18/10/2020
ප්රතිශක්තීකරණය ඉහළ නැංවීම ආයුර්වේදය හා කොරෝනා
=====================================
අපි හැමෝම දන්නවා, මේ වන විට ශ්රී ලංකාව තුළ මෙන්ම ලෝකය පුරාම ජන ජීවිතය බොහෝ සෙයින් අඩාල වෙලා තිබෙන බව
Corona හෙවත් Covid-19 රෝගය බරපතළ ලෙස සමාජය තුළ පැතිර යාම මෙසේ ජන ජීවිතය අඩාල වීම සඳහා ප්රභලව බලපා තිබෙනවා.
මේ බෝවන රෝග ගණයේ කොරෝනා වෛරසය සඳහා ප්රත්යක්ෂ ඖෂධයක් නිපදවීම, සංස්කරණය කිරීම සම්බන්ධව ලෝකයම මෙතෙක් අපොහොසත්ව සිටිනවා.
ඒ අනුව මෙහිදී අපගේ උදව්වට පැමිණෙන්නේ අපගේ ප්රතිශක්තිකරණ පද්ධතිය ම පමණයි. බෝවන රෝගයක් සලකද්දී ශක්තිමත් ප්රතිශක්තිකරණ පද්ධතියක් සතු පුද්ගලයා එම රෝගය කෙරෙහි ප්රතිරෝධී වේ, නැතහොත් එම රෝගය මගින් එම පුද්ගලයාට සිදු කළ හැකියි හානිය අවමය.
එබැවින් පුද්ගලයකුගේ ප්රතිශක්තිකරණය ඉහල දැමිය හැකි පුද්ගලචර්යා ආහාර පාන මෙන්ම ඖෂධ සංස්කරන කාලීනව ඉතා වැදගත්ය.
අනෙක් සියලු වෛද්යකර්ම සලකද්දී, ආයුර්වේද වෛද්යක්රමය තුල පුද්ගලයකුගේ ව්යාධික්ශමත්වය ඉහල නැංවිය හැකි ඔසු බොහොමයක් ගැන සකච්චාකරන්නෙ
ආයුර්වේද විද්යාව තුල රෝග වැලැක්වීමටත් වැලඳීමෙන් වැලකීසිටීමටත් දී ඇත්තේ සමාන වටිනාකමක් නිසාවෙනි.
එවැනි පුද්ගල චර්යා හා ආහාර ගැන වෙනම ලිපියක් මගින් සාකච්චා කරමු.
ඒ අනුව මේ වන විටත් ප්රත්යක්ෂව ආයුර්වේදය තුළ තුල ඔබගේ ප්රතිශක්තිකරණ ශක්තිය වර්ධනය කිරීම සඳහා භාවිත ඖෂධ සංයෝග කිහිපයක් සලකා බලමු
ලංකාව තුළ කොවිඩ් 19රෝගය පැතිරුණු අවස්ථාවන් වලදී ප්රායෝගිකව මෙම ඖෂධ භාවිත කොට ඇත.
එබැවින් නිරෝගී ඔබගේ ප්රතිශක්තිකරණය වර්ධනය කර ගැනීමටත් මේ වන විටත් නිරෝධායන තත්ත්වයේ පසුවන අයවලුන්ට හෝ රෝගය ආසාදනය වූ වන්ගේ රෝගී ප්රතිශක්තිකරණය වර්ධනය කර ගැනීම සඳහා මෙම ඖෂධ භාවිතා කළ හැක.
කොවිඩ්-19 රෝගය පැතිරීමත් සමග ම ගම්පහ වික්රමාරච්චි ආයුර්වේද වෛද්ය ආයතනය යටතේ සිදු කෙරුණු ක්රියාවලියේදී ජේශ්ඨ කතිකාචාර්ය වෛද්ය චන්ද්රසිරි වැලිවිට මහතාගේ අධීක්ෂණය යටතේ සිදුවුණු ප්රතිකාර යටතේ දී මෙම ඖෂධය බෙහෙවින් භාවිතා කරන ලදී.
ඖෂධ ද්රව්ය
අමු ඉඟුරු ග්රෑම් 10 යි
කොත්තමල්ලි ග්රෑම් 10 යි
දෙහි කොළ ග්රෑම් 10 යි
යකිනාරං කොළ ග්රෑම් 10
ගම්මිරිස් ඇට ග්රෑම් 5
යකිනාරං කොළ සොයා ගැනීම අපහසු නම් දෙහි කොළ ග්රෑම් 20 ගන්න නමුත් යකිනාරම් කොළ ලබා ගැනීම වඩා ප්රයෝජනවත් වේ.
සාදාගන්නා ආකාරය
=====================================
ඉහත සියලු ද්රව්යයන්ට ලීටර් 1 ක වතුර ප්රමාණයක් දමා ඉන්පසු මිලට 500ට සිඳවා ගන්න එනම් දෙක එකට සිඳවා ගන්න
මාත්රාව
=====================================
වැඩිහිටි අයකු සඳහා වරකට 125ml ක ප්රමාණය පැය හතරකට වරක් භාවිතා කරන්න
එනම් උදේ 8, දවල් 12, සවස4, රාත්රී 8
වයස අවුරුදු 5 ත් 12 ත් අතර කුඩා දරුවන් සඳහා වරකට 60ml බැගින් පැය හතරකට වරක් භාවිත කරන්න.
වයස අවුරුදු 1- 5 ත් අතර සිඟිත්තන්ට වරකට 30ml බැගින් පැය හතරකට වරක් භාවිතා කරන්න.
මෙහි ඇති අනෙකුත් ද්රව්ය හදුනා හඳුනාගැනීම පිළිබඳ ගැටලුවක් ඇති නොවුනත් යකිනාරම් පිළිබඳව හඳුනා ගැනීමට යම් අපහසුතාවයන් පැන නගිනවා ඇත. එබැවින් යකිනාරම් පිළිබඳව කුඩා විස්තරයක් පහත සඳහන් කරමි
යකිනාරං / Atalantia ceylanica 🌿🌿🌿🌿
බහුලව අතු බෙදෙමින් මීටර් 2 දක්වා පමණ උසට වැඩෙන පැඟිරි සහිත කුඩා දේශීය ශාකයක් වන මෙය ඇතැම් විට පඳුරු ආකාරයෙන්ද වර්ධනය වන අවස්ථාවන්ද වෙයි. කඳේ සහ අතුවල ලාක්ශනික දික් කටු පිහිටා ඇත. ළපටි පත්ර ළා කොළ හෝ කහ පැහැති වන අතර මේරූ පත්ර තද කොල පැහැයෙන් යුක්තයි. මල් සුදු පැහැයෙන් යුක්තව පුෂ්ප මංජරියක හට ගනි . යකිනාරං ගෙඩි මාංසල බදරියක් වන අතර ඵලය තුල බීජ ගනනාවක් දක්නට පුලුවනි. ඵලාවරණය පැඟිරි සහිත ග්රන්ථීමය වේ. බීජ මගින් සහ මුල් මගින් ව්යාප්තිය සිදු වේ. යකිනාරං Rutaceae කුලයට අයත් ශාකයකි. යකිනාරං සදහා උඩුදෙහි යන නාමයද ප්රාදේශීය වශයෙන් භාවිතා කරයි.
ප්රතිශ්යාවට ඇදුම සලකද්දී විශේෂයෙන්ම යකිනාරං ශාකයට ඇත්තේ සෙම් ප්රතිශ්යා ඇදුම ආදි ශ්වසන රෝගවලට එරෙහිව ක්රියාකිරීමේ විශේෂ ගුණයකි.
* යකිනාරං කොළ තැම්බූ වාෂ්ප ආග්රහණය කිරීම ප්රතිශ්යායාවට සහනය ගෙනෙයි.
* යකිනාරං බලි තොවිල් ගුරුකම් සඳහා ද යොදාගනු ලැබෙන අතර යාග හෝම ආදියේදී අවශ්යවන පස්පැඟිරි එකතුවට දෙහි , දොඩම් , නාරං , නස්නාරං , සිදරං සමග ගනී.
ඒකීයව යොදා ගන්නා අවස්ථා රැසකි. එමෙන්ම දේශීය දළු අනුපානවල යොදන එක් ඖෂධ වර්ගයක් ලෙස යකිනාරං කොළ සහ පොතු භාවිතා කරයි. ඖෂධීය ශාක කිහිපයක් සමගද යකිනාරං ශාකය ඔසු පිණිස ගන්නා භාවිතයන් රාශියක් තවත් දැක්වෙයි ... !
ශාක විස්තරය අන්තර්ජාලයේ ලිපි අනුසාරයෙන් සැකසුනකි ...
ආයු සුජීවක වෛද්ය මධ්යස්ථානය
කෝන්ගහ පාර
ගාල්ල
0710372996
0704331997
