01/08/2025
මයෝපියාව කල්තියා හදුනාගනිමු
මයෝපියාව, අක්ෂි වෛද්‍යවරයෙකු හෝ දෘෂ්ටි විශේෂඥයෙකු විසින් පවත්වනු ලබන පුළුල් අක්ෂි පරීක්ෂණයක් හරහා (Full eye examination) හඳුනා ගැනේ. රෝග විනිශ්චය සඳහා දෘශ්‍ය තීව්‍රතා පරීක්ෂණය(Visual acuty), වර්තන තක්සේරුව(Refraction assesment) සහ අක්ෂි සෞඛ්‍ය පරීක්ෂණයක්(Eye helth examination) ඇතුළත් වේ.
පළමුව විවිධ දුරින් ඔබට අකුරු කොතරම් හොඳින් දැකිය හැකිද යන්න තක්සේරු කිරීමට සම්මත අකුරු ප්‍රස්ථාරයක් (snellen chart) භාවිතා කරයි. (Visual acuity)
මෙමගින් ඔබට නිවැර්දිව කොපමණ පෙනේද යන්න අදහසක් ලබා ගැනීම සිදු කරයි.
මෙම පරීක්ෂණය මයෝපියාවේ මට්ටම තීරණය කිරීම සඳහා ඇසේ වර්තන බලය මනිනු ලබයි.
ඉන්පසු දෘෂ්ඨි විශේශඤ්‍යා විසින් ආලෝකය දෘෂ්ටි විතානය මත අවධානය යොමු කරන ආකාරය තක්සේරු කිරීමට (Refraction) කාච භාවිතා කරමින් ඔබගේ ආදාරයක් නොමැතිව හා ඔබගේ පිළිතුරු පදනම්ව පරීක්ෂණ දෙකක් හරහා මයෝපියාවේ මට්ටම මනිනු ලැබේ. මෙය ඩයොප්ටර් මිණුම් වලින් ලබාගන්නා අතර එය (-) අගයන් සහිත ඉලක්කම් භාවිතයෙන් සටහන් කරණු ලැබේ
අවසාන වශයෙන් උපකරණ ආදාරයෙන් ඔබගේ ඇසේ අභ්‍යන්තරය හා මතුපිට ස්වභාවය පිළිබදව පුලුල්ව පරීක්ෂා කරණ අතර එහිදී ඔබගේ ඇසේ මතුපිට හා අභ්‍යන්තරයෙහි රෝගී තත්වයන් හා සංකුලතා හදුනාගැනීමට හා පුළුල් නිගමනයන්ට එලබීමට අමතර පරීක්ෂණ සිදුකිරීම හෝ ප්‍රතිකාර සදහා යොමු කිරීමට හැකියාව පවතියි
ඔබත්,
දුරස්ථ වස්තූන් දෙස බලන විට ඔබට නොපැහැදිලි පෙනේනම්,වඩා පැහැදිලිව දැකීමට ඔබ නිතර නිතර ඇස් ඇසිපිය හෙළන්නේ නම්,දිගු සමීප පරීක්ෂණයකින් පසු ඔබට හිසරදයක් හෝ ඇස් වෙහෙසක් දැනේ නම්,ඔබේ දරුවා රූපවාහිනියට ඉතා ආසන්නව වාඩි වී සිටින බව හෝ ඔවුන්ගේ මුහුණට ඉතා ආසන්නව පොත් තබාගෙන සිටින බව ඔබ දුටුවහොත්,ඔබට හදිසි පෙනීම නැතිවීම, එළි විහිදෙන්නාක් මෙන් පෙනීම, වැනි ලක්ෂණ පැවතීම මයෝපියා තත්වයක් විය හැකි අතරම ඇසේ සැගවී උඩු දුවන රෝගී තත්වයකට පාර කැපීමක් විය හැකිය
මයෝපියාව කලින් හඳුනා ගැනීම සහ ප්‍රතිකාර කිරීම මගින් තත්ත්වය කළමනාකරණය කිරීමට සහ තවදුරටත් පෙනීම නැතිවීම වළක්වා ගත හැකිය. හයිපරෝපියා පිළිබද ලිපියකින් නැවත හමුවෙමු.
