25/11/2022
තරබාරුකම යනු ශරීරයේ අතිරික්ත මේදය සමුච්චය වීමය.එය සෞඛ්‍යයට අහිතකර ලෙස බලපාන අතර, ආයු අපේක්ෂාව අඩු කිරීම සහ/හෝ සෞඛ්‍ය ගැටලු වැඩි කිරීමට හේතු විය හැක. දියවැඩියාව,හෘද රෝග, අධි රුධිර පීඩනය, ආඝාතය, ඔස්ටියෝ ආතරයිටිස් සහ පිළිකා ආදි රෝග බරෙහි ප්‍රධාන කොටසක් ලෙස අධික බර හා තරබාරුකම දැක්විය හැක.
ආයුර්වේදයේ, අති ස්ථෞලය (තරබාරුකම) විස්තර කර ඇත්තේ මේද (මේදය/ඇඩිපෝස් පටක) සහ මම්සා (මස්/මාංශ පේශි පටක) අධික ලෙස උකුල්, උදරය සහ පියයුරු ආදියේ එකතුවීම ලෙසය. එය ආයුර්වේදයේ සන්තාර්පානොත්ත විකාර (අධික කැලරි පරිභෝජනය හේතුවෙන් ඇතිවන රෝගය) එකක් ලෙස සැලකේ. මේදෝදුෂ්ටි(මේද පරිවෘත්තීය ආබාධ) Ischemic හෘද රෝග (IHD) සඳහා අවදානම් සාධක වලින් එකක් විය හැකිය.
තරබාරුකමට සහ අධික බරට මූලික හේතුව වන්නේ පරිභෝජනය කරන කැලරි සහ වැය කරන කැලරි අතර ශක්ති අසමතුලිතතාවයයි.
මේ සඳහා
*මේදය හා සීනි සහිත අධික ශක්තිජනක ආහාර වැඩි වශයෙන් භාවිතය
*බොහෝ ආකාරයේ වැඩවලදි වැඩි වැඩියෙන් වාඩි වී සිටින ස්වභාවය
*ප්‍රවාහන ක්‍රම වෙනස් කිරීම සහ නාගරීකරණය වැඩි වීම හේතුවෙන් ශාරීරික අක්‍රියතාව වැඩි වීම.
*නිදන්ගත රෝග හා ශාරීරික හෝමෝන අසමතුලිත තාවයන්,මානසික ආතතිය
*ආහාර හා ශාරීරික ක්‍රියාකාරකම් රටා වෙනස් වීම
ආදි විවිධ සාධක බලපානු ලබයි.
අධික තරබාරු බවින් මිදී නිරෝගීව සිටීමට සාර්ථක ආයුර්වේද ප්‍රතිකාර, නිවැරදි ආහාර රටාවන් සහ ව්‍යායාම තුලින් හැකියාව පවති.
සියලුම රෝග සඳහා ආයුර්වේද ප්‍රතිකාර ලබාගැනීමට විමසීම් ,
වෛද්‍ය සමන්ති පල්කුඹුර
BAMS (කොළඹ විශ්වවිද්‍යාලය)
ආයුධාරා ආයුර්වේද වෛද්‍ය මධ්‍යස්ථානය
වලල හන්දිය
මැණික්හින්න
0710101115
