පී.එච්.අයි මහත්තයාගෙන් අහන්න

08/06/2025

ලොකු වෙන්නයි...
ලස්සන වෙන්නයි...
හිතාගෙන කන කෑමවලින් අනාගතේ ලෙඩක් වෙයි පුතේ.

බත්තරමුල්ල මහජන සෞඛ්‍ය පරීක්ෂක අමිත් කුමාර මහතාගේ පිටුවෙන් ❤️

03/06/2025

31/05/2025

21/05/2025

ජාතික රුධිර පාරවිලයන සේවය මහරගම අපේක්ෂා රෝහල් ලේ බැංකුවට අනුයුක්තව සේවය කල මහජන සෞඛ්‍ය පරීක්ෂක *දීප්ත සුරනිමල පෙරේරා* සොයුර ඔබට නිවන් සුව ලැබේවා ! 🙏

14/05/2025

සෞඛ්‍ය ආරක්ෂිත ලෙස සහ ක්‍රමානුකූලව දන්සැල් පැවැත්වීම මෙම වෙසක් පොහොයට සමගාමීව පැවති අතර ලංකාව පුරා දන්සැල් සෞඛ්‍ය ආරක්ෂිත ලෙස මහජන සෞඛ්‍ය පරීක්ෂකවරුන්ගේ උපදෙස් අනුව සහ සංවිධායකයින්ගේ දැඩි කැපවීම,උනන්දුව,යහපත් ආකල්ප අනුව නිවැරදිව දන්සැල් ලබාදීම දක්නට ලැබුණි.

දන්සල් සංවිධායකයන් නිර්මාණශීලීව සිදු කරන ලදී දේවල් ද අපට දැක ගත හැකි විය.(කසල කළමනාකරණය, ඩෙංගු මර්දනය වැනි)

10/05/2025

ගුණයෙන් වැඩි සුදු පේර ද, රතු පේර ද🤔
මදය සුදු සහ රතු පැහැ විදියට ⁣සාමාන්‍යයෙන් පේර වර්ග දෙකක් තියෙනවා. ⁣මදය මොන පාට වුනත් පේර කියන්නේ ඉතාමත් සුපිරි පෝෂණ ගුණයක් තියෙන පලතුරක්. නමුත් විශේෂයෙන් මතක් කරන්න ඕන රතු පේර ගුණයෙන් ඉහළයි. රතු පේර ග්රෑම් 100 ක විටමින් සී අපට දවසකට ඕන කරන ප්රමාණය වගේ දෙගුණයක්, ඒ කියන්නේ 200%ක් විතර තියෙනවා සුදු පේරවල තියෙන්නේ150% ක් විතර. රතු පේරවල සුදු පේරවලට වඩා ප්රතිඔක්ෂිකාරක ගුණයත් වැඩියි. විශේෂයෙන් පේර මදයේ රතු රෝස පාටට හේතු වෙන ලයිකොපීන් (Lycopene) කියන ⁣බොහොම වටිනා ප්රතිඔක්ෂිකාරකය වැඩිපුරම තියෙන්නේ රතු පේරවල.
🧡🧡🧡

උපුටා ගැනීමකි.
ගැමුණු සාලිය පෙරේරා
මහජන සෞඛ්‍ය පරීක්ෂක

30/04/2025

🔴 2025 වෙසක් මංගල්‍යය වෙනුවෙන් ඔබ විසින් සංවිධානය කරනු ලබන දන්සැල් ඔබ ප්‍රදේශයට අදාළ සෞඛ්‍ය වෛද්‍ය නිලධාරී කාර්යාලයේ අනිවාර්යයෙන්ම ලියාපදිංචි කිරීමට කටයුතු කරන්න.

දන්සැල් පැවැත්වීමට අදාල සෞඛ්‍යමය උපදෙස් මහජන සෞඛ්‍ය පරීක්ෂකවරැන් විසින් ලබා දෙන අතර සියලු දන්සැල් සෞඛ්‍යාරක්ශිත ද යන්න පරීක්ෂා කරනු ලැබේ.

බැති සිතින් ලබා දෙන දන්සල කිසිවකුටවත් හානියක් නොවී පැවැත්වීමට නිවැරදි උපදෙස් ලබාගන්න.

සෞඛ්‍යට නුසුදුසු තත්වයෙන් පවත්වන දන්සල් පවත්වාගෙන යාමට ඉඩ ලබා නොදෙන බව කරුණාවෙන් දන්වා සිටිමු.

වැඩි දුර විස්තර සදහා ඔබ ප්‍රදේශයේ මහජන සෞඛ්‍ය පරීක්ෂක මහතා අමතන්න.

🔴 දැනුවත් වීම සදහා කරුණු කිහිපයක්....

💠 දන්සැල සදහා පිරිසිදු පානීය ජලය භාවිතා කළ යුතුය. සෞඛ්‍ය ආරක්ෂිතව ජලය ගබඩා කර ගැනීම කළ යුතුය. දූෂණය වීම අවම කර ගත යුතුය

💠 අපජලය ක්‍රමානුකූලව බැහැරලීම කළ යුතුය. අපජලය එකතු වන ස්ථාන දන්සැල පවත්වා ගෙන යන කාලය තුල නිරන්තරයෙන් සෝදා පිරිසිදු කිරීම කළ යුතුය. අපවිත්‍ර ජලය මාර්ගය ඔස්සේ ගලා යාමට සැලැස්වී නොකළ යුතුය

💠 දන්සැලින් එකතුවන කසළ වර්ග කිරීමත්,එකතු කිරීමට ප්‍රමාණවත් පියන සහිත කසළ බදුන් හෝ බෑග් භාවිතා කළ යුතුය.

💠 දන්සැල පැවැත්වීමෙන් පසු පෙර තිබූ පරිදි ස්ථානය පිරිසිදු කිරීම කළ යුතුය.

💠 දන්සැල සදහා දායක වන සෑම තැනැත්තෙකුම පුද්ගලික ස්වස්ථාවය ආහාර ස්වස්ථාව සනීපාරක්ෂාව පිළිබද ඉහළ මට්ටමින් ක්‍රියා කළ යුතු අතර ආහාර විෂවීම් ඇති නොවීමට වග බලා ගත යුතුය.

💠 දන්සැල් පරිශ්‍රය තුල බුලත් විට සැපීම, දුම්පානය කිරීම බීමත්ව හැසිරීම සම්පුර්ණයෙන්ම තහනම් වේ.

💠 කිසියම් බෝවන රෝගයකින් පෙළෙන්නෙකු, චර්ම රෝගයකින් පෙළෙන්නෙකු දන්සැල් කාර්ය මණ්ඩලය සදහා සභාභාගි කරවා නොගත යුතු අතර දන්සැල් පරිශ්‍රය තුල රැදි සිටීමද නොකළ යුතුය.

🔴 බත් / කඩල දන්සැල සඳහා කොන්දේසි

1. ආහාර පිසින ස්ථානයේ ප්‍රමාණවත් තරම් ඉඩ පහසුකම් තිබිය යුතුය.

2. වැසිකිළි අසළ හා කාණු උඩ හෝ අසල ආහාර පිසීම නොකළ යුතුය.

3. ආහාර පිළියෙල කිරීමට ගන්නා සියලුම භාණ්ඩ හා උපකරණ සබන් දා හොදින් සෝදා පිරිසිදු කර භාවිතා කළ යුතුය.

4. ආහාර පරිහරණය කරන්නා හොදින් සබන්දා අත් සේදීම කළ යුතු අතර ප්‍රමාණවත් සබන් සපයා තිබිය යුතුය.

5. පිරිසිදු ඇදුම් පැලද සිටිය යුතුය. නිළ ඇදුමක් ලබාදීම වඩාත් උචිතය.

6. සෑම අවස්ථාවකදීම මැස්සන්ගෙන් ආහාර ආරක්ෂා කර ගැනීමට වසා තැබිය යුතුය.

7. කුණු කසළ විවෘතව නොතබා පියන සහිත බදුන් වල බහාලිය යුතුය. අප ජලය ක්‍රමාණුකූලව බැහැරලිය යුතුය.

8. දන්සැල්හි ආහාර පිළිගන්වන්නන් අත්වැසුම්, හිස් වැසුම්, මුඛ ආවරණ පැළද සිටිය යුතුය.

🔴 අයිස් ක්‍රීම් / කෝයි / සිසිල් බීම දන්සැල සදහා කොන්දේසි

1. අයිස් ක්‍රීම් නියමිත උෂ්ණත්වයේ ශිතකරණ වල ගබඩා කර තැබිය යුතුය.

2. ආහාර පිළිගන්වන්නන් අත්වැසුම්, හිස් වැසුම්, මුඛ ආවරණ පැළද සිටිය යුතුය.

3. කෝපි හා සිසිල් බීම සඳහා භාවිතා කරන කෝප්ප හොදින් සෝදා පිරිසිදු කළ යුතුය.

4. ප්‍රමාණවත් කසළ බදුන් තිබිය යුතුය.

Copied

#දන්සැල්

24/04/2025

"ඉතා වැඳගත්.!
"කෘත්රිම ආහාර වර්ණක තහනම් කෙරේ." ❤

2026 අවසන් වන විට ඇමරිකා එක්සත් ජනපදයේ ආහාර වලින් ඛනිජ තෙල් මත පදනම් වූ සියලුම කෘතිම වර්ණක ඉවත් කරන බව, එරට ආහාර ඖෂධ අධිකාරිය⁣ (FDA) 2025 අප්‍රේල් 22 වන දින නිවේදනය කර ඇත. මේ සඳහා අවශ්‍ය නීති කෙටුම්පත් මේ වන ව්ටත් සම්පාදනය කෙරෙමින් පවතින බව FDA ආයතනය නිවේදනය කර තිබෙනවා.
https://www.bbc.com/news/articles/cpdzyjyp8x1o

කෙසේ වෙතත් බටහිර වර්ජිනියා සහ කැලිෆෝනියා ප්රාන්ත රාජ්‍යයන් දෙක මෙයට පෙර, පාසැල් දරුවන් සඳහා නිෂ්පාදනය කරනු ලබන ආහාරවලට කෘත්රිම වර්ණක යෙදීම තහනම් කර නීති කෙටුම්පත් පනවා තිබෙනවා. (West Virginia and California)

ගැමුණු සාලිය මහතාගේ පිටුවෙන් උපුටා ගැනීමකි