Colombo Health Centre

07/03/2026

07/03/2026

විෂාදය යනු කුමක්ද?

විෂාදය යනු බහුලව දක්නට ලැබෙන මානසික රෝගී ආකාරයයි. මෙහිදී දිගු කාලයක් පුරාවට පවතින දුකක් සමග පෙර ඔබ කැමැත්තෙන් කරන ලද ක්‍රියාකාරකම් වල කැමැත්තක් නැති වී යාම දක්නට ලැබේ. තවද නින්දට බාධා ඇති වීම, ආහාර රුචිය වෙනස් වීම, මහන්සි ගතිය සහ අවධානය යොමු කිරීමට නොහැකි වීම ද දක්නට ලැබේ. (ලෝක සෞඛ්‍ය සංවිධානය)  

බහුලව බලපාන සාධක

·        ඇතැම් සිදුවීම් ( ආදරනීය කෙනෙකු නැති වීම/ රක්ෂාව නැති වී යාම)

·        විෂාදය සහිත පවුල් පසුබිමක් තිබිම

·        මොළයේ ඇති ඇතැම් රසායනික සංයෝග වල අසමතුලිතතාවය (සෙරටොනින්)

·        සමහර නිදන්ගත රෝගී තත්වයන් (පිළිකා, හදවත් රෝග, දියවැඩියාව)

·        කුඩා කාළයේ සිදු වු ඇතැම් සිදුවීම්/කම්පනයන්

·        ළමා අපචාර

·        සමාජයෙන් කොන් කිරීම/ කොන් වීම

·        මත්ද්‍රව්‍ය භාවිතය

මූලික ලක්ෂණ

·        නිරන්තරයෙන් පවතින දුක/ කලකිරීම

·        ආශාවෙන් කල දේවල් වල තවදුරටත් සතුටක් නොදැනී යාම

·        ආහාර රුචිය වෙනස් වීම

·        නින්දෙහි සිදුවන වෙනස් වීම්

·        තෙහෙට්ටු බව

·        ආත්ම ශක්තිය නැති වී යාම

·        අවධානය යොමු කිරීමට නොහැකි වී යාම

·        තීරණ ගැනීමට නොහැකි වීම

·        සියදිවි නසා ගැනීම වැනි හැගීම් ඇති වීම

නිසියාකාරව විෂාදය සදහා  ප්‍රතිකාර නොකීරිමෙන් දරුණු ආකාරයේ සිදුවීම් වලට මුහුණ දීමට සිදු වනු ඇත. ඉන් කිහිපයකි නම්

·        නිදන්ගත රෝගී තත්වයන් උත්සන්න වීම

·        මත්ද්‍රව්‍ය භාවිතය වැඩි වීම

·        පෞද්ගලික ජීවිතය බිදි යාම

·        ඵලදායිතාවය අඩු වී යාම

·        නිදන්ගත විෂාදය තත්වය ඇති වීම

·        සියදිවි නසා ගැනීම

කල්තියා හදුනා ගැනීමෙන් විෂාදය සම්පුර්ණයෙන්ම සුව කළ හැකි මානසික රෝගී තත්ව ආකාරයකි.

ක්ලම්බෝ හෙල්ත් සෙන්ටර් වන අප ඔවුන් සදහාම උපදේශන සේවාව හදුන්වා දෙන්නෙමු.

අවුරුදු 20 ක් පුරාවට පළපුරුදු සහිත මනෝවිද්‍යා උපදේශකවරුන්ගේ මග පෙන්වීම යටතේ ඔබගේ ගැටළු හදුනා ගනිමින් අවුල් වූ මනස නිරවුල් මනසක් දක්වා සුවපත් කරනු ලැබේ.

අප හා බෙදා ගන්නා ලද සියලුම තොරතුරු වල රහස්‍යභාවය රකිමින් සුහදශීලි බැදිමක් ඔස්සේ ඔබව මානසිකව මෙන්ම කායික සුවපත් කිරීම අපගේ පරම අරමුණ යි.

අමතන්න 

011 2 727 214

077 16 77 122

 

06/03/2026

Reserve your appointment now!

011 2 72 72 14 I 077 16 77 122

04/03/2026

කුරුලෑ

කුරුලෑ යනු සුලභව දක්නට ලැබෙන සම ආශ්‍රිත රෝගී තත්වයකි. සමේ පවතින රෝම කූප මේද අංශු දූවිලි මියගිය සෛල හෝ බැක්ටීරියා මගින් අවහිර වීම කුරුලෑ ඇති වීමට හේතුවයි. බහුලවම මුහුණේ ඇති වන අතර පපුව පෙදෙස, පිට, උරහිස ආශ්‍රිතව ද ඇති විය හැක. යෞවන වියේ සුලභව ඇති වන නමුත් වයස් භේදයකින් තොරව ඕනෑම අවධියක කුරුලෑ ඇති විය හැක.

බලපාන සාධක / අවදානම් සාධක

·        අධික ලෙස සීබම් නම් සම මගින් ස්‍රාවය වන තරලය ස්‍රාවය වීම

·        රෝම කූප අවහිර වීම

·        බැක්ටීරියා වර්ධනය

·        හෝර්මෝනමය බලපෑම (යෞවන අවධිය, ගර්භනී සමය, ඔසප් සමය, PCOS නම් තත්වය)

·        කුරුලෑ සහිත පවුල් පසුබිමක් පැවතීම

·        ඇතැම් ඖෂධ (හෝර්මෝනමය පෙති වර්ග)

·        මානසික ආතතිය, ආහාර රටා, දින චර්යා

රෝග ලක්ෂණ

·        සුදු පැහැති හෝ කළු පැහැති හෝ සැරව ඇතිව හෝ නැතිව ගෙඩි ආකාරයෙන් හෝ ඉදිමීමක් ලෙස හෝ ගැටිති ආකාරයෙන් ඇති වීම

·        අදාළ ස්ථානය ඇල්ලූ විට වේදනාවක් ඇති වීම

·        කැසීමක් තිබීම

·        සමේ පැහැය වෙනස් වීම/ අවපැහැ වීම

·        සමේ තෙල් සහිත ස්වාභාවයක් පැවතීම

නිසි ලෙස ප්‍රතිකාර නොකිරීම හේතුවෙන් ඇති විය හැකි අවදානම් තත්වයන්

·        සමේ කැලැල් ඇති වීම ( සමේ වලවල් ඇති වීම)

·        කුරුලෑ කැඩීම/ මිරිකීම නිසා ආසාදන තත්වයන් ඇති වීම

·        කුරුලෑ නිසා මානසිකව බිද වැටීම

·        නිදන්ගත කුරුලෑ තත්වයන්

ක්ලම්බෝ හෙල්ත් සෙන්ටර් වන අප කුරුලෑ ඇතුලු සියලු ආකාරයේ සම ආශ්‍රිත රෝග සදහා ප්‍රතිකාර කරන්නෙමු. එක් එක් පුද්ගලයාගෙන් පුද්ගලයාට වෙනස් වූ රෝග ලක්ෂණ හා රෝග මූලයන් හදුනා ගනිමින් ඒ සදහාම සුවිශේෂි වූ ස්වාභාවික ඖෂධ පමණක් භාවිතා කරමින් සාර්ථකව ප්‍රතිකාර කරන්නෙමු. උග්‍ර ලෙස පවතින කුරුලෑ සදහා තවත් සුවිශේෂි වූ සායනික චිකිත්සා ක්‍රමයන් ද භාවිතා කරන්නෙමු.

අපගේ ඖෂධ මගින් කුරුලෑ සුවපත් කිරීම පමණක් නොව ශරීර අභ්‍යන්තරම දක්වා ගමන් කර සිරුරේ ඇති විෂ ද්‍රව්‍ය ද ඉවත් කරමින් පුර්ණ සුවයක් අත් දෙනු ලැබේ.

එබැවින් ඔබත් කුරුලෑ හේතුවෙන් පීඩා විදිනවා නම් අදම අප හා එක් වී පූර්ණ සුවයක් අත් විදින්න.

O11 2 72 72 14 | 077 16 77 122

28/02/2026

නහර ගැට ගැසීම (වෙරිකෝස් වෙයින්ස්)

නහර ගැට ගැසීම යනු අද සමාජයේ බහුලව දක්නට ලැබෙන රෝගී තත්වයකි. ශරීරයේ විවිධ ස්ථාන වල සිට හදවත දක්වා රුධිරය රැගෙන යන රුධිර  වාහිනි වල ඇති කුඩා කපාටයන් වල ක්‍රියාකාරිත්වය දුර්වල වීම මෙයට ප්‍රධාන හේතුවයි. ඒ හේතුවෙන් රුධිර වාහිනි වල රුධිරය එකතු වී ඒවා ඉදිමීමක් හෝ ඇඹරීමක් ආකාරයෙන් තද නිල් හෝ දම් පැහැ ආකාරයෙන් දිස්වේ. ශරීරයේ විවිධ ස්ථාන වල මෙය ඇතිවිය හැකි අතර කකුලේ හා පාදයේ බහුලවම දක්නට ලැබේ.

රෝග ලක්ෂණ

·        දගර ගැසුණු/ ඉහළට එසවුණු දම් හෝ තද නිල් පැහැති රුධිර වාහිනි

·        වේදනාවක් දැනීම (මෙය පුද්ගලයාගෙන් පුද්ගලයාට දැනෙන ආකාරය වෙනස් විය හැක)

·        නහර ගැට ගැසුණු ස්ථානයන් ආශ්‍රිතව දැවිල්ලක් හෝ කැසීමක් පැවතීම

·        කකුල හෝ විලුඹ ආශ්‍රිතව ඉදිමීම

·        මස් පෙරළීම/ කෙන්ඩා පෙරලීම (විශේෂයෙන් රාත්‍රී කාළයේ)

·        ඒ ආශ්‍රිත ස්ථානයන් හි සම අවපැහැ (කළු) වීම

අවධානම් සාධක

·        වයස

·        කාන්තාවක් වීම(හෝර්මෝන, උපත්පාලන පෙති, ගර්භනීභාවය)

·        නහර ගැට ගැසීම හා සම්බන්ධ පවුල් පසුබිමක් පැවතීම

·        ස්ථූලතාවය

·        ගර්භනීතාවය

·        දිගු වේලාවක් සිට ගෙන හෝ හිද ගෙන සිටීම

·        ව්‍යයාම් නොකිරීම

නිසිලෙස ප්‍රතිකාර නොකිරීමෙන් ඇති විය හැකි අවදානම් තත්වයන්

·        නිදන්ගත වේදනාව

·        තුවාල ඇති වීම

·        රුධිර වහනය වීම

·        රුධිර කැට ගැසීම හා ඒ ආශ්‍රිත අවදානම් තත්වයන් ඇති වීම

ක්ලම්බෝ හෙල්ත් සෙන්ටර් වන අප නහර ගැට ගැසීමේ තත්වය සාර්ථක ලෙස සුව කර ඇත. ස්වාභාවික අමුද්‍රව්‍ය යොදා ගනිමින් සකසන ලද ඖෂධ භාවිතා කරමින් සහ ඒ සදහාම සුවිශේෂි වු සායනික චිකිත්සා ක්‍රමවේදයන් භාවිතා කරමින් අතුරු ආබාධ වලින් තොරව සම්පූර්ණ සුවයක් අත් කර දෙන්නෙමු. සැත්කම් වලට නොයා අදම අප හා එක් වී සාර්ථක සුවයක වෙනස අත් විදින්න.

අමතන්න

011 2 727 214

077 16 77 122

25/02/2026

අර්ශස්

අර්ශස් යනු අද සමාජයේ බහුලව අසන්නට ලැබෙන රෝගී තත්වයකි. මහා අන්ත්‍රයේ හා ගුද මාර්ගය ආශ්‍රිතව ඇති රුධිර වාහිනි වල ඇතිවන ඉදිමීමක් හේතුවෙන් මෙම තත්වය ඇති වේ. අර්ශස් ගුද මාර්ගයෙන් ඇතුළත හෝ පිටත ඇති විය හැක.

බලපාන සාධක

මහා අන්ත්‍රය ආශ්‍රිතව පීඩනයක් ඇති වීම මෙම රෝගී තත්වයට හේතු වන ප්‍රධාන සාධකය වන අතර ඒ සදහා පහත කාරණා දායක වනු ඇත.

·        මළපහ කිරීමේදී අධික ලෙස තැටමීම

·        නිදන්ගත මළබද්ධය හෝ පාචනය

·        දිගු වේලාවක් වාඩි වී සිටීම

·        ස්ථුලතාවය

·        ගර්භනීභාවය

·        සුළු ලෙස තන්තුමය ආහාර ගැනීම

·        අධික බර ඉසිලීම

·        අර්ශස් සහිත පවුල් පසුබිමක් තිබීම

අභ්‍යන්තර අර්ශස් වල රෝග ලක්ෂණ

·        මළපහ සමග රුධිරය පිට වීම

·        මළපහ කිරීමේදී වේදනාවකින් තොරව රුධිරය පිට වීම

·        අර්ශස් ගෙඩි නොහොත් ගුද කීල ගුද මාර්ගයෙන් එළියට පැමිණීම

භාහිර අර්ශස් වල රෝග ලක්ෂණ

·        වේදනාවක් තිබීම විශේෂයෙන් වාඩි වීමේදී

·        ගුද මාර්ගය ආශ්‍රිතව ඉදිමීම

·        ගුද මාර්ගය ආශ්‍රිතව කැසීම

·        රුධිර වහනය

·        ගුද මාර්ගය ආශ්‍රිතව තද ගැටිත්තක් ආකාරයෙන් තිබීම

නිසිකලට නිසි ලෙස ප්‍රතිකාර නොකිරීම හේතුවෙන් ඇති විය අවදානම් තත්වයන්

·        අධික රුධිර වහනය නිසා රක්ත හීනතාවය ඇති වීම

·        ගුද මාර්ගය ආශ්‍රිතව ආසාදනයන් ඇති වීම

·        නිරායාසයෙන් හෝ නොදැනුවත්කමින්ම මළපහ පිට වීම

·        දීර්ඝකාලීනව ගුදය ආශ්‍රිතව ඇති වන අපහසුතාවය

·        අර්ශස් ගෙඩි හෝ ගුද කීල සදාකාලිව ගුද මාර්ගයෙන් එළියට නෙරා තිබීම

අර්ශස් යනු නිසි ප්‍රතිකාර මගින් නිට්ටාවටම සුව කළ හැකි රෝගී තත්වයකි.

ක්ලම්බෝ හෙල්ත් සෙන්ටර් වන අප අර්ශස් රෝගීන් බොහෝ ප්‍රමාණයක් සාර්ථකව සුව කර ඇත්තෙමු. ස්වාභාවික අමුද්‍රව්‍ය පමණක් යොදා ගනිමින් සකසන ලද අපගේ ඖෂධ රෝග මූලය දක්වාම ගමන් කර අතුරු අබාධ වලින් තොරව ක්‍රමක් ක්‍රමයෙන් සුව කරන්නේය. තවද ඖෂධ පමණක් නොව ඒ හා සම්බන්ධ සුදුසු ජීවන රටා ද හදුන්වා දෙමින් ඔබව කායික ව මෙන්ම මානසිකවද සුවපත් කරන්නෙමු.

ඔබත් අර්ශස් රෝගී තත්වයෙන් පෙළෙනවා නම් සැත්කම් වලට යෑමට පෙර අප හා එක් වී සාර්ථක සුවයක් අත් කර ගන්න.

අමතන්න

011 2 72 72 14 |  077 16 77 122

21/02/2026

ඉරුවාරදය - හුදෙක් හිස වේදනාවක් නොවේ, එය ඔ‍බේ මුලු සිරුරටම හානි ගෙන දෙන රෝගී තත්වයකි.

ඉරුවාරදය  යනු ස්නායුගත රෝගී තත්වයක් වන අතර එය ඇති වූ විට මිනිත්තු කිහිපයක් හෝ  ඇතැම් විට දින කිහිපයක් ද පැවතිය හැක. සාමාන්‍යයෙන් හිසෙහි එක් පෙදෙසක් පුරා  පැතිර යන මෙම වේදනාවට අමතරව,

• කටුවකින් අනින්නාක් බදු හිස වේදනාවක් පැවතීම.
• වමනය හෝ  ඔක්කාරය
• ආලෝකය, ශබ්දය හෝ  විවිධ සුවද වර්ග සදහා  සංවේදීතාවයක් පෙන්වීම.
• බොද බව / පෙනීමේ අපහසුතාවය
• වෙහෙස බව,  යනාදි රෝග ලක්ෂණයන් ද පෙන්නුම් කරනු ලැබේ.

ඉරුවාරදය ට බලපාන සාධක ලෙස

• මානසික පීඩනය
• හෝර්මෝන වෙනස් වීම්
• නින්ද අඩු බව
• සමහර කෑම බීම ( චොකලට්, චීස්, කෝපී, මයෝනයිස්)
• සමහර කාලගුණ තත්වයන්,  ආදි වශයෙන් දැක්විය හැක.

නිසියාකාරව ඉරුවාරදය සදහා  ප්‍රතිකාර නොකීරිමෙන් පසුකාලීනව දරුණු ආකාරයේ නොයෙකුත් ලෙඩ රෝග වලට මුහුණ දීමට සිදු වනු ඇත. ඉන් කිහිපයකි නම්,

• නිදන්ගත හිසේ කැක්කුම
• ආඝාතය වැනි රෝගී තත්වයන් ඇති විමේ අවධානම
• ඖෂධ  අතිභාවිතය හේතුකොට ගෙන ඇතිවන හිසරදය
• මානසික ආතතිය හෝ  විෂාදය

නිසි ලෙස නිසි ප්‍රතිකාර වලට යොමු වීමෙන් ඉරුවාරදය සම්පූර්ණයෙන්ම සුව කළ හැක.

ක්ලම්බෝ  හෙල්ත් සෙන්ටර් වන අප වෙත පිවිස ඉරුවාරදය සදහා  සම්පූර්ණ සුවයක් අත් කර ගන්න.

ස්වභාවික අමුද්‍රව්‍ය වලින් සකස් කරන ලද අපගේ ඖෂධ රෝග මූලය දක්වාම ගමන් කරන අතර කෙටි කාලීනව රෝග ලක්ෂණ වලින් මිදිමට වඩා  දිගුකාලීන සම්පූර්ණ සුවය අත් කර දෙනු ලැබේ.

අතුරු ආබාධ වලින් තොර අපේක්ෂාවෙන් ඔබ්බට ගිය ස්වාභාවික සුවයක් අත් දැකීම සදහා  අදම අප වෙත පිවිසෙන්න.

අමතන්න -  011 2 727 214
                     077 16 77 122

19/02/2026

අම්ලපිත්ත (ගැස්ට්‍රයිටීස්)

ගැස්ට්‍රයිටීස් යනු බාල මහළු සෑම කෙනෙකු අතරේ සුලභවම දක්නට ලැබෙන රෝගී තත්ව ආකාරයකි. ආමාශය ආස්තරණය කරනු ලබන සියුම් ස්ථරය හානි වීම මෙම රෝගී තත්වයට හේතුවයි.

බලපාන සාධක

• හෙලිකෝබැක්ටර් පයිලොරි බැක්ටීරියා ආසාදනය
• අධික ලෙස මත්පැන් පානය කිරීම
• දීර්ඝකාලීනව භාවිතා කරන වේදනා නාශක හෝ අනෙකුත් බෙහෙත් වර්ග
• මානසික ආතතිය/ කලකිරීම
• අධික ලෙස තෙල්, මිරිස් අන්තර්ගත ආහාර ගැනීම

රෝග ලක්ෂණ

• බඩ හෝ පපුව දැවිල්ල
• වමනය / ඔක්කාරය
• කෑම අරුචිය
• බඩ පිපුම
• සුළු ප්‍රමාණයක් ආහාර ගත් විට ඉක්මනින් බඩ පිරීයාම

නිසි ආකාරව නිසිකලට ප්‍රතිකාර නොකිරීමෙන් අම්ලපිත්ත රෝගය දරුණු ආකාරයේ රෝග ඇති කිරීමට හේතු වේ. ඉන් කිහිපයක් නම්

• ආමාශයේ තුවාල ඇති වීම
• ආමාශයේ රුධිර වහනයන් ඇති වීම
• නිදන්ගත අම්ලපිත්ත රෝගය
• පර්නීසියස් ඇනිමියා නම් රෝගය
• ආමාශගත පිළිකා ඇති වීමේ අවධානම
• ආහාර ජීර්ණය වීමේ දුර්වලතා ඇති වීම

ක්ලම්බෝ   හෙල්ත් සෙන්ටර් වන අප  අම්ලපිත්ත රෝගය වෙනුවෙන්ම සුවිශේෂි වූ ස්වාභාවික ප්‍රතිකාර ක්‍රමයන් සකස් කර ඇත්තෙමු. අතුරු ආබාධ වලින් තොර වූ අපගේ ඖෂධ රෝග මූලය දක්වාම ගමන් කර ආමාශ ආස්තරණය සුව කර නැවත යථා  තත්වයට පත් කරනු ලැබේ.

පුද්ගලයාගෙන් පුද්ගලයාට  වෙනස් වූ සුවිශේෂි ප්‍රතිකාර ක්‍රමයන් මෙන්ම නව මාදිලියේ ජීවන රටා  ද ඒ සදහා ම සුවිශේෂි වූ ව්‍යායාම් රටා  ද හදුන්වා  දෙමින් අම්ලපිත්ත රෝගය සම්පූර්ණයෙන්ම සුව කරන්නෙමු.

අප හා  අදම එක් වී අපේක්ෂා වෙන් ඔබ්බට ගිය සුවයක වෙනස වටහා  ගන්න.

අමතන්න
011 2 727 214
077 16 77 122

18/02/2026

RAMADAN KAREEM✨️

09/02/2026

International Epilepsy Day is observed to raise awareness about epilepsy, reduce stigma, and promote understanding and support for those living with the condition. It reminds us that epilepsy is a manageable neurological disorder and that with proper treatment, care, and social acceptance, people with epilepsy can lead healthy and fulfilling lives. By spreading awareness and compassion, we help build a more inclusive and informed society.

 
ජාත්‍යන්තර අපස්මාර දිනය

සෑම වසරකම පෙබරවාරී මස දෙවැනි සදුදා දිනයට ජාත්‍යන්තර අපස්මාර දිනය යෙදී තිබේ. අපස්මාරය යනු ස්නායුගත රෝගී තත්වයක් වුවත් නිවැරදි ඖෂධ ප්‍රතිකාර හා එම රෝගීින් කෙරෙහි සමාජයීය වශයෙන් ඇති වගකීම් පිළිබදව සැලකිලිමත් වීම මගින් අපස්මාර සහිත රෝගීන් ට සුවබර ජීවන රටාවක් ගත කළ හැක. අපස්මාර රෝගී තත්වය පිළිබදව දැනුවත් වෙමු. අපස්මාර රෝගී තත්වය සහිත පුද්ගලයන් හදුනා ගන්මින් ඔවුනට සහයොගය දක්වමින් එක් පවුලක් මෙන් ජීවත් වීමට කටයුතු කරමු.

ජාත්‍යන්තර අපස්මාර දිනයට සමගාමීව ක්ලම්බෝ හෙල්ත් සෙන්ටර් විසින් සිදු කරනු ලබන මතක් කිරීමකි.

04/02/2026

World Cancer Day – 4 February

Together, we can make a difference. Through awareness, early detection, and healthier lifestyle choices, many cancers can be prevented or treated successfully. Let’s stand united in hope, support those affected, and commit to a future where cancer no longer defines lives.

 

ලෝක පිළීකා දිනය - පෙබරවාරී 04  2026

එකමුතුවෙන් අප සැමට  සැබෑ වෙනසක් සිදු කළ හැක.

නිවැරදි දැනුවත් කිරීම්, පූර්ව වෛද්‍ය පරීක්ෂණ සහ යහපත් වූ ජීවන රටා පිළිපැදීමෙන් බොහෝ පිළිකාමය තත්වයන් වළක්වා ගත හැකි අතර සාර්ථකව ඖෂධ ඔස්සේ සුවපත් කළ හැක.

එක් අරමුණක් උදෙසා අපි එකිනෙකා වෙනුවෙන් නැගී සිටිමු. පිළිකා රෝගයෙන් පීඩා විදින රෝගීන් හට උපකාර කරමු. පිළිකා වලින් තොර සමාජයක් බිහි කිරීම මෙන්ම පිළිකා රෝගයට අපගේ ජීවිත කාලය නිර්ණය කිරීමට ඉඩ නොතබමු. 

ලෝක පිළිකා දිනයට සමගාමීව ක්ලම්බෝ හෙල්ත් සෙන්ටර් විසින් සිදු කරනු ලබන මතක් කිරීමකි.