21/03/2026
🌸 ගර්භණී සමයේදී දරුවා කුස තුළ දැඟලීම (Fetal movements) 🌸
කුස තුළදී දරුවාගේ දැඟලීම යනු මවකට දැනෙන ඉතාමත් සුන්දර දෙයක් වගේම දරුවාගේ නීරෝගීභාවය පෙන්වන ප්රධාන ලක්ෂණයක් මේ පිළිබඳව වැදගත් කරුණු කිහිපයක් මෙන්න.
💥 දරුවා දැඟලීම ආරම්භ වන්නේ.....
🌿 පළමු දරුවා නම්, සාමාන්යයෙන් සති 18-22 අතර කාලයේදී පළමුවරට දරුවාගේ චලනයන් දැනෙන්නට පුළුවන්.
🌿 දෙවන හෝ ඊට පසු දරුවෙකු නම්, සති 16 වැනි කෙටි කාලයකදී පවා මෙය දැනෙන්නට පුළුවන් .
මුල් කාලයේදී මෙය බුබුළු දමන්නාක් වගේ හෝ සමනලයෙකු පියාඹන්නාක් වගේ දෙයක් ඉතා සියුම් ලෙස දැනෙන්න ගන්නවා.
💥 දරුවා වැඩිපුර දඟලන අවස්ථා
🌿 මව ආහාර ගත් පසු රුධිරයේ සීනි මට්ටම ඉහළ යාමත් සමඟ දරුවා ක්රියාශීලී වෙනවා.
🌿 ඔබ නිහඬව වැතිර සිටින විට දරුවාගේ චලනයන් හොඳින් දැනෙනවා.
🌿 බොහෝ මව්වරුන්ට රාත්රී කාලයේදී දරුවා වැඩිපුර දඟලන බවක් දැනෙනවා.
🌿 තද ශබ්ද ඇසෙන විට දරුවා ඊට ප්රතිචාර දක්වමින් දඟලන්නට පුළුවන්.
🚨සාමාන්යයෙන් සති 28න් පසු දරුවාගේ චලනයන් පිළිබඳව අවධානයෙන් සිටීම වැදගත්
🛑 වෛද්ය උපදෙස් පැතිය යුතු අවස්ථා
පහත ලක්ෂණ තිබේ නම් වහාම ඔබේ පවුලේ සෞඛ්ය සේවා නිලධාරිනිය (Midwife) හෝ වෛද්යවරයා හමුවන්න.🤚
💫 දරුවාගේ දැඟලීම වෙනදාට වඩා පැහැදිලිවම අඩු වී ඇත්නම්.
💫පැය කිහිපයක් යනතුරු කිසිදු චලනයක් නොදැනේ නම්.
💫දරුවාගේ දැඟලීමේ රටාවේ හදිසි වෙනසක් සිදුවී ඇත්නම්.
ඔබ දන්නවද ? දරුවා කුස තුළ සිටින විට මවගේ මානසික සුවය දරුවාගේ වර්ධනයට ඉතා වැදගත් බව. දරුවා සමඟ කතා කිරීම, මෘදු සංගීතයට සවන්දීම වැනි දේ මගින් මව සහ දරුවා අතර බැඳීම ශක්තිමත් කරනවා..
එබැවින් දරුවා සමඟ කතා කරන්න. බඩ ස්පර්ශ කරන්න. සංගීතයට සවන් දෙන්න.
මෙය ඔබගේ සාමාන්ය දැනුවත්භාවය සඳහා පමණි.සෑම විටම වෛද්ය උපදෙස් අනුගමනය කරන්න.
R.C.Gunathilake
Blooming Heart Wellness
#නිරෝගීදරුවෙක් #සුවපත්මාතෘත්වය #ගර්භණීසමය
