FLFN Students' Union - Wayamba University of Sri Lanka

10/07/2025

සුදු ඇත් පැටවකුගේ ස්වරූපයෙන්
මව් කුස පිළිසිඳ ගත් සිද්ධාර්ථ කුමරුන්
පසුව නිර්වාණයේ උතුම් දොරටු සොයා
මහාභිනිෂ්ක්‍රමණය කළේත් අදවන් පින්බර ඇසළ පොහෝ දිනකයි.
පස්වග මහණුන්ට දම්සක් පැවතුම් සූත්‍රය දේශනා කළ අප මහා බුදුරදුන් මාතෲ දිව්‍යරාජයන් හට දහම් දෙසුවේ පින්බර ඇසළ සඳ
අභිමුවදීමය.
සම්බුද්ධ පරිණිර්වානයෙන් පසු පළමු ධර්ම සංගායනාවට ඉඩහසර වෙන්වූයේ
අදවන් ඇසළ පොහෝ දිනකදීමය

මේ පින්බර ඇසළ පොහෝ දිනයේ සියළු සත්වයන් හට පින් සිත් පහළවේවා, මෛත්‍රිය , කරුණාව පැතිරේවා..

පීඨ ශිෂ්‍ය සංගමය,
පශු සම්පත්, ධීවර හා පෝෂණ පීඨය,
ශ්‍රී ලංකා වයඹ විශ්වවිද්‍යාලය.

28/06/2025

15/06/2025

"අව්වේ මුතු ඇට වපුරා
ඒ මුතු පනමට හරවා
අපේ කුසේ ගිනි නිවලා නුඹ කුසගින්නේ
හිඳ හිනැහෙන්නේ අපෙ අප්පච්චී"

ආදරය හොරැහින් පෙන්වා සෙනෙහසේ සාගරයක කිමිදෙන්නට ඉඩ හැරූ,ලෝකය නැමැති පර්වතයේ මුදුනටම පියමනින්නට පිටුපසින් දෑතේ වීරිය සැපයූ,ගිනිගෙන දැවෙන ලෝකයක සුව යහනක අප සැතපූ, පුරුශයෙක් වේනම් පියාණනී ඒ ඔබ පමණයි. ඉතින් මගෙ ඇත් රජුනි මේ වැඳුම් පිළිගන්න ,දෑත් එක්කර වඳින්නෙමි -පීතු පාදං නමාමි.
ආදරණීය පියාණනී ඔබට සුභ පියවරුන්ගේ දිනයක් වේවා!

පීඨ ශිෂ්‍ය සංගමය,
පශු සම්පත්, ධීවර හා පෝෂණ පීඨය,
ශ්‍රී ලංකා වයඹ විශ්වවිද්‍යාලය

14/06/2025

ශ්‍රී ලංකා වයඹ විශ්ව විද්‍යාලයීය ,පශු සම්පත් ,ධීවර හා පෝෂණ පීඨ ශිෂ්‍ය සංගමය පළමු වරට සංවිධානය කළ සිසිල් බීම දන්සල පොසොන් පෝහොය නිමිත්තෙන් විශ්ව විද්‍යාලීය මාකදුර පරිශ්‍රයේදී 2025 ජූනි මස 10 වන දින සාර්ථව පැවැත්විණි .

10/06/2025

"සබ්බ පාපස්ස අකරනං
කුසලස්ස උපසම්පදා
සචිත්ත පරියෝදපනං
ඒතං බුද්ධානුසාසනං"

සියලු පව් නොකිරීමද
කුසල් ඉපිදවීමද සිය සිත පිරිසිදු කර ගැනීමද සියලු බුදුවරුන්ගේ අනුශාසනයයි.

පොසොන් පුර පසළොස්වක පොහොය ශාසනික වශයෙන් වැදගත් වූ පොහොය දිනයකි
☸️අනුබුදු මහාමිහිදු මහරහතන් වහන්සේ ප්‍රමුඛ ඉට්ඨිය,උත්තිය,සම්බල,බද්දසාල යන රහතන් වහන්සේලාත්,ෂඩ් අභිඥාලාභී සුමන සාමනේරයන්ද,භණ්ඩුක නම් අනාගාමී උපාසකවරයා යන පිරිස ධර්මවිජය පිළිබඳ අනගිතම පනිවිඩය මූර්ථිමත් කරමින් ශාන්තීය දූතයන් වශයෙන් ලංකාකවේ උතුරුමැද නිම්නයේ අනුරපුර මිස්සක පව්වට වැඩමකර බු:ව 236 දී ලක්දිව බුදුසසුන පිහිටුවීම.
☸️බුදු වී සිව්වන සතියේ රුවන්ගෙයි වැඩහිඳිමින් ධර්මය මෙනෙහි කරන බුදුරදුන්ගේ ශරීරයෙන් ප්‍රථම වරට සවනක් ඝණ බුදුරැස් විහිදීම.
☸️ලක්දිව ප්‍රථම මහණ උපසම්පදාව වන භණ්ඩුක උපාසක මහණ උපසම්පදාව සිදුවීම.
☸️ලක්දිව ප්‍රථම මහණ උපසම්පදාව වන භණ්ඩුක උපාසක මහණ උපසම්පදාව සිදුවීම.

ඔබ සැමට ධර්මාවබෝධයෙන් සිත් සතන් ආලෝකමත් වන පින්බර පොසොන් පොහොය දිනයක් වේවා!

පීඨ ශිෂ්‍ය සංගමය,
පශු සම්පත්, ධීවර හා පෝෂණ පීඨය,
ශ්‍රී ලංකා වයඹ විශ්වවිද්‍යාලය.

09/06/2025

" ආමිස පූජාවට වඩා ප්‍රතිපත්ති පූජාව උතුම් වේ"

ශ්‍රී ලංකා වයඹ විශ්වවිද්‍යාලයේ පශු සම්පත්, ධීවර හා පෝෂණ පීඨ ශිෂ්‍ය සංගමය විසින් පළමු වරට සංවිධානය කරනු ලබන " සිසිල් බීම දන්සල " ජූනි මස 10 වන දින එනම් පොසොන් පුන් පොහෝ දින සවස 02.30 සිට, මාකඳුර පරිශ්‍රයේ ,විශ්වවිද්‍යාල ප්‍රවේශය අසලදී පැවැත්වේ.ඒ සඳහා ඔබ සියලූම දෙනාට සැදැහැ සිතින් ආරාධනා කරමු.

පීඨ ශිෂ්‍ය සංගමය,
පශු සම්පත්, ධීවර හා පෝෂණ පීඨය,
ශ්‍රී ලංකා වයඹ විශ්වවිද්‍යාලය.

07/06/2025

යෝ චේ වස්සතං ජීවේ-අපස්සං ධම්මමුත්තමං
ඒකාහං ජීවිතං සෙය්‍යෝ - පස්සතෝ ධම්මමුත්තමං

යම් කෙනෙක් මේ උතුම් ධර්මය අවබෝධ නො කොට අවුරුදු සියයක් ජීවත් වෙනවාට වඩා මේ උතුම් ධර්මය අවබෝධ කරගෙන එක දවසක් ජීවත් වීම ශ්‍රේෂ්ඨයි...

මොග්ගලීපුත්ත තිස්ස මහරහතන් වහන්සේගේ ආගමනයෙන් පසු ලංකාව තුළ ආර්ථිකමය සංස්කෘතිමය කෘෂිකාර්මික වශයෙන් පිබිදීම් රාශියකට පරිවර්තනයක් සිදුවිය, එදා සිට අද වනතුරු ලංකාව තුළ පොසොන් දිනය සමරනු ලැබේ.

සීත පහස වලාකුළු අතරින් මුදුන් පැමිණෙන පුරා හඳක් සේ-වයඹ සරසවි බිමේ මියුරු බැති ගී පෙළක අපූර්වත්වයයි මේ..

වයඹ විශ්ව විද්‍යාලයේ පශු සම්පත්, ධීවර හා පෝෂණ පීඨයේ පීඨ ශිෂ්‍ය සංගමයේ පළමු වසර සහෝදරත්වය විසින් සංවිධානය කරනු ලබන

🎼✨ "මිස්සක පව්ව බොදු බැති ගී සරණිය" 🪔🎤🪷

මෙවර,
වසර 2568ක් වූ ජුනි මස 11වන දින සවස 5.00 සිට

ආහාර වේද හා පෝෂණ අධ්‍යයන අංශයේ ඉදිරිපිට
පැවැත්වීමට සියලු කටයුතු සූදානම් කොට ඇත..

ගීතයකට එහා ගිය බොදු බැති ගීයක රසය විඳින්නට පින්සාර සිතින් ගෙනෙන ආරාධනාවයි....

07/06/2025

🕋✨ලෝක වාසී සියලු මුස්ලිම් බැතිමතුන් හට දේව භක්තිය, ආදරය සහ කරැණාව පෙරදැරිකරගත්
සුබ හජ් උත්සවයක් වේවා!🌙✨

Heartfelt wishes to you and your family on the blissful Hadj festival! May Allah grant your wishes on this holy day! May he flood your life with happiness and joy with this Hajj! May this blessed time foster closeness in faith and devotion!✨

உலகெங்கிலும் உள்ள அனைத்து முஸ்லிம் சமூகத்திற்கும் அன்பான வாழ்த்துக்கள். அமைதி, ஒற்றுமை மற்றும் சுபீட்சம் அனைவருக்கும் கிடைக்கட்டும்!🪄🏮

පීඨ ශිෂ්‍ය සංගමය,
පශු සම්පත්, ධීවර හා පෝෂණ පීඨය,
ශ්‍රී ලංකා වයඹ විශ්වවිද්‍යාලය.

12/05/2025

සබ්බ පාපස්ස අකරණං- කුසලස්ස උපසම්පදා
සචිත්ත පරියෝදපනං- ඒතං බුද්ධාන සාසනං

අප මහා සම්බුදුරජාණන් වහන්සේගේ ඉපදීම, සම්‍යක් සම්බුද්ධත්වයට පත් වීම, සහ පිරිනිවීම යන උතුම් තමඟුල සිදු වූ අසිරිමත් වෙසක් පුන් පොහෝ දිනය අදයි.

එමෙන්ම, සුමේද තවුසාණන්, දීපංකර බුදු රදුන්ගෙන් නියත විවරණ ලැබීම, සිදුහත් කුමරු සතර පෙර නිමිති වල ව්‍යාධි රුව දැකීම, බුද්ධත්වයෙන් පසු බුදු රදුන් ගේ තෙවන ලංකා ගමනය සිදු වීම, ආනන්ද මහරහතන් වහන්සේගේ පිරිනිවීම වැනි ශාසන ඉතිහාසයේ වැදගත් සිදුවීම් රැසක් සිදු වූවේද, අද වැනි වෙසක් පුන් පොහෝ දිනකයි.

ශ්‍රී ලංකා වාසී සියලූම බෞද්ධ ජනයාට ඉතා වැදගත් පුන් පොහෝ දිනයක් වන අද දිනයේ, ආමිස පූජාවට මෙන්ම ප්‍රතිපත්ති පූජාවටත් මුල් තැන දෙමින්, දහමෙහි හැසිරීමට ඔබ සැමට හැකි වේවා!
ඔබ සැමට පින්බර වෙසක් මංගල්‍යයක් වේවා!

පීඨ ශිෂ්‍ය සංගමය,
පශු සම්පත්, ධීවර හා පෝෂණ පීඨය,
ශ්‍රී ලංකා වයඹ විශ්වවිද්‍යාලය.

11/05/2025

ඉඳලෝලු මත හීනියට
වැටෙන පිණි බිංදුවක් සේ....
කඳුළු කතාවල
අවසානයේ එකම සැනසුම නුඹයි
අම්මේ.....
වාරුවක් නැති පිය සටහන් වල එකම
සවිය සේ ....
කිරට හැරවුනු රුහිරයට
ලෙංගතුම කවිය
ඇයයි ලෝකේ...........

වේදනාවක අවසානයේ සිඟිත්තෙකුගේ රුව දකින්නට ඇයටත් නොදැනීම ගතේ රුහිරය කිරට හැරවුනානම් ඒ අම්ම යන ආදරණීය අකුරු තුනෙහිම පමනකිය..එදා සිට අද වන තුරුම අසීමාන්තික දුක සතුට කතා මැද්දෙන් අපිව ඉස්සරහට රැගෙන ආවෙත් අම්මාය .

" *අම්මට මොකද දවසක්-අම්ම කියන්නෙම සසරක්* "

ඉතිං, මේ තාක් දුරට ජීවිතය ඉගැන්වූ ලංකාවාසී ලෝකවාසී හැදූ වැඩූ සියළු මව්වරුනට ,ලෝක අම්මාවරුන්ගේ දිනයක්ම වේවා !!!!

පීඨ ශිෂ්‍ය සංගමය,
පශු සම්පත්, ධීවර හා පෝෂණ පීඨය,
ශ්‍රී ලංකා වයඹ විශ්වවිද්‍යාලය.

25/04/2025

රබන් සුරල් හඬ මැද්දේ
කොහෝ හඬයි පැතිරෙන්නේ
රතු එරබදු මල් යායේ
අවුරුදු සිරි ඉතිරෙන්නේ...!

වයඹ අඹරට හිරු දෙවිඳුන් වඩිනා වගයි!🌞

ශ්‍රී ලංකා වයඹ විශ්ව විද්‍යාලයීය, පශු සම්පත්, ධීවර හා පෝෂණ පීඨය මඟින් සංවිධානය කරනු ලබන, "FLFN සූර්ය මංගල්‍යය 2025" බක් මස 30 වන බුධ දින, පෙරවරු 7.30 සිට වයඹ විශ්වවිද්‍යාලයීය මාකඳුර පරිශ්‍රයේ දී පැවැත්වෙන වගයි.

ඒ සඳහා සහභාගී වීමට ඔබ සැමට කෙරෙන ගෞරවණීය ආරාධනයයි මේ!