24/12/2025
Hair fall ( Causes & Treatments)
මේ සතියේ වැඩියෙන්ම ගැටළු යොමු වෙලා තිබුණේ හිසකෙස් ගැලවීයෑම සහ හිස කෙස් තුනීවීම කියන ගැටලු ගැන.
👩⚕️
ඇත්තටම මේක ගැටළු දෙකක්. ✅
අපි hair fall කියලා හඳුන්වන්නේ හිසකෙස් ගැලවී යෑමට . 🫥
ඒ නිසා මුලින්ම hair fall කියන තත්ත්වය ගැන බලමු.
ඇත්තටම මොන තරම් නිරෝගී හිසකෙස් තිබ්බත් හිසකෙස් ගැලවී යෑම කියන්නේ ස්වභාවික දෙයක්.
මොකද හිසකෙස් වලට ජීවන චක්රයක් තියෙනවා. ඒක හැම කෙනාටම එක වගේ නැහැ. පුංචි වෙනස් කම් තියෙනවා.
විශේෂයෙන් හිසකෙස් වල ඝනත්වය අනුව ගත්තම හිසකෙස් 50 සිට 100 දක්වා උනත් ගැලවිලා යන්න පුළුවන්.
මේක සාමාන්ය තත්ත්වයක් ලෙස තමා හඳුන්වන්නේ. හැබැයි මේ ප්රමාණයට වඩා ගැලවී යනවා නම් ඒක අසාමාන්යයි. 🛑
ඒ වගේම හිසකෙස් ගැලවීලා නොගියත් හිසකෙස් වල ඝනත්වය අඩු වෙනවානම් ඔබ ඒ සම්බන්ධව සායනික සහය ලබා ගන්න ඕනේ.✅
මේ අධික ලෙස හිසකෙස් ගැලවී යෑම දෙආකාරයට වෙන බව ඔබ දැනුවත්ව සිටීම ඉතා වැදගත්. මෙහි පළමු හේතුව අපි විද්යාත්මකව හඳුවන්නේ 👩⚕️
* ඉක්මන් ප්රවේශයකින් හිසකෙස් ගැලවී යෑම
මේකට හේතු වෙන්නේ මූලික වශයෙන් දිලීර තත්ත්වයන්
ඒ වගේම Alopecia Areata කියන තත්ත්වයත්.
මේ Alopecia Areata කියන විද්යාත්මක නාමය නොදැන හිටියට සාමාන්ය ව්යවහාරික නාමයන් ඔබ දන්නවා.
ඒකට කියන්නේ උඳු ගොව්වන් කනවා කියලා.මේකත් හරියට දතක් පණුවො කනවා වගේ කියන කතාවක්. නමුත් මේකට සතෙක්ගේ කිසිම බලපෑමක් නැ.මෙතනදී වෙන්නේ අපේ ශරීරය තුළින්ම හිසකෙස් වලට විරුද්ධව ප්රතිදේහයක් නිපදවීම.✅
මේ නිසා හිසකෙස් වලට හානි වෙලා හිසකෙස් විනාශ වීමක් සිදු වෙනවා.
මෙය බොහෝ විට හිස් කබලේ එක ප්රදේශයකට බලපානවා. කලාතුරකින් පූර්ණ වශයෙන් හිස් කබලටම බලපානවා.
---------------------------------------------------
ඒ වගේම හිසකෙස් , හිස් කබලෙන් අධික ලෙස ගැලවී යෑමට තවත් ප්රබල හේතු තියෙනවා.
* acute alagem influence case
මෙය සිදු වන්නේ ශරීරයට ඇති වන ආතතියක බලපෑම හේතුවෙන්.
බොහෝ විට කෙනෙක් එක්වරව හිසකෙස් හිසකෙස් අධිකව ගැලවී යෑම ( sudden hair loss ) මුහුණ දෙන්නේ මේ නිසා. එතකොට මෙහෙම වෙන්න බලපාන හේතු වන්නේ තදබල ලෙස වෛරසයකට ලක්වීම හෝ ඇතැම් සැත්කම් වලට භාජනය වීමෙන් අනතුරුව .
මේක සුලබව අපි දැක්කා කොවිඩ් ආසාදනය වුණ රෝගීන්ගෙන් . ඒ වගේම ඩෙංගු හැදුණට පස්සෙත් මෙහෙම වෙන්න පුළුවන්.
ඒ වගේම දරු ප්රසූතියෙන් පසුවත් මේ sudden hair loss එක දක්නට ලැබෙනවා.
මෙතනදී ඒ බලපෑම නිසා මුලින්ම වෙන්නේ හිසකෙස් වල වර්ධනට නැතිවෙලා හිසකෙස් විවේකී අවස්ථාවකට පත්වීම .
ඒ විවේකී අවස්ථාව මාස 3 ක් ලෙස තමා නම් කරන්නේ.
ඒ කාලය ඉවර වෙනකොටම හිසකෙස් අධික ලෙස වැටෙන්න පටන් ගන්නවා.
මෙතනදී බොහෝ දෙනෙක් අධික ලෙස බියට පත් වෙනවා. නමුත් මෙය බිය විය යුතු තත්ත්වයක් නෙවෙයි. මෙය බොහෝ දෙනෙක්ගේ ස්වාභාවිකම යථාවත් වෙනවා.
ඒ වගේම ඔබ දැනටමත් දන්න කාරණයක් cancer ♋️ වලට ප්රතිකාර කිරීමේදී ලබා දෙන ඖෂධ නිසා හිසකෙස් අධිකව ගැලවී යන බව. නමුත් ඒ ඖෂධ නිසා විතරක් නෙවෙයි වෙනත් ඖෂධ වලටත් sudden hair loss වෙන්න පුළුවන්.
-------------
ඊළඟ කාරණය තමා හෝමෝන සම්බන්ධ ගැටලු .
විශේෂයෙන් Thyroxine හෝමෝනයේ අඩු වැඩි වීමක් වෙන අවස්ථා වල අධික ලෙස හිසකෙස් ගැලවී යෑමක් දක්නට ලැබෙනවා.
-
පෝෂණ ඌනතා
ඔබට iron-deficiency හෙවත් යකඩ ඌනතාවයක් පවතින විට
Zinc ඌනතාවයක් ඇති විට
Vitamin D ඌනතාවයක් ඇති විට
ඔබගේ හිසකෙස් අධික ලෙස ගිලිහී යනවා.
----
ඊලඟට වෙන්නේ අපට හිසකෙස් ප්රමාණාත්මකව ගැලවී යෑමක් නොපෙන්වා හිසකෙස් තුනී වීමකට ලක්වීම.
මේ තත්ත්වය අපි හඳුන්වන්නේ Pattern hair loss නමින් .
ඒ නම දීලා තියෙන්නේ මෙහිදී හිසකෙස් තුනීවීම යම් රටාවකට සිදුවන නිසා.
මේකට ගැහැණු - පිරිමි දෙපාර්ශවයම එක වගේ ලක්වෙනවා. මේ ප්රශ්නයේ මූලික අඩිතාලම වන්නේ ජානමය බලපෑම. මේක සාමාන්ය ව්යවහාරයේ තට්ටය පෑදීම කියලා හඳුන්වන තත්ත්වය. හුඟක් දෙනෙක් හිතුවට මේක වෙන්නේ පිරිමි අයට කියලා ගැහැණු අයටත් මෙම තත්ත්වය බලපානවා. හිසකෙස් අඩු වෙලා scalp එක පේන්න පටන් ගන්න එක .
මේකට ජානමය බලපෑමක් තිබ්බත් මූලික අවස්ථාවේ සායනික ප්රතිකාර වලට යොමු වීමෙන් ඉතා සාර්ථක ලෙස තත්ත්වය පාලනය කර ගන්න පුළුවන්.
කාන්තාවන්ට Pattern hair loss හැදෙන්න හෝමෝන තත්ත්වයත් බලපානවා. විශේෂයෙන් ඩිම්බ කෝෂ ආශ්රිතව ඇතිවන Polycystic O***y Syndrome ( PCOS) රෝග තත්ත්වය නිසාත් හිසකෙස් තුනී වෙනවා.
-
ප්රතිකාර
ඔබගේ හිසකෙස් අසාමාන්ය ලෙස ගිලිහී යනවානම් හෝ තුනී වෙනවානම් ඔබ බාහිරව භාවිතා කරන shampoo
Paraben-free
sulfate-free
silicone-free කියන කාණ්ඩ වලට අයත් දැයි බලන්න. නැත්නම් එවන් shampoo එකක් හොඳ ප්රමිතිගත conditioner එකක් භාවිතාව හැමෝටම සුදුසුයි.
හැබැයි ඉතිං තමන්ගේ හිසකෙස් අසාමාන්ය විදිහට ගිලිහී යනවානම් තුනී වෙනවානම් shampoo conditioner වගේම විවිධ hair cream , hair oil ගගා ඉඳලා අමාරුවේ වැටෙන්න එපා.
✅ වැදගත්ම දේ ඇයි ඔබේ හිසකෙස් ගැලවී යන්නේ හෝ තුනී වන්නේ කියන එක සම්බන්ධව ගන්නා නිවරදි රෝග විනිශ්චය ✅
-
මේ ලිපිය කියවතදී ඔබට තේරෙන්න ඕනේ hair applications වලින් ඔබ්බට ගිය අභ්යන්තර සෞඛ්ය ගැටළු හිසකෙස් අහිමිවීමට බලපාන බව.
ඔබේ ගැටලුව සායානිකව යොමු කිරීමෙන් පමණයි ඔබේ පසුබිම ගැන අධ්යයනයක් කරමින්
ඉන් පසුව විවිධ පර්යේෂණ වලට ඔබ භාජනය කරලා Dermatoscopy කරලා අවශ්ය නම් රුධිර පරීක්ෂණ කරලා . අවශ්ය නම් පටක පරීක්ෂාවක් කරලා අදාළ රෝග තත්ත්වය නිශ්චය කරගෙන ප්රතිකාර කරන්න පුළුවන් වෙන්නේ .
අනික හිසකෙස් අසාමාන්ය ලෙස ගැලවී යෑම ගැන ඔබ දැනුවත් වුණ වහාම සායනික ප්රතිකාර වලට යොමු වෙන්න.
එය ප්රතිකාර කිරීම පහසු කරනවා.
( ඒ නිසා තේරෙණම භාෂාවෙන් කියනවනම් අසාමාන්ය විදිහට කොණ්ඩේ ගැලවෙන එකට ප්රතිකාරයක් විදිහට shampoo , conditioner , oil , hair cream ගැන හොය හොය ඉන්නේ නැතුව අටෝරාශියක් ඒවා ගාගන්නේ නැතුව සායනික පරීක්ෂණ වලට ලක් වෙන්න
👩⚕️
Nadhiya Jayawardhana
Consultant Cosmetologist ( special)
Global Rank
Bachelor Of Cosmetology AUE
European Qualification framework
Hon: Beauty Doctor ( London )
-
(මෙම ලිපිය Doctor Doll Beauty Clinic Pvt Ltd සතු බුද්ධිමය දේපළක් වන අතර අනවසරයෙන් උපුටා ගැනීම නීතිමය වරදකි.)
-
✅ The clinic operates under the supervision of a government-registered physician✅
