15/11/2021
සිතා බලන්නට යමක්....
ඖෂධ පැලයක් කියන්නෙ පණ තියෙන තව කෙනෙකුට පණ දෙන්න පුලුවන් ස්වභාවධර්මයේ දායාදයක්. මේ නිසා තමයි අතීතයේ දේශීය වෛද්යවරු ගහකින් පොත්තක් ගැලෙව්වත් ගහට වැදලා ඒ වැඩේ ආරම්භ කලේ. එතරම් වටිනාකමක් ගරුත්වයක් අතීතයේ මිනිස්සු ඔසු පැල වලට ලබා දුන්නා. ආයුර්වේද වෛද්ය ක්රමය කියන්නෙ මේ පණ තියෙන ගස් එක්ක එකට බද්ධ වෙච්ච ඒ ඔසු පැල වලින් විස්මිත පෙලහර පාන උතුම් ශාස්ත්රයක්. ආයුර්වේදයේ මූලික පරමාර්ථය වන නීරෝගී පුද්ගලයාගේ නීරෝගි බව රැක ගැනීමත් , රෝගී පුද්ගලයාගේ රෝග සුව කර මරණයෙන් මුදවා ගැනීමත් සිදු කරනු ලබන්නේ මේ සිය දහස් ගනන් වූ ඖෂධ පැල වල බලයෙන්.
නමුත් මේ තරම් බලයක් සහිත ආයුර්වේදය පිලිබඳ අපේ රටේ ජනතාව සතුව පවතින්නෙ අල්ප විශ්වාසයක් හා අඩු වටිනාකමක්. ඒකට හොදම උදාහරනය තමයි පොඩි හෙම්බිරිස්සාවක් හැදුනත් පස් පන්ගුව වෙනුවට piriton පෙත්ත, විටමින් C පෙත්තට හුරු වෙලා තියෙන්වා. කැඩුනු අස්ථියක් එක පැයකින් සුව කරන්න පුලුවන් ඖෂධීය ශාක සන්යෝග තියෙනවා නම් පස් පන්ගුවෙන් හෙම්බිරිස්සාව සුව කරන්න බැරිද??
වර්තමානයේ බොහෝ තරුණ අය බැවිල, ඉරමුසු, කරල්හැබ, පොල්පලා, මොනරකුඩුම්බිය, වගේ ගෙවත්තෙ ඉබේ හැදෙන ඔසු පැලයක්වත් හදුනන්නේ නැති තැනට අද පත්වෙලා තියෙන්වා . වර්ථමානයේ මව්වරු , දරුවන්ට පණු අමාරුවකදි එරබදු කොල මැල්ලුම දෙනවා කියලවත් දන්නෙ නැති අවස්ථා තියෙනවා . ඒ වගේම තැම්බුම් හොද්දක් , කොලකැද එකක් හදා ගන්න දන්නෙ නැති අවස්ථා තියෙනවා . මේ නොඩැනුවත්කම හා දේශීය ඖශධ ,ආහාර වලට වටිනාකමක් නොදීම නිසා අද බෝ නොවන රෝග වල වැඩි වීමක් දක්නට ලැබෙනවා .
ඒ නිසා අද පටන් ඔබේ ගෙවත්තෙ හැකි තරම් ඔශධ පැල වගා කරන්න. ඖෂධ පැල තිබේ නම් ඒවා ආරක්ෂා කරන්න, ඔබේ දරුවාටත් ඒවයේ වටිනාකම කියා දෙන්න.
කෙතරම් අතුරු ආබාධ තිබුනත් බටහිර ඖෂධ දීර්ඝකාලීනව භාවිතා කරන්න ජනතාව තුල බියක් නොමැති වුවත් ආයුර්වේද ඖෂධ දීර්ඝකාලීනව භාවිතා කිරීමෙන් වකුගඩු රෝග වැනි බොහෝ රෝගාබාධ ඇති වේයැයි යන බියක් හෝ මතයක් ජනතාව තුල තිබෙනවා. මිනිසා ය්නු ස්වභාවධර්මයේ කොටසක් නම් ස්වභාවධර්මයට අයත් ඖශධීය ශාක වලින් සකස් කර ගත් ඔසු නියමිත් මාත්රාවෙන් භාවිතා කිරීමෙන් මිනිසා රෝගී වෙයිද??
බුද්ධිමත්ව හා විද්යාත්මකව සිතා බලන්න තීරණය ඔබ සතුයි.
