15/07/2021
කියවීමේ කන්නාඩි හැමෝටම වයස 40 දී අත්යවශ්ය වන දෙයක්.
වයස 40 ජීවිතයේ කඩ ඉමක්.......පරිනත බවේ ඇරඹුම...එහි සංකේතයක් වගෙයි උපැස් යුවල....හැමෝම හිතන්නේ එහෙමයි.....
ලංකාවේ මිලියන 8 අය වයස 40 ක් හෝ ඊට වැඩියි...ඒ සියලුම දෙනාටම ලිවීමට කියවීමට හා අනිකුත් සියලු ළඟ වැඩ වලට උපැස් අවශ්යමයි...
කී දෙනෙකුට උපැස් තිබෙනවාද මෙම සංඛ්යාවෙන් ?
ලංකාවේ රජයේ රෝහල් 50 ක පමණ අක්ෂි සායන තිබෙනවා. ඉන් බොහොමයක අක්ෂි ශල්ය වෛද්යවරු සිටිනවා. එහෙත් එම සංඛ්යාව අවශ්ය පමණට වඩා ඉතා අඩුයි.
ලෝක සෞඛ්ය සංවිධානය පවසන පරිදි වර්ෂ 2010 වනවිට ලංකාවේ අක්ෂි ශල්ය වෛද්යවරු 200 ක් පමණ ඉන්නට අවශ්ය උනා එහෙත් තවමත් ඉන්නේ 80 යි.
මේ නිසා අක්ෂි පරීක්ෂාවකට , උපැස් නියම කර ගන්නට, සැත්කම් සඳහා දිගු පොරොත්තු ලේඛන තිබෙනවා.
මේ නිසා බොහෝ දෙනෙකු තම අපහසුතා මඟහරවා ගන්නට කියවීමේ කන්නාඩියක් මිලදී ගන්නට පෙළඹෙනවා.
කියවීමේ කන්නාඩි හා ඒ හා බැඳුනු දුර්මත කිහිපයක් ......පහතින් සඳහන් වන්නේ...
බලන්න පිළිතුරු...යම් දෙයක් ගන්නට හැකිවෙයි ඔබහට .....
* කියවීමේ කන්නාඩි හෝ ඇස් කන්නාඩි පැළදීමෙන් පෙනීම අඩුවන්නේ නැහැ. ඇත්ත වශයෙන්ම නොපැලදීම මඟිනුයි පෙනීම අඩුවන්නේ..
* කවද හෝ ඔබට උපැස් පළදින්නට වෙනවාමයි ඉන් ගැලවෙන්නට බැහැ. ඒ නිසා පුරුදුවෙයි යන බයට නිකම් දුක් නොවිඳ උපැස් පළදින්නට හුරුවන්න.
* ඔබට කෙලින්ම මිලදී ගත හැකි බලය සටහන් කරන ලද කියවීමේ කන්නාඩි ඇසට හානි කරන්නේ නැහැ. එකම කරුණ නම් හරි බලය සහිත උපැස් යුවල තෝරා ගැනීමයි.
උදාහරණයක් වශයෙන් ඔබට වයස 40 දී අවශ්ය වන්නේ + 1.00 බලය සහිත එකක්.
* කොතනින් උපැස් මිලදී ගත්තත් ඊට පෙර අක්ෂි වෛද්යවරයකු හෝ පළපුරුදු දෘෂ්ඨි වේදියකු (Optometrist) ලවා අක්ෂි පරීක්ෂාවක් සිදුකරගැනීම ඉතාවැදගත්.
* කිසිම උපැස් යුවලක් සදාකාලික නෑ. කොතරම් මිල අධික එකක් වුවත් වසරක් එකහමාරක් ගතවනවිට නොපෙනී යන්නට පටන් ගන්නවා. එසේ වන්නේ උපැස් පරණ වන නිසා නොවේ ..අපේ ඇස වයසට යන නිසයි. ඒ නිසා අවම වශයෙන් වසර 2 කට වරක්වත් ඇස් පරීක්ෂා කරගෙන උපැස් මාරු කිරීම තයවශ්යයි.
* 40 දී ඇතිවන හතලිස් ඇඳිරිය නැවත සනීප වන්නේ නැහැ කෙදිනකවත්, තවතවත් වැඩි වනවා හැරෙන්නට....
එහෙත් වයස 60 ට ලං වනවිට අක්ෂි කාචය ඝන වන නිසා සමහරුන්ට ළඟ පෙනීම නැවත ඇතිවනවා තාවකාලිකව....ඇසෙ සුද මතුවී නොපෙනී යන්නට පෙර...
මුලා වන්නට එපා ඒ ගැන....
වයස 40 දී අක්ෂි පරීක්ෂාවකින් ලැබෙන වාසි..
ඇස් කන්නාඩි නියමකර ගැනීම
ග්ලුකෝමා ආදී රෝග හඳුනා ගැනීම
දියවැඩියා අක්ෂි රෝග හඳුනා ගැනීම
ඇසේ සුද තිබෙන නොතිබෙන බව දැනගැනීම
ඒ නිසා වයස 40 දී අනිවාර්යයෙන්ම අක්ෂි පරීක්ෂාවක් කරා යොමුවන්න.
