ආයු - සංධි හා ස්නායු රෝග සායනය

20/07/2025

Big shout out to my newest top fans! Darshani Udawaththa

16/05/2025

මැණික් කටුව සන්ධිය dislocated and relocated 👍

ඊළඟට... සන්ධියේ ප්‍රශස්ත චලන පරාසය පවත්වා ගැනීම සඳහා අමතන්න..

10/05/2025

💕💕

10/05/2025

09/05/2025

ඊළඟ ලිපිය අවශ්‍ය මොනවා ගැනද...

05/05/2025

ප්‍රගණ්ඩාස්ථියේ සිදුවන අස්ථි බිඳීම්
**************************************
ප්‍රගණ්ඩාස්ථියේ සිදුවන අස්ථි බිඳීම් ප්‍රධාන කොටස් කිහිපයක් මත පැහැදිලි කළ හැකිවේ.
1. ප්‍රගණ්ඩාස්ථි හිසෙහි සිදුවන බිඳීම්
2.ප්‍රගණ්ඩාස්ථි ගෙලෙහි ( surgical neck) සිදුවන බිඳීම්
3.ප්‍රගණ්ඩාස්ථි දණ්ඩේ සිදුවන බිඳීම්
4. ප්‍රගණ්ඩාස්ථි කෙළවර සිදුවන බිඳීම්

05/05/2025

ප්‍රගණ්ඩාස්ථියේ සිදුවන අස්ථි භග්න

28/04/2025

ප්‍රගණ්ඩාස්ථි යේ අස්ථි භග්න පිලිබඳව ලිපියක් බලාපොරොත්තු වන්න.

28/04/2025

ඔබෙත් උරහිස පනිනවාද
*******************
උරහිස පැනීම සුලබව වැඩිහිටියන් අතරත් කලාතුරකින් කුඩා දරුවන් අතරත් දක්නට ලැබේ. උරහිස සන්ධිය ප්‍රධාන වශයෙන්ම උර පත්ත සහ ප්‍රගණ්ඩාස්ථි හිස එක්ව සාදයි. උරහිස පැනීම ලෙස හඳුන්වන්නේ ප්‍රගණ්ඩාස්ථි හිසේ අස්ථාන ගත වීමයි.මෙය ඉදිරිපසට හෝ පසුපසට අස්ථාන ගත විය හැකි අතර වඩා සුලබ වන්නේ ඉදිරිපසට අස්ථාන ගත වීමයි. Anterior dislocation
විහිදුනු අත මතට වැටීමෙන් හෝ ඉහලට කරකැවුණු උරහිස සන්ධියට පිටුපසින් පහරක් එල්ල වීමෙන් anterior dislocation සිදුවන අතර සන්ධියේ ඉදිරියෙන් එල්ලවන බලයක් මගින් පිටුපස අස්ථාන ගත වීම හෙවත් posterior dislacation සිදු වේ.

Anterior dislocation
-------------------
මෙහිදී ඉතා දැඩි වේදනාවක් දැනෙන අතර අත චලනය කිරීමට උත්සහ කිරීම පවා අතිශය වේදනාකාරී වේ. ප්‍රගණ්ඩාස්ථි හිස නිසා සාමාන්‍යයෙන් බාහිරට පෙනෙන උරහිසේ පවතින රවුම් ස්වභාවය නැති වී පැතලි ස්වභාවයක් ඇති වීම මෙහිදී සිදු වේ.

සුදුසුකම් ලත් පුද්ගලයෙකුට උරහිස නැවත ස්ථාන ගත කිරීම සිදු කළ හැකි නමුත් x කිරණ පටලයක් මගින් ස්ථාන ගත් කිරීමේ සාර්ථකත්වය සහතික කරගැනීම අනිවාර්‍ය වේ. ඉන්පසුව උරමාවක් භාවිතයෙන් දින කිහිපයක් සන්ධියේ චලනය අවම මට්ටමක පවත්වා ගන්නා නමුත් වේදනාව පහව ගිය පළමු අවස්ථාවේදීම නැවත චලන පරාස ව්‍යායාම ආරම්භ කල යුතු වේ.

Posterior dislocation
-------------------
මෙහිදී අත ඇතුලට කරකැවී පවතින අතර පිටතට කරකැවීම හෝ උත්සහ කිරීම වේදනා ජනක වේ. Anterior dislocation හිදී මෙන්ම මෙහිදීද උරහිස පැතලි බවක් පිටතට පෙනෙන්නට තිබේ.
හැකි ඉක්මනින් නිවැරදි කල යුතු තත්ත්වයක් වන මෙහිදී බොහෝවිට රෝගියා නිර්වින්දනය ට ලක් කිරීමෙන් අනතුරුව උරහිස ප්‍රතිස්ථාපනය සිදු කරයි.
මෙහිදී ද උරමාවක් භාවිතයෙන් චලන සීමා කිරීන සිදු කරන අතර හැකි ආසන්නම අවස්ථාවේදී චලන පරාස ව්‍යායාම ආරම්භ කල යුතු වේ

මෙම උරහිස පැනීමේ අවස්තාවන්හි වෙනත් සංකූලතා ඇති වන අවස්තා ද ඇත.

ස්නායු හානි - මෙහිදී ප්‍රධාන වශයෙන්ම axillary ස්නායුව හානි වීම විය හැකිය. එයින් අත් බාහුව ලෙස හඳුන්වන deltoid මාංශපේශියේ සංවේදනයේ හා ක්‍රියාකාරීත්වයේ වෙනස්කම් ඇති වීම සිදු විය හැකිය. මෙයට අමතරව පූර්ව ගාත්‍රයේ සියලු ස්නායු අඩංගු brachial plexus අපර කොටසේ ස්නායු වලටද හානි සිදු විය හැකිය.

වරක් උරහිස පැනීම සිදු වූ අයෙකුට නැවත එවැන්නම් සිදු වීමේ සම්භාවිතාව සාමාන්‍ය අයෙකුට වඩා වැඩි වේ. නිවැරදි මඟපෙන්වීමක් යටතේ අදාළ ශක්තිකරණ ව්‍යායාම සිදු කිරීම මගින් එසේ නැවත සිදුවීම වලක්වා ගත හැකිය. නමුත් නිසි ව්‍යායාම නොමැති කම නිසා හෝ වෙනත් වෛද්‍ය කාරණා මත නැවත නැවත උරහිස පැනීම නිසා Bankart leision ලෙස නම් කරන ලද මෘදු පටක හානිය සිදුවන අතර දිගින් දිගටම ඇති වන මෙම තත්ත්වය මඟ හරවා ගැනීමට නම් ශල්‍යකර්මයකට මුහුණ දීමට පවා සිදුවිය හැකිය.
නමුත් ආරම්භක අවස්තාවේදී උරමාව මගින් චලන සීමා කල විට පවා අනෙකුත් සන්ධි වල චලන ප්‍රශස්තව පවත්වා ගැනීමත් , නිශ්චලව සිදු කල හැකි ශක්තිකරණ ව්‍යායාම සිදු කිරීම මගිනුත් ඉන්පසුව ක්‍රම ක්‍රමයෙන් සිදු කල යුතු ව්‍යායාම නිවැරදිව සිදු කිරීම මගිනුත් ඒ සඳහා අවශ්‍ය උපදෙස් හා අධීක්ෂණය සුදුසුකම් ලත් භෞතචිකිත්සකවරයෙකුගෙන් ලබා ගැනීම මගිනුත් ඉතා පහසුවෙන් නැවත ප්‍රකෘති තත්වයට පැමිණීමට හැකි වේ.

*******************
ඔබට අවශ්‍ය සියලුම භෞතචිකිත්සක ප්‍රතිකාර සඳහා ආයු සායනය (0701584575) අමතන්න.

25/04/2025

Clavicle fracture ( collarbone )
*******************

බොහෝවිට උරහිස මතට වැටීමක් සිදු වූ විට කොලර්බෝන් ලෙසින් හඳුන්වන පූර්ව ගාත්‍රය උරස් කුහරයට සම්බන්ධ කරන අස්ථි යේ බිඳීම් ඇති විය හැකියි.
කැඩුණු අස්ථි අග්‍ර ස්ථානීය වෙනසකට ලක් නොවී , අස්ථිය පිපිරීමක් පමණක් සිදුවන අවස්ථා closed non displaced fractures මෙන්ම අස්ථි අග්‍ර චලනය වීමෙන් ඒවායෙ සැකැස්ම වෙනස් වන අවස්තාද displaced fractures තිබේ.

මුල් කාලයේදී වඩාත්ම සුදුසු ප්‍රතිකාරය ලෙස වෙළුම්පටි ආධාරයෙන් තදින් බැඳීම අනුමත කළත් (bandage with figure of eight) එහිදී සිදුවන රුධිර නාල අවහිරතාවය, ස්නායු තෙරපුම ආදිය සලකා බලා මේ වනවිට එය යල්පැන ගිය ප්‍රතිකාර ක්‍රමයක් බව විශේෂඥ වෛද්‍යවරුන් විසින් නිගමනය කර තිබේ

ඒ අනුව සරල උරමාවක් මගින් සති දෙකක කාල සීමාවක් පමණක් උරහිස නිශ්චලව පවත්වා ගැනීම immobilized with a brace අනුමත කරන අතර අධික වේදනාව පහව ගිය පළමු අවස්තාවෙ පටන් ව්‍යායාම සිදු කළ යුතුය.

මෙහිදී සිදුවන අතුරු පලයක් වන්නේ අස්ථි යේ පැවති ඒකාකාර සුමට බව නැතිවීම නිසා බාහිර අලංකාරයේ අඩුවක් සිදුවීමයි. Cosmatic issues
ඒ ගැන වැඩි වශයෙන් තැකීමක් කරන අයෙක්ට අවශ්‍ය නම් ලෝහ ඇණයක් භාවිතයෙන් සිදු කරන ශල්‍යකර්මයකට මුහුණ දිය හැකිය. Intramedullary pin inserted නමුත් මෙය කලාතුරකින් සිදු කරන්නක් වේ.

වේදනාව සමනය වූ වහාම උරහිස සන්ධිය සඳහා අවශ්‍ය ශක්තිමත් කිරීමේ ව්‍යායාම ආරම්භ කල යුතු වේ. එහිදී පලමුව ස්ථාවර ශක්තිකරණ ව්‍යායාම සිදු කිරීමෙන් කැඩුණු අස්ථි අග්‍ර චලනය ඉතා අවම මට්ටමක පවත්වා ගනිමින් මාංශපේශී ප්‍රශස්තව පවත්වා ගත හැකිය. Static strengthening exeercises

ඒ හා සමගාමීවම පූර්ව ගාත්‍රයේ ඉතිරි සියලු සන්ධි වල නම්‍යශිලීත්වය ප්‍රශස්තව පවත්වා ගැනීම වෙනුවෙන් චලන පරාස ව්‍යායාම සිදු කල යුතු වේ. Range of motion exercises

නිවැරදි කළමනාකරණය ක් සිදු කිරීම මගින් සති හයක පමණ කාල සීමාවක් තුළ ක්‍රම ක්‍රමයෙන් සාමාන්‍ය දෛනික කටයුතු සිදු කර ගැනීමට හැකියාවක් ලැබේ.

ඔබගේ සියලුම අස්ථි ,සන්ධි හා ස්නායුරෝග සඳහා අවශ්‍ය භෞතචිකිත්සක ප්‍රතිකාර සඳහා *ආයු* සායනය අමතන්න.
*0701584575*

24/04/2025

අස්ථි භග්න සහ භෞතචිකිත්සාව
**************************************

අස්තියක මතුපිට පවතින ඒකාකර සුමට බව බාහිර බලයක බලපෑමෙන් බිඳී යාම අස්ති භග්නයකදී සිදු වේ.
බිඳීමේ ස්වරූපය අනුව සංවෘත හා විවෘත ලෙස වෙන් කල හැකි අතර බිඳුණු හැඩය අනුවද එය නාමකරණය කල හැකි වේ.

අස්තිය නැවත සවිවීමේදී පළමුව හානියට පත් රුධිර වාහිනී වලින් ඉවතට පැමිණි රුධිරය කැටි ගැසීමට ලක්වීම නිසා රුධිර කැටියක් නිර්මාණය වීම සිදුවේ.haematoma

දෙවනුව එම රුධිර කැටිය අස්ථි වර්ධක සෛල මගින් ප්‍රතිස්ථාපනය වීමෙන් ක්‍රම ක්‍රමයෙන් දළ අස්ථි සැකැස්මක් නිශ්පාදනය වේ. ( callus )

ඉන් අන්තුරුව නිසි පරිදි අවශ්‍ය ව්‍යායාම සිදු කිරීම මගින් අස්ථිය සවිවීම, අවට මාංශ පේශී වල ශක්තිමත් බව ප්‍රශස්ත මට්ටමෙන් පවත්වා ගැනීම සිදු කරගත හැකිය

බිඳුණු අස්ථිය අනුව කළයුතු ව්‍යායාම එකිනෙකට වෙනස් වේ. එහිදී අස්ථි භග්නයේ ස්වරූපය හා අවශ්‍යතාව අනුව නිර්දේශිත කාල සීමාවක් කැඩුනු අස්ථි කොටස් නොසොල්වා තබාගැනීම සිදු කල යුතුය. Immobilize

නමුත් ගාත්‍රයේ ඉතිරි සන්ධි වල නම්‍යශීලී බව ප්‍රශස්ත මට්ටමෙන් පවත්වා ගැනීම අත්‍යාවශ්‍ය කරුණක් වන අතර භෞතචිකිත්සාව එහිදී ඉතා වැදගත් කාර්‍ය භාර්‍යක් ඉටු කරයි.

පූර්ව ගාත්‍රය
==========
1. Clavicle fracture
2. Scapula fracture
3. Humerus neck fracture
4. Supra condylar fracture
5. Olecranon fracture
6. Radial head fracture
7. Distal radius N ulna fracture
8. Metacarpal bone fracture
9. Phalageal fractures

අපර ගාත්‍රය
==========
1. Neck of femur fracture
2. Femur shaft fracture
3. Condylar fractures
4. Patella frature
5. Tibia plateue fracture
6. Tibia fibular shaft fracture
7. Malleolar fracture
8. Tarsal bone fractures

මීට අමතරව vertebral fractures සහ pelvic bone fractures ද සුලබව දැකිය හැකිය.

එක් එක් අවස්තාවේදී සිදු කල යුතු වයායාම පිලිබඳව ලිපි මාලාවක් බලාපොරොත්තු වන්න.

ඔබගේ සියලුම අස්ථි ,සන්ධි හා ස්නායුරෝග සඳහා අවශ්‍ය භෞතචිකිත්සක ප්‍රතිකාර සඳහා *ආයු* සායනය අමතන්න.
*0701584575*

03/04/2024