23/09/2023
සමහන් හදන්නේ පැරසිටමෝල් කුඩු කරලා .මා දැනට වසරකට පමණ පෙර අසා තිබු ආකාරයයි .බොහෝ දෙනෙකු මෙය පැවසු නිසා මමද එය පිළිගනිමින් අන් අයටත් එය නොබොන ලෙස උපදෙස් දුනිමි . දිනක් මෙය මාගේ සොහොයුරෙකුට පැවසු විට ඔහු කොක් හඬලා සිනාසී පැවසුවේ එන සතියේ මම පොඩි වැඩකට සමහන් හදන කර්මාන්ත ශාලාවට යනවා ඔයත් එන්න මාත් එක්ක යනුවෙනි.
පැවසු පරිදි අප දෙදෙනා පුගොඩ පිහිටි ලින්ක් කර්මාන්ත ශාලාවට යන විට සවස 3 ට පමණ ඇත .පළමුව කාර්යාලයට ගොස් මා ඔවුන්ට හඳුන්වා දී ඔහු පැවසුවේ මෙයා කැමැත්තෙන් ඉන්නවා සමහන් හදන හැටි බලන්න. හරි මම සම්පුර්ණ ක්‍රියාවලියම පෙන්වන්නම් යනුවෙන් පැවසු සේවක මහතකු මුලින්ම අප රැගෙන ගියේ සමහන් සැදීම සඳහා යොදා ගන්නා අමුද්‍රව්‍ය පෙන්වීමටය .මෙය ඉතා ආරක්‍ෂිත සෞඛ්‍ය ආරක්ෂණ ක්‍රමවේද අනුගමනය කරන කර්මාන්ත ශාලාවක් වන අතර කර්මාන්තශාලාව තුලදී අපට හිස් වැසුම් හා වෙනම පාවහන් පැළඳීමට සිදුවිය . පැකට්ටුවේ සඳහන් වෙනිවැල්, සිරිතේක්කු, ඉඟුරු, පත්පාඩගම්, තිප්පිලි, වැලමි, කොත්තමල්ලි, කටුවැල්බටු, අරත්ත, ගම මිරිස්, සුදුරු. ඇතුළු සියලු දෑ එහි අසුරා තිබෙනු දැක ගැනීමට හැකි විය.
(කටුවැල්බටු වැනි ශාක ඔවුන්ගේ නිෂ්පාදනයට අවශ්‍ය ප්‍රමාණයට නොමැති බැවින් ඔවුන් කිවේ ඒවා ඉන්දියාවෙන් ආනයනය කරන බවකි . මෙම ශාඛ ශ්‍රී ලංකාවේ වැවීමට උනන්දු වන ගොවි මහතුන් උදෙසා ඔවුන්ගේ නය ව්‍යාපෘතියක්ද ක්‍රියාත්මක වේ .)
ඉහතින් සඳහන් කල සියලු බෙහෙත් ද්‍රවය යන්ත්‍රානුසාරයෙන් සෝදා වේලා ඔවුන් මුලින්ම කරනු ලබන්නේ ඒවා ඇලුමිනියම් උදුනකට දැමීමය .එය පීඩන උදුනක් වන අතර තෙරපීම නිසා අධික උෂ්ණත්වයක් උපදී. දැන් එම බෙහෙත් වල ඇති සියලු සාරය ඉතා උකු දියරයක් අකාරයෙන් උදුනෙන් පිටතට පැමිණේ .
මීළඟ ක්‍රියාවලියේදී සිදුවන්නේ එම දියරය අධික උෂ්ණත්වයක් ඇති තැටියකට විදීමය .තැටියේ වැදුණු මෙම දියරය පහතට වැටෙන්නේ කුඩක් ආකාරයෙනි .(spray drying)
දැන් සමහන් සාදා අවසානය මෙය පානය කිරීමට පහසු වීමට මෙයට සිනි ස්වල්පයක් මිශ්‍ර කරන අතර ඉන් පසු කුඩා පැකට් වලට ඇසිරී පිටතට පැමිණේ .
මෙම ක්‍රියාවලිය මා පැවසුවේ ඉතාම කෙටියෙන් වන අතර මෙම සියලු දෑ සිදුවන්නේ පරිඝනක ගතවී ස්වයන්ක්‍රියව යන්ත්‍රානුසාරයෙන් ය. මි ලඟට මා හට දැකගැනීමට හැකි වුයේ ලින්ක් සුදන්ත හදන ආකාරයයි .එහි ඇති ප්‍රධානම මුලද්‍රව්‍ය වන මැටි ඔවුන් ජර්මනියෙන් ආනයනය කරන අතර බෙහෙත් ටියුබයේ සඳහන් කර ඇති බෙහෙත් වර්ග සියල්ල දියරයක් කර එය නිපදවනු ලබයි .
දන් මා හට සමහන් ඇතුළු සියලු ලින්ක් නිෂ්පාදන ගැන ඇති සියලු සැක සංකා දුරුවී ඇත .
100% ශ්‍රී ලංකික අව්‍යාජ නිෂ්පාදනයකට මෙවැනි වැරදි ප්‍රචාරයක් ලැබුනේ කෙසේද ? මෙය පිටරටක නිෂ්පාදනය කළා නම් අපේ රටේ මිට වඩා අලෙවි වනු ඇත . මෙවැනි වූ බොරු කතා වලට හසු වුනු වෙනත් අව්‍යාජ ශ්‍රී ලාංකික නිෂ්පාදන තව කොතෙකුත් ඇතිද ? ඒවාට ප්‍රචාරයක් ලබා දීම හෝ මහජනතාව අතර විශ්වාසයක් ගොඩනැගීමට හැකි ප්‍රමිති ආයතනයක් තිබේද ?
සටහන - ජේ . ඒ . ඩී ප්‍රසංග
