Sathbudhu Maha Seya Ella

අක්කර 48 කට වැඩි භූමි භාගයක කිලෝමීටර් 4 ක් පමණ කඳු මුදුනට නැගුණු විට ඌව පළාතේ උසම දාගැබ බණ්ඩාරවෙල - කුඹල්වෙල ශ්‍රී බෝධි පර්වතයේ පිහිටි සිරි ඉන්දික සමන් සත් බුදු මහා සෑය ගත වූ සියක් කල්පයක් තුළ ලොව පහළ වී වදාළ සත් බුදු රජාණන්වහන්සේලා පුද දෙනු පිණිස නිර්මාණය වෙමින් පවතී.

නමුණුකුල කඳු පන්තිය ප්‍රධාන කර ගත් දර්ශනීය කඳු යායකින් වට වූ සුන්දර පරිසරයේ පිහිටි සත් බුදු මහා සෑය නිර්මාණ කාර්යයේ දී ප්‍රදේශ

යට අධිගෘහිත සිරි ඉන්දික දිව්‍ය රාජයාණන් ද සුමන සමන් දිව්‍ය රාජයාණන් ද සැදැහැවත් උපකාර සලසා වදාළ බැවින් උන්වහන්සේලාගේ ශ්‍රී නාමයන් ද මහා සෑයේ නමට එක්කර ඇත.

2006 වසරේ ඓතිහාසික ඌව වෙල්ලස්ස පුරවරයේ ආරම්භ කරන ලද මහමෙව්නා අසපුවේ සත් බුදු මහා සෑය ගොඩනැංවීමේ කටුයුතු 2011 වර්ෂයේ දී ආරම්භ විය.

2018 වසරේ නොවැම්බර් මස 18 වන ඉරු දින හිමිදිරියේ ත්‍රිවිධ මංගල්‍යය, දම්සක් දෙසුම, සමනොළ ගිරි හිස ශ්‍රී පාද පද්මය පිහිටුවීම ආදී සම්බුද්ධ චරිතයේ විශේෂ අවස්ථා ඇතුලත් චිත්‍ර, පිළිම නිර්මාණ හා නොයෙක් රන් ලියකම්, නිර්මාණ ආදියෙන් අලංකෘත සත් බුදු මහා සෑයේ ධාතු ගර්භය තුළ ශ්‍රී සර්වඥ ධාතු මංජුසා තැම්පත් කර ගර්භයේ රන් ද්වාර වසා ශක්තිමත් ආරක්ෂාවක් සැලැස්විය.

මෙරට බෞද්ධයන්ගේ ධර්ම මාර්ගයේ දියුණුව උදෙසා මෙන්ම විදේශිකයන්ගේද මානසික සුවතාවය උදෙසා සංචාරය සඳහා ද කුඹල්වෙල මහමෙව්නාව අසපුව විවෘතව පවතී. මනරම් උඩරට දුම්රිය මාර්ගයේ පැමිණ ඇල්ල දුම්රිය ස්ථානයෙන් බැස මේ සොබා සෞන්දර්යාත්මක අඩවියට ඇතුල් විය හැකිය.