23/03/2026
ඇම්ඩාගේ පාසල් ගමන 😅😝😅😝
ඔන්න එක දවසක් ඉස්කෝලේ ටීචර් පන්තියේ ළමයින්ගෙන් අහනවා අනාගත බලාපොරොත්තු ගැන. ටීචර් එක එක්කෙනාගෙන් අහගෙන යනවා.
ටීචර්: "පුතේ චාමර, ඔයා ලොකු වුණාම කවුරු වෙන්නද කැමති?"
චාමර: "ටීචර්, මම කැමති පයිලට් කෙනෙක් වෙලා ලෝකේ වටේම යන්න."
ටීචර්: "ශෝක්නේ! එතකොට දූ සිනෙත්මා, ඔයා?"
සිනෙත්මා: "මම කැමති ලොකු දොස්තර නෝනා කෙනෙක් වෙලා අසරණ අයට උදවු කරන්න."
ඔහොම අහගෙන ඇවිත් ටීචර් ඇම්ඩගෙන් අහනවා.
ටීචර්: "හරි ඇම්ඩා, දැන් කියන්න බලන්න ඔයා ලොකු වුණාම මොකක්ද කරන්න හිතන් ඉන්නේ කියලා?"
ඇම්ඩා හරිම සීරියස් පිට නැගිටලා මෙහෙම කියනවා.
ඇම්ඩා: "ටීචර්, මම ලොකු වුණාම 'බිලියනපතියෙක්' වෙනවා. මට ලොකු රෝල්ස් රොයිස් කාර් එකක් තියෙයි. මගේ පෞද්ගලික ජෙට් එකේ මම රට රටවල් වල සංචාරය කරයි. මට ලස්සන බිරිඳක් ඉඳියි. එයාට ඕන කරන හැමදේම මම අරන් දෙනවා. රත්තරන් බඩු, වටිනා දියමන්ති, ලස්සන ඇඳුම්... එයාට කිසිම අඩුවක් කරන්නෙ නැතුව මම ලෝකේ සැපම දෙනවා ටීචර්!"
ටීචර්ටයි පන්තියේ ළමයින්ටයි ඇම්ඩගේ මේ ලොකු හීනය ගැන පුදුමයි. ටීචර් ඒක අගය කරලා ඊළඟට ඉන්න "සූටික්කි" ගෙන් අහනවා.
ටීචර්: "හරි සූටික්කි දූ, දැන් ඔයා කියන්න බලන්න ඔයා ලොකු වුණාම කවුරු වෙන්නද කැමති කියලා?"
සූටික්කි හිනාවෙලා ඇම්ඩා දිහා බලලා මෙහෙම කියනවා.
සූටික්කි: "ටීචර්... මම ලොකු වුණාම 'ඇම්ඩගේ බිරිඳ' වෙනවා!" 😝😝😅😅
