02/12/2025
ජීවිත සිය ගණනක්, දේපල දාස් ගණනක් විනාශ කරපු අයහපත් කාලගුණය මේ වෙනකොට යහපත් පැත්තට හැරෙමින් තියෙනවා.
හැබැයි සෞඛ්ය අංශ පෙන්වා දෙන්නේ පරිසරය සාමාන්ය තත්ත්වයට පත්වෙමින් තිබ්බත්, සැබෑ සෞඛ්ය අවදානම මතුවන්නේ දැන් බවයි.
මොකද ගංවතුර සහ නායයෑම් නිසා ජල මූලාශ්ර අපිරිසිදු වීම සහ පරිසරය සම්පූර්ණයෙන් දූෂණය වෙලා තියෙන්නේ. මේ නිසා බෝවන රෝග රැසක් පැතිරීමේ අවදානමක් තියෙනවා.
ඔබ ආපදා තත්ත්වයට මුහුණ දුන් කෙනෙක් නම්, එහෙමත් නැත්නම් අසරණ වුණු අපේම මිනිසුන්ට පිහිට වීමය ඉදිරිපත් වුණ, ඉදිරිපත් වෙන්න ඉන්න කෙනෙක් නම් අනිවර්යයෙන්ම මේ උපදෙස් පිලිපදින්න.
1. පානීය ජලය පිළිබඳව දැඩි සැලකිල්ලක් දක්වන්න.
ගංවතුර කාලයේදී ළිං සහ නල ජලය අපිරිසිදු ජලය සමඟ මිශ්ර විය හැක. එබැවින් හෙපටයිටිස් A (කොළ රෝගය), ටයිපොයිඩ් සහ පාචනය වැනි රෝග බහුලව පැතිරේ.
නටවා නිවාගත් ජලය පමණක් පානය කරන්න: ජලය හොඳින් නටන තෙක් රත් කර (මිනිත්තු 1-2ක් පමණ හොඳින් නටවා) නිවාගෙන පානය කරන්න.
ළිං පිරිසිදු කිරීම: ඔබේ ළිඳ ගංවතුරට යට වූවා නම්, ජලය බැස ගිය පසු මෝටර් යොදා ළිඳ හිස් කර, ක්ලෝරීන් යොදා පිරිසිදු කරගත් පසුව පමණක් භාවිතයට ගන්න.
බෝතල් කළ ජලය: හැකි සෑම විටම SLS සහතිකය සහිත බෝතල් කළ ජලය පානය කිරීම වඩාත් ආරක්ෂිතයි.
2. ආහාර සුරක්ෂිතතාව (Food Safety) 🍲
ආහාර මාර්ගයෙන් බැක්ටීරියා ශරීරගත වීම වැළැක්වීමට පහත පියවර ගන්න.
උණුසුම් ආහාර: පිසූ ආහාර කල් තබා නොගෙන, හැකි ඉක්මනින් උණුසුම්ව තිබියදීම ආහාරයට ගන්න.
මැස්සන්ගෙන් ආරක්ෂා වන්න: මැස්සන් බෝවීම ඉහළ යා හැකි බැවින් ආහාර සෑම විටම හොඳින් වසා තබන්න.
අමු ආහාර: පලතුරු සහ එළවළු ආහාරයට ගැනීමට පෙර පිරිසිදු ජලයෙන් කිහිප වරක් හොඳින් සෝදාගන්න. තැලුනු හෝ නරක් වූ කොටස් ඉවත් කරන්න.
ගංවතුරට හසු වූ ආහාර: ගංවතුරට හසු වූ හෝ තෙමුණු වියළි ආහාර ද්රව්ය (සහල්, පරිප්පු, පිටි) කිසිසේත්ම පරිභෝජනය නොකරන්න. ඒවායේ විෂබීජ අඩංගු විය හැක.
3. මී උණ (Leptospirosis) අවදානමෙන් මිදෙන්න 🐀
ගංවතුරත් සමඟ මීයන්ගේ මුත්රා ජලයට එකතු වීමෙන් 'මී උණ' රෝගය වැළඳීමේ විශාල අවදානමක් ඇත.
අපිරිසිදු ජලය පෑගීමෙන් වළකින්න: කුඹුරු, කාණු හෝ මඩ වතුරේ ඇවිදීමෙන් වළකින්න. අත්යවශ්ය නම් පමණක් බූට් සපත්තු (Boots) පළඳින්න.
තුවාල ආවරණය: කකුල්වල හෝ අත්වල තුවාල තිබේ නම්, ජලයට බැසීමෙන් සම්පූර්ණයෙන්ම වළකින්න. බැසීමට සිදුවුවහොත් ජලයට ඔරොත්තු දෙන ප්ලාස්ටර් එකක් මගින් තුවාල හොඳින් ආවරණය කරගන්න.
වෛද්ය උපදෙස් ලබා ගන්න: තද හිසේ කැක්කුමක්, තද උණ ගතියක්, ඇස් රතු පැහැ වීම, පාද සහ මස්පිඩු වේදනාව ඇත්නම් වාහම වෛද්ය උපදෙස් ලබා ගන්න
4. ඩෙංගු මර්දනය (Dengue Prevention) 🦟
වැසි ජලය රැඳී තිබීම නිසා ඩෙංගු මදුරුවන් බෝවීමේ වැඩි ඉඩක් ඇත.
වතුර රැඳෙන තැන්: ඔබේ නිවස සහ ව්යාපාරික ස්ථානය අවට වතුර රැඳී ඇති භාජන, ටයර්, පොල් කටු වැනි දෑ ඉවත් කරන්න.
කාණු පද්ධති: අවහිර වී ඇති කාණු පද්ධති සුද්ද කර ජලය බැස යාමට සලස්වන්න.
ආරක්ෂාව: දවල් කාලයේදීත් මදුරු දැල් හෝ මදුරු විකර්ෂක (Mosquito Repellents) භාවිතා කරන්න.
5. චර්ම රෝග සහ ඇස් රෝග (Skin & Eye Diseases) 👁️
දිලීර රෝග: තෙත ඇඳුම් ඇඳීමෙන් වැළකී සිටින්න. ඇඟිලි කරු අතර පිරිසිදුව හා වියළිව තබා ගන්න.
ඇස් රෝග: "ඇස් ලෙඩ" (Conjunctivitis) පැතිර යා හැකි බැවින්, ඇස්වල කබ කඳුළු ගැලීමක් හෝ රතු වීමක් ඇත්නම් පිරිසිදු වතුරෙන් සෝදන්න. පොදු ස්ථානවල ගැවසීමෙන් වළකින්න. අන් අය භාවිතා කරන තුවා, ලේන්සු භාවිත නොකරන්න.
6. ස්වසන රෝග (Respiratory Issues) 😷
සීතල කාලගුණය සහ දූවිලි අංශු නිසා සෙම්ප්රතිශ්යාව, කැස්ස සහ ඉන්ෆ්ලුවෙන්සා තත්ත්වයන් ඇතිවිය හැක.
පොදු ස්ථානවල ගැවසෙන විට මුව ආවරණයක් (Mask) පැළඳීම වඩාත් සුදුසුය.
කුඩා දරුවන් සහ වැඩිහිටියන් පිනි සහ සීතල සුළංවලට නිරාවරණය වීම අවම කරන්න.
වෛද්ය ප්රතිකාර ලබාගත යුතු අවස්ථා: 🏥
පහත රෝග ලක්ෂණ ඇත්නම් වහාම රජයේ රෝහලක් හෝ සුදුසුකම් ලත් වෛද්යවරයෙකු වෙත යොමු වන්න.
තද උණ, හිසරදය සහ ඇඟපත වේදනාව (මී උණ හෝ ඩෙංගු ලක්ෂණ විය හැක).
මුත්රා තද පැහැ වීම හෝ මුත්රා පිටවීම අඩුවීම.
දිගින් දිගටම පවතින වමනය හෝ පාචනය.
හුස්ම ගැනීමේ අපහසුතා.
සෞඛ්යය තමයි පරම ධනය! මේ පණිවිඩය ඔබේ ආදරණීයයන් සමඟත් බෙදාගන්න.
🌍 සමාජ සේවයට සහභාගී වන සැම පුද්ගලයෙකුට, ආයතනයකට, සියලු දෙනාට සුබ සිරි සම්පන්න නිරෝගී ජීවිතයක් වේවා!🙏
හරිත ආයුර්වේද පියස - ගාල්ල
📞 Phone : 0917 570 970
📱 WhatsApp : 076 335 2001
📌 Location : Haritha Lanka Ayurveda Piyasa (Pvt) Ltd No:467/D, Hiribura Road, Beligaha Junction, Galle
