Anjali Budawatta Jayawardana

11/08/2025

1.
"එක එකා එක්ක රවුම් ගහන්නෙ, බඩුවක්ද ඕයි තමුසෙ. කෙල්ලො උනත් ඕනවට වැඩිය ලං කරගන්නෙ මොකටද? බැරිද තමුසෙට ගෙදරට වෙලා ඉන්න. Birthday party කියල වල්කමේද ඕයි උඹල යන්නෙ?"

2.
"පරිස්සමින් ගිහින් එන්න සුදු නෝනා. වැඩිය රෑ වෙන්න එපා."

මේ දෙවිදිහක පිරිමි. ඔබ තීරණය කරන්න තෝර ගන්නෙ මොන වර්ගයද කියලා.

පලවෙනි වර්ගය ගැන කියන්න දෙයක් නෑ. තමන්ගෙ comfort zone එකෙන් පිටස්තර දේවල් වලට වැළලෙන්න හදන කොටස. ඒ අයට තියෙන අනාරක්ෂිත හැඟීම් පිට කරන්නෙ අනෙකාව උපරිමයෙන් පහත් කරල.

දෙවෙනි වර්ගය. ඉතා බුද්ධිමත් ශක්තිමත් පිරිමි. නිදහස දෙන්න ඔවුන් බය නෑ. ඔවුන්ට ඔවුන්ගෙ ආදරය 100% ම විශ්වාසයි. ඒ විශ්වාසය නිසාම ගැහැණු පාර්ශ්වයත් කවමදාවත් වරදට නොපෙළඹෙන්න වග බලාගන්නවා. ඒ තරමටම ඒ බැඳීම් ශක්තිමත්.

අවසනාවකට වැඩියෙන් ඉන්නෙ පලවෙනි වර්ගයේ පිරිමි. දෙවෙනි වර්ගයේ පිරිමි හදන්න තරම් දැණුමින් නුවණින් පොහොසත් දෙමාපියන් පහුගිය පරම්පරා වල හිටියෙ බොහොම අඩුවෙන්. හිටපු අතලොස්සකගෙ දරුවො නිසා අද සමහරක් ගෑණු නිදහසේ බැබළෙනවා. ඉරිසියා හිතෙන තරමටම.

Counseling psychologist/Author
Anjali Budawatta Jayawardana
(MSc,MA,PGD,BA,HND,Dip.,Cert.)

10/08/2025

___🍂ඔබට කරදර කරන සිතුවිලි කෙරෙහි අවධානය යොමු නොකරන්න.

ඒවා එක්ක රණ්ඩු වෙන්න එපා. ඒවා ගැන හොඳ නරක තීරණය කරන්න යන්න එපා, ඒවා මොනවා උනත් ඒවාට එහෙම තියෙන්න දෙන්න.

ඔබ ඒ සිතිවිලි වලට විරුද්ධව සටන් කරන එක තමයි ඒ සිතිවිලි වලට ජීවිතේ දෙන්නෙ, ජීවය දෙන්නෙ. හුදෙක් නොසලකා හරින්න, සරලවම ගණන් ගන්න එපා.

ඒ හරහා කය ගැන සතිමත් වන්න, කය දෙස සිහියෙන් දකින්න.✨️

#කායානුපස්සනා

07/08/2025

06/08/2025

❤️

27/07/2025

අපේ සංස්කෘතිය සහ ලිංගිකත්වය

23/07/2025

22/07/2025

හැම පුංචි දේටමත් අසාමාන්‍ය ලෙස සිනාසෙන මිනිස්සු ඇතුලෙ හැංගුන තනිකමක් තියෙන්න පුලුවන්.

පුංචි දේටත් මහා ලොකුවට තරහ ගන්න මිනිස්සු ළඟ නොවිසඳුණු සංවේදී චිත්තවේගික අත්දැකීම් තියෙන්න පුලුවන්.

අසාමාන්‍ය ලෙස තණ්හාවෙන් ජීවත් වෙන අය ඇතුලෙ තමාට නොලැබී ගිය භෞතිකයක මතකයන් හොල්මන් කරනවා වෙන්න පුලුවන්.

උමතුවෙන් මෙන් ධර්මය පස්සෙ වැටී දුවන මිනිස්සුන්ට ලෝකයෙන් වසන් කරන්න ලොකු කාරණා තියෙනවා වෙන්න පුලුවන්.

ඉතින් මනෝවිද්‍යාවට අනුව මේ හැම ප්‍රතිචාරයක්ම මිනිස් හිත තුල ඇති කාංසාමය පීඩිත තත්ව තාවකාලිකව මැඩගන්න ස්ව්‍යංක්‍රීයව ක්‍රියාත්මක වෙන සංරක්ෂණ ප්‍රයෝගයන්.

මේ කිසිම දෙයකින් අපිට මිනිස්සු මනින්න බෑ. ඔවුන්ගේ ජීවත වලට විනිශ්චයන් දෙන්න බෑ. අපිට ඒකට අයිතියක් නැහැ. ඒ හැමෝටම ඒ ක්‍රියාවන් වලට අදාල හේතුවක් තියෙනවා. ඒ සෑම හේතුවකම ඵලය තමයි අපි මතුපිටින් දකින මේ මිනිස්සු.

ඉතින් පංසල් ගිහින් උදේ හවා මල් පූජා කරන්නේ හැමදාම රෑට අඹුවට තඩිබාන පිංවතෙක් වෙන්න පුලුවන්.

මහා කේන්ති කාරයෙක් කියල සමාජයෙන් කොන් වෙන්නෙ ඉතා නිර්මාණශීලී මනසක් ඇත්තෙක් වෙන්නත් පුලුවන්.

තණ්හාවෙන් දේවල් පොදි බඳින අය ඇතුලෙ වේල් තුන වෙනුවෙන් වත් වියදම් කරගන්න මුදල් නැතිවුන අතීතයක් තියෙන්න පුලුවන්.

මහා හයියෙන් හැම පුංචි දේටම හිනාවෙන අයෙක් ඇතුලෙ සදාකාලිකව හිතින් තනිවූ අයෙක් හුස්ම හොයනවා වෙන්න පුලුවන්.

ඉතින් අපි කොහොමද නානාප්‍රකාර ජීවිත වලට විනිශ්චයන් ලබා දෙන්නෙ? අපී ඒ තරම්ම දැණුමින් පොහොසත් ද?

ඉතින් සබඳ, ඔබ මාව විනිශ්චය නොකරන්න. මාද ඔබව විනිශ්චය නොකර සිටීමට වගබලා ගනිමි.

Counselor / Author -
Anjali Budawatta Jayawardana 🇱🇰
(MSc, MA, PGD, BA, HND, Dip., Cert.)