26/10/2024
තරග දෙකේම සාර්ථක වුණ නවක නිශාන් මධුෂ්ක ඉවතට‼️
එක්දින පිටියේ අති සාර්ථක නවක දුනිත් ඉවතට‼️
❇️ ආබාධයෙන් පසු නැවතත් කණ්ඩායමට පැමිණි , consistency ලකුණු අතර සිටීමට නොහැකි වුණ ,
අවිශ්ක ප්‍රනාන්දුට තවත් අවස්ථාවක් ලැබී තිබෙනවා.
මේ වසරේ ඔහු තරග 15 ක් ක්‍රීඩා කරල තියෙනවා.
ඔහුගේ ඉනිමක සාමාන්‍යය 28 යි.
❇️ විස්සයි විස්ස ආරම්භක පිතිකරුවකු ලෙස සාර්ථකත්වයක් ලැබුවත් එක්දින පිටියේ පසුබෑමක සිටින කුසල් මෙන්ඩිස්ට දිගින් දිගටම අවස්ථාව ලැබෙනවා. ඔහුගේ වසර 8 ක එක්දින දිවියේ අංක 3 ස්ථානයේ ක්‍රීඩා කරමින් ලකුණු 33 ක සාමාන්‍යයක් රඳවාගෙන තිබෙනවා.
🛑 එක්දින පිටියේ ආරම්භක පිතිකරුවෙක්ට හා අංක 3 පිතිකරුවෙක්ට මෙවැනි සාමාන්‍යයන් උචිතද ?
උචිතයි නම් කමක් නෑ.
🛑 වරදවා වටහාගන්නෙපා ,
ක්‍රීඩකයෝ එක්ක කිසිම ප්‍රශ්නයක් නෑ.
ක්‍රීඩා කිරීම ඔවුන්ගේ රැකියාවයි.
ඔවුන්ට අවස්ථාව ලැබෙනව නම් ඔවුන් ක්‍රිඩා කරනවා.
හරි.
🛑 ඒත් ක්‍රීඩකයන් සමඟ සෙල්ලම් කරන බලාධාරින් ගැන කලකිරීමක් තියෙන්නේ.
ඇයි මෙහෙම ක්‍රීඩකයන්ගේ ජීවිත එක්ක සෙල්ලම් කරන්නේ ?
ඇයි එක එක ක්‍රීඩකයන්ට එක එක විදියට සලකන්නේ ?
එක්කෙනෙක් අසාර්ථක වෙද්දි සාර්ථක වෙනකන්ම අවස්ථාව දෙන්නයි ,
තව කෙනෙක් අසාර්ථක වෙද්දි එකපාරම කපලා දාන්නයි ,
කෙනෙක් සාර්ථක වෙලා අසාර්ථක කෙනෙක්ට අවස්ථාව දෙන්නයි
ඇයි මෙහෙම ?
මෙහෙම වුණාම ඒ අසාධාරණයට ලක්වෙන අයට මොකද හිතෙන්නේ ?
කණ්ඩායම් ඇතුලෙ බෙදීම් හැදෙන්නේ මේවගෙන් නෙවෙයිද ?
🛑 මේ තරගාවලියේ දින්න තරග දෙකේම ඒ ඒ අයගේ ඒ ඒ ප්‍රියතම මාර players ලා ලකුණු 10 ක් වත් ලබාගත නොහැකිව අසරණව ඉනිම බිඳ වට්ටල යද්දි ,
ඉනිමට ශක්තිමත් ආරම්භයක් දුන්නේ අත්දැකීම් නැති නවක නිශාන්.
ඒත් අර players ලා තාම අත්දැකීම් ගන්නවා.
🛑 දුනිත් කියන්නේ නවක ක්‍රීඩකයෙක්.
අත්දැකීම් දෙන්න ඕනේ ඇත්තටම මේ වගේ නවකයන්ට මිසක් අවුරුදු 8 ක් 9 ක් ජාත්‍යන්තර අත්දැකීම් තිබෙන වයස අවුරුදු 30 ට ලඟා වුණ අයට නෙවෙයි නේද ?
අද දුනිතුත් එලියෙ
කණගාටුයි ‼️
❇️ පවන් රත්නායක , පසිඳු සූරියබණ්ඩාර , නුවනිඳු ප්‍රනාන්දු , අහන්
එකී මෙකී නොකී නවකයිනි ;
ඔබලා වැනි නවක ක්‍රීඩකයන්ට ඉස්සරහට වෙන්නේ මොකද්ද කියල හිතාගන්න අමාරුයි.
මෙහෙම අවස්ථාවන් ඔයාලට හම්බෙයිද නැද්ද දන්නෙ නෑ.
ඒ හින්ඳා අතාරින්නෙපා. ගේමේ ඉන්න.
ලහිරු උදාරල වගේ කඩුලු රකින්නන්ට කොච්චර ලකුණු ගත්තත් කණ්ඩායමේ ස්ථානයක් ලැබෙයිද ?
🛑 මුල් අංක හතර ඇතුලෙ ඉන්න ඕන කමිඳු අංක 7 ට වැටිලා.
ටෙස්ට් වල එයාව උඩට ගේන්නම වුණා.
ඒ ගෙනාපු එකෙන් ඒ ඒ ප්‍රියතමයන්ට පහළට යන්න වුණා.
ඒ හින්ඳ කමිඳුව උඩට ගේන්න බයද ?
🛑 අවිශ්ක , කුසල්
ඔබලා වාසනාවන්තයි.
හැමෝටම ඔහොම අවස්ථාව ලැබෙන්නෙ නෑ.
සුබ පතනවා සාර්ථක වෙන්න කියල.
අවස්ථාවට සාධාරණයක් කරන්න.
Good luck.
මොනා වුණත් මේ match එක දිනන එක වැදගත්.
Good luck Sri Lanka ❤️🇱🇰
❇️ කලිනුත් මේ වගේ වැඩ කරපු අය හිටියා.
එයාල ගියේ ලංකාවට ලෝක කුසලාන වලට ක්‍රීඩා කරන්න සුදුසුකම් ලබා ගැනීමේ වටවලට ක්‍රීඩා කරන්න වෙන තැනට පත් කරලා ,
එක්දින ලෝක කුසලානයක කණ්ඩායම් දහයෙන් නව වෙනි තැනට වට්ටලා ,
Champions trophy එකෙනුත් එලියට දාලා.
ආයෙ එහෙම දේවල් වෙනවට සුවහසක් ප්‍රේක්ෂකයො කැමති නැහැ.
- Prishon H Silva -
