Shanika Ayurveda Care

08/12/2022

පොල්පිතිගම අවට ඉන්න අය හැකිතාක් ප්‍රවේසම් වන්න. මේ අවස්වාා වන විට වායු දුෂණ මට්ටම ඉතාමත් ඉහල අගයක් පවතී.

11/09/2022

සුවසෙවන ආයුර්වේද වෛද්‍ය මධ්‍යස්ථානයේ කාර්ය බහුල සති අන්තයක ආරම්භය...

29/03/2022

21/12/2021

අහු ශාකය අප රටේ වියලි කලාපයේ සුලබව දක්නට ලැබෙන ශාකයකි.නමුත් අන්‍ය කලාපයන්හිද දක්නට ලැබෙන අවස්ථා ඇත.Rubieceae කුළයට අයත් ශාකයකි.සාමාන්‍යයෙන් අඩි 20ක් 30ක් පමණ උසට තරමක් විශාලව ගස වැඩේ.දිලිසෙන සුළු තරමක් විශාල පත්‍ර පිහිටයි.පෙති 5 ක් 6ක් සහිත සුදු පාට කුඩා මල් හට ගනී.කොලපාට මාංශල ඵලයක් හටගන්නා අතර ඉදුණු පසු කපපාටට හුරුය.

අතීතයේ සිටම වර්ථමානය දක්වාම අප රටේ මිනිසුන් අහු ශාකය ප්‍රයොජනයට ගනු ලබන්නෙ අනවින,කොඩිවින,හදි හූනියම්,ගුප්ත විද්‍යා ආදී මිත්‍යා සංකල්පයන් උදෙසා පමණි.නමුත් එවැනි ලද බොළඳ ක්‍රියාවන්ට වඩා බොහෝසෙයින් වටිනා ඖෂධීය මෙන්ම ආහාරමය ගුණයක් සහිත ශාකයක් ලෙස අහු ශාකය හැඳින්විය හැකිය.ඉහත කී හේතු පදනම් කරගෙන අහු ශාකය ශරීරයට විශ ශාකයක් ලෙස සමාජගතවී ඇත.නමුත් එම කතාම සම්පූර්ණයෙන්ම වැරදි කතාවකි.
අප රටේ නැතත් බොහෝ රටවල ජනප්‍රිය පලතුරක් ලෙස අහු ගෙඩි පිලිගැනේ.ඉදුණු අහු හෙඩියෙහි යුශ වලින් නිශ්පාදනය කරන noni juice නම් පානය බොහෝ රටවල ඉතාම ජනප්‍රිය පානයකි.ඊට අමතරව බොහෝ ඖෂධීය ගුණ සහිත ඉතාම වටිනා ශාකයකි අහු.

*ගෙඩි වෙදකමේදී පැසවා යාමට පත්‍ර තලා ලබාගන්නා යුශ ආලේප කරනු ලබයි..ගෙඩි වණ සඳහා අහු දළු, රතුළූණු, පොල් කිරෙන් අඹරා වණයේ බැඳීම සුදුසු ය.

*තුවාල ගොඩ වීමට සහ ශෝධනයට පත්‍ර තලා සාදාගත් පත්තුව භාවිතා කරයි.

*අහු ගැට තම්බාගත් ජලයට ලුණු මිශ්‍රකර කට සේදීමෙන් විදුරුමස් ශක්තිමත් වේ.අහි හැට පුලුස්සා ලබාගත් අඟුරු ලුණු සමග මිශ්‍රකර විදුරුමසේ ආලේප කිරීමෙන්ද විදුරුමස් දියවී යාම නැවතී ශක්තිමත් වේ.

*ළදරු අතීසාරයට ප්‍රතිකාර කිරීමට අහු දලු මී පැණි සමග මිශ්‍රකර බෙහෙත් පිළියෙල කරනු ලබයි.

*මැලේරියා උණට මෙන්ම දරුවන් වැදීමෙන් පසු මවට වැලඳෙන සූතිකා උණට අහු නැටි කශාය ගුණදායකය.

*අජීර්ණ ,අක්මා රෝග ,වකුගඩු රෝග,ප්ලීහා රෝග ,රක්තපිත්ත,කැස්ස,ඇදුම,රුධිර වහනය ආදී රෝග රැසකට ඖෂධ පිළියෙල කිරීමට අහු ශාකයේ සියළුම කොටස් යොදාගනී.

*ඉතා අධික මිලකට ලබාගත යුතු Erlotinib නම් පිළිකා නාශක බටහිර ඖෂධයටත් වඩා අහු ශාකයට පිළිකා නැසීමේ හැකියාව වැඩි බව විද්‍යාත්මකව තහවුරු වී ඇත.

*සිරුරේ ඇති වන වේදනාවන් ට ෂණය සැලසීම, ප්‍රතිශක්තිකරණ පද්ධතිය ශක්තිමත් කිරීම, ආතරයිටිස් වේදනාවන්ට සුවය, තුවාල සුව කිරීමේ හැකියාව, මස් පිඬු වේදනාවන්ට සහනය, පිළිකාවට, අක්මා රෝග වලට සහ දියවැඩියාවට සහනය අහු ශාකයෙ තවත් ඖෂධීය ගුණයන් ය.

*ප්‍රාථමික පිළිකා සෛල නිෂේධනය කර දේහය ශක්තිමත් කරන, රුධිර පීඩනය පහත හෙලන හා හෘද හානි වැළැක්වීමට අදාළ ප්‍රතිබැක්ටීරියාමය ගුණ දක්වන, සෛල බිත්ති ශක්තිමත් කරන, අග්න්‍යාශයේ ක්‍රියාකාරිත්වය විධිමත් කරන, ප්‍රතිශක්තිකරණ පද්ධතිය උත්තේජනය කරන අහු ඖෂධීය වශයෙන් ඉහළ වටිනාකමක් ඇති ශාකයකි. Morinzhi නම් ස්වභාවික යුෂය අහු ගෙඩි වල තිබෙන අතර එය භාවිතාවෙන් රෝග වළක්වා ගත හැකි බව වෛද්‍ය පර්යේෂකයෝ පෙන්වා දෙති.

*විශහරණ තෛල නිපදවීමටද අහු ශාක කොටස් යොදාගනී.

මින් පසුවටවත්, පුහු මිත්‍යාවන් පදනම් කරගෙන අහු ශාකය විනාශ කර දැමීමට පෙර එකවරක් දෙවරක් නොව සිය දහස් වාරයක් සිතන්න..

@පුබුදු

උපුටාගැනීමකි. කතෘට ගෞරවයක් වශයෙන් ඉහත සඳහන් කොට ඇත.

03/06/2021

ලංකාවේ අපට ගොටුකොළ අමුතු දෙයක් නොවේ. ගොටුකොළ මැල්ලුම, ගොටුකොළ කැඳ අපේ ආහාර අතර ඉස්සර නම් මුල්තැන ගෙන තිබූ දෙයක්. දැන් දැන් නැවතත් අපේ ආහාර සංස්කෘතියේ, ජීවන රටාවේ ඇති වෙමින් පවතින වෙනසත් එක්ක ගොටුකොළවලට හොඳ ඉල්ලුමක් උදාවෙලා තියෙනවා. මේ නිසා ගොටුකොළ වල ඇති ගුණය ගැන අපි පොඩ්ඩක් කතා කළොත් හොඳයි කියලා හිතුණා.

අපේ රටේ පැරැන්නන් ගොටුකොළ හැඳින්වූයේ දීර්ඝායුෂ ලබාදෙන මොළය මතකය, නුවණ වඩවන සොබාවික දිව්‍ය ඖෂධයක් හැටියටයි. නමුත් ගොටුකොළවල ඇති විස්මිත ගුණ සමුදාය එපමණක්ම නොවේ. දීර්ඝායුෂ ලබාදීම ගැන ගොටුකොළවලට ඇත්තේ ඉතා පැරැණි වාර්තාවක්. දිනපතා ආහාරයට තමන් ගොටුකොළ අනිවාර්යයෙන්ම එක්කර ගත් නිසා අවුරුදු 256ක් ජීවත්වීමට හැකිවූ බවට චීනයේ ශාඛ විද්‍යාඥයකු හා ආගමික ගුරුවරයකු වන ලී සින්ග් යූඒන් සටහන් කර තිබෙනවා.

මතක ශක්තිය වැඩි කිරීමටත්, මොළයේ සෛල නැවත වර්ධනයටත්, ස්නායුක හා රැධිර සංසරණ ක්‍රියාවලිය යහපත්ව පවත්වා ගැනීමටත්, ආහාර ජීර්ණ ක්‍රියාවලිය ක්‍රමානුකූලව පවත්වාගෙන යාමටත්, ශරීරයේ තුවාල සුවවීමේ වේගය ඉහළ දැමීමටත් ගොටුකොළ සමත් බව සොයාගෙන තිබෙනවා.

නුවණ වර්ධනය කරගන්නත්, මතකය වැඩිකර ගන්නත් කියාපු බේත ගොටුකොළ බව නවීන පර්ෙය්ෂණ මගිනුත් සනාථවෙලා තියෙනවා. කිසිම අතුරු ආබාධයක් රහිතව මොළේ වැඩෙන්න කියාපු බේත ගොටුකොළ බව සනාථ කළ එක පර්ෙය්ෂණයකදී දිනපතා පිටිකළ ගොටුකොළ ග්‍රෑම් භාගයක් භාවිතයට ගත් දරුවන්ගේ මතක ශක්තිය දැනුම අවධානය ඒකාග්‍රතාව මාස 06න් ඉහළ ගිය බව සනාථ වෙලා තියෙනවා. ගොටුකොළ තුළ අඩංගු රසායන මගින් මොළයේ අර්ධ දෙක අතර කටයුතු සක්‍රීය කරන බවයි වාර්තා වී ඇත්තේ.

ගොටුකොළ භාවිතාව මගින් ස්නායු අග්‍ර හොඳින් වර්ධනය වන බවත් ඒ නිසාම ශරීරයේ පූර්ණ ක්‍රියාකාරීත්වය ඉහළ යන බවත් සනාථ වී හමාරයි. ඒ වාගේම අවපීඩනය හෙවත් විශාදය, කාංසාව, නින්ද නොයාම වගේ අද සමාජයේ බහුල රෝග රැසකට හොඳම බේත ගොටුකොළයි.

හොඳ රුධිර සැපයුමක් සිරැර පුරා පවත්වා ගන්නටත්, රුධිරයට පෝෂණය සැපයීමටත් ගොටුකොළ සමත්. මේ නිසා හොඳ අඛණ්ඩ ඔක්සිජන් සාන්ද්‍රනයක් සහ අත්‍යවශ්‍ය පෝෂණ සැපැයුමක් ශරීරයට ලැබෙන නිසාම ශරීරයේ තරුණ බව රැකදීමට එයට හැකියි.

ගොටුකොළ ගැන සඳහන් වෙන තවත් වාර්තාවකට අනුව එහි ඇති සුවකිරීමේ ගුණය දැන් තහවුරු වී තියෙනවා. ඒ අනුව ගොටුකොළ හෙපටයිටිස්, උදරයේ තුවාල, පාචනය, උණ. ඇදුම, අපස්මාරය, මානසික වෙහෙස නසන අතරම සිපිලිස් කියන සමාජ රෝගයටත්, සොරයිසිස් හෙවත් පොතු කබර සමේ රෝගය සුවකරන ආලේපයක් ලෙසත් ක්‍රියාකරනවා. ඒ හැර අමෙරිකාව හා යුරෝපය තුළ ගොටුකොළ වෙරිකෝස් හෙවත් නහර ගැට ගැසීමේ රෝගයට සාර්ථක ඖෂධයක් ලෙස භාවිත කෙරෙනවා. ගොටුකොළ තුවාල සුව කිරීමේ හැකියාවෙන්ද යුක්තයි. හන්දිපත් රුදාව නැති කිරීමටත් සමේ රෝග නැසීමටත් එයට හැකියි. අපිට පුරුදු මැල්ලුම්, කැඳ වුණාට වෙනත් රටවල ගොටුකළ පිටි, පෙති, තේ, සිරප් වගේම ක්‍රීම් බඳු ආලේපන හැටියටත් රෝග සුවකාරකයක් හැටියට භාවිත වෙන බව ඔබ දැන සිටියාද?

ගොටුකොළ ග්‍රෑම් 100ක් තුළ අඩංගු පෝෂණ ගුණය මෙන්න.

ශක්තිය කිලෝ කැලරි 3.7
ප්‍රෝටීන් ග්‍රෑම් 2.1
මේදය ග්‍රෑම් 0.5
පිෂ්ඨය ග්‍රෑම් 6.0
කැල්සියම් මිලිග්‍රෑම් 224
පොස්පරස් මිලිග්‍රෑම් 32
යකඩ මිලිග්‍රෑම් 68.8
විටමින් C මිලිග්‍රෑම් 6.8

ඕනෑම දෙයක් ඕනෑවට වඩා හොඳ නෑ කියන්නා වාගේ ගොටුකොළ වුණත් දිගට භාවිතාව හොඳ නෑ. සාමාන්‍යයෙන් සති හයකට වරක් සති දෙකක පරතයක් ඇතිව භාවිතා කළයුතු බවයි බටහිර වෛද්‍ය පර්ෙය්ෂකයන්ගේ මතය. විශේෂයෙන්ම අක්මාවේ අමාරු ඇති අයට සමහර ඖෂධ ගන්නා අයට, පිළිකා රෝග ඉතිහාසයක් ඇති අයටත් ගොටුකොළ භාවිත කරන විට වෛද්‍ය උපදෙස් ලබාගත යුතු බවයි මේරිලන්ඩ් විශ්වවිද්‍යාලයේ පර්යේෂකයන් පෙන්වා දෙන්නේ.
(උපුටා ගැනීමකි - https://www.deshaya.lk/article/48/Health-%E0%B7%83%E0%B7%8A%E0%B6%9A%E0%B7%91%E0%B6%B1%E0%B7%8A/2305/%E0%B6%9C%E0%B7%9C%E0%B6%A7%E0%B7%94%E0%B6%9A%E0%B7%9C%E0%B7%85-%E0%B6%AF%E0%B7%92%E0%B7%80%E0%B6%94%E0%B7%83%E0%B7%94%E0%B7%80)