Bonuli Ayurveda Medical Center And Osusala

17/04/2026

15/04/2026

සඳ වටා ගිය ඔරායන් යානය කොච්චර ලොකුද? 🤔

ඔරායන් යානයේ ගගනගාමීන් සිටින Crew Module (පින්තුරයේ දැක්වෙන්නේ එයයි) ඇතුළත ඉඩකඩ ඝන මීටර් 9ක් පමණ වේ. මෙය කුඩා නාන කාමරයකට සමාන ඉඩකඩක් වුවද, ගුරුත්වාකර්ෂණය රහිත අවකාශයේදී ගගනගාමීන්ට මුළු පරිමාවම භාවිත කළ හැකිය. සාමාන්‍යයෙන් ගගනගාමීන් 4 දෙනෙකුට මෙහි සුවපහසු ලෙස ගමන් කළ හැකිය.

මෙහි ඇති ප්‍රධාන පාලක පුවරුව ස්පර්ශක තිර සහ මෘදුකාංග මගින් ක්‍රියාත්මක වේ. යානයේ සියලුම පද්ධතීන් පාලනය කිරීමට අවශ්‍ය වන්නේ තිර 3ක් පමණි. මෙය යානයේ බර අඩු කිරීමට සහ ක්‍රියාකාරීත්වය පහසු කිරීමට උදවු වේ.

ලොව මෙතෙක් නිපදවා ඇති විශාලතම සහ ශක්තිමත්ම තාප ආවරණය පවතින්නේ මෙම යානය තුලයි. එනම් පෘථිවි වායුගෝලයට ඇතුළු වන විට ඇතිවන සෙල්සියස් අංශක 2,800ක පමණ අධික උෂ්ණත්වයෙන් ගගනගාමීන්ව ආරක්ෂා කරන්නේ මෙයයි.

ඒ වගේම ගගනගාමීන්ට නිදාගැනීමට අවශ්‍ය බෑග්, ව්‍යායාම උපකරණ සහ ආහාර පිළියෙළ කරන ස්ථානයක් ද මෙහි කුඩාවට සකසා ඇත. යානය පෘථිවියට පැමිණ සාගරයට පතිත වීමට පෙර එහි වේගය අඩු කිරීමට විශාල පැරෂුට් 11ක පද්ධතියක් භාවිත කරයි. අවසානයේදී යානය සාගරයට පතිත වන්නේ පැයට කිලෝමීටර් 30ක පමණ අඩු වේගයකිනි. මෙම Crew Module තනි ඇලුමිනියම්-ලිතියම් මිශ්‍ර ලෝහයකින් නිමවා ඇති අතර, එය ඉතා සැහැල්ලු මෙන්ම අභ්‍යවකාශ විකිරණවලට ඔරොත්තු දෙන ලෙස ශක්තිමත් කර ඇත

Posted by Sachin Rajindra II

13/04/2026

මම විශ්වාස කරනවා ඔබ බොහෝ දෙනා මෙය තේරුම් ගත්තා කියලා

13/04/2026

🌕 ආර්ටෙමිස් II මෙහෙයුමෙන් හෙළිවන සඳේ සැඟවුණු රහස!

දශක පහකට වැඩි කාලයකට පසු සඳ වෙත යන පළමු මිනිස් මෙහෙයුම වන Artemis II හරහා පෘථිවාසීන් මීට පෙර කිසිදා නොදුටු චන්ද්‍ර රහසක් අනාවරණය කර ගැනීමට නාසා (NASA) ආයතනය සූදානම් වෙයි. මෙම මෙහෙයුමේදී ගමන් ගන්නා ගගනගාමීන්ට, සඳෙහි මෙතෙක් අඳුරේ හෝ අපැහැදිලි ආලෝක තත්ත්ව යටතේ සැඟවී තිබූ සුවිශේෂී භූ විෂමතාවක් සෘජු සූර්යාලෝකය යටතේ ඉතා පැහැදිලිව නිරීක්ෂණය කිරීමට අවස්ථාව ලැබෙනු ඇත. විශේෂයෙන්ම චන්ද්‍ර ධ්‍රැව ආශ්‍රිත ප්‍රදේශවල පවතින ආන්තික ආලෝක කෝණ හේතුවෙන් මෙතෙක් ලබාගත් ඡායාරූපවලින් මෙම ව්‍යුහයන් හඳුනා ගැනීම අසීරු වී තිබුණි.

විද්‍යාඥයන් විශ්වාස කරන්නේ මෙම අද්භූත ලක්ෂණය පුරාණ ග්‍රහක ගැටීම්, දැඩි උෂ්ණත්ව විචලනයන් හෝ අභ්‍යවකාශ තත්ත්වයන්ට දීර්ඝ කාලයක් නිරාවරණය වීම නිසා නිර්මාණය වූවක් විය හැකි බවයි. ඇතැමුන් මේ පිළිබඳව විවිධ මත පළ කළද, මෙය ස්වභාවික භූ විද්‍යාත්මක පිහිටීමක් වනු ඇති බව ප්‍රවීණයන්ගේ මතයයි. කෙසේ වෙතත්, මෙම නව නිරීක්ෂණය මගින් සඳෙහි පරිණාමය සහ එහි සැඟවුණු සම්පත් පිළිබඳව නව දැනුමක් ලබා ගැනීමට හැකි වනු ඇත. සඳ ජය ගැනීමේ මානව ගමනේ තීරණාත්මක හැරවුම් ලක්ෂයක් වන මෙම අවස්ථාව, අනාගතයේදී අඟහරු වෙත යන ගමනටද මඟපාදනු නිසැකය.

මූලාශ්‍ර සහ වැඩිදුර තොරතුරු:
• NASA Artemis Program Official Updates
• European Space Agency (ESA) Lunar Research
• Space.com Science Reports

👉 හෙට දවසේ ලෝකය වෙනස් කරන අලුත්ම විද්‍යාත්මක සොයාගැනීම් සහ තාක්ෂණික පෙරළියන් ගැන මුලින්ම දැනගන්න අප හා එක්වන්න.

11/04/2026

චන්ද්‍රයා මත පා තැබීම මානව ඉතිහාසයේ දැවැන්ත ජයග්‍රහණයක් වුවත් ඒ ගමනේ භයානකම සහ තීරණාත්මකම අදියර වන්නේ නැවත පෘථිවියට පැමිණෙන මොහොතයි එය හුදෙක් ගමනක් නොව මරණය පෙනි පෙනී විද්‍යාව සහ තාක්ෂණය සමඟ කරන සටනකි.
මෙන්න ඒ මාරාන්තික නැවත පැමිණීමේ පිටුපස ඇති සැබෑ කතාව

පැයට කිලෝමීටර් 40,000ක වේගයෙන් (අධික වේගී උණ්ඩයකටත් වඩා වේගයෙන්)යානය වායුගෝලයට ඇතුළු වෙද්දී ඇතිවන ඝර්ෂණය නිසා යානය වටා ඇති වාතය ප්ලාස්මා තත්ත්වයට පත් වේ. එහි උෂ්ණත්වය 1600 - 1650 දක්වා ඉහළ යයි. මෙය ලෝහ පවා දියවන උෂ්ණත්වයකි
එහිදී ගගනගාමීන්ව ආරක්ෂා කරන්නේ Ablative Heat Shield එකයි. එය තමාම දැවී යමින් යානය තුළ උෂ්ණත්වය සුවපහසු මට්ටමක තබා ගනී. තමන්ව විනාශ කරගනිමින් අන් අයව රැකගන්නා ඒ තාක්ෂණය ඇත්තටම අපූර්වයි.

පෘථිවි වායුගෝලයට ඇතුළු විය යුතු කෝණය ඉතාම සියුම්ය. කෝණය වැඩි වුවහොත් යානය දැවී අළු වී යයි. කෝණය අඩු වුවහොත් වතුර මතුපිට ගලක් පැන යනවාක වගේ වෙනවා

භීතියේ විනාඩි 7 (The Blackout Period)
යානය වටා ඇති ප්ලාස්මා වළල්ල නිසා පෘථිවිය සමඟ ඇති සියලු සන්නිවේදන සබඳතා විසන්ධි වේ. මේ විනාඩි කිහිපය තුළ පෘථිවියේ සිටින පාලක මධ්‍යස්ථානය දන්නේ නැහැ ඇතුළේ සිටින ගගනගාමීන් ජීවතුන් අතරද නැද්ද කියා. ඇපලෝ 13 මෙහෙයුමේදී මුළු ලෝකයම හුස්ම අල්ලාගෙන සිටියේ මේ නිහඬ විනාඩි කිහිපය දෙසයි.

තමන්ගේ බර මෙන් 7 ගුණයක පීඩනයක්
වායුගෝලයේදී වේගය අඩු වෙද්දී ගගනගාමීන්ගේ ශරීරය මත දැවැන්ත G- බලයක් ක්‍රියාත්මක වේ. තමන්ගේ සිරුරේ බර මෙන් 6-7 ගුණයක් පපුව මත පටවා ඇති බවක් ඔවුන්ට දැනේ. හුස්ම ගැනීම පවා අභියෝගයක් වන ඒ මොහොත ජය ගැනීමට නම් අසාමාන්‍ය මානසික සහ ශාරීරික ශක්තියක් තිබිය යුතුමයි.

අවසානයේදී පාපන්දු පිටියක තරම් විශාල පැරෂුට් මගින් වේගය පාලනය කරමින් යානය සාගරය මතට පතිත (Splashdown) කරයි. දවස් ගණනක අභ්‍යවකාශ ගමනකින් පසු යෝධ සාගරය මත තිතක් වැනි යානය සොයා ගැනීමට නාවික හමුදාව සීරුවෙන් සිටී.

අභ්‍යවකාශ ගමනක් සාර්ථක වන්නේ දියත් කිරීමෙන් (Launch) නොව එය සුරක්ෂිතව අවසන් කිරීමෙනි (Return) අපේ ජීවිතයේ අරමුණු කරා යන ගමනත් එසේමයි. ආරම්භය ලස්සන විය හැක නමුත් මැදදී එන ගිනිමය අභියෝග සන්නිවේදනය ඇනහිටින තනිකම සහ දැඩි පීඩනයන් අපව පරීක්ෂා කරනු ඇත. ඔබ ඒ සියල්ල විද්‍යාත්මකව සහ ඉවසීමෙන් කළමනාකරණය කරගන්නේ නම් අනිවාර්යයෙන්ම සාර්ථකත්වයේ වෙරළට ළඟා විය හැකිය.

හඳට යාම ජයග්‍රහණයකි නමුත් ඒ අභියෝග මැදින් නැවත නිවසට පැමිණීම ආශ්චර්යයකි 🤝✌️

- CHAMATH VLOGS -

11/04/2026

ඔබ කවදාහරි Super Glue (සුපර් ග්ලූ) පාවිච්චි කරද්දී ඒක අතේ ගෑවිලා ඇඟිලි දෙකක් එකට ඇලිලා තියෙනවද? ඒක ගලවගන්න කොච්චර අමාරුද කියලා අමුතුවෙන් කියන්න ඕනේ නෑනේ. සාමාන්‍ය ගම් වේලෙන්න පැය ගාණක් යද්දී, Super Glue තත්පර 10න් ගල් වෙනවා! ඒ විතරක් නෙවෙයි, මේ ගම් එක බිංදුවකින් කිලෝග්‍රෑම් දහස් ගාණක බරක් උස්සන්න පුළුවන්! 🐘💧

හැබැයි මේ පුදුම සහගත ඇලෙන දියරය ලෝකෙට ආවේ කවුරුත් හිතලා කරපු පර්යේෂණයකින් නෙවෙයි, මහා පිස්සු අත්වැරැද්දකින්! 🧪🔥

​මේ සිදුවී​ම පටන් ගන්නේ 1942, දෙවන ලෝක යුද්ධය කාලේ. ඇමරිකාවේ Eastman Kodak සමාගමේ රසායන විද්‍යාඥ Harry Coover ට ඕනේ වුණා අ​ර තුවක්කු වල ඇහෙන් බලලා ඉලක්කය ගන්​න හයි කරලා තියන යකඩ කොටස (Gun sights) වෙනුවට පාවිච්චි කරන්න පුළුවන් පැහැදිලි ප්ලාස්ටික් ජාතියක් හදන්න. ඔහු මේකට පාවිච්චි කළේ Cyanoacrylate කියන රසායනිකය. හැබැයි මේකේ ලොකු අවුලක් තිබුණා. මේක ගෑවෙන ගෑවෙන හැමදේටම ඇලුනා! Coover ට මේක මහා වදයක් වු​න හින්දා ඔහු ඒ පර්යේෂණය​ම අතෑරලා දැම්මා. 💥

ඊට අවුරුදු 9කට පස්සේ, 1951 දී ඔහු ආයෙත් මේ Cyanoacrylate පාවිච්චි කරලා ජෙට් යානා වල ගුවන් නියමුවා ඉන්න කොටස ආවරණය කරන විනිවිද පේන ලොකු ප්ලාස්ටික් කොට​ස (Jet plane canopies) හදන්න පුළුවන්ද කියලා බැලුවා. ඔහු තමන්ගේ ගෝලයා වු​න Fred Joyner ට මේක දීලා කිව්වා "මොන දේ කළත් මේක Refractometer (ආලෝකයේ වර්තනය මනින යන්ත්‍රය) නම් දාලා ටෙස්ට් කරන්න එපා, ඒ මැෂින් එක කුඩු වෙයි" කියලා. හැබැයි Joyner ට ඒක අමතක වෙලා මැෂින් එකේ වීදුරු ප්‍රිස්ම දෙකක් මැදට මේක දැම්මා.

විනාඩියකින් ප්‍රිස්ම දෙක ගලවන්න බැරි වෙන්නම ඇලුනා! ඒ කාලෙ හැටිය​ට ඩොලර් 10,000ක් විතර වටින මැෂින් එක විනාශ වුණා කියලා Joyner හොඳටම බය වුණා. හැබැයි Coover ට කේන්ති ගියේ නෑ. ඔහුට තේරුණා තමන් මේ අවුරුදු ගාණක් තිස්සේ අහක දාපු දේ, ලෝකයේ තියෙන ප්‍රබලම මැලියම් වර්ගයක් නේ​ද කියලා! ඒක මොහු ටෙස්ට් කරපු 910 වෙනි රසායනිකය නිසා ඔහු මේකට "Eastman 910" කියලා නම දැම්මා. අද අපි ඒකට කියන්නේ Super Glue කියලා.

මේ අපි එදිනෙදා දකි​න සාමාන්‍ය ගම් (White glue / Wood glue) ඇලෙන්න පටන් ගන්​නේ ඒකේ තියෙන වතුර ටික වාෂ්ප වෙලා ගිහාම. ඒ නිසා ඒකට වෙලා යනවා. හැබැයි Super Glue වැඩ කරන්නේ ඊට සම්පූර්ණයෙන්ම වෙනස් විදිහකට. ⏱️🧊

Super Glue ටියුබ් එක ඇතුළේ තියෙන්නේ Ethyl cyanoacrylate කියන Monomers (ඒකාවයවි​ක). මේ දියරය යම්කිසි පෘෂ්ඨයක් මැදට දැම්මාම, ඒ පෘෂ්ඨයේ තියෙන ඇහැටවත් පේන්නෙ නැති හිඩැස් අස්සට මේ දියරය රිංගනවා. ඊටපස්සේ මේ තනි අණු ඔක්කොම එකට එකතු වෙලා දිග දම්වැලක් වගේ බැඳෙනවා. මේ ක්‍රියාවලියට කියන්නේ Polymerization (බහුඅවයවීකරණය) කියලා. ඊට පස්​සේ දියරයක්ව තිබුණ ​මේ දේ තත්පර ගාණකින් ප්ලාස්ටික් වගේ තද ඝන ද්‍රව්‍යයක් බවට පත්වෙනවා. ඊටපස්සේ මේක අර හිඩැස් වලින් ලේසියෙන් ගලවන්න බෑ!

හැබැයි, මේ අණු ටිකට එකට බැඳෙන්න (Polymerize වෙන්න) කවුරුහරි ආරම්භයක් දෙන්න එපැයි. එහෙම නොවුනා නම් ටියුබ් එක ඇතුළේ තියෙද්දිත් මේක ගල් වෙනවනේ.

Super Glue වලට මේ ආරම්භ​ය දෙන්නේ වෙන කවුරුවත් නෙවෙයි, වතුර (Moisture/Water)! වතුර අණුවල තියෙන සෘණ ආරෝපිත හයිඩ්‍රොක්සයිඩ් (Hydroxide) අයන, මේ Cyanoacrylate අණුවේ තියෙන ද්විත්ව බන්ධනය කඩලා දානවා. එතකොට ඒ අණුවට තව අණුවක් ඇදලා ගන්න පුළුවන් වෙනවා. මේක හරියට දාම ප්‍රතික්‍රියාවක් වගේ අණු මිලියන ගාණක් තත්පරෙන් එකට බැඳෙනවා. 💧🔥

අපේ වායුගෝලයේ, අපි අල්ලන හැමදේකම මතුපිට පොඩි හරි තෙතමනයක් (Moisture) තියෙනවා. ඒ නිසයි Super Glue ගාපු ගමන් වේලෙන්නේ. ඔයාට Super Glue තවත් ඉක්මනින් වේලගන්න ඕනේ නම්, බේකින් සෝඩා (Baking soda / Sodium bicarbonate) ටිකක් දාන්න. බේකින් සෝඩා වලින් තව තවත් හයිඩ්‍රොක්සයිඩ් අයන දෙන නිසා, Super Glue එක ඉක්මන​ට එකට බැඳිලා යකඩ වගේ තද වෙනවා!

එතකො​ට Super Glue අතේ ගෑවුණාම ඇයි ඒක ගලවන්නම අමාරු? මේක​ට හේතු දෙකක් තියෙනවා. 🖐️⚠️

අපේ හමේ ඇහැට නොපෙනෙන රැළි සහ සිදුරු (pores) ලක්ෂ ගාණක් තියෙනවා. ඒ අස්සට මේක රිංගනවා.

අපේ හමේ තියෙන තෙතමනය සහ Collagen ප්‍රෝටීන් වල තියෙන අයන නිසා, Super Glue එක අපේ හමේ තියෙන අණුත් එක්කම කෙලින්ම බැඳෙනවා! ඒ කියන්නේ ඔයාගේ හමත් ඒ ප්ලාස්ටික් දාමයේම කොටසක් වෙනවා.

හදිස්සියේවත් අතේ ගෑවුණොත්, කවදාවත් සබන් දාලා හෝදන්න එපා! වතුර දැම්මාම මේක තවත් හයියට ගල් වෙනවා. මේක දිය කරන්න තියෙන හොඳම දේ තමයි ඇසිටෝන්. (ඒ කියන්නේ නියපොතු වල ගාන ඒවා මකන දියර) හැබැයි ඇහැට Super Glue ගියොත් නම් කවදාවත් ඇසිටෝන් දාන්න එපා, කෙලින්ම ඩොක්ටර් කෙනෙක් ගාවට යන්න.

හැබැයි මේ Super Glue කතාව තාම ඉවර නෑ. 1964 දී අ​ර Coover ට හිතුණා "මේකෙන් තුවාල මහනවා වෙනුවට, තුවාලේ අලවන්න පාවිච්චි කරන්න බැරිද?" කියලා. හැබැයි සාමාන්‍ය Super Glue තුවාලයකට දැම්මොත් ප්‍රශ්න 3ක් එනවා: 🎖️🩸

මේක ගල් වෙද්දී ලොකු රස්නයක් පිටවෙනවා. (පුළුන් කෑල්ලකට Super Glue දැම්මොත් ඒකෙන් දුම් දාලා පිච්චෙනවා!).

ඇඟ ඇතුළේදී මේක ආ​යේ දියවෙලා Formaldehyde වගේ විෂ රසායනික හැදෙනවා.

මේක ගල් වුණාම වීදුරු වගේ කැඩෙනවා (brittle). අපේ හම වගේ ඇදෙන්නේ නෑ.

මේකට විසඳුමක් විදිහට Coover කළේ අර රසායනික අණුවේ තියෙන කාබන් දාමය දික් කරපු එක. එතකොට ප්‍රතික්‍රියාව හිමින් සිද්ධ වෙන නිසා රස්නයක් එන්නේ නෑ, විෂ වෙන්නේ නැහැ, වගේම හොඳට ඇදෙන සුළු වෙනවා.

වියට්නාම් යුද්ධය කාලේ ඇමරිකානු හමුදාව මේ "Medical Super Glue Spray" එක පාවිච්චි කළා. එක වෙලාවක සෙබළෙකුගේ වකුගඩුවට සහ අක්මාවට වෙඩි වැදිලා ලේ ගලන එක නවත්වන්නම බැරි වුණා. දොස්තරලා කෙලින්ම අක්මාවට මේ Super Glue ස්ප්‍රේ කළා. එතනම ලේ ගලන එක නැවතිලා ඒ සෙබළාගේ ජීවිතේ බේරුණා! අද වෙද්දී මේ Medical Super Glue (Dermabond) කියන්නේ ඩොලර් මිලියන 900ක දැවැන්ත කර්මාන්තයක්.

ප්ලාස්ටික් ප්‍රශ්නයටත් විසඳුම Super Glue ද? අද ලෝකයේ තියෙන ලොකුම ප්‍රශ්නය ප්ලාස්ටික් ප්‍රතිචක්‍රීකරණය කරන්න බැරි කම. සාමාන්‍ය ප්ලාස්ටික් උණු කරලා ආයෙත් පාවිච්චි කළාම ඒවයේ ප්‍රමිතිය අඩුවෙනවා. හැබැයි Super Glue එහෙම නෑ! 🌍♻️

විද්‍යාඥයින් හොයාගෙන තියෙනවා Super Glue වලින් හදන ප්ලාස්ටික් සෙල්සියස් 210ට රත් කළාම, ඒක ආයෙත් අර පරණ තනි අණු (Monomers) බවටම පත්වෙනවා කියලා (Depolymerization). ඒ කියන්නේ ඒක 100% ක්ම අලුත් තත්ත්වයෙන් ආයෙත් පාවිච්චි කරන්න පුළුවන්. Polyethylene වගේ Super Glue ඇලෙන්නේ නැති අමුද්‍රව්‍ය පාවිච්චි කරලා මේකෙන් අලුත් ප්ලාස්ටික් ජාතියක් හදන්න දැන් පර්යේෂණ කරනවා.

එදා Harry Coover ට අර Refractometer මැෂින් එක කැඩුණ වෙලාවේ කේන්ති ගියා නම්, අද අපිට Super Glue කියලා දෙයක් නෑ. එයා දැක්කේ ප්‍රශ්නයක් නෙවෙයි, ඒ ප්‍රශ්නය අස්සේ හැංගිලා තිබු​න විසඳුමක්! 🌟

අහම්බෙන් හොයාගත්තු දියරයක්, අද වෙද්දී ලෝකයේම අත්‍යවශ්‍ය දෙයක් වෙලා, මිනිස්සුන්ගේ ජීවිත බේරලා, අනාගතයේ ප්ලාස්ටික් ප්‍රශ්නෙත් විසඳන්න යනවා කියන්නේ මහා පුදුමයක් නේද? මේ කතාව අහලා ඔයාට හිතුණු දේ පල්ලෙහායින් Comment කරන්න. ඒ වගේම මේ ලිපියට Like එකක් දාලා, විද්‍යාවට ආස ඔයාගේ යාළුවන්ටත් අනිවාර්යයෙන්ම Share කරන්න අමතක කරන්න එපා! 🧪👍💬🗣️

මේ ලිපි ලියන මට ඔයාලගේ පොඩි Comment එකක් වුනත් ගොඩක් වටිනවා. ඒ නිසා එක තත්පර 10ක් වැය කරලා Comment එකක් දාගෙන යන්න කියලා ආදරෙන් ඉල්ලනවා!

Written By: Sulochana Dissanayake
Source : YT/Veritasium

11/04/2026

Artemis II පරීක්ෂණ ගමන තුළ චන්ද්‍රයා වටා ගමන් කළ ගගනගාමීන් හතරදෙනා, 2026 අප්‍රේල් 6 සඳුදා දින පස්වරු 1:56ට (EDT), භූමියෙන් miles 248,655ක් දුරට ළඟා වෙමින් ඉතිහාසයක් සෑදුවා. මෙය මනුෂ්‍යයන් විසින් මෙතෙක් ගමන් කළ වැඩිම දුර ලෙස වාර්තාවක් පිහිටුවා ඇති අතර, පෙර එම වාර්තාව 1970 දී Apollo 13 විසින් තබා තිබුණි.

මෙම කණ්ඩායම 2026 අප්‍රේල් 10 සිකුරාදා පස්වරු 8:07ට සම්භාව්‍ය ලෙස San Diego වෙරළ අසල ජලයට බැස (splash down) නැවත පැමිණීමට නියමිතයි.

15/11/2023