Department of Health Services, Southern Province.

16/11/2025

31/10/2025

දකුණු පළාත් සෞඛ්‍ය සේවා දෙපාර්තමේන්තුව යටතේ මාතර හා හම්බන්තොට දිස්ත්‍රික්ක වල සේවයේ නියුතු හෙද නිළධාරින්ගේ 2025.9.30 දින වන විට සිදු කල යුතු සේවා ස්ථීර කිරිම්,ශ්‍රේණි උසස් වීම් හා අනෙක් රාජ්‍ය භාෂා ප්‍රවීණතාවය සම්පූර්ණ කිරීම, කාර්යක්ෂම කඩයිම් සහන ලබා දීම ඇතුළු ආයතනික කටයුතු අවසන් කිරීම සඳහා දකුණු පළාත් ප්‍රධාන අමාත්‍යංශය හා දකුණු පළාත් සෞඛ්‍ය සේවා දෙපාර්තමේන්තුවේ නිළධාරින්ගේ සහභාගිත්වයෙන් මාතර දිස්ත්‍රික් සෞඛ්‍ය සේවා අධ්‍යක්ෂ කාර්යාලයේදි 2025.10.30 දින පැවැති ජංගම සේවා වැඩසටහන.
මෙහිදී හෙද නිළධාරින්ගේ පෞද්ගලික ලිපි ගොනු 85 ක් පරික්ෂා කර එහි කටයුතු අවසන් කරන ලදී.

ගාල්ල දිස්ත්‍රික්කයේ සේවයේ නියුතු හෙද නිළධාරින්ගේ අදාළ ජංගම සේවා වැඩසටහන නොවැම්බර් මාසයේ සිදු කිරීමට සංවිධානය කර ඇත.

03/09/2025

නව දකුණු පළාත් ‍සෞඛ්‍ය සේවා අධ්‍යක්ෂ වෛද්‍ය එන්.ජී.එස්. පණ්ඩිතරත්න මැතිතුමා තනතුරේ වැඩභාරගැනීම නිමිත්තෙන් දකුණු පළාත් ‍සෞඛ්‍ය සේවා අධ්‍යක්ෂ කාර්යාලයේ පැවැති සෙත් පිරිත් සජ්ජයනාවක් 2025.09.03 දින පැවැත්විණි.

26/08/2025

දකුණු පළාතේ සෞඛ්‍ය සේවාව අගය කිරීම උදෙසා වාර්ෂිකව පැවැත්වෙන දක්ෂිණ සුවවිරුවෝ 2024 උපහාර ප්‍රණාම උත්සවය, අගෝස්තු මස 23 වන දින, ගරු සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් සහ ගරු දකුණු පළාත් ආණ්ඩුකාරවර බන්දුල හරිස්චන්ද්‍ර මහතා ඇතුළු ප්‍රධාන අරාධිත අමුත්තන්ගෙ සහභාගිත්වයෙන් කරාපිටිය වෛද්‍යපිඨ ශ්‍රවනාගාරයේදී පැවැත් විය.

මව් සෞඛ්‍ය සමාජ, පාසල් දන්ත චිකිස්සාගාර කාණ්ඩය, වැඩිහිටි දන්ත සායන කාණ්ඩය, ප්‍රාථමික වෛද්‍ය සත්කාර ඒකක කාණ්ඩය, සෞඛ්‍ය වෛද්‍ය නිලධාරි කාණ්ඩය, විශේෂිත ව්‍යාපාර ඒකක කාණ්ඩය, දිස්ත්‍රික් රෝහල් ඒ,බී සහ සී කාණ්ඩය, මූලික රෝහල් ඒ සහ බී කාණ්ඩය,දිස්ත්‍රික් සෞඛ්‍ය සේවා අධ්‍යක්ෂ කාර්යාල කාණ්ඩය වශයෙන් අදියර 09 ක් යටතේ පළමු දෙවන සහ තෙවන ස්ථාන වශයෙන් සමරු තිළිණ සහ සහතික පත් ප්‍රදානය කිරිමට මෙහිදී කටයුතු කෙරිණි.

“දක්ෂිණ සුව විරුවෝ - 2024” අභිසෙස් උළෙල දකුණු පළාත් සෞඛ්‍ය කාර්ය මණ්ඩල විසින් ඉදිරිපත් කරන ලද කලා විශේෂාංගයන්ගෙන් ද අලංකාරවත් විය.

26/08/2025

Dhakshina Suwaviru 2024

29/05/2025

"Advocacy Programme for all key stakeholders at the Provincial level authorities for young key population interventions" දකුණු පළාත් වැඩසටහන ජාතික ලිංගාශ්‍රිත රෝග හා ඒඩ්ස් මර්දන වැඩසටහනෙහි අධ්‍යක්ෂ සහ දකුණු පළාත් සෞඛ්‍ය සේවා අධ්‍යක්ෂගේ ප්‍රධානත්වයෙන් 2025.05.27 වන දින දකුණු පළාත් සෞඛ්‍ය සේවා අධ්‍යක්ෂ කාර්යාලීය ශ්‍රවණාගාරයේදී සාර්ථකව පවත්වන ලදී. එමෙන්ම මේ සඳහා දිස්ත්‍රික් සෞඛ්‍ය සේවා අධ්‍යක්ෂවරු ඇතුළු සෞඛ්‍ය අංශ නිලධාරීන්, අතිරේක පළාත් අධ්‍යාපන අධ්‍යක්ෂ, ත්‍රිවිධ හමුදා නිලධාරීන්, පොලිස් නිලධාරීන්, අදාල රාජ්‍ය නොවන සංවිධාන නිලධාරීන් ද සහභාගී විය. මෙම වැඩසටහන පැවැත්වීමේ අරමුණ ඒඩ්ස් රෝගය පැතිරීමේ වැඩි අවධානමක් සහිත කාණ්ඩවල ප්‍රධාන බලධාරීන් දැනුවත් කරමින් උපදේශනයක් ලබා දීමත්, නිලධාරීන්ගේ අදහස් සහ යෝජනා ලබා ගනිමින් සුදුසු ක්‍රියාමාර්ග ගැනීමට කටයුතු කිරීමත්ය.

16/05/2025

සම්බුදු වෙසක් තෙමඟුල වෙනුවෙන් දකුණු පළාත් සෞඛ්‍ය සේවා අධ්‍යක්ෂ කාර්යාලීය සුබ සාධක සංගමය විසින් සංවිධානය කරනු ලැබූ ධර්මදේශනා පිංකම 2025.05.16 වන දින කාර්යාලීය ශ්‍රවණාගාරයේදී පැවැත්විණි . මෙහිදී සුමධුර ධර්ම දේශනාව, පූජ්‍යපාද මාළිගාකන්දේ ධම්ම විශුද්ධි ස්වාමීන්වහන්සේ විසින් පවත්වනු ලැබීය.

08/03/2025

වාර්ෂික ‌සෞඛ්‍ය සංඛ්‍යාලේඛන සංග්‍රහය (Annual Health Bulletin)-2023

දකුණු පළාත් ‌‌‌සෞඛ්‍ය ‌සේවාවට අදාල ‌සෞඛ්‍ය සංඛ්‍යාලේඛන ‌තොරතුරු ඇතුළත් කර සැකසු වාර්ෂික වාර්තාව,

මෙම සබැඳිය මගින් විද්‍යුත් ග්‍රන්ථය පරිශීලනය කල හැක.

https://drive.google.com/file/d/1ePctE9_Yz_zWkZd3amtKBkymclVFDcrO/view

31/12/2024

රාජ්‍ය මූල්‍ය වාර්තාකරණයේ විනිවිදභාවය සහ වගවීම සඳහා වූ නොසැලෙන කැපවීම ශක්තිමත් කරමින්, ශ්‍රී ලංකා වරලත් ගණකාධිකාරීවරුන්ගේ සංගමය (CA Sri Lanka) හි රාජ්‍ය අංශය වන ශ්‍රී ලංකා රාජ්‍ය මූල්‍ය ගණකාධිකාරීවරුන්ගේ සංගමය (APFASL) විසින් 8 වැනි වරටත් සංවිධානය කරන ලද හොඳම වාර්ෂික වාර්තා සහ ගිණුම් (BARA) සම්මාන උළෙල 2024 දෙසැම්බර් 2 වන දින බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවත්විණි.

මෙහිදී පළාත් පාලන අංශයේ දෙපාර්තමේන්තු කාණ්ඩයේ හොඳම වාර්ෂික වාර්තාවට හිමි රිදී සම්මානය දිනා ගැනීමට දකුණු පළාත් සෞඛ්‍ය සේවා දෙපාර්තමේන්තුව සමත් විය.මෙම අවස්ථාව සඳහා ආයතනය වෙනුවෙන් ප්‍රධාන ගණකාධීකාරී කේ.අමරරත්න මහත්මිය සහ ගණකාධීකාරී එරන්දි සමන්තිකා මහත්මිය සහභාගී විය.

18/09/2024

දකුණු පළාත් සෞඛ්‍ය සේවා අධ්‍යක්ෂ කාර්යාලීය සුබසාධක සංගමය මගින් සංවිධානය කරන ලද "හද ගැබ රැඳුනෝ-2024" වැඩසටහන 2024.09.13 වන දින උත්කර්ෂවත් අන්දමින් දකුණු පළාත් සෞඛ්‍ය සේවා අධ්‍යක්ෂ විශේෂඥ වෛද්‍ය චන්දිම සිරිතුංග මහතාගේ ප්‍රධානත්වයෙන් දකුණු පළාත් සෞඛ්‍ය පුහුණු මධ්‍යස්ථාන ශ්‍රවණාගාරයේදී පැවත්විණි.

මෙහිදී අප ආයතනයේ සේවයේ නියුතුව සිට විශ්‍රාම ලැබූ, ජී.ජේ. රූපරත්න මයා,කේ.ජී.එස්.ඩබ්.වීරක්කොඩි මයා,සුරේෂ් ලියනගේ මයා, කුමුදුනී ජයවර්ධන මිය සහ ස්ථාන මාරු හා උසස්වීම් ලැබූ, එල්.කරුණාරත්න මයා,ඒ්.ජී.යූ. ඉන්ද්‍රජිත් මයා, එච්.ජී.ඉමේෂ් අචින්ත මයා, ගිහානි අමර්ෂි මෙය, විශේෂඥ වෛද්‍ය නෙරංජලා මුදලිගේ මිය, ජී.එච්. ශාන්ත පියල් මයා, මිහිරි අමරසේකර මෙය, ප්‍රදීපා කුමාරී මිය,මුතුමිණි වීරසූරිය මිය,නිල්මි ප්‍රේමකුමාර මිය, වෛද්‍ය හිමාෂිණි ඩයස් මිය,කස්තුරි උමංගා හේමමාලි මිය මෙහිදී උපහාරයට ලක්විය.

එමෙන්ම “සිසුදිරි අභිමන්-2024” වැඩසටහන යටතේ ආයතනයේ කාර්ය මණ්ඩල සාමාජික මහත්ම මහත්මීන්ගේ විභාග කඩඉම් වලින් සමත් වූ සිසු දරුවන්ට ත්‍යාග ලබා දීමද මෙහිදී සිදුකරන ලදී.

02/09/2024

දකුණු පළාත් සෞඛ්‍ය සේවා දෙපාර්තමේන්තුවෙි ප්‍රජා සෞඛ්‍ය අංශය මඟින් පවත්වනු ලබන ප්‍රජා සුව දැක්ම වැඩසටහන 2024.08.28 වන දින මුලටියන සෞඛ්‍ය වෛද්‍ය නිලධාරී කාර්යාලයේ දී පවත්වන ලදී. දකුණු පළාත තුල ප්‍රජා සෞඛ්‍ය සේවාව සපයන ප්‍රධාන ආයතනයක් වන සෞඛ්‍ය වෛද්‍ය නිලධාරී කාර්යාල අධීක්ෂණයට ලක්කර එම කටයුතු ශක්තිමත් කිරීම මෙම වැඩසටහනෙහි අරමුණ වේ.

මේ සඳහා දකුණු පළාත් සෞඛ්‍ය සේවා අධ්‍යක්ෂ කාර්යාලයේ, දකුණු පළාත් සෞඛ්‍ය සේවා අධ්‍යක්ෂ විශේෂඥ වෛද්‍ය චන්දිම සිරිතුංග මහතා, දකුණු පළාත් නියෝජ්‍ය සෞඛ්‍ය සේවා අධ්‍යක්ෂ විශේෂඥ වෛද්‍ය නිශානි උබේසේකර මහත්මිය,දකුණු පළාත් ප්‍රජා වෛද්‍ය විශේෂඥ ටී.ඩී.පී.පීරිස් මහතා, වෛද්‍ය නිලධාරී(ප්‍රජා සෞඛ්‍ය) ඉෂාන්ති ගුණරත්න මහත්මිය, වෛද්‍ය නිලධාරී(තත්ත්ව කළමනාකරණ) ජගත් චන්දන මහතා, දකුණු පළාත් පරිපාලන මහජන සෞඛ්‍ය හෙද නිලධාරී දයා අමරසිංහ මහත්මිය ඇතුළු කාර්ය මණ්ඩලය සහභාගී වූ අතර මාතර දිස්ත්‍රික් සෞඛ්‍ය සේවා අධ්‍යක්ෂ කාර්යාලයේ දිස්ත්‍රික් සෞඛ්‍ය සේවා අධ්‍යක්ෂතුමිය ඇතුළු වෛද්‍ය නිලධාරීන්,මාණ්ඩලික නිලධාරීන් ගෙන් සමන්විත කණ්ඩායමක් මෙම අවස්ථාව සඳහා සහභාගී වන ලදී.

31/08/2024

..! PDHS Annual Trip 🏞️🚎📷 !..

දකුණු පළාත් සෞඛ්‍ය සේවා අධ්‍යක්ෂ කාර්යාලයේ සුභ සාධක සංගමය විසින් වාර්ෂික විනෝද හා අධ්‍යාපනික චාරිකාව 2024-08-24 දින සීතාවක පුරවරය ආශ්‍රිතව යොදා ගැනිණි. එහිදී කලටුවාවල හා ලබුගම ජල පවිත්‍රාගාරය , කුමාරි ඇල්ල නැරඹීමටත් හා සීතාවක උද්භිත උද්‍යානය නැරඹීමටත් කටයුතු සංවිධානය කර තිබිණි. මෙම චාරිකාවට පළාත් සෞඛ්‍ය සේවා අධ්‍යක්ෂ තුමා ඇතුළු නිලධාරීන්ගේ පවුලේ සාමාජිකයන්ද සහභාගි විය.