15/10/2025
දත්වල නිවැරදි X-Ray පිටපතක් ලබා ගන්නේ කෙසේද?
දත්වල නිවැරදි X-Ray පිටපතක් ලබා ගැනීම මුඛ සෞඛ්‍ය ගැටලු නිවැරදිව හඳුනා ගැනීමට සහ සුදුසු ප්‍රතිකාර සැලසුම් කිරීමට ඉතා වැදගත් වේ. මෙහිදී රෝගියාගේ සහ දන්ත වෛද්‍යවරයාගේ යන දෙපාර්ශ්වයේම මැදිහත්වීම වැදගත් වේ.
දන්ත X-ray පිටපතක් ගැනීමට පෙර
• දන්ත වෛද්‍යවරයා ඔබේ රෝග ලක්ෂණ, දන්ත ඉතිහාසය හෝ සාමාන්‍ය පරීක්ෂණ මත පදනම්ව X-ray එකක් අවශ්‍ය දැයි තීරණය කරයි.
• X-ray එක ගැනීමට පෙර, ශරීරය අනවශ්‍ය විකිරණවලින් ආරක්ෂා කර ගැනීමට ආරක්ෂක ආවරණයක් පළඳවනු ලැබේ. මෙය පපුව සහ තයිරොයිඩ් ග්‍රන්ථිය ආවරණය වන පරිදි සකස් කර ඇත.
• ඔබ ගැබිණියක් නම්, එය දන්ත වෛද්‍යවරයාට දැනුම් දීම අත්‍යවශ්‍ය වේ. වෛද්‍ය උපදෙස් අනුව, ගැබිණි සමයේදී වුවද දන්ත X-ray ගැනීම ආරක්ෂාකාරී වේ.
X-ray එක ගන්නා අතරතුර
• X-ray එක ගන්නා අවස්ථාවේදී කුඩා සංවේදකයක් හෝ ෆිල්ම් එකක් ඔබේ මුඛය තුළ තබනු ලැබේ. මෙය දන්ත වෛද්‍යවරයාගේ උපදෙස් අනුව නිවැරදි ස්ථානයේ තැබීමෙන් හොඳ ඡායාරූපයක් ලබාගත හැක.
• සංවේදකය මුඛයේ තැබූ පසු, එය නොසෙල්වෙන සේ තබා ගැනීමට එය මත මෘදුව හපාගෙන සිටීමට ඔබට සිදු වේ.
• X-ray එක ගන්නා අවස්ථාවේදී ඔබ නිශ්චලව සිටීම අත්‍යවශ්‍යය. සුළු චලනයක් වුවද ඡායාරූපය බොඳ වීමට හේතු විය හැක.
• X-ray යන්ත්‍රය ක්‍රියාත්මක කරන අවස්ථාවේදී දන්ත වෛද්‍යවරයා හෝ තාක්ෂණවේදියා ලබාදෙන උපදෙස් අනුගමනය කිරීම වැදගත් වේ.
නිවැරදි X-Ray එකක වැදගත්කම...
නිවැරදිව ගන්නා ලද X-ray එකක් මගින් දන්ත වෛද්‍යවරයාට පහත දේ හඳුනාගත හැක:
• දත්වල ඇති කුහර සාමාන්‍ය පරීක්ෂණයකින් නොපෙනෙන අවස්ථාවලදී X-ray මගින් හඳුනාගත හැක.
ෙදත්වල මුල්වල ඇති ආසාදන හෝ වෙනත් ගැටලු හඳුනාගත හැකිය.
හකු අස්ථිවල ඇති වන හානි හෝ රෝග තත්වයන් පිළිබඳ තොරතුරු ලබාගත හැකිය.
• වැඩී නැති දත්, විශේෂයෙන් ඥාණ දත්, හඳුනාගත හැක.
මෙහි ඇති උපදෙස් සාමාන්‍ය තොරතුරු වන අතර, X-ray එකක් ගැනීමට පෙර ඔබේ දන්ත වෛද්‍යවරයා සමඟ සාකච්ඡා කිරීම වඩාත් සුදුසුය. වර්තමානයවන විට X-ray ලබාගැනීම පවා Digital ක්‍රමවේද ඔස්සේ සිදු කෙරෙන අතර Shine Dental Care ඔබට සුවපහසු සේවාවක් ලබාදීම වෙනුවෙන් අති නවීනතම Digital ක්‍රමවේද භාවිත කරනු ලබයි.
ඔබත් Dr. Shine හමුවී ඔබේ දන්ත සුරක්ෂාව වෙනුවෙන් වෛද්‍යය උපදෙස් ලබාගන්න.
තවත් අයෙකුට කියවන්න මෙම ලිපිය Share කරන්න.
📞 For Appointments & Inquiries : Call Our Hotline 👉 0770 125 055
Instagram :- https://www.instagram.com/doctor__shine/
YouTube :- https://www.youtube.com/.AsankaSenanayake
TikTok :- https://www.tiktok.com/?lang=en
