Supplementary Medical Professionals, Sri Lanka - PSM

28/07/2025

මගේ අංකය: JCPSM/Gen/2025 (36)
දිනය: 2025.07.25

වෛද්‍ය අනිල් ජාසිංහ මහතා
ලේකම්
සෞඛ්‍ය හා ජනමාධ්‍ය අමාත්‍යාංශය
“සුවසිරිපාය”
කොළඹ 10

*ඇඟිලි සළකුණු යන්ත්‍ර ක්‍රියාත්මක කිරීම.*

උක්ත කරුණට අදාලව ඔබතුමා වෙත යොමු කරන ලද, අපේ අංක JCPSM/Gen/2019 (10) දරණ 2019.05.10 දිනැති ලිපිය, අංක JCPSM/Gen/2020 (18) දරණ 2020.07.06 දිනැති ලිපිය හා අංක JCPSM/Gen/2020 (19) දරණ 2020.07.29 දිනැති ලිපිය ඇතුළු මේ වන තෙත් ඇතිකරගත් සියලු නිල සාකච්ඡාමය එකඟතා හා බැඳේ.

වර්තමාන රජය යටතේ හෝ මෙරට රෝහල් හා සෞඛ්‍ය සේවා ආයතන වල සියළුම නිලධාරීන්ට හා සේවකයන්ට ඇඟිලි සලකුණු යන්ත්‍ර ක්‍රියාත්මක කරන ලෙස දන්වා ඇති බව ප්‍රකාශ කරමින් විවිධ රෝහල් හා සෞඛ්‍ය ආයතන තුල ඇඟිලි සලකුණු යන්ත්‍ර ක්‍රියාත්මක කිරීමේ උත්සහය අප ඉතා ඉහලින් අගය කරමු. නමුත් දිනපොත් අත්සන් කරන නිලධාරීන් නමින් හඳුන්වන පාර්ශ්වයක් බව කියමින් විශේෂඥ වෛද්‍යවරුන් ඇතුළු වෛද්‍යවරුන් පමණක් මෙම වැඩසටහනෙන් ඉවත් කිරීමේ වෑයමත් මේ සමඟම ක්‍රියාත්මක වන බවත් අප වෙත වාර්තා වී ඇත.

වෛද්‍ය පරිපාලකයන් තම ප්‍රජාවේ සාමාජිකයන් අතර පවතින මුල්‍ය වංචාවන් සඳහා ආරක්ෂාව සහ රැකවරණය සැපයීම සඳහා නිල බලය යොදා ගැනීමේ මෙම අසාධාරණ, අනීතක හා සදාචාර විරෝධී වෑයම ඉතා පිළිකුලෙන් යුතුව හෙලා දකින අතර මොනයම් හෝ නීතියක් සැමට සාධාරණ අයුරෙන් ක්‍රියාත්මක නොවනතාක් වෘත්තීය ක්‍රියාමාර්ගයක් ලෙස පරිපූරක වෛද්‍ය සේවාවේ කිසිඳු නිලධාරියෙක් එම නීතියට අනුගත නොවන බව ඉතා කාරුණිකව පෙන්වා දෙමු.

එනයින් ඇඟිලි සලකුණු භාවිතය සැමට පොදු නීතියක් විය යුතුය. විශේෂඥ වෛද්‍යවරුන් ඇතුලු වෛද්‍ය ප්‍රජාව, සෞඛ්‍ය වෘත්තිකයන් ඇතුළු සමස්ථ සෞඛ්‍ය කාර්ය මණ්ඩලය ඒ වෙත අනුගත විය යුතුය යන දැඩි ස්ථාවරයේ අප තවදුරටත් රැඳී සිටින අතර ඉන් බැහැරව එක් වෘත්තීය කාණ්ඩයක් වෙත විකල්ප විශේෂ වරප්‍රසාද හඳුන්වාදීම සිදුවන ඕනෑම ආයතනයක පරිපූරක වෛද්‍ය සේවාවද ඇඟිලි සළකුණු භාවිතයට අනුගත නොව බව ඉතා ඕනෑ කමින් ප්‍රකාශ කර සිටිමු.

ඒ අනූව මහාචාර්ය සේනක බිබිලේ අනුස්මරණ රෝහලේ වැඩබලන වෛද්‍ය අධිකාරී ඩී. එම්. තිලකරත්න මහතා තම වෛද්‍ය ප්‍රජාවේ මූල්‍ය අවභාවිතාවන් වෙනුවෙන් නිල ආරක්ෂාව සපයන අතරතුර අනෙකුත් සෞඛ්‍ය වෘත්තිකයන් හා සේවකයන් හට පමණක් අමුතු පන්නයේ පරිපාලනයක් හඳුන්වා දීමට උත්සහ දරා ඇති ඔහුගේ අංක PSBMH/EA/01/2025 දරණ 2025.07.23 දිනැති ලිපියේ නියෝග පිලිකුලෙන් යුතුව බැහැර කරන බව පෙන්වා දෙන අතරම වෛද්‍ය පරිපාලකයෙකු ලෙස නීතිය සැමට සාධාරණ අයුරෙන් ක්‍රියාත්මක කල යුතු බවට වන නියෝග කඩිනමින් ඔහු වෙත නිකුත් කරන ලෙසත් කාරුණිකව ඉල්ලා සිටිමු.

ස්තුතියි!
මෙයට විශ්වාසී

පිටපත්:
1. නියෝජ්‍ය අධ්‍යක්ෂ ජනරාල් (ශ්‍රී ලංකා ජාතින රෝහල)
2. සියළු පළාත් සෞඛ්‍ය සේවා අධ්‍යක්ෂවරුන්
3. සියළු දිස්ත්‍රික් සෞඛ්‍ය සේවා අධ්‍යක්ෂවරුන්
4. සියළු වෛද්‍ය අධිකාරීවරුන්
5. අදාල සියළු රෝහල් හා සෞඛ්‍ය ආයතන ප්‍රධානීන්
6. සමස්ථ පරිපූරක වෛද්‍ය කාර්යය මණ්ඩලය

25/07/2025

විශේෂඥ වෛද්‍ය අනිල් ජාසිංහ.
ලේකම්
සෞඛ්‍ය හා ජනමාධ්‍ය අමාත්‍යාංශය,
කොළඹ.

සෞඛ්‍ය ලේකම්තුමනි,

" විකිරණ තාක්ෂණවේදීන් සඳහා සේවා ව්‍යවස්ථාවක් සකස්කිරීමේ කටයුතු සඳහා විකිරණ තාක්ෂණවේදීන්ගේ සංගමයේ නියෝජනයක් සහභාගී කර නොගැනීම"

වෛද්‍ය කර්මය සඳහා වූ පරිපූරක වෛද්‍ය සේවාව සඳහා සේවා ව්‍යවස්ථාවක් සෑදීමේ කාර්ය මේ වන විට ආරම්භ කිරීමට සූදානම් වී ඇති බවට අපහට දැන ගැනීමට ලැබී ඇත.

මෙම කාර්ය සඳහා MT/TH/G/PSM/06/2024 අංකයෙන් යුතුව 12.07.2025 දාතමින් යුතුව අධ්‍යක්ෂ (පාලන 02) මගින් ලිපියක් සම සෞඛ්‍ය වෘත්තියවේදීන්ගේ ඒකාබද්ධය බල මණ්ඩලය නම් සංවිධානයකට ලිපියක් යවා ඇති අතර එම සංවිධානය තුළ කිසිම ආකරයකින් සේවාවේ නිරතවන විකිරණ තාක්ෂණවේදීන් ඇතුලත් නොවන බවද එම සංවිධානයට විකිරණ තාක්ෂණවේදීන් වෙනුවෙන් නියෝජනය කිරීම සඳහා නෛතික හෝ සදාචාරාත්මක අයිතියක් නොමැති බවද දන්වා සිටිමි.

එමෙන්ම දැනට මෙරට රාජ්‍ය සේවය තුළ විකිරණ තාක්ෂණවේදී සහ ප්‍රතිකාරක විකිරණ තාක්ෂණවේදී සේවාවන් නියෝජනය කරන එකම ලියාපදිංචි සහ නීත්‍යානුකූල සංගමය වන්නේ රජයේ විකිරණ විද්‍යා තාක්ෂණවේදීන්ගේ සංගමය පමණක් වන බැවින් අදාළ ක්‍රියාවලිය සඳහා අප සංගමයේ නියෝජනයක් අනිවාර්යයෙන්ම සහභාගී කරවා ගත යුතු බව අවධාරණය කර සිටිමි.තවද මේ දක්වාම සෞඛ්‍ය අමාත්‍යාංශය විසින් අප සේවාව පිලිබදව සිදුකරන කටයුතු වලදී අප සංගමය සමඟ කටයුතු කර ඇති බව ද මේ මොහොතේදී එලෙස කටයුතු කිරීමට බාධාවක් තිබිය නොහැකි බවද සිහිපත් කරමි.

මෙලෙස අප සංගමය විසින් යොමු කරන නියෝජිතයකුගේ සහභාගිත්වය නොමැතිව සකස්කරන සේවා ව්‍යවස්ථාවකට සහ සිදුවිය හැකි දෝෂයන්ට අප කිසිසේත්ම එකඟ නොවන බවද, එසේ අපගේ විරෝධයන් නොතකා සේවා ව්‍යවස්ථාවක් සකස් කිරීමේ ක්‍රියාවලිය අනවරතව සිදු කළහොත් ඊට එරෙහිව දැඩි වෘත්තීය ක්‍රියාමාර්ග ගැනීමට විධායක සභාව විසින් තීරණය කර ඇති බවද දැනුම් දෙමි.

මෙම සේවා ව්‍යවස්ථාව සකස් කිරීමේ කර්තව්‍ය සඳහා අප සංගමයේ සාමාජිකයෙකු සහභාගී කරවා ගන්නා ලෙස කාරුණිකව දන්වා සිටින අතර මේ පිළිබඳව ඔබ තුමන්ගේ කඩිනම් ප්‍රතිචාරය අපේක්ෂා කරමි.

පිටපත්
1. ගරු සෞඛ්‍ය අමාත්‍යතුමා
2. අතිරේක ලේකම්තුමා (පාලන 2)
3. සෞඛ්‍ය සේවා අධ්‍යක්ෂ ජෙනරාල්තුමා
4. නියෝජ්‍ය අධ්‍යක්ෂ ජනරාල් තුමිය( පාලන 3)
5.අධ්‍යක්ෂක (පාලන 2)

22/07/2025

මගේ අංකය: JCPSM/Gen/2025 (35)
දිනය: 2025.07.21

වෛද්‍ය අනිල් ජාසිංහ මහතා
ලේකම්
සෞඛ්‍ය හා ජනමාධ්‍ය අමාත්‍යාංශය
“සුවසිරිපාය”
කොළඹ 10

*ජාතික ඖෂධ නියාමන අධිකාරිය යටතේ වන පරිපාලන තනතුරු සඳහා සමසෞඛ්‍ය උපාධි සුදුසුකම් නොසලකා හැරීම සහ නිලබලය හරහා පෞද්ගලික එදිරිවාදීකම් පිරිමැසීම*

කාලාන්තරයක් තිස්සේ පැවති රජයන් කිහිපයක් සමඟ සටන් කරමින්, සාකච්ඡා කරමින් නිර්මාණය කරන්නට යන ජාතික ඖෂධ තත්ත්ව පාලන රසායනාගාරය ආරම්භ කරන්නටත් පෙර ඇමතිවරයාගේ සහ ඖෂධ නියාමන අධිකාරියේ සභාපතිවරයාගේ පටු අරමුණු වෙනුවෙන් යට කරන්නට හදන බවක් පෙනෙන්නට තිබේ.

ජාතික තත්ත්ව පාලන රසායනාගාරයේ අධ්‍යක්ෂක තනතුර සදහා සුදුස්සන් කැඳවීමේ ගැසට් නිවේදනයට අනුව සම සෞඛ්‍ය උපාධිධාරීන්ට ඊට අයදුම් කිරීමට පවා නොහැකි නමුත් ඒ වෙනුවට නලින්ද ජයතිස්ස අමාත්‍යවරයාගේ සහ ආනන්ද විජයවික්‍රමගේ සභාපතිවරයාගේ උපාධිය වන MBBS උපාධියට ඒ අවස්ථාව ලබා දී ඇත.

වඩාත්ම නරක තත්ත්වය වන්නේ සාමාන්‍ය ජීවවිද්‍යා, රසායන විද්‍යා, අනුක ජීවවිද්‍යා වැනි උපාධි වලට ලබා දී ඇති අවස්ථාව පවා අඩුම තරමින් වෛද්‍ය රසායනාගාර විද්‍යා විශේෂ උපාධියට ලබාදී නොතිබීමය. සෞඛ්‍ය අමාත්‍යාංශය විසින් වෛද්‍ය සේවාවට අදාල රසායනාගාරයක තනතුරු සඳහා අයදුම් පත් කැඳවීමේදී වෛද්‍ය රසායනාගාර විද්‍යා උපාධිධාරීන් හෝ අනිකුත් සමසෞඛ්‍ය උපාධිධාරින් නොසලකා අයදුම් පත් කැඳවීම ඓතිහාසිකයි.

ඖෂධ නියාමන අධිකාරියේ සභාපතිවරයාට සම සෞඛ්‍ය උපාධිධාරීන් සහ වෛද්‍ය රසායනාගාර විද්‍යා උපාධිධාරින් සමග ඇති දීර්ඝ කාලීන කෝන්තරය සහ සහ ඊට එක් වූ වර්තමාන සෞඛ්‍ය ඇමතිවරයාගේ කෝන්තරය මීට හේතු වී ඇති බව අප විශ්වාස කරමු. එසේම ඉදිරියේදී නිර්මාණය වන තත්ත්ව පාලන රසායනාගාරයත් තමන්ගේ අණසක යටතේ තමන්ට ඕනෑ ඕනෑ හැටියට නැටවීමට ඔවුන් උත්සාහ දරන බවත් මෙයින් මනාවට පිළිබිඹු වේ.

ජාතික ඖෂධ තත්ත්ව පාලන රසායනාගාරයේ අධ්‍යක්ෂක තනතුර යනු කලමනාකරණ තනතුරකි. එම තනතුර සඳහා අයදුම්පත් කැඳවීමේදී කලමනාකරණය අමතර සුදුසුකමක් ලෙස හෝ නොසලකා හැරීම මෙහි තවත් එක් පියවරකි. ඖෂධ නියාමන අධිකාරියේ සභාපති තනතුරද කලමනාකරන තනතුරක්ව තිබියදී, කලමනාකරණය පිළිබඳව අවබෝධයක් නැති විශේෂඥ වෛද්‍යවරයකු එය අත්පත් කර ගැනීමේ සංස්කෘතිය ඉදිරියට ගෙන යමින් ජාතික ඖෂධ තත්ත්ව පාලන රසායනාගාරයද කලමනාකරණය විෂයෙන් අන්ධ එකක් බවට පත්කර ගැනීමට දරන උත්සාහය බරපතලය.

රටේ ප්‍රධාන අවශ්‍යතාවයක් ව තිබෙන ජාතික කර්තව්‍යයකදී තමන්ගේ පෞද්ගලික වුවමනාවන් ඉෂ්ට කර ගැනීම සඳහා මෙලෙස සුදුසුකම් තීරණය කිරීම අනුමත කල නොහැකි බව පෙන්වා දෙන අතරම කඩිනමින් මැදිහත් වී මෙම තත්වය නිවැරදි කරන ලෙස අදාල සියළු පාර්ශ්වයන්ගෙන් ඉතා ඕනෑ කමින් ඉල්ලා සිටිමු.

ස්තුතියි!

22/07/2025

මගේ අංකය: JCPSM/Gen/2025 (34)
දිනය: 2025.07.21

වෛද්‍ය අනිල් ජාසිංහ මහතා
ලේකම්
සෞඛ්‍ය හා ජනමාධ්‍ය අමාත්‍යාංශය
“සුවසිරිපාය”
කොළඹ 10

*පවතින නිල බඳවා ගැනීමේ පටිපාටිය උල්ලංඝනය කරමින් සම්මත අවම අධ්‍යාපනික සුදුසුකම් සපුරා නොමැති උපාධිධාරීන් පරිපූරක වෛද්‍ය සේවාවේ සීවාවාසික පුහුණුවට බඳවා ගැනීම.*

වෛද්‍ය රසායනාගාර විද්‍යාඥ වෘත්තීයවේදීන්ගේ විද්වත් ආයතනයේ ලේකම් විසින් තොරතුරු දැනගැනීමේ පනත යටතේ 2025.06.02 දින ඉදිරිපත් කරන ලද ලියාපදිංචි අංක MH/DDG(A)III/RTI/2025/21 දරණ ඉල්ලීම හා 2025.06.18 දින ඉදිරිපත් කරන ලද ලියාපදිංචි අංක MH/DDG(A)III/RTI/2025/26 දරණ ඉල්ලීම හා බැඳේ,

වර්තමාන රජය බලයට පත්වීමත් සමඟ අවස්ථා කිහිපයකදීම පරිපූරක වෛද්‍ය සේවාවේ ගුණාත්මක තත්වය පහල හෙලීම සඳහා වූ විවිධාකාරයේ යෝජනා ක්‍රියාත්මක වූ අතර ඒ සෑම අවස්ථාවකදීම පරිපූරක වෛද්‍ය සේවාව ඉලක්කගතව ප්‍රහාරයට ලක් කිරීමට උත්සහ දැරීමත්, ඒවා සාධාරණීකරණය කිරීමත්, ඒ හරහා පරිපූරක වෛද්‍ය සේවාවේ තත්වය පහල හෙලිමේ කූඨ උපක්‍රමයන් ක්‍රියාත්මක වීමත්, සිදුවන බව දිගින් දිගටම නිරීක්ෂණය වේ.

නිල වෘත්තීය සංගම් වලට හොර රහසේ පවතින බඳවා ගැනීමේ පටිපාටිය පවා උල්ලංඝනය කරමින් අත්‍යාවශ්‍ය සම්මත අවම අධ්‍යාපන හා වෘත්තීය සුදුසුකම් (Minimum Qualification Standards) සපුරා නොමැති විකිරණ විද්‍යා උපාධිය සම්පූර්ණ කර ඇති කිහිප දෙනෙකු සීමාවාසික පුහුණුවට බඳවා ගැනීමට උත්සහ කිරීම මෙම ක්‍රියාවලියේ නින්දිතම අවස්ථාව බව ඉතා කණගාටුවෙන් පෙන්වා දෙන අතර ඒ හරහා වසර ගණනාවක් තිස්සේ සලකා බැලූ අවම අධ්‍යාපන සුදුසුකම් නිර්ණායක පහත හෙලීමට වර්තමාන සෞඛ්‍ය අමාත්‍ය වෛද්‍ය නලින්ද ජයතිස්ස මහතා ප්‍රමුඛ සෞඛ්‍ය අමාත්‍යාංශ නිලධාරීන් විසින් කටයුතු කරමින් පවතින බව අප වෙත වාර්තා වී ඇත.

තොරතුරු දැන ගැනීමේ පනත හරහා ඉල්ලුම් කරනු ලැබූ තොරතුරු ලබා දීම පවා ප්‍රතික්ෂේප කරමින් සැබෑ තොරතුරු වසන් කරනු ලබන අතරම සුදුසුකම් ලැබූ උපාධිධාරීන් බඳවා ගැනීම සඳහා පදනම් විරහිත කොන්දේසි හඳුන්වා දෙමින් සුදුසුකම් ලත් මානව සම්මත මෙම සේවාවන්ගෙන් ඈත් කිරීමට දරණ මෙම උත්සහය ඉතා පිළිකුලෙන් යුතුව හෙලා දකිමු. එනයින් කුමන පදනමක් මත හෝ අත්‍යාවශ්‍ය සම්මත අවම අධ්‍යාපන හා වෘත්තීය සුදුසුකම් සුදුසුකම් සපුරා නොමැති අයවලුන් බඳවා ගැනීම වෙනුවෙන් පරිපූරක වෛද්‍ය සේවාවේ බඳවා ගැනීමේ පටිපාටියේ ප්‍රතිපාදන උල්ලංඝනය නොකරන ලෙස කාරුණිකව ඉල්ලා සිටිමු.

අදාල පාර්ශ්වයන්ගේද සහභාගීත්වය තහුවරු කරමින් මේ පිළිබඳ සාකච්ඡා කිරීම සඳහා කඩිනම් නිල සාකච්ඡාවක් ලබා දෙන ලෙස ඉල්ලා සිටින අතරම ප්‍රතිචාර නොදක්වමින් හා බඳවා ගැනීමේ පටිපාටියේ ප්‍රතිපාදන උල්ලංඝනය කරමින් නුසුදුස්සන් සීමාවාසික පුහුණුවට බඳවා ගනු ලබන්නේ නම් නැවත දැනුම් දීමකින් තොරව දැඩි වෘත්තීය ක්‍රියාමාර්ග වෙත එළඹෙමින් හෝ පරිපූරක වෛද්‍ය සේවාවේ ගුණාත්මක තත්වය ආරක්ෂා කර ගැනීමට සිදුවන බවත් තරයේ ප්‍රකාශ කර සිටිමු.

ස්තුතියි!

04/07/2025

27/06/2025

මගේ අංකය: JCPSM/Gen/2025 (32)
දිනය: 2025.06.26

වෛද්‍ය අනිල් ජාසිංහ මහතා
ලේකම්
සෞඛ්‍ය හා ජනමාධ්‍ය අමාත්‍යාංශය
“සුවසිරිපාය”
කොළඹ 10

*පරිපූරක වෛද්‍ය සේවාවේ බඳවා ගැනීම සඳහා වන අවම ප්‍රමිතීන් වලට අදාල නිර්ණායක.*

පරිපූරක වෛද්‍ය සේවාවේ අවම මූලික සුදුසුකම සහ තනතුරු වලට බඳවා ගැනීම සඳහා වන අවම සුදුසුකම් වලට අදාල අවම ප්‍රමිතීන් කාලානුරූපීව සංවර්ධනය වී ඇති අතර ඵලදායී, කාර්යක්ෂම, ගෝලීය මට්ටමේ දියුණු සේවාවක් ලබාදීම සඳහා මෙම විකාශනය ඉතා ධනාත්මක බලපෑමක් සිදු කර ඇත. නමුත් ඉතා ප්‍රබල බාධා කම්කටොළු මධ්‍යයේ සිදුවූ මෙම විකාශනය නැවත ආපසු හැරවීම සඳහා සෞඛ්‍ය අමාත්‍යාංශ නිලධාරීන් සහ බලධාරීන් ලෙසම කටයුතු කරන බොහෝ පාර්ශ්වයන් ඉතා සුක්ෂම මැදිහත්වීම් සිදු කර ඇති බවත් ඉතා ඕනෑ කමින් පෙන්වා දෙමු.

කෙසේ නමුත් සාධනීය පාර්ශ්වයන්ගේ මැදිහත්වීමෙන්, ඒ සෑම ප්‍රතිරෝධයක්ම කලමනාකරණය කර ගැනීමටත්, වර්තමානයේදී ශ්‍රාස්ත්‍රීය අගය 120ක් වන සිව් අවුරුදු ගෞරව උපාධියක් අවම මූලික සුදුසුකම බවට පත් කර ගැනීමටත්, තනතුරට බඳවා ගැනීම සඳහා පහත අවම සුදුසුකම් අත්‍යාවශ්‍ය බවට පත්කර ගැනීමටත් අපට හැකිවී ඇත.
1. රසායන විද්‍යාව (Chemistry) හෝ භෞතික විද්‍යාව (Physics) යන විෂයට C සාමාර්ථයක් සහිතව අපොස උ/පෙ විභාගය සමත්වීම.
2. විශ්වවිද්‍යාල ප්‍රතිපාදන කොමිෂන් සභාව විසින් පිළිගත් අවම ශ්‍රාස්ත්‍රීය අගය 120කින් යුතු විෂයානුබද්ධ සිව් අවුරුදු ගෞරව උපාධිය ලබා තිබීම.
3. අදාල වෘත්තියේ කටයුතු කිරීමට ශ්‍රී ලංකා වෛද්‍ය සභාවේ (SLMC) ලියාපදිංචිය ලබා තිබීම.
4. සෞඛ්‍ය අමාත්‍යාංශයේ සය මාසික සීමාවාසික පුහුණුව සාර්ථකව සම්පූර්ණ කර තිබීම.

පරිපූරක වෛද්‍ය වෘත්තිකයන්ගේ උන්නතිය වෙනුවෙන් අකුල් හෙලීම තම මුඛ්‍ය අරමුණ කරගත් සමසෞඛ්‍ය උපාධි විරෝධීන් මෙම සීමාවාසික පුහුණුවට පවා වෙනත් නම් ආදේශ කරමින් එකී පුහුණුවේ අගය බාල්දු කිරීමටත් ඒ හරහා පරිපූරක වෛද්‍ය වෘත්තිකයන් පහළට ඇද දැමීමටත් කටයුතු කර ඇති පසුබිමක එවැනි අශීලාචාර වරදක් පවා නිවැරදි කිරීමට මෙලොව පවතින සියළුම නිර්ණායක සලකා බලන සෞඛ්‍ය අමාත්‍යාංශය මෙවර සීමාවාසික පුහුණුවට උපාධිධාරීන් බඳවා ගැනීමේදී රසායන විද්‍යාව (Chemistry) හෝ භෞතික විද්‍යාව (Physics) යන විෂයන්ට C සාමාර්ථයක් තිබීම අත්‍යාවශ්‍ය නොවන බවත් උපාධිය ලබා තිබීම පමණක් ප්‍රමාණවත් බවත් තීරණය කරමින් විවිධ ප්‍රතිපත්ති ක්‍රියාවට නැංවීමට උත්සහ දරන බවත් අප වෙත වාර්තා වී ඇත.

සමසෞඛ්‍ය උපාධිය වෙනුවෙන් සෞඛ්‍ය අමාත්‍යාංශය කුඩම්මාගේ සැලකිල්ල දක්වන බවත්, දෙබඩි ප්‍රතිපත්තියක් අනුගමනය කරන බවත්, මේ අනූව තවදුරටත් පැහැදිලි වන අතර කිසිඳු ලෙසකින් පරිපූරක වෛද්‍ය සේවාවේ අවම මූලික සුදුසුකම හෝ බඳවා ගැනීමට අදාල අවම අවශ්‍යතා නොසලකා හරිමින් උපාධිධාරීන් සීමාවාසික පුහුණුවට හෝ බඳවා ගැනීමට කටයුතු නොකරන ලෙස ඉතා කාරුණිකව ඉල්ලා සිටිමු. තවද, පරිපූරක වෛද්‍ය සේවා ඒකාබද්ධ බලමණ්ඩලය ලෙස පරිපූරක වෛද්‍ය සේවාවේ අවම ප්‍රමිතීන් ආරක්ෂා කර ගැනීම සඳහා අවශ්‍ය ඕනෑම මැදිහත්වීමක් සිදු කිරීමට මැලි නොවන බවත් ඉතා ඕනෑ කමින් පෙන්වා දෙමු.

ස්තුතියි!
මෙයට විශ්වාසී
රවී කුමුදේශ් - සභාපති
චානක ධර්මවික්‍රම - ලේකම්
ලෙසන්ත චතුරංග - උප ලේකම්

පිටපත්:
1. ගරු අමාත්‍යතුමා නියෝජ්‍ය අමාත්‍යතුමා ඇතුළු අදාල සියළුම නිලධාරීන්
2. පරිපූරක වෛද්‍ය සේවා ඒකාබද්ධ බලමණ්ඩලයට අනුබද්ධ සියළු වෘත්තීය සමිති හා සාමාජිකයන්

18/06/2025

The supplementary medical services play a vital role in Sri Lanka’s healthcare system, providing essential support in diagnostics, treatment, and rehabilitation. This diverse sector includes professionals such as radiographers, pharmacists, physiotherapists, and speech and language therapists, whose work is critical to the functioning of modern medical care. Despite their importance, these professionals face numerous challenges, from salary anomalies and poor recruitment policies to a lack of representation in decision-making.

Speaking to The Daily Morning, the Joint Council for Professions Supplementary to Medicine (JCPSM) Secretary, Radiologic Technologist/ Radiographer Mr. Chanaka Dharmawickrama discussed the ongoing struggles within the sector, their demands, and the actions being taken to address these pressing issues.

11/06/2025

" Stakeholder Meeting on Development of National Health Stratic Master Plan'' ( 2025-2036 )

07/06/2025

පරිපූරක වෛද්‍ය වෘත්තිකයින් අදත් වැඩ වැරුමක, වෛද්‍ය රසායනාගාර සේවා අඩාළයි....

අද දෙරණ - 07/06/2025

07/06/2025

පරිපූරක වෛද්‍ය වෘත්තියවේදීන්ගේ සේවාවන්හි , වෛද්‍ය රසායනාගාර විද්‍යාඥ සේවාව අද 07/06/2025 දිනත් වර්ජනයේ.......

අද දෙරණ - 07/06/2025

06/06/2025

" වර්ජනය පිළිබඳ තීන්දුව අද ⁣රාත්‍රි.......

ලෙසන්ත චතුරංග - උප ලේකම්
පරිපූරක වෛද්‍ය වෘත්තියවේදීන්ගේ ඒකාබද්ධ බළමණ්ඩලය