10/09/2025
- CHANGE THE NARRATIVE
"සියදිවි නසාගැනීම් පිළිබඳ ආඛ්‍යානය වෙනස් කිරීම" ලෝක සෞඛ්‍ය සංවිධානය (WHO) සමඟ එක්ව ජාත්‍යන්තර සියදිවි නසාගැනීම් වැළක්වීමේ සංගමය (IASP) විසින් 2025 වර්ෂයේ තේමාව ලෙස යොදා ගෙන තියෙනවා.
තත්පරයක පමාව අපගේ ආදරණීයෙකුගේ අවසාන නිමේෂය වෙන්න පුලුවන්. පළමු හුස්මේ පටන්ම අප සියල්ලෝම දිවයන්නේ නොනවතින ජීවන තරගයක මංතීරු මත. ජීවිතයේ එක් එක් අවධි තුළදී අපි වේදනාව, සතුට, ජයග්‍රහණ, කලකිරීම්, පසුතැවීම්, පරාජයන් ආදී අභියෝග රැසක් අත්විඳිනවා. මේ එක එකක් සිනාමුසුව පිළිගැනීමට අපි සූදානම් වෙන්න ඕනා. නමුත් මිනිස් නිර්මිතයේ එකිනෙකාගේ දරාගැනීම් මට්ටම් විවිධාකාරයි. මේ තත්වය මත ගැටලුකාරී තත්වයන් හමුවේදී පුද්ගලයන් ඊට මුහුණදෙන ආකාරය විවිධයි. සහකම්පනයෙන් යුතුව එකිනෙකා වෙනුවෙන් වැය කරන්නා වූ තත්පරයක් වුනත් අකාලයේ මිලින වන ජීවිතයක් බේරාගන්න දායක කරගන්න පුලුවන්.
‼️ලෝක සෞඛ්‍ය සංවිධානයට (WHO) අනුව සෑම තත්පර 40කට වරක් කෙනෙකු සිය දිවි නසා ගන්නවා. එය සෑම වසරකම ලොව පුරා පුද්ගලයින් 800,000 ක් පමණ වෙනවා.
‼️වයස අවුරුදු 15 ත් 29 ත් අතර පුද්ගලයින්ගේ මරණයට ප්‍රධානතම හේතුවක් බවට මෙය පත්වෙලා තියෙනවා.
සියදිවි නසාගැනීම සම්බන්ධයෙන් සමාජයේ පවතින මිත්‍යා මත පිළිබඳ දැනුවත් වීම හා ඒවා බැහර කිරීමට කටයුතු කිරීම ප්‍රධාන වශයෙන්ම සියදිවි නසාගැනීම් වළක්වා ගන්න උපකාරී වෙනවා.
🚫සියදිවි හානිකරගැනීමේ සිතිවිලි ඇති පුද්ගලයකු සමඟ කතා කරන්න හොඳ නැහැ. ඒ සිතුවිලි තවත් වැඩි වෙන්න පුළුවන්.
මෙය තනිකරම මිත්‍යාවෙන් අනූනයි.එම පුද්ගලයා සමග ඍජුවම මේ සම්බන්ධයෙන් කතා කළ යුතුයි. එසේ කතා කිරීමෙන් කිසිවිටෙකත් සියදිවි නසාගැනීමේ සිතුවිලි උග්‍ර වන්නේ නැහැ. එය ඒ තත්ත්වයෙන් මිදෙන්නට විශාල අත්වැලක් සපයනවා
🚫සියදිවි නසාගන්න පුද්ගලයෙක් කාටවත් මේ බව කියන්නේ නැහැ.
සියදිවි හානි කරගත් පුද්ගලයින්ගෙන් 2/3ක් පමණ අනිවාර්යෙන්ම ඉඟියක් හෝ සංඥාවක් දෙනවාමය. බොහෝ දෙනා කරන්නේ එය විහිළුවට හෝ හාස්‍යයට ලක් කිරීම.
🚫සිය දිවි හානි කරගන්නේ මානසික රෝගීන්-
මානසික රෝගයක් වැළඳුන විට සියදිවි හානිකරගැනීමේ සිතුවිලි ඇති වීමේ ප්‍රවණතාවක් ඇති නමුත් සෑම පුද්ගලයෙක්ම සිය දිවි හානි කරගන්නේ මානසික රෝගයක් නිසාම නොවේ.ඒ සඳහා විවිධාකාර වූ අවදානම් සාධක ගණනාවක් බලපාන්න පුලුවන්.
🚫 එක් වරක් සිය දිවි නසා ගැනීමට උත්සාහ කළාට පසු නැවත යොමු වෙන්නේ නැහැ. එයා මට්ටු වෙලා ඉන්නේ.
මෙම මතය සාවද්‍යයි. එක් වරක් සියදිවි නසාගන්නට ගොස් නැවතුණු පමණින් ඔවුන් සිය දිවි නසා ගැනීමේ ප්‍රවණතාවය නැති වන්නේ නැත. එවන් පුද්ගලයකුගේ නැඹුරුව අන් අයට වඩා වැඩි වෙන්න පුලුවන්.
🚫 මැරෙනවා මැරෙනවා කියන තරම් මිනිස්සු මැරෙන් නෑ. ඔයකියන තරමට මැරෙනවා නම් දැන් හත් අට පාරක් මැරිලා උන්දලා…
ඔබත්,
* මම මේ සමාජයට, පවුලට බරක්.........
* මේ ප්‍රශ්නයෙන් ගොඩ එන්න මට වෙන කිසිම විකල්පයක් නෑ.........
* මම ඉන්නේ වෙන කිසිම කෙනෙකුට උදව් කරන්න පුලුවන් තත්ත්වයක නොවේ........
* අන් අයගේ වැරදිවලට මට මගේ ජීවිතයෙන් වන්දි ගෙවන්නයි වෙලා තියෙන්නේ........
* මම ජීවිතයෙන් හෙම්බත්වෙලා ඉන්නෙ, සදාකල්ම මගේ ජීවිතයම දුකක්.......
මෙහෙම ලතැවෙන කෙනෙක් නම්, මේ වගේ වචන ඔබේ සමීපතමයන්ගෙන් අහන කෙනෙක් නම් ඔබ වෙනුවෙන් පහත අංශ විවෘතයි.
✅ ජාතික මානසික සෞඛ්‍ය විද්‍යායතනය 1926 (Free Services)
✅ සුමිත්‍රයෝ 011 - 2682535 ( Free Services )
✅ CCC Line 1333. ( Free Services )
✅ රෝහල් හා ප්‍රාදේශීය ලේකම් කාර්‍යාලවල සිටින උපදේශක මහත්ම මහත්මීන්
💬StArT ThE CoNvErSaTiOn
Mindwell Counseling Center
