Sri Lankan Medical Representative

30/03/2026

Dear Doctor 🩺🧑‍⚕️& Nurse 🧑‍⚕️ Drop a message: wa.me/94778803256

05/02/2026

Gastric පෙති බිව්වට මේ කරුණු පිළිබදව දැන සිටියද?

අපි බොන බෙහෙත් ගැන ඉගෙන ගන්න Everyday Health SL අපිව Follow කරල දිගටම අපිත් එක්ක රැදිල ඉන්න කියල ආරාධනා කරනවා...

05/02/2026

ඔබගේ ශරීරයත් මනසත් පාලනය කරන මේ අමුතු අවයවය ගැන ඔබ දන්නවාද?

ලංකාවේ බොහෝ දෙනෙක් පීඩා විඳින නමුත්, නිසි අවබෝධයක් නොමැතිකම නිසා නොසලකා හරින රෝගී තත්ත්වයක් ලෙස තයිරොයිඩ් රෝග හඳුන්වන්න පුළුවන්. ඔබ නිතරම අධික තෙහෙට්ටුවෙන් හෝ අසාමාන්‍ය කේන්තියකින් පසුවන්නේ නම්, එය ඔබේ ශරීරයේ "ශක්ති භාවිතය සහ වේගය පාලනය කරන පද්ධතිය" අක්‍රිය වීමේ ලක්ෂණයක් විය හැකියි.

Everyday Health SL අපි අද ඔයාලව දැනුවත් කරන්නේ තයිරොයිඩ් රෝගී තත්ත්වයන් පිළිබඳවයි.

බෙල්ලේ ඉදිරිපස සමනලයෙකුගේ හැඩයෙන් ඇති තයිරොයිඩ් (Thyroid) ග්‍රන්ථිය, අපේ ශරීරයේ වර්ධනය, හද ගැස්ම, උෂ්ණත්වය සහ ශක්තිය නිපදවීම හා භාවිතය (Metabolism) පාලනය කරන ප්‍රධාන මධ්‍යස්ථානයයි. මෙහි හෝර්මෝන නිපදවීමේ අසමතුලිතතාවයක් ඇති වූ විට මුළු ශරීරයේම ක්‍රියාකාරිත්වය අවුල් වේ.
ප්‍රධාන වශයෙන් තයිරොයිඩ් රෝගී තත්ත්වයන් දෙකක් හඳුනාගත හැකිය.

01. හයිපෝතයිරොයිඩ් තත්ත්වය (Hypothyroidism) - "සිරුරේ ක්‍රියාකාරීබව අඩුවීම"
මෙහිදී සිදුවන්නේ තයිරොයිඩ් ග්‍රන්ථිය මගින් අවශ්‍ය ප්‍රමාණයට හෝර්මෝන නිපදවන්නේ නැති වීමයි. එවිට ශරීරයේ සියලුම ක්‍රියාකාරකම් අඩපණ වේ.

පෙන්නුම් කරන රෝග ලක්ෂණ:

💠අධික තෙහෙට්ටුව: කොයි වෙලෙත් නිදිමත ගතිය සහ මහන්සිය.
💠බර වැඩිවීම: ආහාර පාලනය කලත් බොහෝ අයට මධ්‍යස්ථ ලෙස බර වැඩිවිය හැක.
💠සීතල දරාගැනීමට අපහසුව: අන් අයට වඩා වැඩියෙන් සීතල දැනීම.
💠මලබද්ධය: ආහාර ජීර්ණ පද්ධතියේ වේගය අඩුවීම.
💠සම වියළීම, රළු වීම සහ අධික ලෙස හිසකෙස් හැලීම.
💠මානසික තත්ත්වය: අමතක වීම සහ මානසික අවපීඩනයට සමාන ලක්ෂණ.

02. හයිපර්තයිරොයිඩ් තත්ත්වය (Hyperthyroidism) - "සිරුරේ ක්‍රියාකාරීබව වැඩිවීම"

මෙහිදී තයිරොයිඩ් ග්‍රන්ථිය මගින් අවශ්‍ය ප්‍රමාණයට වඩා අධික ලෙස හෝර්මෝන නිපදවයි. එවිට ශරීරයේ ක්‍රියාකාරකම් ඉතා වේගවත් වේ.

පෙන්නුම් කරන රෝග ලක්ෂණ:

💠බර අඩුවීම: කොතරම් ආහාර ගත්තත් ශරීරයේ බර සැලකිය යුතු ලෙස අඩුවීම.
💠හද ගැස්ම වැඩිවීම: හදවත වේගයෙන් ගැහෙනවා වැනි හැඟීම (Palpitations).
💠අධික ලෙස දහඩිය දැමීම: රස්නය දරාගැනීමට නොහැකි වීම සහ අත් වෙව්ලීම.
💠කලබලකාරී බව: නිතරම කේන්ති යාම, බියක් දැනීම හෝ නොසන්සුන් බව.
💠නින්ද නොයාම: රාත්‍රියේ නින්දයාම අපහසු වීම.

🔎 රෝගය හඳුනාගැනීම සඳහා කරන පරීක්ෂණ

ඔබට ඉහත රෝග ලක්ෂණ ඇත්නම් වෛද්‍යවරයෙකු හමුවී Thyroid Function Test (TFT) රුධිර පරීක්ෂණයක් කරගත යුතුය.

✅ TSH (Thyroid Stimulating Hormone): තයිරොයිඩ් ක්‍රියාකාරිත්වය මැන බලන ප්‍රධානම පරීක්ෂණය.
✅ Free T3 & Free T4: රුධිරයේ ඇති හෝර්මෝනවල සැබෑ මට්ටම මැනීම.
✅ Antibody Test: ප්‍රතිශක්තිකරණ පද්ධතියේ දෝෂයක් ඇත්දැයි බැලීමට.
✅ USS Thyroid: ග්‍රන්ථියේ ප්‍රමාණය වැඩිවීමක් ඇත්දැයි බැලීමට කරන ස්කෑන් පරීක්ෂණය.

ඔබේ තයිරොයිඩ් ග්‍රන්ථිය ආරක්ෂා කරගන්නේ කොහොමද?

බොහෝ තයිරොයිඩ් ගැටලු ජීවන රටාව සහ නිසි ප්‍රතිකාර මගින් පාලනය කළ හැක.

🟢අයඩින් සහිත ලුණු: නිසි ප්‍රමාණයට අයඩින් ශරීරයට ලබා ගැනීම (පමණට වඩා ලුණු පාවිච්චි නොකරන්න).
🟢ඖෂධ භාවිතය: ඔබට තයිරොයිඩ් රෝගය ඇත්නම්, වෛද්‍යවරයා නියම කරන ඖෂධ (උදා: Thyroxine) උදෑසන හිස්බඩ නියමිත වේලාවට ලබා ගැනීම අනිවාර්ය වේ.
🟢මානසික සුවතාවය: මානසික ආතතිය පාලනය සඳහා යෝග හෝ භාවනා වැනි දේවල යෙදීම හෝර්මෝන සමතුලිතතාවයට උදවු වේ.

👉විශේෂ මතක් කිරීම: ඖෂධ භාවිතය නිසා බර වැඩි වේ යැයි බියෙන් ප්‍රතිකාර නතර නොකරන්න. නිසි මාත්‍රාව ලබා ගැනීමෙන් ඔබට සාමාන්‍ය නිරෝගී පුද්ගලයෙකු ලෙස ජීවත් විය හැක.

මතක තබා ගන්න, ඔබේ ශක්තිය සහ මනෝභාවය පාලනය කරන තයිරොයිඩ් ග්‍රන්ථිය ගැන අදම විමසිලිමත් වන්න. දිගුකාලීන තෙහෙට්ටුවක් හෝ බරෙහි අසාමාන්‍ය වෙනසක් ඇත්නම් වහාම වෛද්‍ය උපදෙස් ලබාගන්න.

සටහන : Everyday Health SL❤️‍🩹
( අවසරයකින් තොරව උපුටා නැවත පළ කිරීම තහනම්)

වැඩි දුර කියවීම් සඳහා ( Source Links) :
hpb.health.gov.lk
who.int/news-room/fact-sheets/detail/hypertension

05/02/2026

Paracetamol බිව්වට මේ කරුණු පිළිබදව දැන සිටියද?

අපි බොන බෙහෙත් ගැන ඉගෙන ගන්න Everyday Health SL අපිව Follow කරල දිගටම අපිත් එක්ක රැදිල ඉන්න කියල ආරාධනා කරනවා...

05/02/2026

ලංකාවේ වැඩිහිටියන් 3 දෙනෙක්ගෙන් 1 අයකුට පමණ තිබුනත්,
බොහෝ දෙනා අහම්බෙන් හඳුනාගන්න ලැබෙන,
අපේ ශරීරයේ සැඟවිලා ඉන්න “නිහඬ මාරයා”
අධි රුධිර පීඩනය ගැන තමයි
Everyday Health SL වෙතින් අද ඔයාලව දැනුවත් කරන්නෙ.

🔹 අධි රුධිර පීඩනය කියන්නේ මොකද්ද?

අධි රුධිර පීඩනය කියන්නේ
රුධිර නාල බිත්ති මත රුධිරය මඟින් ඇති කරන පීඩනය, සාමාන්‍ය මට්ටමට වඩා වැඩි වීමයි.

මෙය බොහෝ විට රෝග ලක්ෂණ නොපෙන්වන නිසාම
👉 “නිහඬ මාරයා” ලෙස හඳුන්වයි.

මෙම තත්ත්වය නිසි ලෙස පාලනය නොකළහොත්,
හෘදයාබාධ, අංශභාගය (Stroke), වකුගඩු ආබාධ වැනි
බරපතල සංකූලතා පවා ඇති විය හැක.

🔹 ඇතිවිය හැකි රෝග ලක්ෂණ

බොහෝ දෙනෙකුට ලක්ෂණ නොමැති වුවද,
රුධිර පීඩනය ඉතා අධික ලෙස වැඩි වූ විට පහත ලක්ෂණ මතු විය හැක:

💠 තදබල හිසරදය (විශේෂයෙන් හිස පිටුපස)
💠 කරකැවිල්ල සහ ක්ලාන්ත ගතිය
💠 පෙනීම අපැහැදිලි වීම
💠 පපුවේ වේදනාව හෝ හුස්ම ගැනීමේ අපහසුව
💠 අධික තෙහෙට්ටුව සහ නිතර කේන්ති යාම
💠 නාසයෙන් ලේ ගැලීම

🔹 අධි රුධිර පීඩනයේ අවධි 03ක් ප්‍රධානව අදුරගන්න පුලුවනි

01. පූර්ව අවධිය (Elevated)
රුධිර පීඩනය සාමාන්‍ය අගයට වඩා මදක් වැඩියි.
මෙය තවමත් රෝගයක් ලෙස හඳුන්වන්නේ නැති වුවත්,
පාලනය නොකළහොත් කෙටි කලකින් අධි රුධිර පීඩනයට පත්විය හැක.

02. පළමු සහ දෙවන අවධිය (Stage 1 & Stage 2)
මෙම අවධිවලදී වෛද්‍යවරු
ආහාර පාලනය, ව්‍යායාම වැනි ජීවන රටා වෙනස්කම් නිර්දේශ කරන අතර,
දෙවන අවධියේදී බොහෝවිට ඖෂධ ප්‍රතිකාර ආරම්භ කළ යුතු වේ.

03. අධි අවදානම් අවධිය (Hypertensive Crisis)
රුධිර පීඩනය 180/120 mmHg ට වඩා වැඩි වුවහොත්,
අවයව වලට හානි විය හැකි බැවින්
👉 වහාම රෝහල් ගත විය යුතු ඉතා භයානක තත්ත්වයකි.

සෞඛ්‍ය සම්පන්න වැඩිහිටියෙකුගේ
රුධිර පීඩන අගය ලෙස සැලකෙන්නේ 120/80 mmHg ට වඩා අඩු අගයක්ය.

💠 සාමාන්‍ය (Normal): < 120/80 mmHg
💠 මදක් වැඩි (Elevated):
Systolic 120–129 mmHg
Diastolic < 80 mmHg
💠 අධි රුධිර පීඩනය: ≥ 140/90 mmHg

👉 එක් වරක් BP මැනීමෙන් පමණක්
අධි රුධිර පීඩනය ඇතැයි නිගමනය කරන්නේ නැහැ.
අවස්ථා කිහිපයකදී ලබාගන්නා අගයන්ගේ සාමාන්‍යය මත
වෛද්‍යවරයෙකු විසින් රෝගය තහවුරු කරයි.

🔹 අධි රුධිර පීඩනය හඳුනාගැනීමට කරන පරීක්ෂණ කිහිපයක්ම තියෙනවා. ඒ මොනවද කියලා අපි දැන් බලමු

💠රුධිර පීඩනය මැනීම (BP Monitoring): Sphygmomanometer උපකරණය මගින් සිස්ටොලික් (Systolic) සහ ඩයස්ටොලික් (Diastolic) අගයන් මැනීම.
💠රුධිර පරීක්ෂණ: කොලෙස්ටරෝල් මට්ටම සහ සීනි මට්ටම පරීක්ෂා කිරීම.
💠මුත්‍රා පරීක්ෂණ (Urine Test): වකුගඩුවලට බලපෑමක් වී ඇත්දැයි බැලීමට.
💠ECG පරීක්ෂණය: හෘදයේ ක්‍රියාකාරිත්වය සහ රිද්මය පරීක්ෂා කිරීමට.

🚨 අහම්බෙන් රුධිර පීඩනය වැඩියි කියලා හඳුනාගත්තොත් මොනවද කරන්න ඕනෙ?

✔️ භය වෙන්න ඕනෙ නෑ
✔️ මිනිත්තු කිහිපයක විවේකයක් ගෙන නැවත රුධිර පීඩනය මනින්න
✔️ ලක්ෂණ තිබේ නම් වහාම වෛද්‍යවරයෙකු හමුවෙන්න

අවසාන වශයෙන් , මෙම අධි රුධිර පීඩන තත්වය කියන්නෙ අනිසි ලෙස බිය විය යුතු තත්වයක් නෙවෙයි. නිවැරදි ආහාර රටාව , ව්‍යායාම සහ වෛද්‍ය උපදෙස් මත ලබා ගන්න ඖෂධ මගින් පාලනය කර ගත හැකි තත්වයකි..
ඔයත් අදම ඔබේ රුධිර පීඩන තත්වය මැන ගෙන අධි රුධිර පීඩන තත්වයකින් පෙලෙනවද යන්න පිළිබදව දැනුවත් වෙන්න..
සටහන : Everyday Health SL❤️‍🩹
( අවසරයකින් තොරව උපුටා නැවත පළ කිරීම තහනම්)

වැඩි දුර කියවීම් සඳහා ( Source Links) :
hpb.health.gov.lk
who.int/news-room/fact-sheets/detail/hypertension

14/04/2025

14/04/2025

ඔබට ඔබගෙ පවුලේ සැමට සුභ අලුත් අවුරුද්ද ක් වේවා!!!!!!!🙏

24/01/2025

24/01/2025

ප්‍රධාන පුවත්ඉරිදා සංග්‍රහය ප්‍රධාන පුවත් ෆාමසි වැසීයෑමේ අවදානමක්! By Rashi - January 19, 2025 8932 Share FacebookTwitterPinterestWhatsApp පෞද්ගලික ඖෂධ අලෙ....

01/01/2025

Wishing you all a very Happy New Year.🎊🎊🎉🎉

31/12/2024

https://youtu.be/tgn71Q8SZ8k?si=iHhyuGvkGNKi1OHh&sfnsn=wa

04/02/2024

76th Independence Day