30/11/2024
🔴 කර්මයක මහත
මේ ඔබ දකින්නේ වයස විසි හතරක තරුන දරුවෙක් මෙයාට මේ තරම් තුවාල ආවේ කොහොමද ? මොකද උනේ ? අපි හැමෝටම දැක්කම හිතෙන දෙයක් මේ තියෙන්නේ ඇඳ තුවාල,(Bedsores)එහෙනම් එක තැනක ඉන්න ළමයෙක් වෙන්නෙති, එහෙම හිතෙනවා නේද? ඔව් එක තැනක ඉන්න ළමයෙක් තමයි නමුත් ඔහු වටා ගෙතුනු කතන්දරය ඉතාමත් ශෝච නීයයි.
ඔහු ඉගෙනගෙන තියෙන්නෙ අට වසරට පමණි. කුලී වැඩ කරල ජිවත් වුන කෙනෙක්‌. දිනක් කුලියට පුවක් ගහකට නැග ඇත්තේ පුවක් වල්ලක් කැඩීමටයි. පුවක් වල්ල කපාගෙන බහිනවිට ගහේ සිටී කුරුල්ලෙක් කෑගසන ශබ්දය ඇසී නැවත ගසට නගී බලන විට සර්පයෙක් කුරුළු පැටියෙක් කටේ තියාගෙන ඉන්නවා දැක ඇත, අනිත් කුරුල්ලන් සහ කුරුලු අම්මා කෑගසා ඇති නිසා හිතට ශක්තිය ගත්ත ඔහු කුරුලූ පැටියා කටින් මුදවා ගන්න සර්පයාගේ බෙල්ල අල්ලා තදකරන විට සර්පයා ඔහුගේ අතවටා එතුනා ඒ සමග පිබින්නටද පටන්ගත්හ, ගැරඩියෙක් කියලා හිතලා බෙල්ලෙන් අල්ලපු ඔහුට තරු පෙනුනා දෙයියනේ නයෙක් !!!
ඒ පිබින වේගයට තද කරගෙන හිටපු බෙල්ල බුරුල් වෙන්න පටන්ගත්තා. බයට පත් ඔහු හයියෙන් අත ගැසුවා, නයා විසිවෙලා ගියා. ඒ සමගම මේ දරුවා ගස මුල ඇදගෙන වැටුනා. එදා ඉදන් ඉනෙන් පහල පන නැහැ, කෑම කන්නේ දින දෙකකට සැරයක්, වතුර පහසුකම් නැහැ, වැහි වතුර එකතු කරලා ප්‍රොයෝජනයට ගන්නේ, අම්මා නැහැ, සහෝදරයෝ නැහැ, ආච්චි එක්ක ඉන්නේ, තුවාල හෝදන්නේ වැහි වතුර වලින්, ඉතාමත් දරිද්‍රතාවයෙන් ජීවත් වෙන්නේ. අවසානයේ (NGO) එකක් හරහා මා වෙත තුවාල සඳහා යොමුවූනා.
මම ඇහුවා, මොකටද සර්පයාගේ බෙල්ලෙන් ඇල්ලුවේ අතේ තිබුණු පිහියෙන් ගහන්න තිබුනනේ කියලා, ඔහුගේ උත්තරය වුනේ, මම ගියේ කුරුල්ලා බේරගන්න, සර්පයා මරලා කුරුල්ලා බේරාගෙන වැඩක් නැහැනේ, සත්තු මරණ එක පවුනේ, මම නිරුත්තර වුනෙමි.
ඔහු මේ ආත්මායේ කරනලද කර්මය ඉතාමත් පිරිසිදුයි, නමුත් පෙර කරනලද කර්මය ඔහු පසුපස ඇවිත් පඩිසන් දුන්නා...
