03/12/2025
🛑 ගංවතුර අස්සේ අපි කතා නොකරන, හැබැයි කතා කරන්නම ඕන මාතෘකාවක්...🩸
ගෙවල් යට වෙලා, ජීවිතේම බඩු මලු කීපයකට සීමා වෙලා ඉන්න මේ වෙලාවේ, අපේ අම්මලා, අක්කලා, නංගිලා මුහුණ දෙන ලොකුම අභියෝගයක් තියෙනවා. ඒ තමයි "ඔසප් වීම" නැත්නම් "𝐏𝐞𝐫𝐢𝐨𝐝𝐬", "𝐌𝐞𝐧𝐬𝐮𝐬".
කඳවුරක, පන්සලක, ඉස්කෝලෙක, කුමන හෝ ආරක්ෂිත ස්ථානයක ගොඩ ගැහිලා ඉන්නකොට මේ ගැන එළිපිට කතා කරන්න ගොඩක් අය ලැජ්ජයි. හැබැයි මේක ලැජ්ජාව පැත්තක තියලා අපි හැමෝම එකතු වෙලා විසඳගන්න ඕන දෙයක්...
👉 ආදරණීය නංගිලාට, අක්කලාට සහ අම්මලාට: ඔයාලා ඉන්නේ ලොකු පීඩනයක(Stress) කියලා අපි දන්නවා. ඒත් මේ ටික ගැන සැලකිලිමත් වෙන්න..
🚨 𝐏𝐚𝐝𝐬 නැතිනම් මොකද කරන්නේ? හදිසියට පෑඩ් හොයාගන්න නැතිනම්, පිරිසිදු කපු රෙදි (Cotton clothes) පාවිච්චි කරන්න. හැබැයි මතක තියාගන්න, අපිරිසිදු ගංවතුරින් කවදාවත් ඒ රෙදි හෝදන්න එපා. පිරිසිදු වතුර නැතිනම් පාවිච්චි කරපු රෙදි නැවත පාවිච්චි නොකර අයින් කරන එක තමයි ඇඟට හොඳම. නැත්නම් දරුණු ආසාදන ඇතිවෙන්න පුලුවන්.
🚨 පෑඩ් (Pad) මාරු කිරීම සහ බැහැර කිරීම: එකම පෑඩ් එක පැය 6කට වඩා අඳින්න එපා. ලේ යන්නේ අඩුවෙන් වුණත් වෙලාවට මාරු කරන්න. පාවිච්චි කරපු පෑඩ් ටොයිලට් එකට දාන්නම එපා. මේ වෙලාවේ වැසිකිළි පද්ධති හිර වුණොත් ඒක මුළු කඳවුරටම ලොකු සෞඛ්ය ප්රශ්නයක් වෙනවා. පත්තර කෑල්ලක, බෑග් එකක ඔතලා වෙන් කරපු බඳුනකටම දාන්න.
🚨 කඳවුරේ තියෙන පොදු වැසිකිළි පාවිච්චිය: පොදු වැසිකිළි පාවිච්චි කරද්දි පරිස්සම් වෙන්න. දොරවල් හරියට වැහෙන්නේ නැති වෙන්න පුළුවන්. ඒ නිසා තනියම යන්න එපා. අම්මා, සහෝදරියක් හෝ විශ්වාසවන්ත යාලුවෙක් එක්ක යන්න. රෑට විශේෂයෙන්ම කෙනෙක් එක්ක යන්න.
🚨 මේ වෙලාවේ "බඩේ කැක්කුම" (𝗣𝗲𝗿𝗶𝗼𝗱 𝗣𝗮𝗶𝗻) දරාගන්න බැරිද? මෙන්න කරන්න පුළුවන් දේවල්:
ගංවතුරේ සීතලත් එක්ක බඩේ සහ කොන්දේ කැක්කුම දෙගුණ වෙන්න පුළුවන්. බෙහෙත් නැති වුණත් මේ පුංචි දේවල්වලින් සහනයක් ගන්න බලන්න.
✅ උණුහුම තමයි හොඳම බෙහෙත:
බඩට සහ කොන්දට උණුහුමක් දෙන්න. Hot water bag එකක් නැති වෙන්න පුළුවන්. ඒ වෙනුවට වීදුරු බෝතලයකට (ප්ලාස්ටික් ගන්න එපා උණු වතුරට දියවෙයි) උණු වතුර පුරවලා, ඒක රෙදි කෑල්ලකින් ඔතලා බඩ තවන්න.
එහෙම නැත්නම්, රෙදි කැබැල්ලක් උණු වතුරෙන් පොඟවලා මිරිකලා බඩට තියාගන්න.
✅ උණු වතුර බොන්න:
කූල් වතුර බොන එක නවත්තන්න. පුළුවන් හැම වෙලාවෙම රස්නෙට වතුර ටිකක් බොන්න. ඉඟුරු කෑල්ලක්, කොත්තමල්ලි ටිකක් හොයාගන්න පුළුවන් නම් තම්බලා බොන්න. ඒකෙන් ලේ ගමනාගමනය ලේසි වෙලා කැක්කුම අඩු වෙනවා.
❌ එක තැන ඉන්න එපා:
කඳවුරේ ඉඩ මදි වුණත්, එකම ඉරියව්වෙන් ගුලි වෙලා ඉන්න එපා. එතකොට කැක්කුම වැඩි වෙනවා. පුළුවන් විදියට හිටගෙන පොඩ්ඩක් එහාට මෙහාට ඇවිදින්න. ඇඟ ටිකක් ස්ට්රෙච් (Stretch) කරන්න.
✅ පීඩනය (Stress) අඩු කරගන්න:
බය වෙලා, Stress වෙලා ඉන්නකොට ඇඟ හිර වෙනවා, එතකොට කැක්කුම වැඩියි. පුළුවන් තරම් ගැඹුරින් හුස්ම ගන්න (Deep Breathing). යාලුවෙක් එක්ක කතා කරලා හිත සැහැල්ලු කරගන්න.
✅ ආහාර පාලනය:
බිස්කට්, පාන් වගේ පිටි කෑම කෑවම බඩ පුරවා දාන (Gastritis) ගතිය වැඩි වෙන්න පුළුවන්. ඒකෙන් ඔසප් වේදනාව වැඩි වෙනවා. ලැබෙන කෑම වේල එකපාර කන්නේ නැතුව, ටික ටික හපලා කන්න. වතුර හොඳට බොන්න.
🚑 වෛද්ය කණ්ඩායම් (𝗠𝗲𝗱𝗶𝗰𝗮𝗹 𝗧𝗲𝗮𝗺𝘀) එනවා නම්: ඔයා ඉන්න තැනට බෙහෙත් දෙන්න කණ්ඩායමක් ආවොත් ලැජ්ජා නොවී "මට පීරියඩ්ස්, අමාරුයි, පැරසිටමෝල් (Paracetamol) දෙන්න" කියලා ඉල්ලන්න.
🚨 විශේෂයෙන් සැමියන්ට/ පිරිමි පාර්ශ්වයට: මේ වෙලාවේ ඔයාලගේ සහයෝගය තමයි එයාට තියෙන ලොකුම හයිය. කඩේකින් හරි බඩු බෙදන තැනකින් හරි "පැඩ් පැකට්" එකක් ඉල්ලලා ගෙනත් දෙන්න ලැජ්ජ වෙන්න එපා. "මූණ එල්ලාගෙන ඉන්නවා" කියලා බැන වදින්න එපා. හෝමෝන වෙනස්වීම් එක්ක මේ ආතතිය දරාගන්න අමාරුයි කියලා තේරුම් ගන්න. එයාට වොෂ් රූම් එකට යන්න, ඇඳුම් මාරු කරගන්න පොඩි හරි ආවරණයක්, ආරක්ෂාවක් හදලා දෙන්න මැදිහත් වෙන්න. ඔයාගේ බිරිඳට හෝ දරුවාට මේ වෙලාවේ කොන්දේ කැක්කුම හැදෙන්නේ සීතල බිමක නිදාගන්න වුණාම වෙන්න පුළුවන්.
පුළුවන් නම් කාඩ්බෝඩ් එකක්, පැදුරක් හෝ රෙදි ගොඩක් දාලා එයාට සීතල නොවෙන තැනක් හදලා දෙන්න.
එයාගේ කකුල් දෙක සීතල වෙන්න දෙන්න එපා. මේස් දෙකක් නැත්නම් රෙදි කෑල්ලකින් හරි කකුල් දෙක ඔතලා තියන්න උදව් කරන්න.
🚨 ආධාර බෙදන/එකතු කරන අයට: 📦 ඔයාලා හදන සහනාධාර මලු වලට අනිවාර්යයෙන්ම 𝗦𝗮𝗻𝗶𝘁𝗮𝗿𝘆 𝗡𝗮𝗽𝗸𝗶𝗻𝘀 පැකට් එකක් දාන්න. ඒ වගේම අලුත් යට ඇඳුම් (𝗨𝗻𝗱𝗲𝗿𝗴𝗮𝗿𝗺𝗲𝗻𝘁𝘀) කීපයක් ලබා දෙන්න. ගෙවල්වලින් එද්දි ගොඩක් අයට මේවා අරන් එන්න සිහියක් තිබුණේ නෑ. සබන්, 𝗛𝗮𝗻𝗱 𝗦𝗮𝗻𝗶𝘁𝗶𝘇𝗲𝗿 සහ 𝗚𝗮𝗿𝗯𝗮𝗴𝗲 𝗯𝗮𝗴𝘀 සපයන්න.
මේ වෙලාවේ අපි එකිනෙකාට උදව් කරගමු. කාන්තාවකගේ ගෞරවය සහ සෞඛ්යය ආරක්ෂා කරන එක අපේ වගකීමක් වගේම මනුස්සකමක්! 🤍🤝
👉 අනිත් අයටත් දැනගන්න, මේක 𝑺𝒉𝒂𝒓𝒆 කරන්න අමතක කරන්න එපා.. ඒ වගේම, ඔබට අවශ්යය 𝗠𝗲𝗱𝗶𝗰𝗮𝗹 𝗔𝗿𝘁𝗶𝗰𝗹𝗲𝘀' 𝗧𝗼𝗽𝗶𝗰𝘀 පහලින් 𝑪𝒐𝒎𝒎𝒆𝒏𝒕 කරන්න..
📍𝙁𝙤𝙡𝙡𝙤𝙬 𝙩𝙝𝙚 𝘿𝙤𝙘𝙁𝙡𝙚𝙭 𝘼𝙄 𝙘𝙝𝙖𝙣𝙣𝙚𝙡 𝙤𝙣 𝙒𝙝𝙖𝙩𝙨𝘼𝙥𝙥: https://whatsapp.com/channel/0029Vb6ax3yBVJl9dkFpf33W
