25/03/2026
අනිවාර්යයෙන්ම කියවන්න......
සමාජයේ ඉදිරියට යාමට හා සාර්ථක ජීවිතයක් ගොඩනගා ගැනීමට අධ්යාපනය ඉතාමත් වැදගත් මූලික ශක්තියකි. විශේෂයෙන්ම ගැහැනියක සඳහා දැනුම හා උගත්කම යනු ඇයගේ ජීවිතය ආරක්ෂා කරන, ශක්තිමත් කරන හා උසස් කරන ප්රධාන ආයුධයකි.
ගැහැනියක් කිසිම දිනක, කිසිවක් වෙනුවෙන් තම අධ්යාපනය හෝ රැකියාව අත් නොහළ යුත්තේය. දෙමාපියන් හෝ ස්වාමි පුරුෂයා "මට පුළුවන් කන්න අදින්න දෙන්න" යැයි සපථ කල පමණින් ඔබ තම රැකියාව අත් හැර දමා ඔවුන්ට කීකරු වෙන්න සිතන කෙනෙක්නම් මේ ප්රශ්න ඔබ ඔබෙන්ම අසන්න.
1. දෙමාපියන් මාගේ ජීවිතය අවසාන වනතුරුම වයසට නොයා ජීවත් වේවිද?
2. ස්වාමියා ජීවිතය අවසන් වන තුරුම තමාව අත් නොහරින බවට සහතික විය හැකිද?
3. ඔවුන් රෝග වුවහොත්, මිය ගියහොත්, විවාහය කැඩී ගියහොත්, දරුවන් සමග තනිවීමට වුවහොත්, ඔබ ජීවිතය ගැටගසා ගන්නේ කෙසේද ?
ඉහත ප්රශ්න වලට ලැබෙන පිළිතුරු ඔබට නිවැරදි තීරණය ගැනීමට උපකාර වේවි. ඔබ එවැනි ගැටලුවකට මුහුණ දුන් ගැහැනියක නම් ඔබේ අත්දැකීම පහතින් කමෙන්ට් කරන්න. එය තවත් ගැහැනියකගේ ඇස් පෑදීමට උදව් වේවි.
දැනුම ඇති ගැහැනියක් තම ජීවිතයේ තීරණ ගන්නා විට වඩාත් නිවැරදිව සිතා බලයි. ඇය අන් අය මත පමණක් රඳා නොසිට, ස්වයං විශ්වාසයෙන් යුතුව තමන්ට සුදුසු මාර්ගය තෝරා ගනී. මෙය ඇයට ආර්ථිකයෙන්, සමාජයෙන් හා මානසිකව ස්වාධීන වීමට උපකාරී වේ. එවැනි ස්වාධීනතාවයක් තිබීම ගැහැනියකගේ ජීවිතයේ ඉතාමත් විශාල ශක්තියකි.
ඊට අමතරව, උගත් ගැහැනියක් තම අයිතිවාසිකම් පිළිබඳ දැනුවත් වන අතර අසාධාරණයන්ට එරෙහිව සිටීමට ධෛර්යය ලබයි. ඇය සමාජයේ ගෞරවයට පාත්ර වන අතර අනෙක් අයටද ආදර්ශයක් වේ. දැනුම සහිත කාන්තාවන් බිහිවීමෙන් සමාජයම දියුණු වන අතර, තම පවුල් පද්ධතියද ශක්තිමත් වේ.
දියණියන්ට මේ සියල්ල පැහැදිලිව කියාදීම ඉතා වැදගත්ය. “ඔබට අධ්යාපනය ලැබීමෙන් ඔබේ ජීවිතය වෙනස් කළ හැකිය” යන අදහස ඔවුන්ගේ මනස තුළ ගොඩනගා දිය යුතුය. එය ඔවුන්ගේ අනාගතය සාර්ථක කර ගැනීමට ශක්තිමත් පදනමක් වේ.
අවසන් වශයෙන්, දැනුම යනු ගැහැනියකගේ සැබෑ බලයයි. එබැවින්, දියණියන්ට අධ්යාපනයේ සහ ඉපැයුම් මාර්ගයක් තිබීමේ වැදගත්කම නිරන්තරයෙන් මතක් කරමින්, ඔවුන්ගේ හැකියාවන් විශ්වාස කරමින්, ශක්තිමත් සහ ස්වාධීන කාන්තාවන් ලෙස වර්ධනය වීමට උපකාර කිරීම දෙමව්පියන්ගේ වගකීම වේ.
වෛද්ය සචිනි අත්තනායක
