Arogya Medical Laboratory - Haragama

01/02/2026

මානසික රෝගයත් රෝගයක්මයි 🤍 — මෙය වෛද්‍ය හදිසි තත්ත්වයකි

යම් පුද්ගලයෙකු තමාගේම දරුවාට හෝ ස්වාමියාට/බිරිඳට දැඩි හානියක් කිරීමට උත්සාහ කිරීම, සාමාන්‍ය මනුෂ්‍ය හැසිරීමක් නොවේ.
වෛද්‍ය දෘෂ්ටියෙන් බලන විට, මෙය බොහෝවිට ගැඹුරු මානසික රෝගයක් පෙන්වන ලක්ෂණයක් වන අතර හදිසි මනෝවෛද්‍ය ප්‍රතිකාර අවශ්‍ය වේ.

🧠 වෛද්‍ය ලෙස මෙවැනි හැසිරීම් සම්බන්ධ විය හැක්කේ:
• ඇකියුට් සයිකෝසිස් (Acute Psychosis) – යථාර්ථය සමඟ සම්බන්ධතාවය නැතිවීම, හඬ ඇසීම, වැරදි විශ්වාස
• තීව්‍ර අවපීඩන රෝගය (Severe Depression) – විනිශ්චය ශක්තිය අඩුවීම
• ප්‍රසූති පසු හෝ වෙනත් සයිකෝටික් රෝග
• මත්ද්‍රව්‍ය හෝ මත්පැන් නිසා ඇති මානසික රෝග
• ගැඹුරු පුද්ගලත්ව හෝ හැඟීම් පාලන ගැටලු
• අධික මානසික පීඩනය, ආතතිය, පැරණි ආබාධ හෝ අතීත තුවාල

⚠️ වැදගත් වෛද්‍ය සත්‍යයක්
සියලුම මානසික රෝගීන් ප්‍රචණ්ඩකාරී නොවේ.
නමුත් දැඩි ප්‍රචණ්ඩ හැසිරීමක් පෙනී යන්නේ නම්, එය බොහෝවිට පුද්ගලයා අතිශය අසනීපව ඇති බවත්, ප්‍රතිකාර නොමැතිව අනාරක්ෂිත බවත් පෙන්වයි.

💔 මෙය නැවත සිදුවිය හැකිද?
ඔව්. වෛද්‍යමය වශයෙන් නැවත සිදුවීමේ සැලකිය යුතු අවදානමක් ඇත, විශේෂයෙන්:
• නිසි මනෝවෛද්‍ය ප්‍රතිකාර ලබා නොගත්තොත්
• ඖෂධ නතර කළොත්
• අනතුරු සංඥා නොසලකා හැරියොත්
• දරුවන් සමඟ තනිව තබා ඇත්නම්
• නැවත මානසික පීඩනය හෝ සයිකෝටික් ලක්ෂණ පැන නැගුණොත්

ඒ නිසා මෙවැනි අවස්ථා වෛද්‍ය සහ නීතිමය හදිසි තත්ත්වයක් ලෙස සලකයි — පවුලේ රහසක් ලෙස නිහඬව තබාගත යුතු දෙයක් නොවේ.

🏥 කළ යුතු දේ — ඉතා වැදගත්

මෙය ගෙදරදී පාලනය කළ හැකි තත්ත්වයක් නොවේ.

1️⃣ හදිසි මනෝවෛද්‍ය පරීක්ෂාව
• වහාම මනෝවෛද්‍යවරයෙකුගේ ඇගයීම
• රෝහල්ගත කිරීම අවශ්‍ය විය හැක

2️⃣ දරුවන් හා පවුලේ ආරක්ෂාව
• දරුවන් ශාරීරිකව සහ මානසිකව ආරක්ෂා කළ යුතුය
• රෝගී තත්ත්වයේදී දරුවන් සමඟ තනිව තැබිය නොහැක

3️⃣ නීතිමය හා සමාජ සේවා සහාය
• දරුවා ආරක්ෂා කිරීමට
• රෝගියාට ජීවිත රැකගන්නා ප්‍රතිකාර ලැබීම තහවුරු කිරීමට

4️⃣ දිගුකාලීන ප්‍රතිකාර හා අධීක්ෂණය
• වෛද්‍ය උපදෙස් අනුව ඖෂධ
• තත්ත්වය ස්ථායී වූ පසු මනෝ උපදේශනය
• දිගුකාලීන අධීක්ෂණය සහ පවුලට දැනුවත් කිරීම

🤍 මෙය ඇයගේ/ඔහුගේ වැරද්දද?
ගැඹුරු මානසික රෝගයකදී, පුද්ගලයාට තම ක්‍රියාවන් සම්පූර්ණයෙන් තේරුම් ගැනීමට හෝ පාලනය කිරීමට නොහැකි විය හැක.
එය ඔවුන් නරකයි කියන එකක් නොවේ — ඔවුන් අසනීපයි කියන එකයි.
එහෙත්, ආරක්ෂාව සෑමවිටම පළමුව.

🚨 මෙය දැන් හෝ ඉතා මෑතකදී සිදුවී ඇත්නම්:
කරුණාකර වහාම ක්‍රියා කරන්න. මනෝවෛද්‍ය සේවා ඇති ආසන්නම රෝහලට යන්න සහ දරුවන්ගේ ආරක්ෂාව සඳහා අදාළ ආයතන දැනුවත් කරන්න. ප්‍රතිකාර ප්‍රමාද වීම ජීවිත අහිමි කරවිය හැක.

මානසික රෝග ප්‍රතිකාර කළ හැකි රෝගයක්.
වේලාසනින් වෛද්‍ය ප්‍රතිකාර, පවුලේ සහාය, නිසි අධීක්ෂණය තිබේ නම්, බොහෝදෙනා සුවය ලබති.

31/12/2025

✨ Happy New Year 2026! ✨
As we welcome 2026, Arogya Medical Laboratory extends our heartfelt wishes for a year filled with good health, happiness, and success.
Thank you for trusting us with your care. We look forward to continuing our commitment to accuracy, care, and excellence in the year ahead.

🌿 Stay healthy. Stay safe. 🌿
— Arogya Medical Laboratory

30/12/2025

https://www.facebook.com/share/p/1DHQu8tgev/?mibextid=wwXIfr

ඔලුව වැදුනම "ගෙඩි ගැහෙනවා" නේද? ඕඩිකොලොන් දාලා තදින් අතගාන්න එපා!

දවසක් ඉස්කෝලෙක අවුරුදු උත්සවයක් තිබුන දවසක පොඩි පංතියක දරුවෝ දෙන්නෙක් ඔංචිලි පදිනවා. එක ළමයෙක් ඔංචිල්ලාවෙන් බැහැලා යන්න හදනකොටම කකුල පැටලිලා වැටිලා අනික් ඔංචිල්ලාව යටට වැටෙනවා. 😓
ඒ ඔංචිල්ලාව පැද්දි පැද්දි තිබුන නිසා වැටුන දරුවට නැඟිටගන්න බැරි වෙනවා.
එයාගේ ඔලුව ඔංචිල්ලාව එහෙට මෙහෙට යන ගානට වදිනවා. මොකවත් කරගන්න බැරුව කෑ ගහලා අඬනකොට එයාගේ අම්මා ඒක දැකලා දුවගෙන එනවා. ඇවිත් ඔංචිල්ලාව නතර කරලා අර වැටිලා හිටපු දරුවව වඩාගෙන අරගෙන පැත්තකින් ඉදගන්නවා. ඔලුව අල්ලලා බලද්දි හොඳටම ගෙඩි ගැහිලා. එලියට ලේ එන්න තරම් තුවාලයක් නෑ. අම්මා එතන අයිස්ක්‍රීම් විකුණපු මුදලාලි මහත්තයාගෙන් අයිස් පලම් දෙකක් අරගෙන අර දරුවගේ ඔලුව උඩින් ලේංසුවක් තියලා තවාගෙන හිටියා. ඉතිං මේ අම්මා කරපු දේ හරි ද? අපි බලමු ඒ ගැන.🤷‍♂️

අපි හැමෝටම කවදා හෝ හිස යම් තැනක වැදී "ගෙඩියක්" මතුවීමේ අත්දැකීම තිබෙනවා. මෙවැනි වෙලාවට අපේ ගෙවල්වල බහුලවම කරන දෙයක් තමයි, ඉක්මනින් ඕඩිකොලොන් ටිකක් දාලා, ඒ ගෙඩිය බැස යනකම් තදින් අතගාන එක (Rubbing/Massaging).

💁‍♀️ නමුත්, වෛද්‍ය විද්‍යාත්මකව බැලූ විට මෙය ඉතාම වැරදි සහ හානිකර ක්‍රියාවක් බව ඔබ දන්නවාද?

එසේ නම්, හිස වැදුණු විට ඇත්තටම සිදුවන්නේ කුමක්ද? අපි කළ යුත්තේ කුමක්ද?

1. හිස වැදුණු විට "ගෙඩියක්" එන්නේ ඇයි?

අපේ හිස් කබල (Skull) සහ ඊට උඩින් ඇති සම (Scalp) අතර ඇත්තේ ඉතා කුඩා ඉඩක්. නමුත් මෙම ප්‍රදේශයේ රුධිර නාල (Blood vessels) ඉතා බහුලව පිහිටා තිබෙනවා.

හිස යම් තැනක තදින් වැදුණු විට, සමට යටින් ඇති මෙම සියුම් රුධිර නාල පුපුරා යනවා.
👉එවිට රුධිරය පිටතට ගලා ඒමක් සිදු නොවුණත්, සම අභ්‍යන්තරයේ රුධිරය එකතු වෙනවා (Internal Bleeding).
👉මෙලෙස එකතු වන රුධිරය, සම මතුපිටට තල්ලු කරන නිසා අපිට එය "ගෙඩියක්" (Hematoma) ලෙස පෙනෙන්නට ගන්නවා.

2. ඇයි ඕඩිකොලොන් දමා අතගෑම (Rubbing) නුසුදුසු?
බොහෝ දෙනා සිතන්නේ අතගෑවම ලේ කැටි දියවී ගෙඩිය අඩුවන බවයි. නමුත් සිදුවන්නේ ඊට හාත්පසින්ම විරුද්ධ දෙයයි.

👉 රුධිර වහනය වැඩි වීම: තදින් අතගාන විට, පුපුරා ගිය රුධිර නාල තවදුරටත් තුවාල වී රුධිර වහනය වේගවත් වෙනවා.
👉 ඉදිමීම පැතිරීම: එක තැනක එකතු වී ඇති රුධිරය, ඔබ අතගාන විට අවට පටක (Tissues) වෙත බලහත්කාරයෙන් තල්ලු කිරීමක් සිදුවෙනවා. එවිට ඉදිමීම තවත් ලොකු වෙනවා වගේම වේදනාවත් වැඩි වෙනවා.
👉 සෛල වලට හානි වීම: තුවාල වූ පටක තදින් පිරිමැදීමෙන් සුව වීමේ ක්‍රියාවලිය ප්‍රමාද වෙනවා.

(ඕඩිකොලොන් වල සැරට සිසිලසක් දැනුනත්, එමගින් අභ්‍යන්තර රුධිර වහනයට විසඳුමක් ලැබෙන්නේ නැත).

3. නිවැරදිව කළ යුත්තේ කුමක්ද?
හිස වැදුණු වහාම පහත පියවර අනුගමනය කරන්න.

👉 අනතුරේ ස්වභාවය පරීක්ෂා කරන්න.
පළමුව රෝගියාට සිහිය තිබේද, හොඳින් කතා බහ කරනවාද යන්න බලන්න. සම කැපී රුධිරය වහනය වන්නේ නම් පිරිසිදු රෙදි කැබැල්ලකින් තද කරගෙන රුධිරය නවතාලන්න.

👉 අයිස් තැබීම (Ice Compression)
මෙයයි වැදගත්ම පියවර.
ගෙඩියක් මතු වේගෙන එන විටම කළ යුතු හොඳම දේ අයිස් තැබීමයි.
අයිස් කැට කිහිපයක් රෙදි කැබැල්ලක හෝ අත් ලේන්සුවක ඔතන්න (කෙලින්ම සම මත අයිස් තබන්න එපා).
එය ගෙඩිය මත තබාගෙන විනාඩි 10ක් 15ක් පමණ සිටින්න.

මේකට හේතුව තමයි අයිස් වල සිසිලස නිසා පුපුරා ගිය රුධිර නාල හැකිලීමකට (Vasoconstriction) ලක්වෙනවා. එමගින් රුධිරය වහනය වීම අඩුවී, ගෙඩිය ලොකු වීම සහ වේදනාව ක්ෂණිකව පාලනය කරනවා.

👉විවේකීව තබන්න (Rest)

රෝගියාව කලබල නොකර, හිසට වැඩි චලනයක් නොදී ටික වේලාවක් නිස්කලංකව තබන්න.

4. රෝහලක් වෙත යා යුත්තේ මොන වගේ අවස්ථාවකදීද?
(Red Flags)

හිස වැදුණු පසු හුදෙක් ගෙඩියක් ඒම සාමාන්‍ය දෙයක් වුවත්, පහත ලක්ෂණ එකක් හෝ මතු වුවහොත් පමා නොවී වෛද්‍ය ප්‍රතිකාර ලබාගත යුතුය. (මේවා මොළයට හානි සිදුවූ බවට ලක්ෂණ විය හැක).

👉 හිස වැදුණු අවස්ථාවේ හෝ ඉන් පසුව සිහිය නැති වීම (Fainting).
👉 දෙවරක් හෝ ඊට වඩා වමනය යාම.
👉 කනෙන් හෝ නාසයෙන් දියරයක් හෝ රුධිරය ගැලීම.
👉 ඇස් පෙනීමේ වෙනසක් (බොඳ වී පෙනීම/ දෙකක් වී පෙනීම).
👉 අධික නිදිමත ගතිය හෝ අවදි කිරීමට අපහසු වීම.
👉 කුඩා දරුවෙක් නම්, එක දිගට අඬනවා නම් හෝ කිරි බීම ප්‍රතික්ෂේප කරනවා නම්.
👉 අධික හිසරදය.

හිස වැදුණු විට, ආච්චි අම්මලාගේ ක්‍රමයට ඕඩිකොලොන් දමා අතගාන එක නවත්වන්න. ඒ වෙනුවට අයිස් තබන්න.

අර උඩින් කියපු කතාවේ ඔලුව වැදුන පුංචි දරුවා තමයි මම. මම කොච්චර පුංචි උනත් ඒ සිදුවීම ඒ වේදනාව තාමත් මතක් වෙද්දි දැනෙනවා. එදා මගේ ඔලුව උඩින් අයිස් තියාගෙන හිටපු අම්මා, ඒ මගේ අම්මා. අපිට ඕන දේකට ආදේශක භාවිතා කරන්න පුලුවන් (හානියක් වෙන්නේ නැත්තන්) ඒකටත් හිතන්න පුලුවන් ශූක්ශම හැකියාවක් තියෙන්න ඕනි🤷‍♂️❤️.

ඉතිං ඒ වැරද්ද ආයෙත් කරන්න එපා.. 😊 පොඩි අයට විතරක් නෙවෙයි ලොකුඅයටත් කරන්න එපා.. ❤️

ඔබේ මිතුරන් සහ පවුලේ අයව දැනුවත් කිරීමට මෙම පණිවිඩය Share කරන්න.

ස්තූතියි.
හෙදියකගේ දිනපොත.

⚠️ අවසරයකින් තොරව උපුටා පළ කිරීම තහනම්.
(Share button එක භාවිතා කරන්න).
©️ [ හෙදියකගේ දින පොත ] - All Rights Reserved.

​

01/12/2025

https://www.facebook.com/share/p/1BZd2oXRw6/?mibextid=wwXIfr

ඔබ මී උණ (Rat Fever) අවදානමට ලක්ව සිටීද?

✓ ඔබ ගංවතුර හෝ මඩ සහිත ජලයේ ඇවිදීම, වැඩ කිරීම හෝ පිරිසිදු කිරීම සිදු කළේ නම්.
✓ ගංවතුර බැස ගිය පසු ඔබ ලිං, කානු පද්ධති හෝ කසළ පිරිසිදු කිරීමේ යෙදුනේ නම්.
✓ පාදවල හෝ කකුල්වල කැපුම් හෝ සීරීම් තුවාල තිබියදීත් තෙත හෝ මඩ සහිත ප්‍රදේශවල ගැවසුනේ නම්.

ඉහත කරුණු වලින් එකක් හෝ ඔබට අදාළ නම්, ඔබ මී උණ අවදානමේ පසුවෙයි.

ගංවතුර ආපදා තත්වයට මුහුණ දුන් ජනතාව මී උණ වැලැක්වීමේ පූර්ණ ප්‍රතිකාරය (Doxycycline) නොමිලයේ ලබා ගැනීම සඳහා ප්‍රදේශයේ සෞඛ්‍ය වෛද්‍ය නිලධාරී කාර්යාලය හෝ ඔබේ ප්‍රදේශයේ මහජන සෞඛ්‍ය පරීක්ෂක මහතා අමතන්න.

29/11/2025

https://www.facebook.com/share/p/1DDuVBNZrH/?mibextid=wwXIfr

ගංවතුර සමග පැතිරෙන 🌧️🌊
ලෙප්ටොස්පයිරෝසිස් - මී උණ 🐁
හඳුනාගෙන ප්‍රතිකාර නොකළහොත් මාරාන්තික විය හැක

02/10/2025

🩺🍬 Concerned about your Blood Sugar Levels?
Now’s the perfect time to check!

✨ AROĞYA LABORATORY – Monthly Special Offer! ✨

💉 FBS (Fasting Blood Sugar) Test
👉 Just Rs. 250/- (Original Price: Rs. 350/-)

📅 Offer Valid: 1st October – 31st October

✅ Affordable
✅ Accurate
✅ Quick Results

📍 Visit us at Arogya Laboratory – Haragama

#

🩺🍬 ඔබේ රුධිරයේ සීනි මට්ටම ගැන සැලකිලිමත්ද?
පරීක්ෂා කිරීමට දැන් හොඳම කාලයයි!

✨ මාසික විශේෂ දීමනාව! ✨

💉 FBS (නිරාහාර රුධිර සීනි) පරීක්ෂණය
👉 රු. 250/- පමණි (මුල් මිල: රු. 350/-)

📅 දීමනාව වලංගු වන්නේ: ඔක්තෝබර් 1 - ඔක්තෝබර් 31

✅ දැරිය හැකි මිලකට
✅ නිවැරදි
✅ ඉක්මන් ප්‍රතිඵල

📍 හාරගම - ආරෝග්‍යා රසායනාගාරයට අපව පිවිසෙන්න

01/10/2025

Happy Children's Day from AROGYA LABORATORY! 💖 Today, our hearts are with every brave cancer child and every sick child. We send wishes for strength, healing, and a speedy recovery. May no child in the world ever feel hungry. Let's create a brighter, healthier future for all our little ones. ✨

08/09/2025

30/03/2025

🌙 **Eid Mubarak from Arogya Medical Laboratory!** 🌙
As we celebrate this joyous occasion, we wish for health, happiness, and prosperity for you and your loved ones.

💉 **Your health is our pleasure**, and we're committed to supporting your wellness every step of the way.

✨ May this Eid bring blessings of good health and peace to all.
📍 Haragama
📞 076 076 66 78

28/01/2025

https://www.facebook.com/share/p/1GwQiH3vR2/

හදිසියේ මුහුණේ පැත්තක් එල්ලා වැටීම, එක් අතක පණ අඩුවීම හෝ කතා කිරීමට අපහසුවීම වැනි රෝග ලක්ෂණ අංශභාගේ මුල්ම රෝග ලක්ෂණ බව ඔබ දැන සිටියාද?
මේවායෙන් එක රෝග ලක්ෂණයක් හෝ හඳුනාගෙන ඉක්මනින් ක්‍රියාත්මක වී ළඟම ඇති රෝහලට ඇතුළත් වීමෙන් අංශභාගය නිසා ඇතිවන දරුණු සංකූලතා අවම කර ගත හැක.

මේක වඩාත් හොඳින් තේරුම් ගන්න අංශ භාග රෝගියෙකුගේ සත්‍ය කතාවක් රෝගියාගේ අවසරය මත පහත පළ කරන ලදි.

ඔන්න මහත්තයා කිව්ව වෙලාවටම ඉස්පිරිතාලෙට එක්කගෙන ආවා" එතකොට වෙලාව හරියටම උදෑසන හතයි පනහයි. ත්‍රිවිල් එකේ රියදුරු සුනිල්ගේ හඬ මාව එක්වරම පියවි ලෝකයට ගෙන ආවා. "බොහොම ස්තුතියි! එහෙනම් ලොකු දුව අපි ඉක්මනට යමු", මහත්තයට පුළුවන්ද තනියම ඇවිද ගෙනයන්න? ආපහු රියදුරු මහත්තයගෙන් ප්‍රශ්නයක්. "නැහැ නැහැ සුනිල් දැන් මට හොඳටම හොඳයි." එහෙම කියපු මම ලොකු දුවත් එක්ක ත්‍රිවිල් එකෙන් බැසගෙන කඩිමුඩියේ සායනය තියෙන පැත්තට යන්න පටන් ගත්තා. රෝහලේ ගේට්ටුව පහු කරගෙන යන විටම මීට සති තුනකට කලින් මම මේ රෝහලටම ගෙනාපු විදිහ හරියට චිත්‍රපටියක් වගේ මට මැවිලා පෙනුනා. ඒ දවස නම් මට කවදාවත් අමතක වෙන්නෙ නෑ. එදා රෑ නමයට විතර ක්‍රිකට් මැච් එක බල බල ටීවී එක ඉස්සරහ හිටියා. Tv එකේ සද්දෙ අඩු කරන්න කියලා හිතා ගෙන රිමෝට් එක දිහාට දකුණු අත දික්කලාට මට අත දික් කර ගන්න පුළුවන් උනේ නැහැ. මට ඒ අත හරි බරයි වගේ තේරුනේ. ඒකට මම ටිකක් බය වුණා. බය වෙච්ච පාර මට එහෙම්මම පුටුවෙන් නැගිට්ට උනා. පුටුවෙන් නැගිටලා ඉස්සරහට යන්න හදනකොටම දකුණු කකුලත් පැටලෙනවා වගේ මට තේරුණා. මම එහෙම්මම පුටුවේ ආපහු වාඩිවුණා.ඒත් එක්කම ලොකු දුවටත් බිරිඳටත් කෑ ගහලා කතා කලා. මම කතා කරනකොට දිව පැටලෙන ගතියකුත් තිබුණා. මට ඇතිවෙලා තියෙන්නේ අංශභාග තත්ත්වයක් කියල මට හිතුනා. ඒත් රාත්‍රියේ ඉස්පිරිතාලෙට යන්න බැරි නිසා ඊළඟ දවසේ යමු කියලා මම කිව්වත් ලොකු දූ කිව්වේ, පුළුවන් තරම් ඉක්මනට අපි ඉස්පිරිතාලෙට යමු කියලා. ගෙදර කට්ටියගෙ බල කිරීම නිසාම 1990 ගිලන් රථ සේවයට කතා කරගෙන ඒගොල්ලෝ මාව අපේ ප්‍රදේශයේ දිසාරෝහලට ගෙනිච්චා. එතනදි මාව පරීක්ෂා කරපු වෛද්‍යවරු ගිලන් රථයෙන් ළඟම තිබුණ දිස්ත්‍රික් මහ රෝහල වෙත රැගෙන ගියා.දිස්ත්‍රික් මහ රෝහලේදී මට හදිසි CT පරීක්ෂණයක් සිදු කලා. එයින් පසුව හදිසි ප්‍රතිකාර අංශයේ දී තවත් ලේ පරීක්ෂණ කිහිපයක්ම සිදු කළා. ඉන් පසු නැවතත් මාව වෛද්‍යවරු පරික්ෂා කරල ඇතිවෙලා තිබුණු තත්ත්වය ගැන මටත් ගෙදර කට්ටියටත් පැහැදිලි කලා. මට ඇවිල්ල තිබුණේ අංශභාග තත්ත්වයක්. CT පරීක්ෂණයට අනුව මට තිබිලා තිබුණේ මොළයේ රුධිර වාහිනියක ලේ කැටිත්තක් හිර වෙලා. මගේ වාසනාවට මම රෝග ලක්ෂණ පුද්ගලයාගෙන් ඇවිල්ලා පැය හතර හමාරක් ඇතුලත රෝහලට ඇවිල්ල තිබුනා. ඒ නිසා අංශභාගය සුව කිරීම සඳහා ලබාදෙන ඖෂධය ලබා දෙන්න පුළුවන් කියලා වෛද්‍යවරු දැනුම් දුන්නා. මේ ලබා දෙන්න යන ඖෂධය ගැන වෛද්‍යවරු මට හොඳින් පැහැදිලි කරලා දුන්නා. මගේ කැමැත්තත් අත්සනත් ලබාගෙන ඖෂධය මට ලබා දුන්නා. "තාත්තේ ඔයාගේ කාඩ් එක දෙන්න." ඒ ලොකු දුවගෙ කටහඬ. අපි දෙන්නා දන්නෙම නැතුව ස්නායු සායනටම ඇවිල්ලා තිබුණා. අපිට හම්බුණේ අංක විසි දෙක .ඒ සායනය තිබුනේ මම වගේම අංශභාග තත්වයන් ඇවිල්ලා තිබුන රෝගීන්ට. එදා සායනයට ගොඩක් කට්ටිය ඇවිල්ලා හිටියා. සමහර අයට තවමත් හරියට ඇවිදින්න බෑ , තවත් කෙනෙකුගේ හරියට අත වැඩ කරන්නේ නැහැ. සමහර කට්ටියට තාම හරියට කතා කරන්න බැහැ . එහෙම කට්ටිය ගොඩක් දෙනෙක් මේ සායනයට ඇවිල්ලා හිටියා. රෝහලේ ඉන්නකොට එදා විශේෂඥ වෛද්‍යතුමා මට කියපු දෙයක් මතක් වුණා ." විමලසේන මහත්තය දැන් ඉස්සර වගේ නෙමෙයි අංශභාග රෝගීන් වැඩියි. පුද්ගලයෝ හතර දෙනෙක් ගත්තොත් එක්කෙනෙකුට මේක වැළදෙන්නෙ හැකියාව තියෙනවා." ඉන්න රෝගීන් දිහා බැලුවහම ඒ කතාව ඇත්ත කියල මටත් හිතුනා. මගේ අංකය ආවට පස්සේ ිශේෂඥ වෛද්‍යතුමාව හම්බෙන්න අපිට අවස්ථාව ලැබුණා . එතුමා මාව නැවතත් පරීක්ෂා කලා. ඒ වගේම කරගෙන එන්න කියපු ලේ පරීක්ෂණ වාර්තාත් බැලුවා. ඊට පස්සේ මෙන්න මේ විදිහට තමයි මට කිව්වේ "ඔබතුමාට තිබුණ දියවැඩියාව සහ අධි රුධිර පීඩනය කාලෙක ඉඳන් තිබිලා තියෙනවා. ඔබතුමා අන්තිම මාස හය හතේ දී මේ රෝග හරියට පාලනය කරගෙන තිබුණේ නැහැ. මට හිතෙන්නෙ මේ නිසා වෙන්නැති ඔබතුමාට මේ වගේ තත්ත්වයක් එන්න ඇත්තේ. ඒ නිසා අධි රුධිර පීඩනය සහ දියවැඩියාව කියන තත්ත්වයන් හොඳින් පාලනය කරගන්න. නැත්තං ආපහු අංශභාග තත්ත්වයක් ඇතිවෙන්න හැකියාව තියෙනවා." ඇත්තටම අන්තිම අවුරුද්දෙ විතර මගේ වැරදි ආහාර රටාවත්, නියම කළ ඖෂධ මගහැරීමත් නිසා වෙන්න ඇති මේ වගේ තත්ත්වයක් මට ආවේ. වාසනාවකට ඉක්මනටම රෝහලට ගියපු නිසා මට අංශභාග තත්ත්වය සුව කරගන්න පුළුවන් වුණා. වෛද්‍යතුමා ඊට අමතරව ලබාදුන් ඖෂධ හරියට බොන්න කියලා කිව්වා. ඒ වගේම නිවැරදි ආහාර රටාවත් පුරුදු කරගන්න උපදෙස් ලබා දුන්නා. ඉස්පිරිතාලෙදි කියල දුන්න අතටත් කකුලටත් කරන්න කියා දුන්න ව්‍යායාම ටිකත් තව සති දෙක තුනක් කරන්න කියලා කිව්වා. ආපහු තව මාසෙකින් ඇවිල්ලා සායනයේදී පෙන්නන්න කියලා අවසාන වශයෙන් මට කිව්වා. ඒත් වෛද්‍යතුමා අන්තිමට කිව්ව කතාව මගේ හිතේ තවමත් දෝංකාර දෙනවා. දිය වැඩියාව සහ අධි රුධිර පීඩනය හරියට පාලනය නොකළොත් ආපහු මේ වගේ තත්වයක් එන්න පුළුවන්. ඒ කියන්නේ මට දියවැඩියාවයි අධි රුධිර පීඩනයයි හරියට පාලනය කරගන්නම වෙනවා. ඒවගේම මගේ පෙර පිනකට තමයි පුළුවන් තරම් ඉක්මනින් ම රෝග අංශභාග රෝග ලක්ෂණ වේලාසනින්ම හඳුනගත්තේ ඒ වගේම ඉක්මනින්ම මට ඉස්පිරිතාලෙට යන්න පුළුවන් වුණේ. පරක්කු වෙලා ගියා නං මට බෙහෙත විදින්න බැරි වෙනවා. දන්න කෙනෙක්ටත් මං කියන්නේ අංශභාගේ රෝග ලක්ෂණ ආවොත් බලන් ඉන්න එපා. ඉක්මනින්ම ළඟම තියෙන රෝහලට යන්න. ඉක්මනින්ම ගියොත් අංශභාගෙට බෙහෙත් තියෙනවා.