09/02/2026
බ්රාමාරි ප්රාණයාම පුහුණුව
🐝 බ්රාමාරී ප්රාණයාමයේදී (Bhramari Pranayama) "Black bee" කියලා හඳුන්වන්නේ බඹරාටයි.
සංස්කෘත භාෂාවෙන් "භ්රමර" (Bhramara) කියන්නේ විශාල කළු පැහැති ඉන්දියානු බඹරාට (Indian Black Bumblebee/Carpenter Bee). මේ ප්රාණයාම ක්රමය බඹරාගේ නමින් නම් කරන්න ප්රධාන හේතු දෙකක් තියෙනවා:
🐝 ශබ්දය:
හුස්ම පිට කරන විට අප නගන "ම්ම්ම්..." (humming) ශබ්දය, බඹරෙකු පියාසර කරන විට නගන ගීං කාරයට (buzzing sound) ඉතා සමාන වීම.
🐝 කම්පනය: බඹරාගේ ශබ්දය මගින් ඇති කරන කම්පනය මනස සන්සුන් කරන්න උදව් වෙනවා වගේම, මේ ප්රාණයාමයේදී ඇතිවන කම්පනය මොළයේ ස්නායු පද්ධතිය සැහැල්ලු කරනවා.
🌼පුහුණු වන ආකාරය:
පහසු භාවනානුයෝගී ආසනයක හිදගෙන අත් දෙක චින් මුද්රාවෙන් හෝ ඥාන මුද්රාවෙන් දණහිස් මත තබන්න.
දෑස් වසා මුළු සිරුරම ලිහිල් කරන්න.
මෘදුව දෙතොල් වසා දත් මද වශයෙන් ඈත් කර තබන්න.
හොදින් හුස්මවාර කිහිපයක් අරගෙන පිට කරන්න.
වැළමිට නවා අත්දෙක කන්දෙක ලගට රැගෙන එන්න.
මහපට ඇගිල්ල හෝ දබර ඇගිල්ල, මැදගිල්ල භාවිතා කර කන් පියන තද කර කනේ සිදුර වසන්න.
මහපට ඇගිල්ලෙන් වසන්නේ නම් අනෙක් ඇගිලි හිස මත තබන්න.
කන් සිදුර වැසීමේදී ඇගිලි ඇතුලට නොදමන්න.
අවදානය ඇහිබම දෙක මැදට යොමු කරන්න.
උදරය පපුව පිරෙන්න හුස්මක් ගන්න.
"හම්" ශබ්දය නැගෙන සේ හුස්ම පිට කරන්න.
හඩ නැගීමේදී මොළයට මෘදු සම්බාහනයක් වන ලෙස සිදුකල යුතුය.
හුස්ම පිටකිරීමේදී නැගෙන ශබ්දය පහසු වේලාවක් දීර්ඝ විය යුතුය.
එවැනි හුස්ම වාර 5ක් සිදුකර අත්දෙක දණහිස් දෙක මතට ගන්න.
තමන්ගේ ඇතුලාන්තයේ දැනෙන මානසික නිහඩතාවය අත්විදින්න.
මෙය එක් වටයකි.
මූලික අවදියේදී එවැනි වටයක් හෝ දෙකක් පුහුණුවන්න.
ක්රමයෙන් විනාඩි 10 - 15 ක් දක්වා කාලය වැඩි කරන්න.
ගුරුවරයකුගේ මගපෙන්වීම යටතේ පුහුණුවීම් ආරම්භ කරන්න.
🌼විශේෂ අවධානය සහ නොකල යුතු අවස්ථා :
ඔබට කන් ආසාදන පවතී නම් හෝ ඉතා තද හිසරදයක් ඇති අවස්ථාවලදී මෙම අභ්යාසය කිරීමෙන් වළකින්න. සැමවිටම හිස් බඩ හෝ ආහාර ගෙන පැය 3-4 කට පසුව පුහුණු වීම වඩාත් සුදුසුය.
මෙම ප්රානයාමය කිසිවිටෙකත් උඩ අතට බිම වැතිරී පුහුණු නොවන්න.
හිසේ පිටුපස කොටස යම් දේකට හේත්තු කොට පුහුණු නොවන්න.
දැඩි ලෙස කනේ ආබාධ වලින් පෙළෙන අය මෙම පුහුණුව සිදු නොකල යුතුය.
🌼ප්රතිඵල
ක්ෂණිකව මනස සන්සුන් කරවන අතර කෝපය, කාංසාව සහ බිය පාලනය කිරීමට උදවු වේ.
නින්දට පෙර මෙය පුහුණු කිරීමෙන් සුවදායක නින්දක් ලබාගත හැක.
මතක ශක්තිය සහ අවධානය යොමු කිරීමේ හැකියාව වර්ධනය කරයි.
අධික රුධිර පීඩනය සහිත අයට මෙය ඉතා ගුණදායකය.
මෙහිදී ඇතිවන කම්පනය මගින් මොළයේ පටක සහ ස්නායු පද්ධතිය උත්තේජනය වේ.
ප්රතිශක්තිකරණ සහ ශරීරයේ සුව කිරීමේ ධාරිතාවය වැඩි කරයි.
කටහඩ ශක්තිමත් කොට වර්ධනය කරයි.
මනසේ අධික සිතුවිලි ගලනය නතරකර භාවනාව සදහා මනස සූදානම් කරයි.
ස්නායු ක්රියාකාරීත්වය ක්රමානුකූල වන අතර, එම නිසා සියළුම ඉන්ද්රියන් සැහැල්ලු කරයි.
✍️ Vishuddhi Yoga and Meditation Center
Whatsapp msg - 0718896122
