03/11/2024
ඔබ වැඩිපුරම සතුටින් ඉඳලා තියෙන්නේ / වෙන්නේ මොන වෙලාවටද?
සමහර විට වැස්ස දවසක උනු කෝපි එකක් හදාගන වැස්ස දිහා බලාගන ඒක බොන මොහොත වෙන්න පුලුවන්.
එහෙමත් නැත්තං ඉර බැහැගන යද්දි අහස දිහා බලන් ඉන්න එක වෙන්න පුලුවන්.
එහෙමත් නැත්තම් තමන් කාලයක් plan කරලා හෝ නොකර යන ගමනක් වෙන්න පුලුවන්.
එහෙමත් නැත්තං සීතල දවසක උනු උනු රොටියකට ලුණු මිරිස් ටිකක් දාලා ඉඟුරු දාපු තේ එකක් එක්ක විදින ඒ මොහොත වෙන්න පුලුවන්.
රූස්ස ගහක් දිහා බලන් ඉන්න එක වෙන්න පුලුවන්.
තමන් ආසම දේ කොහොම හරි මහන්සියෙන් ලබා ගත්ත මොහොත වෙන්න පුලුවන්.
ආසම වාහනේ, සිහින නිවස නැත්තම් ආසම ඇදුම ලැබුන මොහොත වෙන්න පුලුවන්.
නැතිනම් අපි කැමතිම මිනිස්සු එක්ක හෝ මිනිස්සු ගොඩක් එක්ක ගෙවන ඒ මොහොත වෙන්න පුලුවන.
මේ හැම තැනකම කියවෙන දෙයක් තමයි මොහොත එහෙමත් නැත්තම් moment එක, මේ මොහොත තුල අපි ඒකාත්මිකව ගෙවන හැම මොහොතක්ම අපි ගෙවලා තියෙන්නේ එහෙමත් නැත්තම් ගෙවෙන්නේ සතුටින්. ගෙවුණු අතීතය ගැනවත් එන්න තියන අනාගතය ගැනවත් නෙමේ මේ මොහොතේ ඔබ දැන් මෙය කියවන මොහොතේ ඔබ හුස්ම ගන්නවා ජීවත් වෙනවා ඔබට ප්‍රශ්නයක් නෑ ඔබ හොදින්. ඔබ හොදින් නෙමේ නම් මේක ඔබට කියවන්න වෙන්නෙත් නෑ කියවන්න ලැබෙන්නෙත් නෑ. ඒ පිළිබඳව ස්තූති වෙන්න.
හැම මොහොතක්ම සිහියෙන් විදින්න, සිහියෙන් ඉන්න. වර්තමාණය තුල ජීවත් වෙන්න. ඔබට නොලැබුනු, නැති වුන දේවල් පිළිබඳව කරදර නොවන්න, සිතීම නවත්වන්න.
Live in the moment ✨🤍🕊
#රශී
