Ayuwarna Virtual Pharmacy

Ayuwarna Virtual Pharmacy This is a virtual pharmacy that you can order all herbal medicines and products

17/08/2022
26/07/2022

36 seconds · Clipped by Dr Dinesha with Ayuwarna · Original video "Hiru Medical Centre EP 43 | 2018-07-17" by Hiru TV

19/07/2022
17/07/2022

අතිශයින්ම ස්ත්‍රීන්ට පමණයි....
Femininity ..🔴🔴
ගැහැණුකම ...

මොකක්ද මේ ගැහැණුකම කියන්නේ? ඒක ඔබව යටහත් පහත්ව තබා ගැනීමට භාවිතා කළ හැකි දෙයක් ද?
ඔබව අසරණ කරන දෙයක් ද?
ඔබේ කන්‍යාභාවය පමණක් ද?
ඔබේ මාසික ඔසප් වීමද?
ගෙදර දොර වැඩපළ කරන එකද?
ඔබව ස්ත්‍රියක් ලෙස ලිංගේන්ද්‍රිය පිහිටා තිබීම ද?

⭕Femininity සමාජයේ බොහෝ විවාද වලට ලක් වූ මාතෘකාවක් වගේම ඔබ හරි හැටි දැනුවත් විය යුතු දෙයක්. ගැහැණියකට වගේම පිරිමි පාර්ශවයන් ටත් මේ femininity concept එක use කරන්න පුලුවන් . හැබැයි හරි විදියට .

⭕බොහෝ පිරිමින් මේ ගැහැණුකමට මාර විදියට ආදරේ කරනවා. ඒ නිසා ඔබ ගැහැණියක් විදියට මේ රාමුවෙන් පිට පැන්නොත් ඔබට මේ සමාජයේ බොහෝ දේ නැති වී යා හැකි ද? කොහොමද එහෙම වෙන්නේ?

Femininity කියන වචනයට බොහෝ අර්ථකථන තිබෙනවා. කුඩා දරුවකු ඉපදුණු විගස මේ ඉන්නේ පුරුෂයෙක් ද ස්ත්‍රියක් ද කියලා බලන්න පුලුවන් ලිංගේන්ද්‍රිය පරීක්ෂා කිරීමෙන් පමණයි .
ඒත් කාලය ගත වීමත් එක්ක කායික මානසික වෙනස් වීම සමගින් මෙය අපට පෙනීමට පටන් ගන්නවා. එතකොට මේ ගැහැණුකම කියන්නේ මේ ලිංගික පද්ධතියේ ඇති වන වෙනසද? 🤔🤔

⭕ඔබ පිරිමියෙක් නම් පිරිමියෙක් ලෙස සිටිය යුතුයි වගේ ගැහැණියක් ගැහැණියක ලෙසට සිටිය යුතුයි කියලා මතයකුත් තියෙනවා .
බොහෝ විට ගැහැණියක් කියූ පමණින්
පිරිමින් කැමති උස් හඩින් කතා නොකරන, ලාලිත්‍ය සහිත,හැගීම්බර, ලස්සන, තමන්ට කායිකව මානසිකව දැනෙන , අනවශ්‍ය ලෙස ප්‍රශ්න අහන් නැති, කොටින්ම කිව්වොත් සමහර විට ෂර්ලොක් හෝම්ස් වගේ හැමදේම හොයන් නැති, 😀😀, ආර්ථික ස්ථාවරත්වයක් තිබෙන කාන්තාවන් ට විය හැකියි . මෙය සිතන පතන විදිය කෙනාගෙන් කෙනාට වෙනස් විය හැකියි .
එය නරකක් නොවේ.

👉👉සම්බන්ධයකදී වුවද පිරිමින් බොහෝ කැමති ඔවුන්ට අවනත, නිහඩ ස්ත්‍රියකට.
නමුත් ප්‍රශ්න ඇසිය යුතු අවස්ථාවේ ප්‍රශ්න අසමින්, වැරදි දේට අනුබල නොදෙමින් ගැහැණු අපි femininity concept එක හරියට තේරුම් ගෙන එහිදි ප්‍රායෝගික විය යුතුයි .
ගැහැණියක් ප්‍රායෝගික වීම ඉතාම වැදගත් .
මොකද අවසානයේ බොහෝ වැරදිවැටහීම් එල්ල වන්නේ ඔබේ පැත්තට නිසාවෙන්.👇👇

⭕⭕එහෙම නොවූ පමණින් ඔවුන් ගැහැණුකම තව අයෙක්ගෙන හොයන්න උත්සාහ කරන්නත් පුලුවන් .
එමගින් ඔබේ සම්බන්ධතාවය හෝ විවාහ ජීවිතය දෙදරා යාමටත් මෙය සෘජුවම බල පෑ හැකියි.
විශේෂයෙන්ම පිරිමියෙක් ආදර සම්බන්ධතාවකදී හෝ විවාහය කදී මෙය බොහෝ විට බලාපොරොත්තු වෙන දෙයක්.

Femininity - ගැහැණුකම ආසියාතික රට වල හැමෝම හොයන දෙයක්. ගැහැණියක් පිරිමියෙක් ලෙස වැඩ කටයුතු කිරීම, දරා ගැනීම , හැල හැප්පීම් වලට ලක් වීම, දරුවන් වැදීම මේ සියල්ලත් එක්ක ඔබ මම ගැහැණුකම රැක ගත යුතුයි යන්න මතයක් .
එහි ඇතැම් දුරකට සත්‍යතාවක් නැතුවාත් නොවේ.

හැබැයි ගැහැණුකම කියන්නේ ඔබ ඔබව quality එකකින් maintain කරන එක. ඔබේ අගයන් රැක ගනිමින් දයාව, අනුකම්පාව , ආදරය, රැකවරණය තව අයෙකුට ලබා දීම. විශේෂයෙන්ම ගැහැණියක් මවක් වන විට මේ qualities අනිවාර්යයෙන් සම්පූර්ණ වී තිබිය යුතුයි . එවිට ඒ හරහා සමාජයට වැඩදායි දරුවකු ලබා දීම කළ හැකි දෙයක්.

💐💐Femininity ආකාර 2කින් කිව හැකියි .
01.Careerist femininity
🌹🌹
ඔබ රැකියාවක් කරන විට ගැහැණුකම සමගින් නිවැරදි ව වැඩ කිරීම.
මෙය ඉතාම වැදගත් කාරණාවක් .

බොහෝ දුරට කාන්තාවක් විවාහ වූ විට හෝ දරුවන් සෑදීමෙන් පසුව රැකියාවෙන් reject වීම එහෙම නැත්නම් අවස්ථාවන් නැති වීම,
ඒ අසරණකම් සමග සමහර ලිංගික අල්ලස් වලට භාජනය වීම් බහුලව දැකිය හැකියි .

ගොඩක් දුරට ලංකාව ,ඉන්දියාව වැනි ආසියාතික රටවල මෙය බහුලව සිදුවන දෙයක්.

02. Individualised femininity
🌹🌹
ඔබ සාමාන්‍ය ජීවිතය තුළ දී ගැහැණුකම සමගින්
ඔබේ සාමාන්‍ය සම්බන්ධතාවයන් පවත්වා ගැනීම.
ඔබේ පවුලේ අය, ආදරණීයයන් සමග කාලය ගත කිරීම.
ඉහත කියූ qualities එක්කම ඔවුන්ට ඔබේ අගය දැනෙන්නට සැලැස්වීම.

අද සමාජයේ කාන්තාවක් රැකියාව නඩත්තු කිරීම, පවුල නඩත්තු කිරීම යන කාර්‍යබහුල ක්‍රියාවලිය තුළ ප්‍රබල සාමාජිකයන් වේ. ඇතැම් විට පිරිමියෙක් ට වඩා ඔබට වගකීම් වැඩි වී තිබිය හැකියි .
ඒ නිසාම ගැහැණිය ගැහැණියක් ලෙසට නොදැනී යාම විය හැකියි .

මේ සාමාන්‍ය ජීවිතය තුළ ගැහැණියක් ගැහැණියක් ලෙසට සමතුලිතතාවය තිබීම අත්‍යාවශ්‍ය දෙයක් වේ. 🌹🌹
එයින් මම අදහස් කරන්නේ quality රැක ගනිමින් ඔබේ ජීවිතේ රැකියාව , පවුල් ජීවිතය , සාමාන්‍ය ජීවිතය තුළ ඉදිරියට යාමයි.
මොකද මෙය බිද වැටීම තුළ අද ගැහැණියකට ගැහැණිය ඇතැම් විට අහිමි වීම නිසා විවිධ කායික සහ මානසික සංකූලතා බහුලව මතු වී දුක් විදීමට සිදුව ඇත.

ගැහැණුන් ලෙස අපට සිතන්නට යමක්..💐💐🌹🌹
කණ හරහා මොළයට..
සුව උදෑසනක් වේවා...

Authentic femininity is a class, tenderness and virtue.
When a woman possess this traits , a man will naturally want to be more of a gentleman around her...

Very Good morning to all..

Dr Dinesha Weerapperuma - Ayuwarna

17/07/2022

මේ දවස් වල...
Depresion ද?

තවකෙකු නුරුස්නා ගතිය තියෙනවා ද?
එහෙම නැත්නම් අධිකව තරහ යනවාද?
අධිකව දුකටත් කෝපයටත් පත් වෙනවාද ...

මේ දිනවල අපි හැමෝටම තියෙන ආර්ථික ප්‍රශ්න, විවිධ හැල හැප්පීම් , සමාජයේ තත්ත්වය එක්ක කායික රෝග වලට වඩා මානසික රෝග ඇති වීම වැඩි විය හැකියි.

මොකක්ද මේ මානසික ආතතිය ( Mental depression ) කියන්නේ?
කොහොමද අපි මේකෙන් ගැලවෙන්නේ.
ජීවිතයේ සිදුවන හැල හැප්පීම් එක්ක එය දරා ගැනීමේ අඩු වැඩිය සමග මෙය ඇති විය හැකියි .

බොහෝ විට මේ කියවන ඔබත් මමත් මේ තත්ත්වය අත් විද තිබිය හැකියි . ඇතැම් විට ඔබ මේ මොහොතේ එයට ඖෂධ ලබා ගන්නවා විය හැකියි .

මානසික ආතතියේ ඇති ලක්ෂණ මොනවාද?
මෙය හදුනා ගැනීම ඉතාම වැදගත් . එය දැනගෙන කටයුතු කිරීම තුළින් ඔබේ ජීවිතය ට විය හැකි අනතුරු බොහොමයක් වළක්වා ගත හැකියි .

💐 ඔබට ඔබ ගැන අසරණකමක් එහෙම නැත්නම් උදව් නැති බවක් හැගීම
💐 මතකය සහ අවධානය අඩු වීම
💐 කේන්තිය සහ දුක පාලනය කර ගත නොහැකි වීම
💐එදිනෙදා වැඩ කටයුතු වලට ඇති උනන්දුව අඩු වීම
💐 නිතරම තනි ව මුලුගැන් වී සිටීම
💐 අන් අය ඔබට ආදරය නොකරන බව සිතීම
💐 කෑම අරුචිය ඇති වීම
💐 නින්ද නොයාම
💐 ඔබේ මුහුණේ ඉරියව් විටින් විට වෙනස් වීම
💐 යම්දෙයක් ගැන අධිකව කම්පා වීම හෝ ආතතිය ට ලක් වීම
💐 අධිකව මහන්සි දැනීම

වැනි විවිධ රෝග ලක්ෂණ මෙයට හේතු විය හැකියි .
බොහෝ විට,

⭕ ජානමය බලපෑම්
⭕ අපචාර හෝ දූෂණ වලට ලක් වීම් ( මෙය කායිකව සහ මානසිකව විය හැකි යි )
⭕ පෞරුෂයේ ඇති දුබලතා
⭕ මරණ සහ නැති වීම්
⭕ දික්කසාද , ආදර සම්බන්ධතා බිද වැටීම් වැනි ජීවිතයේ තීරණාත්මක අවස්ථාවන්ට මුහුණ දීම්
⭕ රැකියාවේ හෝ ඇසුරු කරන්නන් අතර ඇති වන ප්‍රශ්න ....
⭕ දරුවන් ලැබීමෙන් පසු
⭕ ආර්ථික අස්ථාවර වීම්

වැනි විවිධ හේතු මෙයට නිදාන කාරණා විය හැකියි.

බොහෝ විට මෙය ඔබට අවාසිදායක ව බලපෑ හැකියි .
- විශේෂයෙන්ම සමාජ සබදතා බිද වැටීම්
- ඔබේ ආදරණීයයන් ඔබව හැර දා යාම
- ඔබේ ශරීරයේ හෝර්මෝන අසමතුලිතා ඇති වීම මගින් විවිධ රෝග වලට මුහුණ දීම
- දියවැඩියාව ,අධි රුධිර පීඩනය , හෘද රෝග වැනි
- අවසානයේ සිය දිවි හානි කර ගැනීම පවා විය හැකියි .

⭕⭕ විශේෂයෙන්ම මේ දින වල පවතින තත්ත්වය අනුව ඔබ depression වලින් පෙලෙන්නේ නම් හැකි ඉක්මනින් එයින් අත් මිදිය යුතුයි .
👉ඇතැම් විෂ සහිත සබඳතා ඉවත් කිරීම ( toxic relationship )
👉ඔබ ආස කරන විෂයක් හෝ ක්ෂේත්‍රයක් හැදෑරීම
👉හැකි පමණ ඔබට මෙය ඇති වීමට හේතු වී ඇති සාධකය තේරුම් ගෙන ඔබ එයින් ඉවත් විය යුතුයි .
👉ඔබ කැමති පුද්ගලයන් සමග කතා බහ කිරීම
👉ඇවිදීම
👉 විවේක ගැනීම
👉 කළමනාකරණය කර ගැනීම
👉 යෝග හෝ භාවනා කිරීම
👉 ඔබ කැමති අය සමග කතා බහ කිරීම
👉 සුරතල් සතෙකු ඇති කිරීම

⭕⭕ වැනි විවිධ උපක්‍රම භාවිතා කිරීම තුළින් ඔබට මේ රෝගී අවස්ථාව උග්‍ර වීම නතර කර ගත හැකියි .
නමුත් මෙය mild - moderate - Severe යන අවසාන අවස්ථා තෙක් නොසිටින්න.

⭕ ඔබ ළග සිටින ආදරණීයයන් හෝ ඇසුරු කරන්නන් මේ අවස්ථාවට ගොදුරු වී ඇතැයි සිතනවා නම්
ඔහුව හෝ ඇයව තේරුම් ගෙන
ඔවුන්ට අවධානය යොමු කරන්න.
හොදින් ඇහුම්කන් දෙන්න.
ඔවුන් ව රැක ගන්න.
කාලය වෙන් කර ඔවුන් සමග හැකි පමණ රැදී සිටින්න.

අවශ්‍ය නම් හැකි ඉක්මනින් මානසික වෛද්‍යවරයකු හෝ උපදේශකයකු වෙත යොමු කිරීමෙන් ජීවිතයක් බේරා ගත හැකියි .

මානසික හැල හැප්පීම් ,බිද වැටීම් කායික රෝග මෙන්ම ඇති විය හැකි දේය.
ඔබට හානියක් කර නොගෙන
ඔබගේ ආදරණීයයන් ට උදව් කිරීම ද ඔබ සතු යුතුකමකි.

සුවබර උදෑසනක් වේවා.
Very good morning to all...!!!

වෛද්‍ය දිනේෂා වීරප්පෙරුම - ආයුවර්ණ

30/06/2022

ධෙර්‍යමත් කිරීම යනු ...ඔබට හැකි සෑම විටම සෙනෙහසින් ආදරයෙන් අනෙකාව අගය කිරීමයි..🌹🌹

ධෙර්‍යමත් කිරීම යනු....අවශ්‍ය විට අහන් ඉන්න හොද කන් දෙකක් , දකින්න හොද ඇස් දෙකක් තිබීමයි ...ඒ සමග හොද හදවතක් තිබීමයි ...🌹🌹

ධෙර්‍යමත් කිරීම යනු....ළග සිටින අනෙකාට අවශ්‍ය විට උදව් කිරීම සහ අපහසු කාලයේ අත් නොහැර ළගින් සිටීමයි...🌹🌹

ධෙර්‍යමත් කිරීම යනු...ඔබ ඔබව හදුනාගෙන ඔබේ යථාර්ථයට ඔබ විසින් ම පෙම් කිරීමයි..🌹🌹

ඒ සමගම...

ධෙර්‍යමත් කිරීම යනු...අනෙකා තුළ ඇති සුන්දර ,ධනාත්මක අද්විතීයභාවයට ද පෙම් කිරීමයි..🌹🌹

එවිට මෙය කියවන මොහොතේත් ගෙවෙන ජීවිතය සහ ඔබ වටා ජීවත්ව සිටින්නවුන්ද...

අවසානයේ ...
ඔබව හැර නොයන ලෙස...
පෙම් කරාවී........

එවිට එය අවසානයක් ම නොවී..
අලුත් ආරම්භයක්ම වේවි...
🌹🌹😊
සුව දිනයක් වේවා....
දෛවයම වෙනස් කරන දෛර්‍යවන්ත මිනිසුන්ට....

ආයුවර්ණ සුව බල ගැන්වීමක්...
වෛද්‍ය දිනේෂා වීරප්පෙරුම

Encouragement is.... inspiring each other to embrace life with enthusiasm ,courage and love..

Encouragement is ....a cup of tea and a listening ear..
Encouragement is... a warm shoulder in a cold world ..

Encouragement is...being loved for who you are....

Encouragement is...seeing the unique beauty in another person..

Good day to all...

Motivation speech by
Dr Dinesha Weerapperuma - Ayuwarna

29/06/2022

ජීවිතය යනු වාසනාවම නොවේ....
ඔබ කරනා අවංක කැප කිරීම සහ යමක් වෙනුවෙන් වන නිහතමානී මහන්සියයි..

අන් අයටත් උදව් කරමින් ...
ඉදිරියට යාමයි....

සරලවම ..
ජීවිතය යනු ..
අත් නොහරා අල්ලන් සිටීමයි...
එවිට හොදම දේ ඔබට ලැබේවි...
සුව දවසක් වේවා...

You do not need more luck...
You need more Hard work & persistence ...
Good day to all....

දැන් ඔබට වෛද්‍ය දිනේෂා වීරප්පෙරුම අතුරුගිරිය MediCaid රොහලේදී දිනපතා හමු විය හැකියි.

NOW AVAILABLE

👉 24 hrs Channeling service
👉 E channeling facilities
👉 Accomodation with foods
👉 With warm welcome

E channeling සේවාව සදහා ඔබට පහත link එක භාවිතා කළ හැකියි .

Now you can meet....
Dr Dinesha Weerapperuma
in MediCaid Hospital, Athurugiriya ....

E channeling available Now...
Ad·https://www.echannelling.com/
eChannel Doctor Appointments - eChannelling Now

Or
For appointments Call or Whatsapp
071 22 47 466
ඉහත දුරකථන අංක වලට අමතා ද Appointment වෙන් කර ගත හැකියි .

28/06/2022

මේ අමාරු කාලයට මුහුණ දීමට...
අප සැමට ශක්තිය ලැබේවා ....
(ඇත්තටම මේක අමාරුවේ දාපු, විහින් අමාරුවේ වැටුණු කාලයක්)

කොහොම වෙතත් ගිය නුවණ ඇතුන් ලවා වත් අදින්න බෑ කියනවා වගේ..
දැන්වත් සිහි නුවණින් ඉදිරිය ජය ගන්න...
ගෙවන සෑම මොහොතක් ගැනම කල්පනාකාරීව ඉන්න..

විශේෂයෙන්ම කුඩා දරුවන් සිටින දෙමව්පියන් දහස් වරක් ඔබේ දරුවා ගැන සැලකිලිමත් වන්න..

අසරණ වයසක දෙමව්පියන් හොදින් රැක බලා ගන්න..
ඔවුන්ට අවශ්‍ය ඖෂධ , ආහාර වර්ග ගැන සැලකිලිමත් වන්න...

දරුවන් ගේ පෝෂණ අවශ්‍යතාවය පිළිබඳ දෙවරක් සිතන්න..
මොකද රටේ කරුමය නිසා හය හතර නොදත් ඔබේ දරුවා මන්දපෝෂණයෙන් පෙලී අවසානයේ රෝගී දරුවකු නොවිය යුතුයි ...

ගර්භනී මව්වරුන් ඔබගේ ප්‍රසුතියට අවශ්‍ය ඇදුම් ,ආයිත්තම් ,ඖෂධ කලින්ම සූදානමින් තබා ගන්න..
ඔබගේ ගර්භනී අවධිය ගැන අවදානයෙන් සිටින්න..මේ දිනවල පවතින අධික මානසික ආතතිය , පෝෂණ ඌනතාව නිසා ඔබත් ඔබට ලැබෙන්න ඉන්න දරුවාගේත් කායික මානසික සෞඛ්‍යමත් බව ගැන සැලකිලිමත් වන්න...

විශේෂයෙන්ම ප්‍රරසුතිය ආසන්න ව සිටින ගර්භනී මව්වරුන් ට අවශ්‍ය උපදෙස්, හදිසි අවස්ථාව කදී රෝහලට යාමට අපහසු වී water bag එක කැඩීමෙන් නිවසේ හෝ වාහනයක් තුළ ප්‍රසූතිය සිදු කිරීමට වුවහොත් ඒ සදහා පෙර සූදානමක් සහ දැනුමක් ඔබට තිබිය යුතුයි ...
මිඩ් වයිෆ්ලාගෙන් සහ ගර්භනී සායන වලින් අවශ්‍ය උපදෙස් ලබා ගන්න...
පෙරටත් වඩා කළමනාකරණය 200% ක් මේ මොහොතේ ඔබට ඔබ වෙනුවෙන් අවශ්‍යයි...

නිවසේ සිටින ඔබ සියලු දෙනා සර්ප, කෘමි දෂ්ටන උවදුරු වලින් හැකි තාක් ප්‍රවේශම් වන්න.. ඒ නිසා කරුවල වැටුණු විට නිවසේ ජනෙල් දොරවල් හොදින් වසා තබන්න..
විශේෂයෙන්ම රාත්‍රී කාල වල විදුලි විසන්ධි වන විට..
ඔබගේ ගෙවත්තේ ඒ අසල විසකුරු සර්පයන් සිටිනවා නම් ඒ ගැන දැනුවත් ව එම ස්ථාන වලින් ඔවුන් හැකි ඉක්මනින් ඉවත් කිරීමට හෝ වග බලා ගන්න.. අන් අය දැනුවත් කරන්න..
මොකද සර්ප දෂ්ටන වලට ලබා දෙන බෙහෙත් සහ IV, Antidote ප්‍රතිකාර මේ වන විට ත් මේ රට තුළ නොමැත..

නිවසේ සිටින ඔබේ සුරතලුන් ගැන පවා ප්‍රවේශම් වන්න..
මොකද කුඩා දරුවන් පූසන් සීරීමෙන්,පත්තෑ දෂ්ටන වැනි සුළු අනතුරු වලින් පවා මිය යමින් ඇත..
නින්දට යාමේදී ඔබ නිදන ඇද, කොට්ට, මෙට්ට ,රෙදි වල සනීපාරක්ෂාව ගැන දෙවරක් බලන්න..
පාසල් යන දරුවන් සිටිනවා නම් සපත්තු පැළදීමේදී දෙවරක් පරීක්ෂා කරන්න..

විශේෂයෙන්ම කුඩා දරුවන් සහ මහළු ඔබේ දෙමව්පියන්ව , වැඩිහිටියන් ව හොදින් රැක බලා ගන්න..

උස් ස්ථාන වල වැඩ කරන විට ප්‍රවේශම් වන්න.. රිය අනතුරු ,හදිසි ශල්‍යකර්ම වලට භාජනය වීම අවම කර ගන්න..
ඉදිරියට ගිලන් රථ සේවාව ද රට තුළ අඩාල විය හැකියි ..

ඖෂධ නොමැතිව මිනිසුන් නිවසේ දීම මිය යාමටත් කුඩා බිළිඳුන් කිසිදු හව් හරණක් නොමැතිව නිවෙස් වලම උපත ලැබීමත් ඉදිරියේදී විය හැකියි ..

මොකද ඔබ පෙට්‍රල් හෝ ගෑස් පෝලිමක සිට එන විට තවත් නිහඩ මරණයක් ඔබගේ නිවස තුළ සිදු වී තිබිය යුතු නැත.

හැකි සෑම විටම වෛද්‍ය උපදෙස් පතන්න..
හැකි අයුරින් ඔබට උදව් කිරීමට සූදානම් ..

Motivation speech by
වෛද්‍ය දිනේෂා වීරප්පෙරුම - ආයුවර්ණ

24/05/2022

මත්පැන් පානයට ඔබ ඇබ්බැහි වී සිටිනවාද ??එයින් අත් මිදෙන්නට නොහැකි ද?මේ නිසා ඔබේ අක්මාවට වන හානිය මොන වගේ ද...ඇල්කොහොල...

Address

Maharagama

Alerts

Be the first to know and let us send you an email when Ayuwarna Virtual Pharmacy posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Ayuwarna Virtual Pharmacy:

Share