Animal Clinic Dr Thamara Niwunhella

01/01/2022

22/06/2021

ඊයේ රෑ news වලට කිව්ව මේ රෝගය කුඩා දරුවන් අතර පැතිර යාමේ සම්භාවිතාවය මේ දිනවල වැඩි වී ඇති බව...ඉතින් මේක බල්ලන් සහ පූසන් සම්බන්ධ රෝගයක් නිසා මන් පොඩි සටහනක් තියන්න හිතුව පශුවෛද්‍යවරියක් විදියට..

Toxocariasis කියන්නෙ Toxocara canis Toxocara cati කියන රවුම් පනණුවන්ගේ ආසාදනයක්..

මිනිසුන්ට මෙය ආසාදනය වීමට නම් මෙම පණු ආසාදනය සහිත බල්ලන්ගේ හෝ පූසන්ගේ මලපහ මුඛ මාර්ගයෙන් ශරීරගත විය යුතුය. එය අපවිත්‍ර කෑම හෝ අත් මගින් සිදුවිය හැකිය.

මෙය වලක්වා ගැනීම ඉතාමත් පහසුයි.

ඔබේ ගෙදර ඇතිකරන සුරතලා නිසි කාලසීමාව තුලදී පණුහරනය කරන්න.

**මාස තුනට අඩු පැටවුන් සති දෙකකට වරක් පණුහරණය කල යුතුය.

**මාස තුනට වැඩි සතුන් මාස දෙකකට වරක් පණුහරනය ප්‍රමාණවත් වේ..නමුත් එහිදී නිවැරැදි ඖෂධ භාවිතා කරන්න.මිනිසුන් භාවිතා කරන පණුනාශක සතුන්ට ප්‍රමාණවත් නොවේ.
බර අනුව නිවැරැදි මාත්‍රා ලබාදීම ඉතා වැදගත් වේ. ෆාමසි වලින් බොහෝ විට වැරදි ඖෂධ මෙන්ම වැරදි මාත්‍රා ලබා දී තිබෙනු මට හමු වී ඇත.එනිසා පශුවෛද්‍ය උපදෙස් ගෙන නිවැරැදි ඖෂධ ලබා දෙන්න.

මෙලෙස නිසි ඖෂධ මගින් නිසි කාලසීමාව තුල පණුනාශක ලබාදීමෙන් ඔබේ දරුවා සුරතලාගෙන් ඈත් කර තැබීමට තරම් බිය විය යුතු නැත.

මෙම රෝග තත්වය වලක්වා ගැනීමට පහත ක්‍රියාවන්ද පිළිපැදීම වැදගත්‍;

-බල්ලන් පූසන් මලපහ කරන ස්තාන වල ක්‍රීඩා කිරීම වැලැක්වීම.
-එලිමහනේ ක්‍රීඩා කිරීමෙන් පසු දෑත් සේදීම.
-සුරතලුන්ගේ මලපහ නිසි පරිදි බැහැර කිරීම.

මෙවැනි සෞඛ්‍ය ආරක්ශිත ක්‍රම පිලිපැදීම තුලින් මෙම රෝගය ගැන අනිසි බියක් ඇති කර ගත යුතු නැත.

පශුවෛද්‍ය ප්‍රශාෂිනී ප්‍රනාන්දු

🐈🐕

01/01/2021

HAPPY NEW YEAR !!!❤️ 2021 ❤️

To sort your life, to bring some happiness in your life, to be happy…. All you need is a cute dog to make this dream come true for you.

18/12/2020

Book a Home Visit ! We come to your doorstep 071 3925589

DELGODA https://maps.app.goo.gl/GKMVNqCU4TUVncWFA?fbclid=IwAR2h0yqcHLLT4IsP7aKXSiJ0vD4F8VEMMg6rnp3rfNC3pjAEBBOW6n_OjfI

DEKATANA https://goo.gl/maps/M8TDksD7Rs8hRZZu8?fbclid=IwAR3udbqbCqFxNQghUeqZFRaj_gPSwjQSlGTNS3PoAjQCzi0qdD2sZkmDhbw

14/12/2020

ජලභීතිකා රෝගය ගැන දන්නවාද ?
ජලභීතිකා රෝගය ලොව පුරා රටවල් 150ක පමණ ව්‍යාප්තව ඇති අතර වසරකට පුද්ගල මරණ 55000 කට වඩා වැඩි ප්‍රමාණයක් වාර්තා වේ.ඉන් 95% පමණ වාර්තා වන්නේ ආසියා සහ අප්‍රිකා මහද්වීප වලිනි. ශ්‍රී ලංකාව තුල වසරකට 80 -100 අතර පුද්ගල මරණ ජලභීතිකා රෝගය නිසා සිදු වී ඇත.

 ජලභීතිකා රෝග කාරකය
RNA වයිරසයක් මගින් රෝගය හටගන්නා අතර සියලු ක්ෂීරපායි සතුන් මගින් රෝගය වාහක විය හැකිය. සුරතල් සතුන් ලෙස ඇති කරන සුනඛයන් සහ පුසන් මගින් ප්‍රධානවම මිනිසුන් හට රෝගය සම්ප්‍රේෂණය විය හැකිය. මීට අමතරව ලේනුන්,හාවන්,ඌරන්,එළුවන්,හරකුන් වැනි ගෘහාෂිත සතුන්ටද නරි,මුගටි,අලි,වවුලන් වැනි වන සතුන්ටද රෝගය සෑදීමට ඉඩකඩ පවතී.මිනිසුන් සමග වැඩි සබඳතාවක් ඇති සුනඛයන් පිලිබඳව වැඩි අවධානයක් මෙහිදී යොමු කෙරේ.

 ජලභීතිකා රෝගය ඇති සතෙකු අදුනාගන්නේ කෙසේද?
රෝග ආකාර 02කි.

01) paralytic form (Dumb form)
මුළු ගැන්වී සිටීම
අඳුරු සහිත ස්ථාන වලට වී සිටීම
අස්වාභාවික තැතිගැන්ම

02)furious form
කෙළ වගුරවයි
ගිලීමට අපහසුයි
ඇස් රතු වී කඳුළු ගැලීම

 ආසාදනය වන්නේ කෙසේද?
රෝගය පවතින සතෙකුගේ ඛේටයේ පවතින වයිරසය සතා විසින් පුද්ගලයකු සපා කෑම ,ලෙව කෑම හෝ සීරිම මගින් රෝග කාරකය ශරීරයට ඇතුළු වීම සිදු වේ. වයිරසය ස්නායු පද්ධතියට බලපාන අතර එය මොලය වෙත සම්ප්‍රේෂණය වීම සිදු වේ. මේ සදහා ගත වන කාලය සති 2, මාස කීපයක් හෝ ඊට වඩා වැඩි කාලයක් විය හැකිය.

 සපා කෑමකදී/සිරිමකදී කල යුතු දේ
ගලා යන ජලයෙන් විනාඩි 10ක් පමණ හොඳින් සබන් යොදා සෝදන්න.
බෙටඩින් දියර ගැල්වීම සිදුකල හැකිය.
ලගම ඇති මහා රෝහල වෙත යා යුතුයි.(එහිදී අදාල වෙයිද්‍ය විසින් එන්නත් කල යුතුද නැද්ද යන්න තිරණය කරනු ලැබේ. සමහර අවස්ථා වලදී සපාකෑම සිදුකල සුනකයා දින 14ක් අධීක්ෂණය කල යුතු වෙයි)

 රෝගය වලක්වා ගැනීම

මෙහිදී සුරතල් සතුන් නිවැරදිව එන්නත් කිරීම ඉතා වැදගත් වේ. බල්ලන් එන්නත් කිරීම වයස සති 6දී සිදු කල යුතුය.
අනවශ්‍ය සපාකවාගැනීම් අවම කරගත යුතුය.මෙහිදී සුරතල් සතුන්ගේ ගති ලක්ෂණ අඳුනා ගැනීම ඉතා වැදගත්ය.සමහර සතුන්ට ඉක්මනින් කේන්ති යන අතර ඉක්මනින් සපා කෑමට පෙළඹේ.පැටවූ දම සිටින,කිරි දෙන,නිදා සිටින සතුන්ද ඉක්මනින් සපා කෑමට පෙළඹේ.සතුන්ගේ ඇස් දෙස එක එල්ලේ බැලීම නොකළ යුතුය.

 සාම්පල පරික්ෂාව
ජලභීතිකා රෝගය සැදී ඇතැයි සැක කරන සතාගේ හිස කොටස කොළඹ වෙයිද්‍ය පර්යේෂණ ආයතනය වෙත සතා මියගොස් පැය 8ක් ඇතුලත රැගෙන යා යුතුය.එසේ නොහැකි නම් හිස කොටස වෙන් කොට කාන්දු නොවන පොලිතින් කවරයක දමා එය අයිස් සහිත බහාලුමක දමා පැය 24ක් ඇතුලත එම ආයතනය වෙත රැගෙන යා යුතුය.එම ආයතනයේ ලිපිනය සහ විස්තර පහත දැක්වේ.
P.O. Box no.527,
Dr.Danister de Silva Mawatha(Baseline road),
Colombo 08
Tel: 0112693532
0112693527