01/07/2024
Plantar Fasciitis හෙවත් විලුබේ වේදනාව
උදේට නැගිටලා ඇවිදගන්න අමාරු ද? විළුඹ රිදෙනවද??
මෙය බොහෝ දෙනා අතර දකින්නට ඇති සුලබ රෝගී තත්වයකි. වැඩි වශයෙන් කාන්තා පාර්ශවය මෙයින් පීඩා වින්දත්, පුරුෂ පාර්ශවටත් පොදු ගැටලුවකි.
මේ සඳහා බලපාන හේතු රාශියකි.කෙසේ නමුත්, විළුඹේ වේදනාව ශරීරයේ වෙනත් රෝග තත්වයක මුල් අවධියක් ලෙසද ඇතිවිය හැකිය. එම නිසා මෙය නොසලකා හැරිය හැකි තත්වයක් නොවේ.
විළුඹේ වේදනාවට හේතු:-
පාදයේ විළුඹ යනු අපේ ශරීරයේ සම්පූර්ණ බර දරා සිටින ස්ථානයකි.එසේම මාංශපේඅහී, අස්ථි, ස්නායු, රුධිර නාල, සම්බන්ධක පටක යන මේ සියල්ලම ඇති ස්ථානයකි. එම නිසා මෙහි ඇතිවන රෝග තත්ව වලදී මේ සියල්ල ගැන විමසිය යුතුය. විළුඹේ වේදනාවට හේතු වශයෙන්,
• සිරුරේ අධික බර
• දවසේ වැඩි කාලයක් සිටගෙන සිටීම
• විළුඹේ ඇති මස්පිඩු ගෙවී යාම
• වැරදි පාවහන් විලාසිතා
• ක්‍රීඩා නිසා ඇතිවන තත්ව
• Plantar faciitis හෙවත් පාසයේ යටි පතුලේ ඇති සම්බන්ධක පටකයේ ඇති වන සංකූලතා
• අස්ථි, මස් පිඩු, සම්බන්ධක පටක අතර ඇති පීඩනය දරාගන්නා තරලයේ ඉදිමීමක්
• අස්ථි බිඳීමක්
• රූමටොයිඩ් ආතරයිටිස් වැනි තත්ව
• කොලෙස්ටරෝල්, දියවැඩියා වැනි රෝග තත්ව
• ආදී වශයෙන් හේතු දැක්විය හැකිය.
ප්‍රතිකාර
මෙහිදී වේදනාව හට ගන්නා නිවැදරි හේතුව අනුව ප්‍රතිකාර කිරිම වැදගත් වේ. එමගින් ඉතා ඉක්මනින් මේ රෝගි තත්වය සමනය කරගත හැකිය. හේතුව ඉවත් කරනා අතරම වේදනා සමනය කල යුතුය.
කෂාය, පත්තු, අවගාහ ස්ව්ද, තෛල අභ්‍යංග ආදිය මෙහිදී යෙදේ.
