08/12/2025
පසුගිය දිනවල අප රටට බලපෑ අයහපත් කාලගුණික තත්වයත් සමග අප බලප්රදේශයද එහි බලපෑමට ලක් වීය. එහිදී මහවැලි ගඟ පිටාර ගැලීම හේතුවෙන් අප බලප්රෙදේශයට අයත් රංහෙලගම, සල්පිටිගම, සේරුපිටිය හා වෑබඩගම යන ප්රදේශ ජලයෙන් යටවී ප්රදේශවාසී ජනතාවගේ නිවාස අහිමි වීම හේතුවෙන් සුරක්ෂා මධ්යස්ථාන වල රැඳවීමට සිදු විය.
අම්පාර ප්රාදේශීය සෞඛ්ය සේවා අධ්යක්ෂතුමාගේ මගපෙන්වීම හා මෙහෙයවීම අනුව කඩිනමින් ක්රියත්මක වූ සෞඛ්ය වෛද්ය නිලධාරී ඇතුළු අප කාර්ය මණ්ඩලය මෙලෙස අවතැන් වූ ජනතාවගේ සෞඛ්යාරක්ෂාව පවත්වාගෙන යාම වෙනුවෙන් දෛනිකව අදාළ සුරක්ෂා මධ්යස්ථාන වෙත ගොස් එම ජනතාවගේ සෞඛ්යමය අවශ්යතා පිළිබඳව සොයා බලා ඒවා හැකි උපරිමයෙන් සපුරාලීමටත්, රෝගී ජනතාව වෙත අත්යාවශ්ය ඖෂධ සහ ප්රතිකාර ලබා දීමටත් කඩිනම් ක්රියාමාර්ග ගනු ලැබිණි.
මෙම රෝගී සත්කාර සේවා වෙනුවෙන් අවශ්ය ඖෂධ හා උපකරණ සැපයීම දෙහිඅත්තකණ්ඩිය මූලික රෝහල මගින් සිදු කෙරුණ අතර, මෙම ආපදා අවස්ථාවේ කඩිනමින් ක්රියාත්මක වී අප හට අදාළ ඖෂධ හා අනෙකුත් ද්රව්ය ලබා දී සහයෝගය දැක්වූ දෙහිඅත්තකණ්ඩිය මූලික රෝහලේ වෛද්ය අධිකාරීතුමා ඇතුළු එම රෝහල් කාර්ය මණ්ඩලයට අපගේ ස්තූතිය ප්රකාශ කර සිටිමු.
මෙම හදිසි ආපදා තත්වය හමුවේ විපතට පත් ජනතාවට පහසුකම් සැලසීම සඳහා අප විසින් ගෙන යන ලද වැඩසටහන සඳහා අවශ්ය වූ දෙහිඅත්තකණ්ඩිය මූලික රෝහලෙන් සපයා ගත නොහැකි ඖෂධ වර්ග ලබා ගැනීම සඳහා අපගේ ඉල්ලීම පරිදි දෙහිඅත්තකණ්ඩිය වෙළඳ සංගමය මගින් මූල්යාධාර ලබා දිම සිදු කෙරිණි. අපගේ ඉල්ලීම ලද සැණින් ක්රියත්මක වී අදාළ කටයුතු සිදු කර දුන් දෙහිඅත්තකණ්ඩිය වෙළඳ සංගමයේ සභාපතිතුමා ඇතුළු වෙළඳ සංගමයේ සියලුම සාමාජිකයන්ටත්, දෙහිඅත්තකණ්ඩිය ඔසෙල්කා ෆාමසියේ අධිපතිතුමාටත් අපගේ මහත් ස්තූතිය පළ කරමු.
මෙම ආපදා තත්වය ඇති වූ අවස්ථාවේ සිට අප බලප්රදේශයේ කටයුතු හා අවශ්යතා සම්බන්ධව සොයා බලමින්, අවශ්ය සම්බන්ධීකරණ කටයුතු සිදු කිරීම සඳහා අම්පාර ප්රාදේශීය සෞඛ්ය සේවා අධ්යක්ෂ කාර්යාලයේ ප්රදේශීය වසංගත රෝග වෛද්ය නිලධාරීතුමිය මහත් කැපවීමකින් යුතුව කටයුතු කරන ලදී. එසේම මෙම අවස්ථාවේ විවිධ අයුරින් අපගේ කටයුතු වලට සහයෝගය දැක්වූ අම්පාර මාතෘ හා ළමා සෞඛ්ය පිළිබඳ වෛද්ය නිලධාරී, මානසික සෞඛ්ය පිළිබඳ වෛද්ය නිලධාරී, අම්පාර ප්රාදේශීය සෞඛ්ය සේවා අධ්යක්ෂ කාර්යාලයේ වෛද්ය නිලධාරී (සැළසුම්) යන නිලධාරී මහත්ම මහත්මීන් විසින් දැක්වූ සහයෝගය කෘතඥතාවයෙන් යුතුව සිහිපත් කරමු.
එසේම මෙම ආපදා අවස්ථාවේ අප ආයතනය මගින් ක්රියාත්මක කළ විශේෂ සෞඛ්ය වැඩසටහන් සඳහා සහය වීම සඳහා පැමිණි මහඔය සෞඛ්ය වෛද්ය නිලධාරී කාර්යාලයේ මහජන සෞඛ්ය පරීක්ෂක චානක ප්රියදර්ශන මහතා විසින් කළ කාර්යභාරය විශේෂයෙන් සිහිපත් කරමු.
තවද මෙම ආපදා අවස්ථාවේ දී අප සමග අවශ්ය සම්බන්ධීකරණය සිදු කරමින් අප කටයුතු සඳහා මහත් සහයෝගයක් ලබා දුන් අම්පාර දිස්ත්රික් ගරු පාර්ලිමේන්තු මන්ත්රිනී මුතු රත්වත්තේ මහත්මිය වෙත වෙත අපගේ කෘතඥතාවය පිරිනමමු. එසේම අප ආයතනය සමග එක්ව අපගේ කටයුතු සඳහා සහාය දැක්වූ දෙහිඅත්තකණ්ඩිය ප්රාදේශීය ලේකම්තුමා ඇතුළු කාර්ය මණ්ඩලය, දෙහිඅත්තකණ්ඩිය ප්රාදේශිය සභාවේ සභාපතිතුමා සහ ලේකම්තුමිය ඇතුළු කාර්ය මණ්ඩලය, ශ්රී ලංකා පොලිසිය හා ආරක්ෂක අංශ නිලධාරීන්, මහවනාවෙල සහ නවමැදගම ප්රාථමික වෛද්ය සත්කාර ඒකක භාර වෛද්ය නිලධාරීන් ඇතුළු නන් අයුරින් සහයෝගය දැක්වූ සියලුම රාජ්ය ආයතන හා නිලධාරීන්, පෞද්ගලික ආයතන, ප්රජා සංවිධාන සහ රාජ්ය නොවන සංවිධාන වෙත අප කාර්ය මණ්ඩලයේ හද පිරි ස්තූතිය ප්රකාශ කර සිටිමු.
මෙහිදී අප විසින් කළ ඉල්ලීම අනුව කඩිනමින් ක්රියාත්මක වී අප ප්රදේශයේ විපතට පත් ජනතාවට අවශ්ය සනීපාරක්ෂක පහසුකම් හා අවශ්ය ද්රව්ය සපයා දීමට ක්රියාත්මක වූ World Vision ආයතනය සහ එහි නිලධාරීන්ව ගෞරවයෙන් සිහිපත් කරමු.
මෙම බලවත් ව්යවසනකාරී ආපදා අවස්ථාව මෙලෙස විධිමත් පරිදි කළමනාකරණය කර ගැනීමටත්, ප්රදේශය තුළ වසංගත රෝග පැතිර යාමට හැකි අවස්ථාව අවම කරමින් ප්රදේශවාසීන්ගේ සෞඛ්ය තත්වය ආරක්ෂා කර ගැනීමට කටයුතු කිරීමට හැකි වීම අප ලද ජයග්රහණයකි.
මෙම ආපදා අවස්ථාවේ විපතට පත් ප්රදේශවාසී ජනතාව වෙනුවෙන් කටයුතු කළ සියලුම දෙනාටත්, විවිධ අයුරින් අප ආයතනය සමග එක්ව එම ජනතාවට සහයෝගය දුන් සැමටත්, ප්රදේශයේ මහජන සෞඛ්ය ආරක්ෂා කර ගැනීමට අප ක්රියාත්මක කළ වැඩසටහන් සඳහා දායක වූ සහ අවබෝධයෙන් කටයුතු කළ සියලුම දෙනාටත් දෙහිඅත්තකණ්ඩිය සෞඛ්ය වෛද්ය නිලධාරී කාර්යාලීය කාර්ය මණ්ඩලය වෙනුවෙන් මාගේ ස්තූතිය ප්රකාශ කරමි.
..
වෛද්ය මාලක මිහිර බණ්ඩාර
සෞඛ්ය වෛද්ය නිලධාරී
දෙහිඅත්තකණ්ඩිය
