වේවි
සියලු දේ දැන ගත්ත තීරණෙ
හිත එක්ක උබ ඔට්ටු වේවී
සිහි ගණින් මා කියන දේ නම්
පුතේ උබ හදවත දකීවී...............................
කොලේකින් ඇය කුරුටු ගෑවත්
දික්කසාදය නමක් තියලා
ඇයත් ගැහැණිය මම වගේමයි
හදවතින් ඇත හුඟක් අඬලා
අතීතයෙ හැම දේම අමතක
කලොත් උබ හොද හිතක් හදලා
දකිනවා මන් පුතෙක් බෝසත්
මේ කුසින් බිහිකරලා හිතලා.......................
ඇයව මගෙ ලේලියක් විදිහට
පිළිගනිම් හද සෙනෙහෙ වඩලා
අදින් පසුවට උබට තහනම්
අතීතය අල්ලනුත් නටලා
පිවිතුරුම පෙම ඇගේ හිතකට
උබම සෙනෙහෙන් ඇයට දීලා
චූටි පැටියෙක් ගෙනත් දීපන්
අම්මේ මේ මිණිබිරිය කියලා .........................
B.M.N.බස්නායක ✍️ (සඳූ )
සත්‍ය කතාවක් ........
බබලා දෙන්නෙක් ඉන්නවලු දැන්.....
