Dr. Rohan Liyanage

10/06/2023

විශේෂඥ වෛද්‍ය රොහාන් ලියනගේ මහතා විසින් මෙහි දී Gonal-F ඖෂධය ගර්භණීභාවය අපේක්ෂා කරන කාන්තාවන්ට ලබා දෙන්නේ ඇයි ද යන්න පිළිබදව විග්‍රහයක් ඉදිරිපත් කරනු ලැබේ.

විශේෂඥ වෛද්‍ය රොහාන් ලියනගේ මහතා විසින් මෙහි දී Gonal-F ඖෂධය ගර්භණීභාවය අපේක්ෂා කරන කාන්තාවන්ට ලබා දෙන්නේ ඇයි ද යන්න ....

27/05/2023

විශේෂඥ වෛද්‍ය රොහාන් ලියනගේ මහතා විසින් මෙහි දී එන එන බබා ගබ්සා වීම පිළිබඳ ව හා ඊට හේතූවන කරුණු පිළිබදව විග්‍රහයක් ඉදිරිපත් කරනු ලැබේ.

විශේෂඥ වෛද්‍ය රොහාන් ලියනගේ මහතා විසින් මෙහි දී එන එන බබා ගබ්සා වීම පිළිබඳ ව හා ඊට හේතූවන කරුණු පිළිබදව විග්‍රහයක....

21/05/2023

සාඵල්‍යතාව සඳහා නිර්දේශ කරන විවිධ ඖෂධ :

මඳ සරු බව නිසා වර්තමානයේ බොහෝ යුවල් කායිකව මෙන්ම මානසිකව ද බොහෝ සේ පීඩා විඳින බව නොරහසකි.නමුත් අද වන විට වෛද්‍ය විද්‍යාව ලබා ඇති දියුණුවත් සමඟම මඳ සරු වීම සඳහා බලපාන බොහෝ සාධක වලට නිවැරදිව ප්‍රතිකාර ලබා ගතහොත් කිරි සිහිනය ඔබට තව දුරටත් සිහිනයක් වන්නේ නැත.
මේ නිසා බොහෝ යුවල් ඉක්මණින්ම වෛද්‍ය ප්‍රතිකාර කරා යොමු විය යුතුයි. නමුත් බොහෝ දෙනාට තමන් ලබා ගත යුතු හෝ දැනටමත් ලබා ගන්නා ඖෂධ ගැන හරියාකාර වැටහීමක් හා අවබෝධයක් නැහැ. සමහර අවස්ථා වලදී ප්‍රතිකාර ලබා දෙන වෛද්‍ය මධ්‍යස්ථාන වලින් ද නිසියාකාර උපදෙස් ලබා දෙන්නෙ නෑ.
කාන්තාවන් සඳහා ලබා දෙන ඖෂධ වර්ග
1. බිත්තර (ඩිම්බ) සංඛ්‍යාව වැඩි වීම, මනාව වර්ධනය වීම/මේරීම, ගුණාත්මකබාවය වැඩි වීම සඳහා ලබා දෙන ඖෂධ වර්ග
මුඛ මාර්ගයෙන් (Oral) ලබා දෙන ඖෂධ :-
• Clomiphene citrate 50mg bd/tds
මාසික ශුද්ධ වීමෙන් දින 2 සිට 3 දක්වා දිනකට දෙවරක් හෝ තෙවරක්
වෙළඳ නාමයන් :- Ovimit , Corphen , Ovulet, Clomid
• Letrozole 2.5 mg once a day/ bd / tds
මාසික ශුද්ධ වීමේන් දින 3 සිට 5 දක්වා නියම කරන අයුරුන් ලබා ගත යුතුය.
වෙළඳ නාමයන් :- Letroz , Stimu-let , Letov

නික්ෂේපණ / එන්නත් මඟින් ලබා දෙන ඖෂධ

• FSH හා LH හෝමෝන එන්නත්
වෙළඳ නාමයන් - GONAL-F , IVF-M , Follistim වැනි

2. මනාව වර්ධනය වූ / මේරූ ඩිම්බ නිසි පරිදි මෝචනය වීම සඳහා
• hCG 5000 IU
වෙළඳ නාමයන් - OVIDAC , OVIDREL , IVF-C , Pubergen

3. මාසික ඔසප් චක්‍රයේ පශ්චිම භාගයේදී එනම්, ලූටීය අවදියේදී (Luteal Phase) කලලයේ පිළිසිඳ ගැනීමේ හැකියාව වැඩි කරන සහ කලලය ගර්භාෂ බිත්තියට හොඳින් අලවා තැබීම සඳහා ලබා දෙන ප්‍රොජෙස්ටරෝන් අඩංගු ඖෂධ

• වෙළඳ නාමයන් Vegeston , Susten
4. ගර්භාෂ බිත්තියේ රුධිර සැපයුම ඉහළ නැංවීමට සහ පෝෂණ තත්ත්වය වැඩි කරලීම සඳහා ලබා දෙන ඖෂධ
• Ecosprin
• Fish Oil
• Vitamin E
• Vitamin C
වැනි ඖෂධ භාවිතා වේ.

5. ඔසප් චක්‍රය අක්‍රමවත් ස්ත්‍රීන්ගේ ඔසප් චක්‍රය ක්‍රමවත් වීම සඳහා ලබා දෙන ඖෂධ
Norethisterone 5mg tds

පුරුෂයන් සඳහා ලබා දෙන ඖෂධ වර්ග

1. සහ එන්සයිම වර්ග / Co-Enzymes
2. දුර්ලභ ශාක සාර වලින් නිශ්පාදිත පර්‍යේශණාත්මකව සනාථ කරන ලද ඖෂධ
3. ඇතැම් විට Clomiphene citrate වැනි ඖෂධ පෙති

සැළකිය යුතුයි
ඉහත සඳහන් ඖෂධ ලබා දෙන ප්‍රමානයන් සහ කාලය, පුද්ගලයාගෙන් පුද්ගලයාට සහ රෝග තත්ත්වය මත සෘජුවම වෙනස් වන අතර වෛද්‍ය නිර්දේශයට අනුව පමණක් ලබා ගත යුතුය.

13/05/2023

Struggling to start a family? We're here to help. At Fertisouth Fertility Center, we understand how difficult it can be to face fertility challenges. Our experienced team of specialists is dedicated to providing compassionate care and the latest treatments to help you achieve your dream of having a baby. Let us be a part of your journey towards parenthood. Contact us today to schedule a consultation.

11/05/2023

මෙම විඩීයෝව තුලින් ශුක්‍රාණු සන්ද්‍රණය දරු පිලිසිද ගැනීම කෙරෙහි කෙසේ බලපානවාද යන්න විග්‍රහ කෙරේ.

මෙම විඩීයෝව තුලින් ශුක්‍රාණු සන්ද්‍රණය දරු පිලිසිද ගැනීම කෙරෙහි කෙසේ බලපානවාද යන්න විග්‍රහ කෙරේ.E mail: info@fertisouth.comTelephone: 09...

06/05/2023

04/05/2023

ගර්භණී සමයේදී ඇස්ප්‍රීන් (Aspirin) ඖෂධය ලබා දෙන්නේ ඇයි?

ගර්භණී කාලයේදී කාන්තාවන්ට සාමාන්‍යයෙන් ෆෝලික් අම්ල පෙති, කැල්සියම් පෙති, යකඩ පෙති ආදී ආහාර අතිරේක පෙති ලබා දීමට සිදු වෙනවා. නමුත් සමහර විශේෂිත අවස්ථා වලදී පමණක් මේ සාමාන්‍යයෙන් ලබා ගන්නා පෙති වලට අමතරව වෛද්‍යවරයා වෙනත් ඖෂධ ද නියම කරන්න පුළුවන්. එහෙම ඖෂධයක් තමයි ඇස්ප්‍රීන් (Aspirin). NSAIDs ගණයට අයත් ඇස්ප්‍රීන් රුධිරයේ කැටි ගැසීමේ හැකියාව අඩු කිරීම සඳහා (Anti-platelet) බහුලව භාවිතා කරන ඖෂධයක්.

ගර්භණී සමයේ දී Aspirin ලබා දෙන විශේෂ අවස්ථා
• ගර්භණී සමයේ අධි රුධිර පීඩනය ඇති වී එය Pre-eclampsia තත්ත්වය දක්වා වර්ධනය වීම වැළැක්වීම සඳහා ( ගර්භණී සමයේ අධි රුධිර පීඩනය ..... )
• නිතර නිතර ගබ්සා වීම් වැළැක්වීම සඳහා
• ආතරයිටිස් සහ ස්වයං ප්‍රතිශක්ති රෝග (Auto immune diseases) ඇති ගර්භණී කාන්තාවන් සඳහා
• දියවැඩියා රෝගයෙන් පෙළෙන සහ අධික තරබාරු කාන්තාවන්
• නිවුන් දරු පිළිසිඳ ගැනීම් සහිත කාන්තාවන්
• වකුගඩු රෝග සහිත කාන්තාවන්
• වයස් ගත මාතෘ ගැබ් ගැනීම් වලදී (වයස අවුරුදු 35 ට වැඩි)

ඉහත සඳහන් අවස්ථා වලදී Aspirin ඖෂධය ලබා දිය යුතු ද නැත් ද යන්න විශේෂඥ වෛද්‍යවරයා තීරණය කරනු ලැබේ. Aspirin ගර්භණී සමයේ භාවිතා කිරීමට සුදුසු ඖෂධයක් බැවින් වෛද්‍ය උපදෙස් වලට අනුව නියමිත මාත්‍රාව නියමිත කාලයක් ලබා ගැනීම වැදගත් වේ. එමඟින් කුසෙහි වැඩෙන බිළිඳාගේ මෙන්ම මවගේ ද සංකූලතා අවම කර ගැනීමට පුළුවන්.

29/04/2023

ගැබ් ගැනීම ප්‍රමාද කරවන ගර් භාෂයේ ගෙඩි

වර් තමාන ලෝකයේ විවාහපත් යුවල් මුහුණ පාන බරපතල ගැටලුවක් බවට මදසරු භාවය පත් වී ඇත. වසරක් පාසා වාර් තා වන මදසරු කාන්තාවන් හා පුරුෂයන් ගේ ප්‍රතිශතය ද ඉහළ ගොස් ඇත. මේ සඳහා පුරුෂ සාදක මෙන් ම ස්ත්‍රී සාදක ද බලපායි. ගැබ් ගැනීම ප්‍රමාද කරවන එක් ස්ත්‍රී සාදකයක් වනුයේ ගර් භාෂයේ මාංශ පේශි හා තන්තු පටකවලින් හටගන්නා පිළිකාමය නොවන ගෙඩි හෙවත් ෆයිබ්‍රොයිඩ ය. ගර් භාෂ මයෝමා (Leiomyoma) ලෙස ද මේවා හඳුන්වයි.
සෑම කාන්තාවන් තුන් දෙනෙකු ගෙන් එක් අයකුට තම ජීවිත කාලය තුළ ෆයිබ්‍රොයිඩ ගෙඩි හට ගැනීමේ ප්‍රවණතාවක් පවතින බව මෑතක දී සිදු කරන ලද පරීක්ෂණයකින් හෙළි වී ඇත. ෆයිබ්‍රොයිඩ හට ගැනීම ස්ත්‍රීන් ගේ සරු කාලය (වයස අවුරුදු 16 සිට 50 දක්වා) තුළ දී සිදු වන අතර බහුල ව ම දක්නට ලැබෙන්නේ වයස අවුරුදු 30 ත් 50 ත් අතර පසුවන කාන්තාවන් ගේ ය. ෆයිබ්‍රොයිඩ ඇති වීම සඳහා බලපාන නිශ්චිත හේතුවක් තවමත් පැහැදිලි ව හඳුනා ගෙන නොමැති නමුත් අදික ස්තූලතාව, ෆයිබ්‍රොයිඩ සහිත පවුල් ඉතිහාසයක් පැවතීම සහ දරුවන් නොමැති වීම ෆයිබ්‍රොයිඩ ඇති වීමේ ප්‍රවණතාව ඉහළ නංවන බව සොයා ගෙන ඇත. තව ද මේ සඳහා ඊස්ට්‍රජන් හෝර් මෝනයේ බලපෑමක් පවතින බව ද හෙළි වී ඇත. ඊස්ට්‍රජන් යනු කාන්තාවන් ගේ ඩිම්බ කෝෂ මගින් නිපදවන ප්‍රජනක හෝර් මෝනයකි.
බොහොමයක් ෆයිබ්‍රොයිඩ කිසිඳු රෝග ලක්ෂණයක් ඇති නොකරන නමුත් ඇතැම් අවස්ථාවල දී පහත රෝග ලක්ෂණ ඇති කරයි:
• ඔසප් චක්‍රයේ වෙනස් වීම් (අදික රුදිර වහනය, අදික වේදනාව)
• උදරයේ වේදනාව
• කොන්ද කැක්කුම
• මුත්‍ර චර්‍යාව වෙනස් වීම
• මල බද්දය
• ලිංගික ව එක් වීමේ දී ගැටලු
• සාඵල්‍යතාව
ෆයිබ්‍රොයිඩ නිසා ගබ්සා වීම්, මදසරු බව ඇති වීම සහ ප්‍රසූතියේ දී නොමේරූ දරු උපත් ඇති වීම හා සිසේරියන් සැත්කම් කිරීමට සිදු වීම වැනි සංකූලතා ඇති විය හැකි ය.
ගර් භාෂය තුළ ෆයිබ්‍රොයිඩ හට ගන්නා ස්තානය අනුව වර් ග කිහිපයක් පවතී. වඩාත් ම සුලබ වනුයේ ගර් භාෂයේ මාංශ පේශිමය බිත්තියේ වර්දනය වන ෆයිබ්‍රොයිඩයි (Intramural fibroids). ගර් භාෂ බිත්තියෙන් පිටත ශ්‍රෝණිය දක්වා වර්දනය වන ඉතා විශාල ෆයිබ්‍රොයිඩ ද ඇත (Sub-serosal fibroids). මදසරු බව ආදී සංකූලතා සඳහා වැඩිපුර ම බලපානුයේ ගර් භාෂ බිත්තියේ අභ්‍යන්තර ස්තරයෙන් පහළ, කුහරය තුළට වර්දනය වන ෆයිබ්‍රොයිඩයි (Sub-mucosal fibroids). මෙම ෆයිබ්‍රොයිඩ අති ද්වනි (Ultra-sound) ස්කෑන් පර්‍රික්ෂාවක් මගින් පහසුවෙන් හඳුනා ගත හැකි ය.
ඉහත සංකූලතා හා රෝග ලක්ෂණ නොමැති නම් ෆයිබ්‍රොයිඩවලට ප්‍රතිකාර කිරීම අවශ්‍ය නොවන අතර ආර් ථවහරණයෙන් පසු ඊස්ට්‍රජන් හෝර් මෝන බලපෑම අඩු වීම නිසා ගර් භාෂ ගෙඩි හැකිලී යාම සිදු වේ. ෆයිබ්‍රොයිඩවල ප්‍රමාණය, පිහිටි ස්තානය, සංකූලතා හා කාන්තාව ගේ වයස වැනි සාදක මත ප්‍රතිකාර ක්‍රම වෙනස් වේ.
ෆයිබ්‍රොයිඩ සඳහා ප්‍රදාන ප්‍රතිකාර ක්‍රම ලෙස ඖෂද/හෝර් මෝන මගින් පාලනය හා ශල්‍යකර් ම මගින් ඉවත් කිරීම සිදු කළ හැකි ය. වෛද්‍ය නිර් දේශ යටතේ ඖෂද ලබා දීම පළමු ව සිදු කරන අතර එය ප්‍රමාණවත් නොවේ නම් ශල්‍යකර් ම සඳහා යොමු වීමට සිදු වේ.

26/04/2023

ඕනවට වඩා මහත් වුනාම වඳ වෙනවද?

අධි බර සහිත කාන්තාවන්ගේ එනම් ශරීර ස්කන්ධ දර්ශකය(BMI) 25 ට වැඩි කාන්තාවන්ගේ පිළිසිඳ ගැනීමේ හැකියාව සාමාන්‍ය බර සහිත(ශරීර ස්කන්ධ දර්ශකය 18.5-24.9) කාන්තාවන්ට වඩා අඩු බව පර්‍යේෂණ වලින් අණාවරනය වී ඇත.

කාන්තාවන්ගේ ඔසප් චක්‍රය නිසියාකරව පාලනය වීමට FSH, LH, GnRH, ප්‍රොජෙස්ටරෝන්, ඊස්ට්‍රජන් etc. වැනි හෝර්මෝන රැසක මනා සමබරතාවයක් වැදගත් වේ.

ස්ථූල කාන්තාවන්ගේ ශරීරයේ අඩංගු මේද ප්‍රමාණය වැඩිය. ශරීරයේ මේද පටක වලින් නිපද වන ලෙප්ටීන් නම් හෝර්මෝනය, මෙම හෝර්මෝන සමතුලිතතාව පවත්වා ගැනීමට බාධා ඇති කරයි. මේ නිසා ඔසප් චක්‍රයේ අක්‍රමිකතා ඇති වේ.එමෙන්ම මොවුන්ගේ ඩිම්බ මෝචනය ද නිසියාකාරව සිදු නොවේ. තවද ඩිම්බ කෝෂ වල තරල පිරුනු PCOS(Polycystic Ovarian Syndrome) වැනි රෝගයද ස්ථූලතාව හා මඳ සරු බව සමඟ සම්බන්ධතාවක් දක්වයි.

ස්ථූල කාන්තාවන් හට සිරුරේ තරබාරු බව නිසාම ලිංගිකව එකතු වීමේදී විවිධ අපහසුතා වලට ලක් වීමට සිදු වේ.

එමෙන්ම දිය වැඩියාව, අධි රුධිර පීඩනය, කොලෙස්ටරෝල් වැනි කායික රෝගී තත්ත්වයන් ඇති වීමේ ප්‍රවණතාවද මෙවැනි කාන්තාවන් හට වැඩිය. ඔවුන්ගේ අධික මේදය නිසා ඉන්සියුලීන් හෝර්මෝනයේ ක්‍රියාකාරීත්වය අඩු වේ. මේ නිසා රුධිරයේ සීනි මට්ටම නිසි ලෙස පාලනය නොවේ.

ස්ථූල කාන්තාවක් ගර්භණී වූ පසුව දරු ගැබ ගබ්සා වීමේ අවධානම ද ඉහලය. තවද ඔවුනට අවශ්‍ය වන ඖෂධ මාත්‍රාව ද සාමාන්‍ය බර සහිත කාන්තාවකට වඩා ඉහලය. මේ නිසා නිසි ඖෂධ ප්‍රමානයක් ශරීරයට නොලැබී යාමද තවත් අවාසියකි.

නිසියාකාරව අහාර පාලනය, පෝෂ්‍යදායී ආහාර වේලක් ලබා ගැනීම, සුදුසු ව්‍යායාම වල නිරත වීම, මානසික සුවතාව, අවශ්‍ය ප්‍රමාණයට සුව නින්දක් ලබා ගැනීම ආදිය මඟින් ශාරීරික සහ මානසික සෞඛ්‍ය යහපත් කර ගැනීමටත් සාර්ථක ලෙස පිළිසිඳ ගැනීමටත් දරු ගැබක් දරා සිටීමටත් ඉවහල් වේ.

මේ සඳහා ඔබට අවශ්‍ය සහය ඕනෑම රෝහලකින් හෝ පෝෂණ සායනයකින් නොමිලේම ලබා ගත හැකිය..

අමතන්න:
+94 71 803 2200
0701299236

24/04/2023

22/04/2023

සරු කාලය සහ ඩිම්බ මෝචනය හඳුනාගන්නේ කෙසේද?

සාර්ථක ලෙස දරු පිළිසිඳ ගැනීමක් සිදුවීමට නම්, සරු ඩිම්බයක් සරු ශුක්‍රාණුවක් සමඟ සංසේචනය විය යුතුය. මෙලෙස ඩිම්බයක් සහ ශුක්‍රාණුවක් එකතු වීමට වඩාත් සම්භාවිතාවක් ඇති කාලය කාන්තාවගේ ඔසප් චක්‍රයේ සරු කාලය ලෙස හැඳින්වේ. මේ නිසා සරු කාලය නිවැරදිව ගණනය කිරීම වැදගත් වේ. ශුක්‍රාණු වලට කාන්තාවගේ ප්‍රජනක පද්ධතිය තුළ දින 5ක පමණ කාලයක් සජීවීව පැවතිය හැක. එමෙන්ම මෝචනය වූ ඩිම්බයකට සජීවීව සිටීමට හැක්කේ පැය 24 ක කාලයකි. සාමාන්‍යයෙන් ඩිම්බය මෝචනය වී දින 14 කට පසු ඔසප් වීම සිදුවේ. එනම්, දින 28ක ඔසප් චක්‍රයක නම්, 14 වෙනි දිනයේදී ඩිම්බ මෝචනය වූ පසු 28 වෙනි දිනයේදී ඔසප් වීම ආරම්භ වේ. මේ නිසා 14 වන දිනයේ දී මෝචනය වන ඩිම්බය 15 වන දවස දක්වා සජීවීව තිබේ. කාන්තාවගේ ප්‍රජනක පද්ධතිය තුළ ශුක්‍රාණුවක ජීවී කාලය දින 5ක් පමණ වන නිසා ඔසප් චක්‍රයේ 10 වෙනි දින යෝනි මාර්ගයට ඇතුළු වූ ශුක්‍රාණුවකට ද ඩිම්බය සමඟ සංසේචනය වීමට හැකියාවක් පැවතිය හැක. මෙම කරුණු අනුව, දින 28ක ඔසප් චක්‍රයක් හිමි කාන්තාවකගේ සරු කාලය ලෙස දින 10-15 අතර කාලය ගත හැක. මෙම කාලය තුළ ලිංගිකව එකතු වීමෙන් යුවලකගේ ගැබ් ගැනීම සාර්ථක වීමේ අවස්ථාව වැඩිය.
මේ නිසා ඩිම්බ මෝචනය වන කාලය පිළිබඳව අවබෝධයකින් සිටීම වැදගත් වේ. මේ පිළිබඳව දැනගැනීමට විවිධ ක්‍රම ඇති අතර කැලැන්ඩර් ක්‍රමය බහුලවම භාවිතා වන ක්‍රමයකි. කැලැන්ඩර් ක්‍රමය ඉතා පහසු කිසිම පිරිවැයකින් තොරව ඩිම්බ මෝචනය පිළිබඳව අවබෝධයක් ලබා ගත හැකි ක්‍රමයකි.
ශරීර උෂ්ණත්වය වෙනස් වීම මැනීම -
ඩිම්බ මෝචනයත් සමඟ සිදුවන හෝමෝන වෙනස් වීම නිසා ශරීර උෂ්ණත්වය වැඩි වීම සිදු වේ. දෛනික උෂ්ණත්වය පිළිවෙලට මැන බැලීමෙන් එය වැඩි අගයක් ගන්නා දිනය දැනගත හැක.

ඩිම්බ මෝචනය සාමන්‍ය පරිදි සිදු නොවන කාන්තාවන්ගේ (විශේෂයෙන්ම ආර්තව චක්‍රය අක්‍රමවත්/ප්‍රමාද) ඩිම්බ මේරීම උත්තේජනය කිරීම සඳහා ඩිම්බ මේරීමට ලබා දෙන ගිලින පෙති වලට අමතරව FSH/LH අඩංගු නික්ෂේපණ ලබා දීමට සිදු වේ. නමුත්, මිල තරමක් වැඩි නිසා තමාට ලබා ගත හැකි, යෝග්‍ය වන එන්නත විශේෂඥ වෛද්‍යවරයාගෙන් ඔබට දැන ගත හැකිය. බොහෝ විට වෙළඳපොළෙහි ඇති නික්ෂේපණ වර්ග වල මිල සහ ගුණාත්මකබාවය ද වෙනස් විය හැකිය. සමහර කාන්තාවන්ට සමහර අවස්ථා වලදී මෙවැනි නික්ෂේපණ එකකට වඩා දීමට සිදු වේ.

විශේෂඥ වෛද්‍ය,
රොහාන් ලියනගේ.