Siripoda Wassa

05/12/2025

ගොඩක් ළමයින්ගේ පාඩම් පොත් වතුරට ගහගෙන ගිහිල්ලා තිබුනා. මට කාලෙකට කලින් හම්බුනා හැම විශයකම සටහන්. මේවා original දාපු කෙනා කවුද දන්නේ නෑ. හැබැයි එයාට 🫡🫡 🌹🌿🍂. ඕන කෙනෙක්ට මේක share කරලා දෙන්න! මේ පෝස්ට් එක copy කරලා යවන්න!

මේවා ඔක්කොම නොමිලේ...!!

කැම්පස් ඉන්න අයටත් පාවිච්චි කරන්න පුලුවන්..!! 😌🌹🌿🍂

විද්‍යා/ගණිත
https://drive.google.com/drive/folders/1Cm3wD7ziKPmNo5SxNQU1ZFeyP7eMbIWC?usp=drive_link (සංයුක්ත ගණිතය)

https://drive.google.com/drive/folders/1Zmy_K5NFCx5DU2F3AkG551xxLwinxXz2?usp=drive_link (රසායන විද්‍යාව)

https://drive.google.com/drive/folders/1zh1lvoQr1XMZpfa6BGJ7-bSso3ZEZvpy?usp=drive_link (භෞතික විද්‍යාව)

https://drive.google.com/drive/folders/1zxE8FG7l0-n62Le0eU6tmfNoR0PCfDks?usp=drive_link (ජීව විද්‍යාව)

තාක්ශණ
https://drive.google.com/drive/folders/1seCLKh2WOuMj6ITjjIx31xo7EHbUii_9?usp=drive_link (තාක්ශණවේදය සදහා විද්‍යාව)

https://drive.google.com/drive/folders/1amE5IYRi_jE0BgGzDkTezYZuBd7ZACpV?usp=drive_link (ඉංජිනේරු තාක්ශණවේදය)

https://drive.google.com/drive/folders/1yoGexkM9eQslFzUDb5EddorZw-SqlC-w?usp=drive_link (බයෝ සයන්ස් ටෙකොනොලොජි)

https://drive.google.com/drive/folders/1_rmapxLUZ9ENnD8jni8zKkmiRB2ukxoK?usp=drive_link (තොරතුරු තාක්ශනය)

වාණිජ
https://drive.google.com/drive/folders/11F_mLPWZrKf1rvS8OviRBW3BAWW3adSB?usp=drive_link (ව්‍යාපාර අධ්‍යයනය)

https://drive.google.com/drive/folders/1HbwfySGFb9i21HkpEmAxBhigXt60zcUV?usp=drive_link (ආර්ථික විද්‍යාව)

https://drive.google.com/drive/folders/1bqBC9QA6u4lmGxZy1L1YQvXs5XtKc52u?usp=drive_link (ගිණුම්කරණ්‍ය)

කලා
https://drive.google.com/drive/folders/1pIqNAqtdLFcdK_1GgSM6ns50ie1gKsix?usp=drive_link (බුද්ධ ධර්මය)

https://drive.google.com/drive/folders/194l24EKiCHjv5bMZ0ST1BuEvHzuxJTA_?usp=drive_link (නර්තනය)

https://drive.google.com/drive/folders/1FSNAdMb6kU7pk4vPGkG1lzsYyJFW5jaK?usp=drive_link (භූගෝල විද්‍යාව)

https://drive.google.com/drive/folders/1O-g9-zzAKYjl2VAOu7Ap6hhgS703qzE1?usp=drive_link (හින්දි)

https://drive.google.com/drive/folders/1rhAe9-otFJmjjOrPiB7UJGCcEhxLcEDv?usp=drive_link (ඉන්දීය ඉතිහාසය)

https://drive.google.com/drive/folders/1CgGxebdb5AO2BghT2Rz37gphruaus0X4?usp=drive_link (ජපන්)

https://drive.google.com/drive/folders/1aiWtejG7bIwcYvwnMx-yJeLuq4o4XPHp (මාධ්‍ය අධ්‍යයනය)

https://drive.google.com/drive/folders/1EW1T6fDc40xIjVnsfwkzr7Y-FhBqdCLK?usp=drive_link (දේශපාලන විද්‍යාව)

https://drive.google.com/drive/folders/1ikjSX6pid7x0D1MivCgPz1HZmDHRurMp?usp=drive_link (සිංහල)

https://drive.google.com/drive/folders/1OhuHL_aZGL6H19sDHl4gVC7Kmqelud_O?usp=drive_link (සංඛ්‍යායන)

https://drive.google.com/drive/folders/1t1JfU0OsBcoYiLn2H9sG7XtkFo2Yhgmp?usp=drive_link (දෙමළ)

https://drive.google.com/drive/folders/1O5-pm2Um9R9P7-hwS6Ub6IugT6cIOvoT?usp=drive_link (ඉංග්‍රීසි)

29/11/2025

කඩිනමින් ලබාදෙන්න
ආපදාවන්ට ගොදුරු වී ඇති ජනතාවට බෙදාදීම පිණිස ශාන්ති පදනම පහත සඳහන් උපකරණ ලබා දෙන ලෙස ජනතවගෙන් ඉල්ලා සිටිමු. මෙයට කොටපොල අමරකිත්ති අනු නාහිමි
බිස්කට්
තුවා
පලතුරුබීම
මාමයිට්
නූඩ්ල්ස්
කිරිපිටි
තේ කොළ
සීනි
කොට්ට
පැදුරු
ප්‍රථමාධාර
සනීපාරක්ෂක ද්‍රව්‍ය
කොළඹ 7 බෞද්ධාලෝක මාවතේ පිහිටි ශාන්ති පදනමට භාර දෙන්න
විමසිම්
011 2699561
0112671414
0710544213

06/11/2025

මානසික සුවතාවය සඳහා භාවනාව සහ ධර්ම සාකච්ඡාව . පූජ්‍යපාද කොටපොල අමරකිත්ති නාහිමිපාණන් වහන්සේගේ මෙහෙයවීමෙන් නොවැම්බර් මස 8වන සෙනසුරාදා දින පෙ.ව .8.00 -10.30 දක්වා පැවැත්වෙ , ඔබට භාවනාව හෝ ධර්ම කාරණා ගැන ගැටලුවක් ඇත්නම් ගැටලුව ලියාගෙන පැමිණෙන මෙන් කාරුණිකව මතක් කරමු ශාන්ති පදනම ,බෞද්ධාලෝක මාවත ,කොළඹ 07 ඔබ සැමට ගෞරවයෙන් ආරාධනා කරමු , සීතා රාජපක්ෂ 0777777029

30/10/2025

මානසික සුවතාවය සඳහා භාවනාව සහ ධර්ම සාකච්ඡාව . පූජ්‍යපාද කොටපොල අමරකිත්ති නාහිමිපාණන් වහන්සේගේ මෙහෙයවීමෙන් නොවැම්බර් මස 1 වන සෙනසුරාදා දින පෙ.ව .8.00 -10.30 දක්වා පැවැත්වෙ , ඔබට භාවනාව හෝ ධර්ම කාරණා ගැන ගැටලුවක් ඇත්නම් ගැටලුව ලියාගෙන පැමිණෙන මෙන් කාරුණිකව මතක් කරමු ශාන්ති පදනම ,බෞද්ධාලෝක මාවත ,කොළඹ 07 ඔබ සැමට ගෞරවයෙන් ආරාධනා කරමු , සීතා රාජපක්ෂ 0777777029

26/10/2025

04/10/2025

🌱 දෙමාපිය ප්‍රක්ෂේපණය (Parental Projection)

👩‍👩‍👧‍👦 දෙමාපියන්ගේ සිතුවිලි, හැඟීම්, මනෝභාවයන් දරුවන්ගේ මනසටත් බලපානවා.
ඔබ ගහක කඳ නම්, ඔබේ දරුවන් ඒ ගහේ අතු. 🌳

👉 Sigmund Freud අනුව Projection කියන්නේ – අපේම අත්දැකීම්, ආශාවන්, හැඟීම් වෙනත් අය මත ආරෝපණය කිරීම.
ඒ නිසා අපේ ජීවිතයේ සතුටත්, දුකත්, විශ්වාසයත්, භයත් – දරුවාට බෙදාගන්නවා.

🟢 ඔබේ දරුවාට ධනාත්මක projection කරන්න හැකි ක්‍රම 6යි:

1️⃣ පළමුව ඔබේම ශක්තිය වැඩි කරගන්න

ඔබ ඔබේම ජීවිතය ගැන සතුටින් නොඇත්නම්, දරුවාට සතුට දෙන්න අමාරු.
🌿 ඔබ ඔබට ආදරය කරන්න
🌿 ප්‍රමාණවත් විවේක ගන්න
🌿 ගෙදරදි භාවිත කරන වචන පිළිබඳ සුරැකුම් කරන්න

2️⃣ ධනාත්මකව කතා කරන්න

ඔබේ දරුවා නිරන්තරයෙන් ඔබ දෙස බලනවා, සවන් දෙනවා.
👉 ඔබ ඔබ ගැන, අනෙක් අය ගැන යහපත් වචන භාවිත කරන්න.

3️⃣ ඔබේ හඩ පරීක්ෂා කරන්න

“Good Morning පැටියෝ, අපි ඇහැරෙමුද?”
කියන එකේ මෘදු භාවය දරුවාට ආදරය දැනවෙනවා.
තරහේ වෙලාවට නිශ්ශබ්දව සිටින්න – නරක වචන කියා දරුවාගේ හිත රිදවීම වලක්වන්න.

4️⃣ සාමකාමී නිවසක් තැනගන්න 🏡

🌸 ගැටුම් නිවැරදිව විසඳන්න
🌸 නිවස පිරිසිදු තබන්න
🌸 හිරු එළිය, සුසුදු සංගීතය, ආදරය – නිවස්සට සතුට ගෙනෙනවා

5️⃣ චිත්තවේගීය ඔරොත්තු දීමේ ආදර්ශය පෙන්වන්න

දරුවා ඔබ බලලා ගැටලු හසුරවන්නේ කෙසේද කියලා ඉගෙන ගන්නවා.
➡️ විවේකය ගන්න ආකාරය
➡️ සමාව ඉල්ලන ආකාරය
➡️ නැවත ආරම්භ කරන ආකාරය

6️⃣ දරුවන් සමඟ සම්බන්ධ වෙන්න ❤️

🎶 සෙල්ලම් කරන්න
🎶 ගී ගායනා කරන්න
🎶 කතා කියන්න, නටන්න
දරුවාට සතුට සහ ආදරය දැනෙනවා.

💡 මතක තබා ගන්න:
දරුවන් අපේ වචන සෑම එකක්ම තේරුම් ගන්න ඕනෑ නෑ,
අපේ හැඟීම් ඔවුන් 100% දැන ගන්නවා.

ඉතින් ඔවුන්ගේ ළමා කාලය – ආදරයෙන්, සතුටෙන් පුරවමු. 🌷
Sandhya Karunathilaka psychological Counselor /Career Counselor /NLP Practitioner /Certify Trener

04/10/2025

දෙවැනි වරටත් ශාන්තිපදනම අනුග්‍රහයෙන් සිරිපොදවැස්ස ඉදිරිපත් කරන සංගීත චිකිත්සාව

03/10/2025

ඔබ සැමට ආරාධනා.....

17/09/2025

මානසික සුවසෙත සඳහා විශේෂිත භාවනා වැඩසටහන සහ ධර්ම සාකච්ඡාව
පූජ්‍ය කොට පොළ අමරකිත්ති අනු නායක හිමිපාණන් වහන්සේ විසින් මෙහෙයවීමෙන්
සෑම සෙනසුරාදා දිනකම පෙ.ව.8.00 සිට පෙ.ව 10.30 දක්වා
කොළඹ 07
බෞද්ධාලෝක මාවත සේරුවිල බෞද්ධ මධ්‍යස්ථානයේදී පැවැත්වේ
දැවෙන සිත නිවා ගන්න ඔබ සැමට ආරාධනා
මෙහෙයවීම
සිරිපොද වැස්ස උපදේශන සේවාව ශාන්ති පදනම
විමසීම් සීතා රාජපක්ෂ
0777777029

17/08/2025

🔴 මේ පෝස්ට් එක උපුටා ගැනීමක්. ඉදිරිපත් කරලා තියෙන කරුණු අධ්‍යාපන සුදුසුකම් ගැන උනන්දු වෙන කෙනෙකුට වැදගත් වෙන්න පුළුවන්. ඒත් ඉතිං එකක් කියන්න ඕනි. කටපාඩම් කරලා හෝ AI වගේ දේවල් උපයෝගි කර ගෙන හෝ උපාධි ලබා ගත්තට මදි. තමන්ගේ ධාරිතාව සංවර්ධනය වෙන විදියට සුදුසුකම් ලබා ගන්න පුළුවන් නම් ගොඩක් වටිනවා.

මේ අර මුලින් කිව්ව පෝස්ට් එක.

උපාධි, ආචාර්‍ය මහාචාර්‍ය පදවි තානාන්තර ගැන හෙනම කතාවක් යනවනේ.. මේ මම දන්න තරමින් ඒ ගැන සරළ විස්තරයක්. ⁣

මේකත් ඔය අත කහනවට කොටන ලියමනක්. ⁣
⁣------------------------------------------------------
ඩිප්ලෝමා (𝐃𝐢𝐩𝐥𝐨𝐦𝐚)⁣
- උපාධියකට වඩා පහළ මට්ටමේ සහ කෙටිකාලීන අධ්‍යාපන සුදුසුකමක්.⁣
- බොහෝවිට විශේෂිත වෘත්තියක දක්ෂතාව ලබාදෙනවා.⁣
- සාමාන්‍යයෙන් ඩිප්ලෝමාවක් මාස 6 – අවුරුදු 2ක් අතර කාලයක් ඇතුළත සම්පූර්ණ වෙනවා.⁣
- උදාහරණ විදිහට ලංකාවේ තියෙන අධ්‍යාපන විද්‍යා පීඨ, Nursing Training School (NTS) වගේ තැන් වලින් ලබා දෙන්නේ ඩිප්ලෝමා මට්ටමේ සුදුසුකමක්.⁣
- මේ සුදුසුකම උපාධියක් සඳහා පිවිසුමක්, නැත්නම් රැකියාවකට පිවිසීමට මාර්ගයක් වශයෙන් යොදාගන්න පුළුවන්.⁣
- උපාදියකින් පසුව සම්පූර්ණ කරන ඩිප්ලෝමා සාමාන්‍යෙන් පශ්චාත් උපාධි ඩිප්ලෝමා (Post graduate diploma) කියලා තමයි හදුන්වන්නේ. ඕස්ට්‍රේලියාව වගේ රටවල මේක graduate diploma කියලත් හඳුන්වනවා.⁣
- මේ සුදුසුකම් නමක් සමඟ යොදනවානම් සාමාන්‍යයෙන් යෙදෙන්නේ මෙන්න මේ විදිහට: ⁣
o Mr. Amarabandu Rupasinghe – Dip. in English ⁣
o Mrs. Sama Amaralatha – PgDip in Education⁣
⁣
------------------------------------------------------
⁣
ප්‍රථම උපාධිය (𝐁𝐚𝐜𝐡𝐞𝐥𝐨𝐫’𝐬 𝐃𝐞𝐠𝐫𝐞𝐞)⁣
- විශ්ව විද්‍යාලයක හෝ පිළිගත් උපාධි ප්‍රදාන ආයතනයකින් කෙනෙක් ලබාගන්නා මුල්ම උපාධිය.⁣
- සාමාන්‍යෙයෙන් අවුරුදු 3–4 ක් වගේ කාලයක් ගත වෙනවා උපාධියක් සම්පූර්ණ කරන්න. ⁣
- වෛද්‍ය උපාධියක් වගේ විශේෂ උපාධි සඳහා අවුරුදු 5ක් වගේ ගත වෙනවා. ⁣
- සමහරක් අවුරුදු 4ක උපාධි විශේෂවේදී උපාධියක් විදිහට හඳුන්වනවා. Special Degree එකක් කියන්නේ එතකොට. (BSc Special in Chemistry) ⁣
උදාහරණ:⁣
• BA – ශාස්ත්‍රවේදී උපාධිය ⁣
• BSc – විද්‍යාවේදී උපාධිය⁣
• BBA - ව්‍යාපාර කළමණාකරණ උපාධිය⁣
• BEng – ඉංජිනේරු උපාධිය⁣
• MBBS (Bachelor of Medicine, Bachelor of Surgery)- වෛද්‍ය උපාධිය ⁣
⁣
- මේ සුදුසුකම් නමක් සමඟ යොදනවානම් සාමාන්‍යයෙන් යෙදෙන්නේ මෙන්න මේ විදිහට: ⁣
o Mr. Amarabandu Rupasinghe – BSc in Science ⁣
o Mrs. Sama Amaralatha – BA (special) in Sociology⁣
සිංහලෙන් ලියනවානම්:⁣
o විද්‍යාවේදී අමරබන්දු රූපසිංහ⁣
o ශ්‍රාස්ත්‍රවේදී සාමා අමරලතා⁣
⁣
------------------------------------------------------

මාස්ටර් උපාධිය (𝐌𝐚𝐬𝐭𝐞𝐫’𝐬 𝐃𝐞𝐠𝐫𝐞𝐞)⁣
- ප්‍රථම උපාධිය පස්සේ කෙනෙක් තමන්ගේ කැමැත්තෙන් තවත් ඉදිරියට ඉගැන ගැනීමේදී තමයි Masters එකක් කරන්නේ⁣
- බොහෝ වෙලාවට එක් විෂය ක්ෂේත්‍රයක ගැඹුරු දැනුමක් මේ උපාධි පාඨමාලාවකදී හදාරනවා.⁣
- සාමාන්‍යෙන් අවුරුදු 1–2 ක් අතර කාලයක් යනවා උපාධිය සම්පූර්ණ කරන්න.⁣
- Taught Master’s / Research Master’s විදිහට වෙන් වීමක් ගොඩක් වෙලාවට තියෙනවා.⁣
- බොහොමයක් masters උපාධි වල නිබන්ධනයක් (thesis) එකක් තනියෙන් සම්පූර්ණ කරන්න ඕනි.⁣
උදාහරණ:⁣
• MA – ශාස්ත්‍රපති උපාධිය⁣
• MSc – විද්‍යාපති උපාධිය⁣
• MBA – master’s in business administration⁣
⁣
- මේ සුදුසුකම් නමක් සමඟ යොදනවානම් සාමාන්‍යයෙන් යෙදෙන්නේ මෙන්න මේ විදිහට: ⁣
o Mr. Amarabandu Rupasinghe – MSc in Data Science ⁣
o Mrs. Sama Amaralatha – MA in Communication⁣
සිංහලෙන් ලියනවානම්:⁣
o විද්‍යාපති අමරබන්දු රූපසිංහ⁣
o ශ්‍රාස්ත්‍රපති සාමා අමරලතා⁣
⁣
------------------------------------------------------

(𝐌.𝐏𝐡𝐢𝐥 – 𝐌𝐚𝐬𝐭𝐞𝐫 𝐨𝐟 𝐏𝐡𝐢𝐥𝐨𝐬𝐨𝐩𝐡𝐲)⁣
- මේ සම්පූර්ණයෙන්ම පර්යේෂණමය මාස්ටර් උපාධියක්.⁣
- බොහෝවිට PhD එකකට පෙර පියවරක් විදිහට තමයි කෙනෙක් මේ වගේ උපාධියකට යොමු වෙන්නේ.⁣
- මේ උපාධිය සම්පූර්ණ කරන්න අනිවාර්‍යෙන්ම ස්වාධීන පර්යේෂණයක් කරලා ඒ සොයාගැනීම් පිළිගත් ආකාරයකට publish කරන්න අවශ්‍යයයි. ⁣
- සාමාන්‍යයෙන් අවුරුදු 1–2 අතර ප්‍රමාණයක් යනවා M.Phil එකක් complete කරන්න.⁣
- මේ සුදුසුකම් නමක් සමඟ යොදනවානම් සාමාන්‍යයෙන් යෙදෙන්නේ මෙන්න මේ විදිහට: ⁣
o Mr. Amarabandu Rupasinghe – M.Phil in Computer vision ⁣
⁣
------------------------------------------------------

ආචාර්‍ය උපාධිය (𝐏𝐡𝐃 – 𝐃𝐨𝐜𝐭𝐨𝐫 𝐨𝐟 𝐏𝐡𝐢𝐥𝐨𝐬𝐨𝐩𝐡𝐲)⁣
- විශ්වවිද්‍යාලයකින් ලැබිය හැකි ඉහළම උපාධියක් තමයි ආචාර්‍ය උපාධිය කියන්නේ.⁣
- නව දැනුමක් නිර්මාණය කරන එක මූලික කරගත්තු අලුත්ම පරේක්ෂණයක් අනිවාර්‍යෙන්ම මේ උපාධි අපේක්ෂකයෙක් කරගෙන යනවා.⁣
- ඒ වගේම ඒ කරන පරේක්ෂණ වල සොයාගැනීම් පිළිගත් journals/ conferences වල publish කරන්න ඕනි.⁣
- සාමාන්‍යෙන් අවුරුදු 3–7 ක් අතර කාලයක් ගතවෙනවා complete කරන්න.⁣
- Thesis එකක් වගේම සහ viva test එකකුත් තියෙන්න පුළුවන් මේ උපාධිය ප්‍රදානය කරන්න කලින්. විශ්වවිද්‍යාලය මඟින් පත් කරපු board එකක් ඒ පිළිබඳ සෑහිමකට පත් උනොත් තමයි ආචාර්‍ය උපාධිය ප්‍රදානය කරන්නේ. ⁣
- ලෝකයේ සමහරක් විශ්වවිද්‍යාල DBA (Doctor in Business Administration), D. Eng (Doctor in Engineering) වගේ PhD වලට සමාන උපාධි පිරිනමනවා.
- Education field එකේ අයට Doctor of Philosophy වෙනුවට දැන් Doctor of Education (EdD) කියලා එකක් තියනවා මේක ගොඩක් ගුරුවරුන්ට ප්‍රින්සිපල් ලට වගේ අයට ජොබ් එක කරන ගමන් ඒකත් එක්කම සම්බන්ධ වෙලා කරන්න පුලුවන් එකක් .
- සාමාන්‍යෙන් PhD එකකදි යුනිවර්සිටි එකෙන් උපාධි අපේක්ෂකයාට ගෙවනවා ඒක කරනවට. ෆුලි ෆන්ඩඩ් ගොඩක් වෙලාවට. (ගෙවලා ගන්නවා නෙවෙයි. ගන්නවට ගෙවනවා! :D )

- සමහර පිළීගත් විශ්වවිද්‍යාල වලින් ඒ ඒ ක්ශේත්‍ර වල සුවිශේෂ හැකියා ඇති අයට ගෞරව ආචාර්‍ය උපාධි පිරිනමනවා. ( ආචාර්‍ය නන්දා මාලිනියන්ට සෞන්දර්‍ය කලා විශ්වවිද්‍යාලයෙන් 2017 වර්ෂයේ පිරිනමපු Doctor of Philosophy (Fine Arts) Honoris Causa ඒ වගේ උපාධියක්.) ⁣
- මේ සුදුසුකම් නමක් සමඟ යොදනවානම් සාමාන්‍යයෙන් යෙදෙන්නේ මෙන්න මේ විදිහට (Dr සහ PhD කියන යෙදුම් දෙකම එක වෙලාවක පාවිච්චි කරන්නේ නෑ): ⁣
o Amarabandu Rupasinghe, PhD⁣
o Dr. Amarabandu Rupasinghe⁣
o අචාර්‍ය අමරබන්දු රූපසිංහ ⁣

------------------------------------------------------
⁣
𝐃.𝐒𝐜. – 𝐃𝐨𝐜𝐭𝐨𝐫 𝐨𝐟 𝐒𝐜𝐢𝐞𝐧𝐜𝐞⁣
- මේක ඉතා සුවිශේෂී, PhD එකටත් වඩා ඉහළ උපාධියක්.⁣
- යම් අයෙක් දිගුකාලීනව කරන අතිවිශිෂ්ට ගවේෂණ පරීක්ෂණ සහ ක්‍රියාකාරකම් මත පදනම්ව තමයි මේ උපාධිය පිරිනැමෙන්නේ. ⁣
- ලෝකයේ සමහර විශ්වවිද්‍යාල විතරයි D.Sc උපාධි පිරිනමන්නේ. ⁣
- සමහර රටවල් වල PhD එකට සමාන උපාධියක් විදිහටත් සලකනවා. ⁣

------------------------------------------------------
⁣
මහාචාර්‍ය පදවිය (𝐏𝐫𝐨𝐟𝐞𝐬𝐬𝐨𝐫𝐬𝐡𝐢𝐩)⁣
- මහාචාර්‍ය පදවිය කියන්නේ තනතුරක්, උපාධියක් නොවෙයි.⁣
- සාමාන්‍යයෙන් විශ්වවිද්‍යාලයක උසස්ම අධ්‍යයන තනතුර වෙන්නේ මහාචාර්‍ය තනතුර.⁣
- බොහෝ වෙලාවට මහාචාර්‍ය කෙනෙක් වෙන්නේ ආචාර්‍ය උපාධියක් (PhD) එකක් සම්පූර්ණ කරපු කෙනෙක්.⁣
- USA වලදී Professor කියන term එක විශ්වවිද්‍යාල ගුරුවරු හැමෝටම යොදාගන්නවා. ඒ කියන්නේ PhD එකක් තිබ්බා හෝ නැතා, ඒ අය විශ්වවිද්‍යාලයක උගන්නනවා නම් professor කියලා හදුන්වනවා.⁣
- British system එකේදී ( ලංකාව, ඕස්ට්‍රේලියාව වගේ රටවලත් තියෙන්නේ ඒ system එක) අනිවාර්‍යෙන්ම විශ්වවිද්‍යාලය මහාචාර්‍ය පදවිය ප්‍රදානය කළ යුතුයි.⁣
- යමෙක් විශ්වවිද්‍යාලයෙන් අයින් උනාම මහාචාර්‍ය කියන title එක අයින් වෙලා නැවත ආචාර්‍ය වෙනවා. ⁣
- හැබැයි සමහර අවස්ථා වල සුවිශේෂ පුද්ගලයන්ට ජීවිත කාලයටම බලපාන විදිහට මහාචාර්‍ය පදවි (Emeritus professor) පිරිනමනවා. මහාචාර්‍ය VK සමරනායක එවැනි අයෙක්.⁣ (සේවාර්ජිත මහාචාර්ය තමයි සිංහල නාමය)
මේ සුදුසුකම් නමක් සමඟ යොදනවානම් සාමාන්‍යයෙන් යෙදෙන්නේ මෙන්න මේ විදිහට: ⁣
o Professor Amarabandu Rupasinghe⁣
o මහාචාර්‍ය අමරබන්දු රූපසිංහ⁣

------------------------------------------------------
⁣
මේ අධ්‍යාපන සුදුසුකම් නිසි ආකාරයෙන් සම්පූර්ණ කරන්න “හරියට” කරන මිනිස්සු පට්ටම කට්ටක් කනවා වගේම ලෝක දැනුම් පද්ධතියට හරයක් එකතු කරන්න තමන්ගේ ජීවිතේ සැළකියයුතු කාලයක් කැප කරනවා. ⁣

ඒ වගේම මේ උපාධි පිරිනමන “නිසි” ආයතන/ විශ්වවිද්‍යාල හරි ආකාර නියාමනයන්ට යටත් වෙලා කටයුතු කරනවා. ⁣

එහෙම තියෙද්දි ඩොලර්, රුපියල් වලට මේ අකුරු තුන හතර අලෙවි වෙද්දි, තමන්ට නැති උපාධි ගත්තා වගේ මාකට් කරද්දී, එව්වට කට පියාගෙන ඇස් අයාගෙන ඉන්නවා කියන්නේ අර වටිනාකමක් තියෙන මිනිස්සුන්ගෙත් වටිනාකම නැති කරන දෙයක්.⁣

තමන්ගේ දුවා දරුවන්ට පොඩ්ඩක් හරි ආදරයක් තියෙනවානම් “නිසි” අධ්‍යාපනයේ අගය වටහලා දෙන එක දෙමව්පියන්ගේ වගකීමක්. ඒත් එක්ක මේ සුදුසුකම්, උපාධි වල තියෙන බර, වටිනාකම අනිවාර්‍යෙන්ම කියලා දෙන එකත් යුතුකමක්! ⁣

උපුටා ගැනීමකි
C e y l o n

゚